phikar phenk kuwe men..jo hogaa dekhaa jaayegaa!!

Dungarpur (Raj); 5 Sept2011

 

kyaa haalchaal hai dungarpur waalon ki?mauj hai?

Pure hai vo mard jo har haal men khush hai!

Mahaabhaarat ka yudhd chal rahaa hai aur shrikrishn ke haathon men bansi baj rahi hai..naro waa kunjaro waa ho rahaa hai to bhi bansi baj rahi hai..paristhiti baahar ki anukul ho chaahe pratikul ho us kaa mahatv nahi; aap samataa aur aanand men rahete ho ki chintaa aur phariyaad men rahete ho?

 

jo chintaa aur phariyaad men rahetaa hai vo jaan le ki :

chintaa se chaturaayi ghate

ghate rup aur gyaan

chintaa badi abhaagini

chintaa chitaa samaan ll

 

mero chintyo hot nahi

hari ko chintyo hoy

hari chintyo hari kare..

mai rahun nischint !! 🙂

 

apani taraf se prayatn karo lekin chintaa naa karo..

 

ham apani maa ke god men aaye to hamane apane liye dudh banaane ki chintaa nahi ki thi..hamaare maa ne bhi nahi ki, hamaare baap ke baap ne bhi nahi ki..jagat niyantaa ne hamaari vyavasthaa ka khayaal rakhaa..

jis ne hamaari naabhi maa ki jer se jod di vo antaryaami paramaatmaa ne hamaare maa ke sharir me roti men se dudh bhi to banaa diyaa!

 

praarabdh pahele rachyo

pichhe bhayo sharir

tulasi chintaa kyaa kare

 bhaj le shri raghuvir

 

bete ka kya hogaa?beti ka kya hogaa?ye jamaanaa aisaa kharaab..kaay kopareshaan hotaa hai?..

jo ho gayaa, beet gayaa..us ka shok mat kar..

jo aayegaa, abhi aayaa nahi, us kaa bhay mat kar..

aur vartmaan men bhagavaan ki priti samajh kar yathaa yogy kaam kar..tere dono haath men laddu!! 🙂 moksh bhi milegaa aur saphalataa bhi milegi!!

kaay ko phikar karanaa?

phikar phenk kuwe men..jo hogaa dekhaa jaayegaa!!

 

 

jo log nindaa karate un ka cheharaa bhaddaa ho jaataa hai..nindaa karanewaale ka cheharaa bhi bhaddaa ho jaataa hai, man bhi gandaa ho jaataa hai aur andar se ras bhi gande paidaa hote…nuro popotaaiil..el di el ye angreji naam hai..apani bhaashaa men bolate ki tridosh kampaayamaan ho jaate hai..pitt prakop hone lagataa, vayu-pitt prakop hone lagataa to rog paidaa hone lagate..isliye nindaa karo nahi, suno nahi..

agar tumhaari patni tumhaari maa ki nindaa karati hai, to aap bol do ki maine meri maa ka dudh piyaa hai..us ke khun se meraa sharir sinchaa hai ..maa ki nindaa sunungaa to mai gunchor,krutaghn aur paapi ho jaaungaa..mere dwaare tumhe bachche aayenge to un ke naam gunchor,krutaghn aur paapi rakh dun to tujhe achhaa lagegaa?..tu to bade ghar ki hai..bade man ki hai..us ki thodi par haath ghumaa ke bol do jaraa ki devi meri sewaa nahi karegi to chalegaa..lekin meri maa ki nindaa mat sunaa mujhe..kyaa pataa kitane din ki mehamaan hai..2 saal raheti ki 10 saal raheti..maa ki nindaa sunane se bete ko paap lagataa hai..

devar patni ke mukh se jethaani ki nindaa sune to bhaabhi ke liye nafarat hogaa , ghar men jaher hogaa..aise hi jethaani ke munh se deraani ki nindaa jeth sune to man men nafarat paidaa ho jaayegi..rupiye paise se utanaa sukh nahi milataa jitanaa ek dusare ko samajhane se aur ek dusare se udaarataa bharaa vyavhaar karane se sukh milataa hai..

 

rupiye paise se pakawaan aur mithaayi mewe mil sakate hai, lekin bhuk to iishwar ki den hai..

rupiye paison se gaaliche aur palang ban sakate hai lekin nind to paramaatmaa  ki den hai..

aise hi vyavahaar se pati patni kaa rang mil sakataa hai, lekin satsang aur gyaan to paramaatmaa ki den hai..aaj paramaatmaa ki den mili hai tum ko!

 

hari om om om om maadhury om om om aanand om om om ..:) 🙂 🙂 🙂

ye khushi bhagavat aashrit hai..bhagavaan kaa naam lene se us ki priti se ye khushi hoti hai..jo khushi bhagavat aashrit hai, jo karam bhagavat aashrit hotaa hai, jo prem bhagavat aashrit hotaa hai vo hruday men bhagavat bhaav, bhagavat gyaan  aur bhagavat saamarthy jagaataa hai..

jo bhaav dwesh aashrit hai ki is ka to aisaa huaa achhaa huaa to aap ke man men dwesh hai vair hai to vairi banaa degi..athavaa bhog aashrit khushi hai to bhogi banaa degi.. moh aashrit khushi hai ki meraa babalu hai..to mohi banaa degi..meraa babalu pyaaraa hai,sundar hai thik hai,nahelaao dhulaao, sneh karo lekin us ka pyaaraa pan  kab hai?us men paramaatmaa ki sattaa hai tab..bhagavat satta ke binaa agar jaraa saa aei ho gayaa to?

bachche ko sneh karo lekin bhagavat aashrit hkar karo..

sant ko sneh karo bhagavaan ke naam se..

to aap kaa jeevan bhagavat gyaan se, bhagavat priti se bhar jaayegaa…

 

trupti aap kahaa se chaahate?

paan masaalaa khaate ki trupt honaa chahate..koyi chatoraa-pan se trupt honaa chaahate..picture baaj picture se trupt honaa chahaate..trupti nahi milati..rog aur pok music se jhum sharaabi jhum baraabar karate trupti chaahate lekin dusare din thake maande hote..

doctor diamond ne likhaa ki mere 13 saal ke research ke baad ye anubhav paayaa hai ki jo rok aur pok music se jhumate un ka sexual kendr kaamvikaar kendr vikaari ban jaataa hai..vo log chidchide ban jaate hai..thake maande anutsaaheet ban jaate hai..

lekin bhaarat waasiyon ko ye bhagavaan ke naam ka kirtan milaa hai, bhagavaan ke naam ka satsang milaa hai to un kaa kaam kendr nahi, raam ras jagataa hai!is se vikaari bhi nirvikaar hone lagate hai..rogi bhi nirogi hone lagate hai!paapi bhi punyaatmaa hone lagate hai…khinn bhi aanandit hone lagate ye bhaaratiy sangit aur kirtan ki mahimaa doctor diomond ne kahi…

 

jaam par jaam pine se kyaa phaayadaa?

raat biti subah ko abhaagi alkohol utar jaayegi

tu hari naam ki pyaaliyaa piyaa kar

teri saari jindagi sudhar jaayegi !!

 

gauraang jaa rahe the kirtan karate huye ..raaste men ek dhobi kapade dho rahaa thaa..(pujyashri bapuji ne dhobi ki kathaa sunaayi, is kathaa ke liye krupayaa is link par clik kijiyegaa :

http://wp.me/P6Ntr-Jp   )

gaav ke log hari naam se paawan hone lage..gaav ke jhagade aur kalah premaabhakti men badalane lage..rog aur aapadaayen vidaa hone lagi..samrudhdi aur sampadaayen gaav men badhane lage..aise karate karate bangaal ke kayi kasabe , kayi gaanv, kayi nagar-dagar sundar suhaavane hone lage..aise karate karate chaityany mahaaprabhu phuliyaa gaav ke baavisiyaa bazaar men pahunche..(pujyashri baapuji Haridaas ki kathaa sunaaye..   http://wp.me/P6Ntr-JS   )

 

hari maane jo har dil men hai, jo har samay hamaari madad karate..kayi bimaariyaa aayi chali gayi..kayi dukh aaye chale gaye lekin hamaare saath har samay rahenewaalaa hari sadaa maujud hai..vo hari hamaaraa sat swarup aatm dev hai..ham kyo dare?..

hari bol..hari om..

 

  • ye sijan sharad ritu ki hai..rogon ki maa hai sharad ritu..pitt janya taklife, aankhon ki jalan, acidity, heart attaik aadi pitt rog se hotaa hai..harad rasaayan athavaa mashri rasaayan ki 2-2 goli chusane se paachan thik hogaa aur pitt prakop se bachoge..ye goliyaa dudh se yaa paani se nahi lenaa hai, subah / shaam sirf goli munh men daal ke chusanaa hai..munh ke chhaale, phodi phunsi aadi bhi bhaag jaayegaa..sharir men ye goli tonik kaa kaam karegi..
  •  
  •  
  • is sijan men maataayen bahene yaad rakhanaa ki ye poonam chhod kar agali poonam sharad poonam ki raat hogi..
  • sharad poonam ki raat ko suii men dhaagaa pirne se netr ki jyoti badhati hai..
  • sharad poonam ki raat ko aap khir banaa lo aur 9 baje ke baad khir chandramaa ki chaanadani men malamal ke kapade athavaa chhalani se dhak kar rakho..sharad poonam ki raat ke chandramaa ke kiran jo padenge ve aarogy aur prasannataa ke kan waale honge..aap varsh bhar swasth raho aur prasann raho isliye sharad poonam ki raat ko aap bhi khir khaanaa aur kutumbiyon ko bhi khir khilaanaa ..agar bhojan banaayaa to bhi phir mai swapne men hauwaa dikhaaungaa 🙂 khir men jyada shakkar nahi daalanaa, badaam kishmish bhi nahi daalanaa…kewal ilaayachi aur mishri daalanaa..
  •  
  • raat ko bhaari chije khaane se swaasthy bigadataa hai..der raat ko bhojan nahi karanaa..
  •  
  • itawaar ko laal mirch, tamaate, adrak, laal kapade, ghar me laal batti jalati ho to ye sab ghar me jhagade paidaa karenge…
  •  
  • jis ke ghar men jhagade ho us ghar ka mukhy vyakti raat ko paani ka lotaa bhar ke palang ke niche rakh de..subah vo pani pipal men, tulasi men, bad men athavaa kisi ped me daal de ki pairo tale naa aawe aisi jagah daale..aur ghar ke log  hafte pandharaa din men (7-15 days) khadaa namak ka pani me milaa  kar us se ghar me potaa kare, to negative energy nikal jaayegi..to ghar men su-sanwaaditaa aayegi…ghar ke log rasoyi ghar saaph kar ke bhojan banaa ke phir rasoy ghar men hi sab mil kar bhagavat sumiran kar ke om naaraayan naaraayan kar ke khaanaa khaaye.. is prakaar sab mil kar rasoyi ghar men bhojan karenge kuchh din to ghar ke jhagade bhakti men badal jaayenge..sharir ki bimaari tandurusti men badal jaayegi ! 🙂
  •  

hari om om om om ..

 

gaandhiji , neharu ji aur raajendr baabu jin ka aadar karate vo madan mohan maalaviy bade prasidhd vyakti ho gaye ..jab ve school college me padhate tab ..(pujyashri bapuji ne Naaraayan Mantr ki kathaa sunaayi..is kathaa ke liye krupayaa is link par clik kijiyegaa :

 http://wp.me/P6Ntr-K2    )

 

naaraayan naam se gaay to dudh deti hai, lekin bail se dudh lene ki shakti is naaraayan naam men hai..:)

nar naari ke antaraatmaa kaa jo samuh hai, us ko naaraayan bolate..kisi bhi kaary se pahele 4 baar naaraayan naaraayan naaraayan naaraayan bol kar aarambh kare to yash, saphalataa jarur milati hai..sab kaary mangalmay ho jaate hai..

aap raat ko sote samay sidhe let jaaye..shwaas andar jaaye to ‘naaraayan’shwaas baahar aaye to 1 ..shwaas andar gayaa ‘om’..shwaas baahar aaya – 2 is prakaar bhagavaan ka chintan karate karate  so gaye to aap ki raat ki nind achhi to aayegi hi aur nind ke 6 ghante bhi bhakti men badal jaayenge!

aur subah utho to “om shaanti…naaraayan..4 aadami ko hasaaungaa..6 kaa dukh door karungaa..naaraayan ke naam se mai apanaa aur  dusaron kaa hruday paawan karungaa..”   soch ke din ki shuruwaat karo..ab haidar ali naam ka yuwak bait ki maar khaate khaate bait maarane waalon se  Hari naam bulawaataa hai to tum naaraayan bolo aur bulawaao to kyaa ghaataa padegaa laale laaliyaa? 🙂

 

hari bol..hari om..

 

abhi ye shraadhd ke din aa rahe hai..bhagavaan ram ji ne bhi apane pitaa raja dasharath ka shraadhd kiyaa tha pushkar kshetr men..

mahaaraashtr ke sant ekanaath ji ne Paithan men apane daadaa-daadi ka shraadhd kiyaa thaa..kisi kaaran braamhan ruth gaye ki in kaa shraadhd ham nahi khaayenge to in ke pitar naaraaj ho jaayenge , in ke kul-khaanadaan men tuchchh aatmaayen aayengi..

braamhan is prakaar aadi daal ke ruth gaye to us mahaapurush sant ekanaath ji ne kyaa kiyaa ki un braamhanon ke daade-pad daade ko hi pitru lok se bulaa kar shraadhd khilaa diyaa!..

paithan aurangaabaad se 50 kimi duri par hai..mai un ka ghar bhi dekh ke aayaa..un ke pautr, pra-pautr ke pra-pautr hai wo bhi mere ko maanate hai..sant ekanaath ji jahaa pujaa karate the, jahaa bhagavaan aaye the vo jagah bhi mai dekh aayaa paithan men.. 🙂

 

to ye shraadhd mahimaa naam ki pustak hai..is ko padh kar shraadhd karoge to tumhaare purvajo ko  santushti aur tupti milegi.. shradhd mahimaa pustak ke liye link : 

http://hariomgroup.org/hariombooks/satsang/Hindi/ShraadhMahima.htm

aur nahi kar sakate to abhi jo abhi shradhd ki amaavasyaa aayegi us din dono haath upar kar ke sury naaraayan ko praarthanaa karanaa ki yamaraaj aap ke putr hamaare  jo bhi purakhe hai un ki sadgati de..ham aap ko pranaam karate hai..aisaa kar ke ek jal kaa lotaa sury naaraayan ko chadhaa de..

 

koyi aadami mar jaataa hai to us ke agni sanskaar ke samay us ki chitaa men tulasi ki lakadiyaa us ke seer par, pet par, sharir par, munh par rakh di jaaye to – jyaadaa nahi mile to thodi si hi sahi- to  is prakaar tulasi ki lakadi dwaaraa agni sanskaar hotaa hai to us aadami ki  durgati se rakshaa hoti hai…

tulasi ka paudhaa lagaa do, us ke bij ikaththe kar lo..ye bij mixi men pis jaate hai, maine pis ke dekh hai 🙂 ..phir ek chutaki tulasi ke bij raat ko bhigaa do..subah vo paani aur bij pi lo..sharir majabut rahegaa..pet ki takalife, paani padane ki bimaari aadi thik ho jaayegi..badi umar men bhi baapu jaise tum jawaan bane rahoge… 🙂

 

 

meri maa 86 saal ki  thi tab bimaar huyi..doctor aur vaidyo ne bol diyaa thaa ki ab kuchh nahi ho sakataa..mrutyu ki naadi chal rahi hai..24 ghante se jyaadaa nahi jivit rahe sakati..maa ki shradhdaa thi to maine maa ko mantr diyaa..to aisi bhagavaan ki shaktiyaa jaagi ki 24 ghante to kyaa 24 din bit gaye..24 mahine bit gaye..amerikaa se doctor aate aur idhar ke doctor bhi achambit hote ki maa kaise thik ho gayi..liver kharaab tha, kidany khraab thi..ye thaa..vo thaa…maa hasati ..boli mere paas saai ka mantr hai..mai to jindi hun..60 mahine ho gaye ..80 mahine ho gaye..92 ve saal tak maa jivit rahi..to aisaa aap ko bhi aarogy ka mantr mil jaaye..mere shishyon ko heart attaik nahi honaa chaahiye..high b p nahi honi chahaiye..agar hai to vo mantr jap karo, 2-4 din men phaayadaa ho jaayegaa..

by-paas sargary nahi karaanaa..hamaare ahmdabaad athavaa delhi ke vaid se phone  par hi puchh lenaa, upachaar bataayegaa..aise hi blockege khul jaataa hai..

 

maayiyaa bhi prasuti ke liye sijeriyan nahi karaaye..desi gaay ke gobar ka ras 10-12 graam lekar us me naaraayan mantr athavaa guru mantr 21 baar bol kar pilaa denaa to 1 ghante ke andar prasuti ho jaayegi..pujyashri bapuji ne godraa ka anubhav sunaayaa, ye anubhav dekhane ke liye krupayaa yahaa clik kijiyegaa :

http://wp.me/P6Ntr-w6

 

hariiiiiiiiiiii ooooooommmmmmmmmmmmmmmmm…

 

roj 10 se 15 minat aasan bichha ke hari om ka gunjan karoge to  hruday men aatmaa-paramaatmaa ki shakti jaagrut hogi..bite huye kaa shok karanaa murkhataa hai..aanewaale ka bhay karanaa kaayarataa hai..vartamaan men aasakti yaa chintaa karanaa naa-samajhi hai..apane chitt ko bhagavaan ke gyaan se aur prem se majbut banaao..

 

bimaari sharir ko aati hai, dukh man ko aataa hai..un dono ko jaananewaale tum aatm-chaityany ho..ham bimaar nahi hote, sharir bimaar hotaa hai..ham dukhi nahi hote, man dukhi hotaa hai..aisaa gyaan pakkaa karane se dukh ke samay bhi aap dukh raheet ho jaaoge..bimaari ke samay bhi aap bimaari ko mitaanewaale gyaan se pavitra ho jaaoge..

 

niguraa nahi rahenaa chaahiye..

nigure ka  nahi koyi thikaanaa, choraasi men aanaa-jaanaa yam kaa bane mehamaan..

sun lo chatur sujaan niguraa nahi rahenaa..

niguraa hotaa heey ka andhaa, khub kare sansaar ka dhandaa, pade narak ki khaan..

sun lo chatur sujaan niguraa nahi rahenaa…

guru bin maalaa kyaa satakaave, manavaa to das dishaa jaawe, kaise ho kalyaan ..

sun lo chatur sujaan niguraa nahi rahenaa..

 

guru ka gyaan , guru ka satsang paakar aur guru dikshaa leni chaahiye..

bhagavaan shiv ji paarvati  ko agasty rishi ke aashram me le jaate satsang sunane ko aur vaam dev guru se bhagavaan shiv ne paaravti ji ko dikshaa dilaayi..

bhagavaan raam chandr ji vashishth muni ke aashram men sitaa ji ko bharat shatrughn ko le jaate ..dasharath ji bhi jaate guru ka satsang sunane ko..jab 14 saal ka vanawaad huaa tab bhi shri ramchandr ji bharadwaaj ashram men , atri aashram men, angiraa aashram men , anusuyaa aashram men satsang ke liye ruke the..

to bhagavaan ko bhi satsang chaahiye..

manushy satsang ke binaa rahegaa to phir dusare janam men nich yoniye men jaataa hai..

raajaa nrig tha..budhdimaan thaa, yashaswi thaa..lekin satsang aur guru dikshaa nahi to marane ke baad kirkit ho gayaa..

raajaa ajj mithilaa ka naresh thaa, lekin satsang aur guru dikshaa ke binaa marane ke baad raajaa ajj saap ki yoni men chalaa gayaa..phir ajagar banaa..

aise hi amerikaa ka raashtrapati abraahim linkan budhdimaan thaa, maanavataa waadi thaa..mai to un ko dhanyawaad bhi detaa hun..un ke naam ki kayi sansthaaye chal rahi thi amerikaa men , mai dekh ke aayaa hun.. phir bhi marane ke baad vo bechaare white house men pret hokar  dikhaayi dete kabhi kabhi..

musolin jheel ke kinaare pret hokar bhatak rahaa ..badaa prasidhd raajaa thaa..1942 men home minister ne dhaawaa bol diyaa..jheel ke kinaare pret hoke bhatak rahaa hai..

budhdimaan honaa koyi badi baat nahi..lekin bhagavaan kahete ki jo priti purvak mujhe bhajataa hai us ki budhdi men mai yog detaa hun..

bhajataam priti purvakam

dadaami budhdi yogam tam

 ye naa maam upayaantite..

jo mujhe priti purvak bhajataa hai use mai budhdi yog detaa hun…

 

 to priti purvak aap bhagavaan ko japo..to priti kaise ho?bhagavaan ko apanaa mano to priti hogi..jo chij apani hoti to pyaari lagati..beta beti apane hote to pyaare lagate..to bhagavaan vaastav men apane hai..

om om ..naaraayan naaraayan..hothon men japate jaao..bhagavaan mere , mai bhagavaan kaa hun..om om om om..naaraayan naaraayan…mai haath jod kar praarthanaa karataa hun …aap ka bahot mangal ho rahaa hai..priti purvak japate jaao…omkaar se jap se kewal jigar, pet aur mashtishk hi badhiyaa ho jaataa hai aisaa nahi, bhaagy bhi badhiyaa ho jaataa hai..man bhi badhiyaa ho jaataa hai..7-7 pidhiyaa bhi tar jaati hai..bhagavaan ka saakshaatkaar bhi ho jaataa hai!!aap jap karo..

 

om om paramaatmane namah..

om om aanand daataay namah…

 

OM SHAANTI.

 

SHRI SADGURUDEV JI BHAGAVAAN KI MAHAA JAYJAYKAAR HO!!!!!

Galatiyon ke liye Prabhuji kshamaa kare…

 

 

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: