Dev diwaali Vadodaraa Satsang

9/11/2011; Vadodaraa(Guj.)

 

 

sukh ke liye sabhi prayatn karate.. 2 prakaar kaa sukh hotaa hai… dekh ke rup ka sukh,sun ke , swaad chakh ke , sparsh se aalingan, vikari indriyo se sukh is ko vikaari athavaa sansaari sukh bolate..sansaari sukh arthaat ye  dekhate dekhate sarak jaata hai.. lover lovery dikhate, kisi baat pe ad gaye to jhagadaa ho jaataa aur sukh khatam… athvaa sambhog  ke sukh bhog ke murde ke naayi pade rahe to sukh khatam.. ye saare vishay vikaari sukh hai..sarakate…jaise patangaa diye par prem karataa to  galat jagah par prem hai.. mar jata hai.. sukh to hai lekin badale men tadap milati hai.. is ko vishay vikaari sukh bolate..

vishay kitane hai ?  5  hai..dekhane ka,  chakhane ka,, gane bajane ko sunane ka, sharir ko sparsh karane ka sukh …

sparsh tvacha ka, rup aankho ka, gandh nasika ka, swaad jivhaa kaa, aur shravan ka kaano  ka sukh ye vishay sukh hai.. in panch vishay ko bhogane me chhote chhote jiv bhi nipun hai manushya se..chinti ret men se shakkar kaa daanaa chun leti hai…machchar ko kahaa boring karanaa hai ye class me jaa kar nahi

sikhanaa padataa .. chhote se chhote praani bhi vishay bhog men nipun hote hai ..jaise kuttaa kutti, chakawaa-chakawi aadi bhi vishay bhogane men manushy  se jyaadaa nipun hai.. bakaraa ek din men 40 bakari ko bhog sakataa hai.. manushy 40 mahilaao ko bhoge to us ki kya durdasha hogi..

 bhavaraa sugandh ka sukh lene ke liye kamal me jata.. sandhya ho gayi nikalataa hun karate karate kamal me hi padaa rahetaa hai..suryaast ke baad kamal apani pankhudi band kar lete..subah hote hi vany prani aa ke  kamal ko kuchal dete us me bhavaraa mar jata hai ..machhali swaad ke sukh ke liye kundi me

phans jaati aur  jaan gavaa deti hai ..

 

patange diye me sukh khojata aur jaan gavaa deta hai.. ali matalab hiran ko shikaari pakad letaa hai ..tulasidaas ji kahete hai :

 

ali patang mrug min gaj

ek ek ras paanch

tulasi un ki kavan gati

 jin ko vyaape paanch

 

 

khadde par ghaans phus daal kar kapade ki haathini banaa kar haathi ko  phasaayaa jaataa hai..haathini ko dekh kar kaam se pidit haathi khadde men gir

padataa phir us ko pakadate..

 

aise hi manushy bhi vishay vikaaro se pidit hokar akaal mrutyu se tabaah hote..

 

shrikrushn subah subah van gaman karane jaate..van bhojan karate..shaam ko waapas loutate.. saaketi, krut varmaa, balaraam aadi bhojan ke baad  lataar

maarane jangal me gaye to ek sukhe kuwe me  dekhaa ki ek kirkit jhatapataa rahaa hai…shrikrushn ki krupaa drushti padi to kirkit kaa praan nikalaa…

 

devataa ke rup men us ki jiv jyoti pragat huyi..gwaal gopon ko  jagat ki polpatti samjhaane ke liye shrikrushn divya sharir dhaari jiv jyoti ko haath jod ke kahate ki, ‘ham gwaal gop ke bich pragat huye hai …aap ke darshan se sab prasnn ho rahe.. agar ham sunane ke yogy hai to aap sunaayiye aap apanaa parichay dijiye..’

kaisi madhur waani hai ki ‘agar ham sunane ke yogy hai to aap sunaayiye’..is prakaar namrataa bhari waani se saamanewaalaa bolane men baadhya ho jaataa hai..

 

kauwaa kaa kaa dhan hare

koyal kaa ko det?

mithi waani bol ke

jag apanaa kari let ..

 

main aap ko bhaashan sunaau to aap ko vah aalhaad aanand nahi aayegaa..aap ki wah unnati nahi ho sakati jitanaa divya sukh rup paramaatmaa me gotaa maar ke

 

sab ka mangal chintan kar ke  paramaatma ki prti men naachataa, nachaataa hun to mera sang divya ho jaata hai.. is satsang ke liye aap ghanto intjaar karate

hai..

 

ek vishay sukh hai aur dusaraa?….bataa dun….( anupam shaanti…)

 

abhi mai kuchh bol nahi rahaa hun phir bhi aap ko achhaa lag rahaa hai ….jaane ka man nahi hotaa..is ko divya sukh bhi bolate, chinmay sukh bhi bolate..

 

chinmay men shaant hote to netr ki aoraa se chinmay satta ki shant sukhad jahaa vaani nahi jaati wah divyataa waataavaran men chhaa jaati hai ..aap jis ke

liye ghar ke sare sukh suvidhaa chhod kar ahantaa mamataa chhod kar baithe rahete ye sansaari sukh nahi;  is ko divya sukh, chinmay sukh bolate..

 

 

 

mai jab amerikaa gayaa tha to shikaago ke ganesh temple men pravachan tha…mere jaane se pahele wahaa raman maharshi padhaare the..raman maharshi ke divya aouraa se pulakit hokar  moraaraji bhai desaayi amerika me bole the ki.. ‘mai pradhaan mantri, vitt mantri pad kaa upayog kar chukaa hun… lekin jo raman

 

maharshi ke charano me shanti mili  is kaa anubhav pahele kabhi  nahi milaa thaa…’

moraaraji bhai is ko shaanti bole , is ko chinmay sukh bhi bolate…

 

 

 

kayi pradhaan mantri mere se mile jule the …devi gaudaa to aise dandavat karate ki jahaa pranaam kiyaa wahaa paas men naali bahe rahe thi ..to ye baahar se dikhataa hai ki aisaa hai lekin aantarik chinmay sukh ke aage us ki koyi mahattaa nahi raheti..

 

 

aap ko ghar me jagah nahi thi isliye yahaa aa ke baithe hai kya? kayi rupiye, samay kharch kar ke door door se yahaa aaye hai ..kyaa mil rahaa hai?..sansaar

ke sukh ke sivaay kaa jo sukh mil rahaa hai us ke liye yahaa aaye hai… jo netaa food packet dekar bhid ikaththi karate, 25 laakh kharch kar ke bhi bhid

ikaththa karanaa un ke liye bhaari musibat ho jaata hai ..aur yahaa laakho laakho aadami apanaa samay aur paisaa kharch kar ke aate to ye divya sukh ke liye

aaye hai..

(pujyashri ne om om om om karaate haath upar kar ke haasya karaayaa)

 

ghar men, bajaar me, office men bhi aap hasate honge lekin ye chinmay hansi hai..

 

 

to shrikrushn bole , ‘devataa purush aap yahaa padhaare… agar ham sunane ke yogya hai to bataayiye…

 

to vo pragat divya jyoti se waani pragat huyi ki , ‘hey achyut! hey  govind! hey maadhav.. daamodar..’

ek ek shabd ki taatvik divya mahimaa hai…

 maadhav..maadhav maane  pruthvi me jo madhurataa chhupi  hai..jo ganne men mithaas bhar deti hai ..us sattaa kaa jo adhishtaan hai  vo hai maadhav … us vyaapak madhumay ko bolate maadhav… har jagah jo maujud hai vo hai hari ..laghutaa se jo upar uthaa dete, unnat kar de vo hai guru.. isliye bhagavaan aur

 

guru ki murti ek saath rakhate hai..kayi jagaho  men to bhagavaan ki murti se bhi guru ki murti upar hoti hai ..kyo ki gurur bramhaa, gurur vishnu , guru maheshwar hai lekin guru ko saakshat parabramh bolate, kyo ki guru hi kewal aatm shaanti dilaate.. us shanti se chinmay sukh banataa… jis se paramaatm

 

shaanti hoti hai..parabramh paramtmaa jyo ka tyo hai.. us ko achyut bolate…jo  rom rom ramataa vo hi raam hai …shridharam maadhavam gopikaa vallabham…jaanaki naayakam raamachandr bhajet..

to vo pragat divya jyoti se waani pragat huyi ki , ‘hey achyut! hey  govind! hey maadhav.. damodar.. mai pruthvi ka ek prabhaavshaali raajaa thaa.. abhi bhi

mere naam ki dankaa gunj rahi hai..aisa alankaarik varnan log karate ki aasaman ke taare gin sakate lekin maine kitane gaaye daan ki nahi gin sakate..aaj tak

mere naam kaa  yash gaayaa jaa rahaa hai…hey achyut…’

 

achyut maane jyo kabhi apane sthaan se chyut nahi hotaa..sadaiv jyo kaa tyo…

 

sanaatan sankruti men baat  baat men chinmay swabhaav kaa varnan hotaa hai ki ham baar baar chinmay sukh ki aor jaaye….us ki smruti kaa uddesh hai apani sanskruti men..

 

aur kisi sankruti men ye najariyaa nahi dikhaayi detaa… ‘god bless u’ bol dete bas..

 

‘yashaswi raajaaon me meraa naam hai..

shrikrushn ne kahaa : ‘kya aap raja nrug ho? tum kirkit?’

haa maadhav ..maine ye sansaar ko mera aur sharir ko main maan kar khub sukh vishay bhogaa, us ka parinaam kayi gandi yoniyo men bhatakanaa padaa.. ab kirkit yoni me aayaa hai..’

 

aap galati ki khaayi me nahi padanaa… sukh-suvidhaa  kaa aushad ke naayi upyog kare..maithun karate to vishay vikar ke liye nahi; santaan utpatti karane ke

liye kare aur amaavasyaa, poonam ko to galati se bhi nahi kare.. amaavasyaa, poonam, ashtami,ekaadashi, chaar mahaaraatri ko sansaar sambhog nahi karanaa

 

chaahiye.. sury grahan, janm divas aadi pavitr dino par pati patni ka sparsh nahi karanaa chaahiye…

aise logo ko jaan lewaa bimaari hoti hai, santati huyi to vikalaang santati hoti hai …

videshon men vikalaango ki sankhyaa adhik hai, bhaarat men cum hai..bhaarat men unhi logo men milegi jinho ne satsang nahi sunaa athavaa pahele aisi galati kar li hai..

 

 

shrikrushn ne kahaa:  raajaa tumhari ye durdashaa?.. satsang sunataa to ye nahi hotaa..( raajaa nrug jo kirkit yoni men sukhe kuwe men chhatapataa rahaa

thaa, shrikrushn ki divya krupa drushti se divya sharir dhaaran kar ke apani kathaa sunaayaa ..aur antardhaan ho gayaa..)

 

satsang hai to buuddu hone ke baad bhi sant ka sannidhya mil gaya to itane unche uthate ki jaise shabari.. kurup jaati ki bhilan  matang rishi ki sewa me lagi..sant ne shwasshwas ki sadhanaa bataayi.. chinmay sukh ka sidha dwaar khulaa…guru ne aashirwaad diyaa ki shriram chandr ji saakar avartarit ho kar tumhaare dwaar aayenge …

sarovar kaathi shabari baithi

ni ek din aawase swaami mhaaraa

antar naa ye raam

gur na vachan maathe raakhi

haiyye dharati dhyan

 

 

ayodhyaa waasi dasharath ke putra shriram hai.. guruji ne kahaa hai..dasharath nandan ram aayenge.. bholi shabari dur dur tak najar daalate bhaav samaadhi men kho jaati… chinmay sukh ki gati thi.. shri raam ji ke darshan paakar chinmay men  vishraanti ho gayi.. aaj tak ped ko pakad ke utarati …lekin aaj to maano ped ne hi us ko utaaraa..

 

ye aap logo kaa bhi anubhav hogaa ki gaheraayi bhaav dashaa men sankalp uthaa to ghatanaa ghatit ho jaati hai ..koyi devi ne devataa ne aakar kiyaa aisaa

 

nahi hotaa…lekin ye aap ke bhaav dashaa ki unchi sthiti men satya sankalp saakaar hotaa hai.. saamaanya aadami saamaany dashaa men rahetaa to us  kaa sankalp saamaany hotaa hai.. …mahaapurush har samay unchi bhaav dashaa men rahete isliye un ke sankalp phalate..jyaadaa logo ko chinmay aanand sukh milataa… mahaapurush jyada sankalp nahi karate isliye chinmay sukh me jyaadaa rahete.. isliye hame jyaadaa laabh milate… isliiye kahete ki sadhu jano ke

 

saath milakar hari ka yash gaane se hamen achhi unchaayi aa jaati hai..

raam ji ne shabari bhilan ke jhuthe ber khaaye..

duniyaa jaanati hai ki raawan ke paas bahot sari kshamataaye thi..ekaagrataa ka dhan raawan aur  hirnyakashyapu ne aisaa paayaa thaa ki prajaa ke liye

 

hiranya pur banaayaa thaa..sone ke ghar…aisi  kshamataa thi prajaa ko bahot khush rakhate.. prajaa se maan sanmaan paane men aise mashgul ho gaye ki aakhir us ko aisaa vahem huaa ki ‘mai hi bhagavan hun, hiranyakshyapu ke sivaay koyi bhagavaan nahi’… hiranyakashyapu ne vaastav me aisi kshamataaye vikasit ki thi..najar daalane maatr se khet khali laheraate.. jamin ko binaa khede, bina jote, binaa boye  dhan-dhaanya, phal sabji apane aap mil jaataa ..aisi kitani

bhi kshamataaye vikasit karoge to bhi is men trupti nahi;  thakaan hogi… vishay sukh me moh hota hai…aur chinmay sukh me prem pragat hotaa hai…ye

pati-patni athavaa lover lovery men jo prem dikhataa vo vaastav men prem nahi, moh hotaa hai..

dhan men prem hone se lobh ban jaataa hai ..

sharir men prem hone se kaam ban jaataa hai..

pariwaar men prem moh ho jaataa hai..

apane deh me prem hone se ahankaar ban jaataa hai..

lekin prem chinmay dishaa men chalataa hai to prem paramaatm rup ho jaataa hai…

ek sansaari sukh dusaraa chinmay sukh !

 

 

to samaadhi men chinmay sukh milane se saamarthya aataa hai…

saamarthy ko raawan aur hiranykashyapu ne bhautik sukh kaa vistar karane men lagaayaa..

aaj koyi pradhaanmantri, raashtrapari, duniyaa kaa koyi vigyaani aisi unchi baat nahi kar sakataa jo raawan ne research ki thi..

shri raam ji ne lakshman ko kahaa ke  dharati se mahaa yodhdaa, mahaa budhdimaan, mahaan pandit prajaa paalak vidaay le rahaa hai..us se kuchh gyaan le lo…..

lakhan ko ye baat vichitr lagi ki sitaa ji kaa dhokhe se apaharan kar ke jo raakshas chala agayaa us ko aap mahaan bolate..prabhu mujhe samajh men nahi aa rahaa..

shri raam ji bolate, ‘lakshman sitaa apaharan ke jaghanya aparaadh ke siwaay us men bahot gun the..anek yogyataaye thi..jaao un se updesh lo..

lakshman gayaa aur waapas lautaa..updesh nahi milaa..

raam ji ne puchhaa ki kahaa khade rahe?

lakhan bole , ‘us ke seer ke najadik khade rahe..’

shri raam ji bolate, ‘seer pe khade rahe ke  gyaan nahi milataa..charano ki taraf khade ho kar  vinamrataa praarthanaa karo..’

lakshaman ne vinamrataa se praarthanaa ki to lankesh kahetaa hai :  ‘shriraam ke anuj mere paas samudra ko kharaas rahit karane ki yojanaa thi..chandramaa ko nishakalank banaane kaa rahasya thaa..swarg ke liye sidhi banaane ki yojanaa thi …..agni kahi bhi jale dhuwaa na ho aisi yojanaa thi.. ye sab prajaa ke karanaa thaa lekin maine 5 vishayon me samay gawayaa..jo karanaa thaa vo mukhya 4 kaam mere rahe gaye… ..isliye mere jeevan kaa saar ye hai ki manushya ko achhe kaam me der nahi karani chaahiye aur  vishay vikaaro ki baat ko  taal kar nirvishay naaraayan ke  chinmay sukh men jaanaa chaahiye..anyathaa vo maaraa jaataa hai..mere jaise lankesh ki ye durdashaa hoti hai to saamaany aadamiki baat kyaa karanaa?..

 

tulasidaas ji ki waani aur raawan kaa anubhav ek hai..

 

 

chandramaa ki chaandani men, ujaali raato men garbh badhataa hai …aaj kal doctor galat bolate ki garbh thik se badhaa nahi hai garbh paat karavaao to

 

samajho ki aise doctor  hindu ki paramparaa cum ho aise logo ke agent hai…athavaa kayi hindu doctor bhi paiso ke laalach men aisaa bolate ki bachchaa aisaa hai aborshan karaa lo ..maataaye.. bhaai saawadhan rahenaa.. garbhpaat bole to un ki baat men nahi aanaa ….bole 2 seer waala bachchaa hai aisaa doctor ne kahaa.. maine garbhapaat karaane ko manaa kiyaa.. kuchh din baad 2 swasth bachcho ko lekar  aanadit ho kar aaye..bole aap ne 2 sir waale bachhe  ko 2 bachche kar diye…maine kahaa , vo 2 bachche hi the..maine kuchh nahi kiyaa…ve judave bachche hi the..maine un ke naam  changu mangu rakhaa.. 🙂

doctor sijeriyan karane bole to un ki baato men nahi aanaa…prasuti ke samay garbhini ko desi gaay ke gbar ka ras pilaanaa..prasuti aasani se hogi..

 

khun men himoglobin ki kami hai , khun ki kami hai to daranaa nahi..

 garbh men bachchaa kamjor hai to garbhini devi aisaa kare :

– ek glaas dudh men ghee daal ke ubaale ..aur vo dudh piye..bachhaa rusht pusht  hogaa..

– naariyal  mishri ke saath chabaa ke khaaye..

– ek chammach gaay kaa ghee daal kar  400 gram dudh men 400 gram pani daale, ubaale.. 800graam kaa  410 gram dudh huaa to mishri daal ke piye..

 

khun ki kami mahilaao me jyada hoti hai..

khun badhaane ke liye himoglobin badhaane ke liye ye upaay kare :

– bit chakundar jo ubalane ke baad laal hotaa hai..vo khaao..

– aawale ki kandi khun banaati hai…

– bhojan ke baad aadhe ghante ke baad naaringi ka ras piye..

– dopaher ke khaane ke baad 25 graam kaale angur kaa ras piye..

– khajur khaao …khajur men bahot achhe  gun hai …turant shakti sphurti milati hai.. hruday aur mashtishk ko tonik deti hai.. kabjityat naashak hai; davayiyaa ke bal se pet saaph karate aage chal ke takalif hoti hai..mal-mutra saaph laati hai…mashtishk ki kamjori cum karati hai..dudh aur ghee ke saath khaane se vishesh laabh…4-5 daane khajur rat ko bhigaa do..subah dudh athavaa ghee ke saath khaaye..khajur ghee ke saath athavaa dudh ke saath khaane se garami nahi hogi aur paachan men sulabh hogi…..maine bhi khajur kaa mahatv jaanaa to khaana shuru kiyaa… khajur kuchh din hi khaa sakate hai..holi tak khaa sakate hai ..us ke baad nahi..

 hypo /hyper thoiriod ho to  akharot raat ko bhigaa de aur subah khaao..

 

 sansaari sukh khatare se khali nahi is se bachane ke liye sundar upaay hai…tirtho men bolate ki aap ko  kya priy hai us kaa ek saal tak tyaag karo..sev phal priy hai to saal bhar tyaag karo ….to priy vastu ko tyaagane kaa saamarthy rakho… nahi to priy tum ko rulaayegaa..

 

lokamaany tilak ne aam ki ek phaank khaayi baaki sab baat diyaa…patni ne puchhaa to bole pyaari chij hai us ko baat denaa chaahiye…

agar aap ko koyi chij bahot priy hai to  saawadhaan ho jaao ….iishwar ke siwaay kuchh bhi priy lage us ko tyaagane ka prayatn karo..

 

chinmay sukh  paana aap kaa uddeshy honaaa chaahiye… paramaatm prem aap kaa laksh honaa chaahiye..

 

naarad puraan me aataa hai ki devarishi naarad ko sanakaadi rishi kahete hai ki pornimaa vrat dusht grahon  ka nivaaran karataa hai… 

poonam ka vrat karanewaalo ko kitane laabh hote hai ye bataayenge to ek do satr bhi cum  padenge.. poonam vrat ka badaa phaayadaa hotaa.. aatm saamarthya milataa hai.. paap naashini urjaa paidaa hoti hai..bhagavaan ke prem ras ke raaste jump kar ke chalane me saphal ho jaate hai..

 

bhautik sukh me aadambar hai.. ekaangi sukh hai.. lekin paramaatm prem chinmay sukh aantarik anubhuti hai…

5 sukh ek saath mile phir bhi chinmay sukh ke aage tuchh ho jaate..

 vishay vikaro se jaldi thakenge.. budhdi, tan kamjor hogaa.. vishay vikaar se bacho..

chinmay ke sukh se swaadhin ho jaate hai … kitanaa badaa phaayada hai… aham ko samarpit kar ke satchitaanand swabhav ko jagaa detaa hai..

 

vrat se chinmay sukh, paramaatm aanand ki jeevan men pradhaanataa hoti hai..satsang, vrat niyam paramaatm sukh laataa  hai..muktaamaa banaa detaa hai..

paramaatm aanand se ekaakaar kar detaa hai.. jhuth kapat, kaave daave ki pradhaanataa se loukik sukh milataa, lekin  paramaatm sukh nishkalank hotaa hai..us men  chhal, kapat, kaawe daawe nahi hote.. 

 sansaari sukh ke liye log kya kya karate ant me jail aur badanaami milati… bole kisi ke videsh ke bank men ek laakh 56 hajar karod hai,  ab mar gayaa.. lekin badanami to ab bhi ho rahi… ye prajaa ki laanat hai …aise vyaktiyon ki paramaatm ke darbaar me bhi laanat hoti hai ..

 raja janak , laal bahaadur shaashtri ke naayi jiyo..raja ram.  shrikrushn chandr ke naayi raajya karo..raajaa raam aate to log baahar aate.. darshan karate..

raawan , kans aate to log chhup jaate…jo  vishay vikaar ahankaar se sukh letaa un se log darate hai ..

jo paramaatm sukh me chhaake rahete jo aatm sukh me trupt hote hai un ke darshan maatr se bhay shok rog santaap bhaag jaate hai..

kitanaa bhi buraa, nich karm karanewaalaa vyakti ho lekin mantr dikshaa aur satsang mil jaataa hai to vo bhi badi men badi unchaayi paa letaa hai.. patito ko bhi paawan kar deti hai mantr dikshaa..( Pujyashri Sadgurudev ji Bhagavaan ne laakhaa aur loyan ki kathaa sunaayi..is kathaa ke liye krupayaa yahaa padhaare :  http://wp.me/P6Ntr-KQ  )

 chinmay sukh sadaiv aanand detaa hai…satsang kaa aaj 4 tha din bhi chalaa gayaa.. lekin ye 4 dinon men jo shaanti aanand milaa hai vo bhavishy me bhi bhalaa karataa hai.. …

main doctor diamond ko dhanywaad detaa hun ki jo kahete hai ki rok pok music se jeevan shakti ka hraas hota hai ..bhaaratiy padhdati se kirtan karane se swaasthy laabh hotaa hai..

 

14 Feb  ko maatru-pitru pujan kare..

 

sanskaari sanyami bachchaa sanmaanit hotaa hai .. maine apane maataa pitaa aur guru ji kaa aadar kiyaa to mujhe laabh huaa… ye mai apanaa ahanakaar nahi dikhaa  rahaa..samajhaane ke liye sanyamit bhaashaa men saamane waale ko unnat karane ke liye bolanaa ahankaar nahi hai…ye  utsaahit karanaa hai..ye ahankaar nahi hai …ding haakanaa ahanakar hai ..to maine maataa-pitaa gurujano kaa aadar kiyaa to mujhe ghaataa kya huaa? maine pitaa ke  charanon ki champi ki.. maataa pitaa guru jano kaa aadar karataa to mujhe aayu, aarogya, bal aur yash milataa hai …

 baal sanskaar me bachche bheje …baal sanskaar men bachche bhagavan ke prasaad se paawan ho …

 ( barodaa ke baal sanskaar kendr ke bachcho ne bahot sundar kaaryakram dikhaayaa..baal sanskaar men bachcho ko kaise sundar sanskaar milate hai yah manbhaavan  gaan aur nrutya naatikaa dwaaraa darshaayaa..is ki VCD upalabdh karaayi gayi hai..is VCD ko baal sanskaar kendr ke prachaar prasaar ke liye upyog kar sakate hai.. )

 5 chije saadhak aur 5 chije baadhak hai..raag , dwesh, moh aur waasanaa ke aaveg se sukhi  hone ki chaah rakhanewaalon ko aakraant honaa padataa hai…lekin jo bhagavat charitra sune athavaa padhe.. bhagavan ki stuti kare …iishwar ki charchaa kare..iishwar ki kathaa sune..iishwar ki smruti, iishwar ke aanand me rahe..to ve log moh se, waasanaa se aakraant nahi hote, chinmay sukh ke adhikari ho jaate..

 kabhi phisal gaye to  praarthanaa kare ki , hey prabhu hamen waasanaa se bachaate rahenaa.. kayi janamo kaa aadi hun.. isliye phisalataa rahetaa hun.. aap bachaanaa guruji ..bhagavan ko praarthanaa karanaa..

phisalate phir bhi uth khade honge..bachapan men girate, lekin gir gir kar bhi uthate rahe, chalane ki koshishe karate rahe to chalane  lage… gir ke girane ke dar se aap baith jaate to abhi kaisi sthiti hoti?… ham phisal gaye aisa bhram nahi karanaa.. man phisal gayaa soch kar girane se bachane ki koshish karo to aap jaldi bachenge ..

  budhdi ko bahu aayaami se bachaao aur chinmay sukh se bharo..cinemaa, tv, novel,chutkule, aadi men budhdi bikhar jaayegi to phisal sakate hai…ye badhiyaa hai, jaraa saa dekh lun..vo badhiyaa hai jaraa saa chakh lun aise karate karate aap phisalate chale jaaoge.. badhiyaa men badhiyaa mera prabhu  hai..

antaraatmaa prabhu ke chinmay sukh ke aage koyi drushy, koyi  charpare bhog ko mahatv nahi denge to chinmay sukh me achhi tarah se sthiti paa lenge…

 

bahirmukh logo ke shwaasoshwaas se bacho,  bahirmukh logon ke sparsh se bacho…

 

nitin gadakari ne opareshan ke dwara patale hone ka rastaa liyaa, ye galat hai… main us ko tokungaa..bhukh naa lage isliye  operation karanaa galat hai..kuchh samay me liver par asar hogi… naval sharma ki kanyaa is se mar gayi …kuwaari kanyaa motaape se  patali hone ke liye delhi ke ek aspataal men  operation karavaayi ..doctoro ne 26 laakh se

jyadaa paisaa noch liyaa aur kanyaa bechaari mar gayi…baap bechaaraa kuwaari beti ko kaandhe par le gayaa.. satsang nahi hotaa to paagal ho jaate ..

 mote ko patala bananaa ho to aashram ke vaidyo se sampark karo..saral aur naisargik tarikaa apanaao.

 vishay vikar ke sukh se bachane ke liye paramaatm sukh lijiye..

 adhyaatamik sukh shabari, goraa kumhar ko unnat kar detaa itihaas saakshi hai..

 jo murti me antraatmaa ka bhaav kar ke ek tak dekh kar omkaar saadhanaa karate un ko unchi  upalabdhi hoti hai ..

 sadgurudev ji bhagavaan divya omkaar saddhanaa karaa rahe hai…

 chaaro yugo me jap ki mahimaa hai… bhagavan naam ka vishesh phaaydaa hotaa hai .. guru mantr jap se saare phal sahaj me milate hai… japaat sidhdi…na  sanshay…. adhik jap, adhik phal!

 

padm puraan me aataa hai ki :

jaise sury sampurn lok ko prakaashit karate aise guru bhi uttam budhdi  prakaashit karate… kayi gunaa prakaashit karate..

kitane tar gaye , tar rahe aur tarate rahete… jay ho mere lilaashaah bapauji ki ..

 chinmay sukh se bal badhataa hai ..nirnay shakti badhati hai ..

duraachaari  aur dusht aadami bhi sanskaari aur sanyami ho sakataa hai to tum log kyo nahi ho sakate?

 paramaatm sukh se bhogo ki praapti hoti hai lekin aasakti rahit..sukh ka upbhog nahi, upyog karo..

 

10Nov 2011 Subah ka poonam darshan

 

 dev diwaali kaisi huyi? mast huyi naa?..wo hi aatm dev ki priti hai..

ek to mandir ke dev ke darshan punyadaayi hote hai..tirth dhaam men bhi isiliye jaate dev darshan ke liye…us ko tirth bolate..

tirath kaa phal ek hai..sant mile phal chaar!..aur vo hi sant dikshaa diye hai , hamaare guru hai to apanaapan hone se anant phal hote hai… aisaa kabir ji bolate..

 

yah tan vish ki belari , guru amrut ki khaan..

seer dijiye sadguru mile to bhi sastaa jaan ll

sadguru meraa suramaa kare shabd ki chot

maare golaa prem kaa hare bharam ki pot ll

 

to bharam kyaa hai? ki indriyon ke dwaaraa sukhi hone ka jo bharam hai vo harate jaayenge…aur antaraatmaa kaa sukh bharate jaayenge…jyo jyo antaraatmaa kaa sukh bharegaa tyo tyo indriyon kaa sukh haregaa… jyo indriyon kaa aakarshan kam hogaa tyo tyo antaraatmaa kaa sukh aur saamarthy aayegaa…to tumhaare men paramaatm dev kaa gyaan aayegaa..paramaatm dev kaa aanand aayegaa..aur isi ko bolate ki bhagavaan naaraayan 4-4 mahine usi aatm dev men samaadhist rahete..kaartik ekaadashi ko dev jagi ekaadashi kahete, bhagavaan naarayan samaadhi se jaagate aur us ke baad jo kaartik poonam aati hai usi ko dev diwaali kahete hai..

dev shayani ekaadashi se lekar prabodhini ekadashi tak naarayan us aatm dev men nisankalp rahete hai.. prabodhini ekaadashi se poonam tak teras, chaturdashi aur poonam 3 din jap dhyaan, suryoday se purv snaan, daan kare to purn kaartik maas  kaa puny milataa hai.. sabhi mahino men uttam mahinaa kaartik aur sabhi dino men uttam din ye 3 din..lekin barodaa samiti ne 6,7,8, 9, 10 ye 5 din ka satsang karaa diyaa!..ab mujhe jaane do…delhi gudgaav jaanaa hai..

 

OM SHAANTI.

 

SADGURUDEV JI BHAGAVAAN KI MAHAA JAYJAYAKAAR HO!!!!!

Galatiyon ke liye prabhuji kshamaa kare..

 

 

 

 

 

Advertisements
Explore posts in the same categories: Pujya Bapuji

One Comment on “Dev diwaali Vadodaraa Satsang”

  1. rupali Says:

    hari om bapuji ke satsang sunane se or padnese jivan mai santi or anand ata hai . ye satsang hum tak pahuchane mai karyrat sabhi sadhakonko dhanyawad or pranam


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: