Kaartik poonam Guruvaani

11 Nov. 2011; Subah- Gurgaon.

 

 

Hari…. om……

 

 

kabir karani aapani

kabahu na nishpahal jaaye

saat samundar aadaa pade

mile aage hu aaye

 

kare buraayi, sukh chaahe

kaise paawe koye

rope ped babul kaa

aam kahaa te hoye

 

apane apane karmo ke dwaaraa aadami apani apani  sidhdi paataa hai.. karm bramhagyaani sadguru ke maagadarshan me ho to param sidhdi paa letaa hai..

snan, jap, dhyan aadi nitya karm hai, surygrahan, shraadhda aadi naimittik karam hai…dharm anukul hai vo vihit karm hai..man men aayaa waise kar liyaa ye nishidhd karm hai…nishidhd karm ho to vo aap ko nishidhd awasthaao se pasaar karate hi  hai , chaahe 7 samundar aade aa jaaye to bhi us ke phal bhogane padate hai…aise hi  bhagavatiy karm ke phal awashyamev hotaa hi hai…jaise  7 baar hari ke naam ke saath omkaar kaa uchchaaran kiyaa to bramhaandiy urjaa ke saath aap  ekaakaar ho jaate..ye awashyamev phal hai..

durbudhhi  se dushkarm hote hai aur sadbudhdi se satkarm hote…

isliye naanak ji kahete :

 

bhay naashan durmati haran

kali men hari ko naam l

 

 

naanak ji kahete hari naam durmati har lete..satbudhdi se satkarm hote aur saatvik karm saphal hone se jigyaasaa paidaa hoti hai ..aatm gyaan paane ki jigyaasaa se nishkaam bhaav hotaa..nishkaam karm hone se karm yog ho jaataa hai.. karm yog se aatm vishranti men sthiti hone lagati..aisaa karm yog  un ko gyaan yog me le jaataa… gyaan yog saadhak ko param pad men pratishtit kar detaa hai ! kitanaa sundar upaay hai !!

 

manmaane karm dhire dhire patan ki aor le jaate.. dushkarm karaate hai…marane ke baad nichi yoni me le jaate.. man maane karm karane se nich gati ko praapt hote..isliye karm karate samay saawadhaan rahe..kartaa ko nishidhd waasanaa hai to vo karm der-saver nich yoniyo me le jaataa hai.. nishidhd arthaat na karane yogya karm ..man maani waasanaa ke kaaran nishidhd kar liyaa to us ke phal se bach nahi sakate…saadhak hai, nishidhd karm nahi karataa, bachane ki koshish karataa hai phir bhi kabhi phisalaahat se nishidhd karm ho gayaa to iishwar se guru se kshamaa yaachanaa kare aur phir se galati naa karane kaa vachan dekar nishidhd phal se  bach sakate hai..iishwar srushti me satshishyon ko kshamaa milati hai..saadhak ko nishidhd karm se sarvathaa bachanaa chaahiye aur shubh karm kar ke bhagavaan ko arpan karanaa chaahiye..bhagavaan shubh karm le lete aur un ki krupaa se saadhak ko ashudhd karm karane ki ruchi nahi hoti….paramaatmaa ke dhyaan, gyaan men rahenewaalaa karm yogi nitya navin ras barasaaye aisaa mahaa purush ban jaataa hai..

 

jo ku-karm karate un kaa aatmaa naalat detaa hai, us ko koyi rok nahi sakataa..baarish se to chhaataa bachaa legaa lekin antaraatmaa ki naalat se kukarmi ko koyi nahi bachaa sakataa…

 

marate samay 4 pidaa hoti hai..ek sharirik pidaa, dusari pidaa kartaa se koyi na karane waalaa karm, galati ho gayaa ho us ka paschaataap ki pidaa, tisaraa koyi priy hai jaise betaa, beti, makaan, dukaan, dhan aadi to us men jaan atakati hai to bahot pidaa hoti hai …aur chauthi pidaa hoti hai ki marane ke baad kyaa hogaa, kahaan jaayenge is kaa bhay..

 

to shaaririk pidaa sharir ke praarabdh yog se hoti hai…dusari pidaa ki huyi galati kaa paschataap jaise aurangjeb ko us ke bhaai darashiko ki hatyaa aur pitaa shahaajahaan ko sataane ki galati ne marate samay bahot tadapaayaa..tisari pidaa hai ki kisi chij, vastu yaa vyakti me priy bhaav hone se marate samay pidaa hoti hai..jaise jaypur ke ek pariwaar ke paas ek saadhu pustako ki gathari chhod gayaa ki haridwaar ke kumbh se laut kar waapis le jaaungaa..bahot mahine bit gaye, haridwaar ka kumbh puraa ho gayaa ..jab mahaatmaa nahi laute to dusare mahaatmaa aaye shaher men..un ko us pariwaar ne puchhhaa to bole, ‘haan un ko main jaanataa thaa’..to us pairwaar waalon ne  bataayaa ki vo mahaatmaa hamaare ghar thaherate, un ki kaashaay vastr ke kapade ki gathari padi hai ..ham to us ko un ki amaanat samajhate.. baabaa aap hi kholiye…to dusare mahaatmaa bole ki, ‘un ko main jaanataa un ko kumbh ke mele me dast huye , un ka sharir wahaa hi shaant ho gayaa’ ..gathari kholi to  pustako me se kuchh sone ki asharfiyaa mili aur ek saap nikalaa… baabaa samajh gaye ki us  saadhu ko marate samay is ka chintan huaa isliye saap ho gayaa..marate samay jaisaa chintan waisi gati hoti hai….marate samay iishwar ka chintan karate to iishwariy gati hoti..

 

marane ke baad kahaa jaate ye bhay 4 tha bhay hai..rani elizabeth is ke bhay me mar gayi bechaari… jivan men satsang milaa hotaa to marate samay bechaari dukhi nahi hoti..

(pujyashri bapuji ne apani naaniji kaa anubhav sunaayaa:  satsang aur mantra dikshaa se saadhak ko mrutyu samay kisi bhi prakaar ki pidaa nahi hoti..pujyashri baapuji ki naani sant tehuraam ji mahaaraj se mantr dikshit thi..mar kar yamlok men naani ji gayi to wahaa dam maar kar puchhaa ki maine omkaar waalaa mantra liyaa hai, phir mujhe yahaa kyun laaye?..yamaraaj ne dekhaa ki hemibaaii phumal ki badale naaniji hemibaai premchand ko yamdut uthaa ke laaye hai..to yamlok se naaniji waapas aayi aur jindaa hokar us ke baad 39 saal tak jivit rahi!naani ji ko marate samay in 4 pida men se koyi bhi pidaa nahi sataayi thi..mantr dikshit saadhako ko marate samay 4 pidaaon mes se koyi bhi pidaa nahi sataati hai aur marane ke baad narak men bhi nahi jaanaa padataa;galati se chale gaye to naaniji ki tarah himmat dikhaa kar apane ko bachaa lenaa hai..)

 

guru naanak ji kahete :

bhay naashan durmati haran kali men hari ko naam l

nishi din naanak jo jape saphal hovayi sab kaam ll

 

hari naam japane se sab kaam saphal hote…sab kaam kaa matalab kyaa hai ki sab kuchh karate-karaate iishwar ko paaye..pashu yoni me naa jaaye, pret ho kar naa bhatake..

abrahim linkan white house men pret hokar ghumate,musolin ka pret jheel ke kinaare bhatak rahaa, elizabeth dukhi ho kar mar gayi..daani samraat raja nrug marane ke baad kirkit ho gaye..mithilaa kaa raajaa ajj marane ke baad ajagar ho gayaa..

 

 

om om om mere pyaare om..om om om om mere pyaare hari om..prabhu om..guru om om om …

 

guru maane jo laghutaa se upar uthaa letaa.. isliye bhagavaan ka naam guru bhi hai…

 

( bahot sundar omkaar sankirtan ho rahaa hai ..)

 

 

 

om om om …budhdi vilakshan lakshano se sampann hogi..

 

 

budhdiyog ki mahima aaparampaar hai…

 

tikshn budhdi waale vakil jaj aadi loukik kaam karate to wahaa saphal hote, lekin  iishwar nahi milate… tikshn budhdi hai aur iishwar ko nahi chaahate to jeevan vyarthy ! lekin tikshn budhdi ke sath iishwar ko chaahate to sone pe suhaagaa!!

 

budhdi jivi budhdi se budhdimaan kahelaataa..jober ban ke athavaa loukik kaamon men budhdi jivi budhdi bech kar aakhir khatam ho jaataa hai.. shrikrushn bolate : mujhe priti purvak sumiran karo to main us budhdi men budhdiyog de detaa hun..

 

 

aap iishwar me hote to aap ka kaam iishwar kisi ko prerit kar ke pura karate athavaa aap ka rup lekar puraa kar dete..(pujyashri baapuji ne gopinath reserv bank ka cashier gopinaath ke satya anubhav ka drushtaant diyaa)

 

 

 

bhaav se praarthanaa 9 baar repeat hoti to iishwar ko praarthanaa pahunchati hai..bhagavaan sarv bhaashaa jaanate… bhaav se kaun si bhi bhaashaa samajhate… khaali tum ummm ummm bhi karate to bhi samajhate..

 

shaashriy karm ho, vihit karm ho,  vikarm – man maane a-karm jo galat bhaav se kiye jaate to koyi bhi karm ho karm karanewaale ki budhdi agar karm ke phal men lagi hai to phal hogaa… bhagavaan men lagi hai budhdi to karm ka phal nahi milegaa..

jeev ke karm agar saatvik hai to saatvik phal milataa, vo jeev marane ke baad dev yoni me jaataa.. raajasi karm hai to vo manushy yoni me aataa… taamasi karm hai jaise waah waahi ke liye daan punya kiye to raajaa nrug ke naayi kirkit banataa, nich yoni men jaataa..sab kuchh jaanaewaale anjaan hokar puchhate ki kya naam kya kaam hai..

 

 

apane karm ko aisaa karo ki bhagavan ke priti me le jaaye..

 

 

kabir karani aapani

kabahu na nishpahal jaaye

saat samundra aada pade

mile aage hu aaye

 

kare buraayi, sukh chaahe

kaise paawe koye

rope ped babul kaa

aam kahaa te hoye

 

hari ooooooooommmmm hariiiii oooommmm

 

 

mathuraa ke paas ek chotaasaa gaav thaa..ek bimaar yuwak tha.., us ki patni aur yuwak ke pitaa ne us yuwak ki bahot sewaa ki, upaay kiye..pita ne dhan lutaayaa lekin kuchh nahi huaa…aakhir pita thak gayaa tab yuwak ne kahaa ki amuk amuk gaav men phalaanaa vaidya hai us se sadhe 3 rupiye ki davaa mangaa lo….pitaa me us vaidya se saadhe 3 rupiye ki davaa mangavaayi..2-3 ghante bite … baap ne kahaa, ‘ab kaisaa hai?’

yuwak jor se hansaa… aakramak rukh se bolaa, ‘kaisaa hai dekh lo…teraa meraa lenaa-denaa puraa ho gayaa.. ab budhaape me rote rahenaa.. agale janam  men tum luteraa the.. mai ghodi par sawaar hokar jaa rahaa thaa..tum ne meraa raastaa rokaa..ghasiyaare ko daat chadhaayi aur us ki ghaans ki gathari  ghodi ke aage daal di..to wahaa ye ghodi (is janam men yuwak ki patni) ghaas khaane me lagi …wo hi ghodi bahu ho kar aayi.. meraa saaraa dhan tumhi ne lutaa..isliye tumhaaraa saaraa dhan mere par lutaa…ghasiyaare ko vo ghaans bech kar sadhe 3 rupiye milate; ab is janam men vo hi vaidya ho kar baithaa hai..us ke saadhe 3 rupiye dilaa diye…..aur lutere ab tu rotaa rahe.. ye bahu bhi roti rahe..laalach men aa kar ghaans khaati rahi, ab ghodi tum ghaas khaati rahenaa..main to chalaa..’

 

yuwak hameshaa ke liye shaant ho gayaa..

 

iishwar ki srushti me pakki vyavatsha hai…  sundar vyavastaha hai..

 

mere pitaaji kahaa janame, kaise hai mere ko pataa hai..

(pujyashri baapuji ne iishwar srushti ki ye sundar vyavasthaa spasht karane ke liye sadanaa kasaayi ki kathaa sunaayi )

 

 

 

parishtityaa baahar se aati hai jaati hai prarabdh veg se aati hai prakruti ke niyam se aati hai.. athavaa iishwar hamaar evikas ke liye bhejate hai..

 is ka phayadaa uthaanaa chaahiye..

sansaar dukhaalay aur dukh hari drashtaa hai.. sanyami, sadaachaari aur sanskaari ban kar jina..sansaar to sarakane waalaa hai..garmiyaan ruki nahi, barasaate ruki nahi.. sardiyaa rukegi nahi..bachapan aayaa-gayaa, jawaani aayi-gayi… sadaa kuchh nahi rahenewaalaa… jo bit rahaa us ko jaananewaalaa chaityany sadaa hai..vo chaityany aatmaa tum ho…us men rahoge to dukh kuchh bigaadegaa nahi…sukh khokalaa karegaa nahi..

..aane-jane waale dukh-sukh  ko pasaar hone do… dukh ka upyog kar ke saawadhaan ho jaao; sukh ko bahuto men baat kar udaarataa men upyog karo..to aatmaa kaa gyaan ubharegaa..

 

aatm laabh se badaa laabh koyi nahi..

aatm sukh se badaa sukh koyi nahi;  us ke paane ke liye hi hamaaraa janm huaa hai..amar aatmaa ko paane ke liye hi hamaaraa janm huaa hai..

 

mahaan naari mahila padhegi aadami padheagaa to jhagadaa hogaa ghar men..

 

parv ke din jap karanaa ..

 

raat ko sote samay ajapaa jaap aur subah uthate hi thoda dhyan karanaa..

 

 

om shanti.

 

SADGURUDEV JI BHAGAVAAN KI MAHAA JAYJAYAKAAR HO!!!!!!

Galatiyon ke liye Prabhuji kshamaa kare…

 

 

Advertisements
Explore posts in the same categories: Pujya Bapuji

One Comment on “Kaartik poonam Guruvaani”

  1. Ravi Says:

    can we have in hindi letters. ?


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: