satsang kaa phal

ek baaii thi..mathuraa se brindaawan jaa rahi thi..mathuraa me oil ka filter plaant hai to wahaa tanker bahot hote..tanker to andhi daud se road par daudate..to baaii ki gaadi ko aisaa takkar lagaa ki 2 bachche mar gaye, pati mar gayaa aur driver mar gayaa..charo ke chaaro ekdam kuchal gaye..baaii pichhe baithi thi..to baaii ki god men ek anaath bachchaa tha, jhopadiwaali ek baaii mar gayi thi us kaa anaath bachchaa is baaii ki god men thaa..us anaath bachche ko kuchh nahi huaa..lekin baaiii ko aisi chot lagi thi ki 3 facture ho gaye.. ab dukhad ghatanaa to baahar ghati lekin baaii satsangi thi..aagraa ke aspataal men ek saal tak bharati rahi..sidhaa padaa rahenaa..uthanaa nahi, baithanaa nahi, hilanaa nahi..sab eki beki jo bhi kuchh hai sab soye soye… ..kaisi dukhad awasthaa! lekin baaii ki chehare par badi khushi raheti…

baaii kaa pati, betaa, driver sab log accident me mar gaye..bai ko aisi maar lagi ki chal nahi sake, baith nahi sake.. ek saal tuk aagraa ke aspataal me padi rahi..log bolate , ‘tum  itanaa satsang kiyaa, kyaa phayadaa?’
bai boli, ‘satsang karane kaa ye phal milaa ki maine apane pati ke aatmaa ko aur bachcho ki aatmaa ko  sadbhaavanaa diyaa,  ye phal hai.. aatmaa amar hai, sharir maraa hai, aatmaa ko prabhu se milaakar chaityant paramatmaa ko paa lo..aisaa sadbhaavanaa maine un ko diyaa ..ab ve bhatakenge nahi..mai ek saal bistar pe padi rahi,aap log milane aate aur mai apanaa dukhadaa roti to  aap ko dukhi karati.. satsang kaa gyaan nahi hotaa to  aatm hatyaa karati aisi dukhi hoti…lekin satsang aur gurumahaaraj ki krupaa se  bhari dukh me bhi bahagavan ki krupaa ki yaad dilaayi.. jaise maa bachche ko naak daboch ke saph karati.. sabun lagaati.. ragad ragad ke nahelaati to bachche ko dukh lagataa lekin maa to bachche kaa bhalaa karati… maa jo bhi karati bachche ke bhale ke liye karati aise hi bhagavaan yash dekar utsaahi banaanaa chaahate hai…dhan dekar daani banaanaa chaahate hai…abhav dekar tyaagi aur sanyami banaanaa chaahate hai..
maa puchkaar karati to dayaa karati aur  daantati to bhi krupaa hi karati aise bhagavan ki bhidayaa aur krupaa hi hum par barasati chaahe sukh ho yaa dukh ho…bai ke paas pati nahi, paisa nahi, betaa, nahi..phir bhi dusare kaa dukh harane me  saphal ho rahi.. dusare kaa dukh haranaa badi sewaa hai..

bhagavaan ne awataar liyaa to yashodaa maiyya se ulkhali ko bandh gaye… to bhagavaan ne maa ki mamataa ko mahatv diyaa… badi bhaari krupaa kiyaa…

bhagavaan ki kitani krupaa hai ki
-manushy janam diyaa
-janamate hi maa ke sharir me dudh banaayaa..maa ke sharir me dudh to bhagavaan ki aatm-satta se hi banataa hai..
-shradhdaa di ..shradhdaa ke binaa manushya to pashu se bekaar hai..pashu ko to beti bete ki chinta nahi, tax ki chintaa nahi, nindaa stuti nahi, eki-beki ke liye shauchaalay khoje… pashu to chalate chalate karegaa..to shradhdaa ke binaa to aise pashu se bhi bekaar jeevan hogaa..
– aur bhagavaan ki sab se badi krupaa ye hai ki jaagrut hayaat sant ki shradhda dekar bhagavaan ne apani krupaa ki paraakaashthaa kar di hai!
satsang se sukhi aur prasann hote jaate..

dusare kaa dukh haranaa ye badi sewaa hai..satsang se ye samajhate..maan lo mai garib hun, saamane kisi ka betaa yaa patni chali gayi..to mere paas us ko madad karane ke liye,us kaa dukh dur karane ke liye mere paas paisaa nahi, sahaayataa karane ki shakti nahi..phir bhi mai us se milu aur kahu ki, ‘meraa beta aap kaa hi hai…aap kaa  dukh to bahot hai, lekin mai bhagavaan ko prarthanaa karataa hun ki jaanewali ki sadgati ho,shaanti mile….mai to satsang se jo sunaa vo sujhujh de sakataa hun ki dukh haari bhagvaan ki lilaa samajho’..
to  mere shabdo se us kaa dukh dur huaa ye badi sewaa ho gayi…
aur koyi niguraa aadami aisi vyakti ke paas jaaye aur bole ki, ye to hotaa rahegaa..bhul jaao… khaao piyo majaa karo… to dusare kaa dukh badhaa degaa …
jeevan me satsang hai to dusare kaa agyan dur karanaa,dusare kaa dukh dur karanaa, dusaro ko musibat me sahi raastaa dikhanaa,chintaa dur karanaa  ye badi sewaa hai.

ॐॐॐॐॐॐॐॐॐॐॐॐॐॐॐॐॐॐॐॐ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: