ASALI TRUPTI

JODHPUR (RAJ.) 3-4 SEPT 2011

 

RAAJAA KI PHAUJ!JODHPUR WAALON KI MAUJ!!

aaj re aanand bhayo mhaaraa jogi aayaa paavanaa

jogi aayaa paavanaa mhaaraa sadaguru aayaa paavanaa..

NAARAAYAN NAARAAYAN NAARAAYAN NAARAAYAN…

bhojan khaa khaa ke trupti nahi ubaan hoti hai..asali trupti kaise hoti hai jaan lo…

kaanapur men ek baai raheti thi..deharaadun men swaami ram ka aashram hai..

swaami ram ke jo guru the usi guru se us baai ne dikshaa li thi..us ka betaa th Dr. Tondon…vo badaa mashahur doctor thaa..vo baai ne apane bete ko bulaayaa..logo ke liye to tondon saab lekin maa ka to beta tandu 🙂

baai ne aawaaj diyaa : o betaa tandu! 🙂

baai pahunchi huyi thi!

bole : maa kya hai?

maa boli : ab ham jaa rahe hai..teraa jawaaii aayaa hai us ko bhi bulaa de..beti ko, patni ko , bachchon ko bulaa le..ab ham jaa rahe..ye cholaa chhod rahe hai..

betaa bola : maa ye kyaa bolati ho?aisa nahi bolo..ham tum ko nahi jaane denge…

maa boli : ye tumhaari mamataa ki baate ab mujhe phasaa nahi sakati..ye tumhaare aansu ab mujhe rok nahi sakate..vo to pahele satasang nahi sunaa thaa tab lagataa thaa in ka kya hoga? un ka kyaa hogaa..ab pataa chal gayaa ki jeev anaadi hai..aur ye sharir paidaa hote hai- marate hai.. kabhi kisi ka sharir sath men gayaa nahi, rahaa bhi nahi.. tumhaare pitaa ne bhi sharir chhodaa..aise mujhe bhi sharir to chhodanaa hi hai..bhagavaan aate to vo bhi sharir nahi rakhate to mai kyaa rakhungi?..

betaa bola: nahi maa..mai nahi jaane dungaa..meri maa..

maa boli : shant baith tandu..itanaa badaa doctor..bete bahu jamaaii sab dekh rahe..ye kyaa karataa hai tandu.. ab samay puraa ho gayaa hai..dhyaan se sun lo..ki dukhi ki bhul jab tak raheti hai tabhi dukh aataa hai..dukhi apanaa bhul mitaa degaa to dukh us ko nahi aayegaa..dukh ka upyog kare vo dukh se paar ho jaataa hai..sukh kaa upyog kare vo sukh ki lolupataa se paar ho jaataa hai..tum sukh ka upyog kar..aur dukh men saawadhaan raho ki sansaar dukhaalay hai..dukh ko jaananewaalaa ram meraa chaityany aatmaa jyo ka tyo hai..

dukhad paristhiti baahar se aati hai..sukhad paristhiti baahar se aati hai..5 vishay- rup, rang, gandh, shabd, sparsh-5 vishayon se sukh aataa..naak ko sunghane ko mila, jibh ko chakhane ki mila, aankh ko dekhane ko mila,kaan ko achhaa gaanaa-bajaanaa mila sunane ko, tvachaa ko sparsh milaa to ye sukh hotaa hai.. dusaraa hotaa hai maan se, badaayi se, anukulataa se..ye jeev ki naa-samajhi se phasataa hai to khokalaa ho jaataa hai..dukh me phasataa hai to darpok ho jaataa hai..tum sukh men bhi nahi phasanaa, dukh men bhi nahi phasanaa..in dono ko saadhan banaanaa..ye sharir bhi saadhan hai..sukh-dukh bhi saadhan hai..maan-apamaan bhi saadhan hai..aisaa nahi ki sasu ne nindaa kiyaa to sasu ki nindaa kar ke aur narak men jo bahu jaao..bahu nahi maanati to bahu ki nindaa kar ke aur apanaa dil kharaab karo aisaa naa ho..ghar ghar men sukh shanti aawe..koyi kisi ki ninda naa kare isliye ghar men hey prabhu aanand daataa ye prarthanaa roj sab mil kar kare..

to maa ko jo upadesh denaa thaa diyaa..tondon bole maa mai nahi jaao naa ..

maa boli : ab tumhaaraa rona dhonaa mere ko ab phasaayegaa nahi..meri aagyaa hai ki ab jaao..darawaajaa band kar lo..mai andar se kunda nahi lagaaungi, nahi to tum ko takalif hogi….lekin ab mujhe aatmaaraam men vishraanti paane do..1-1.30 ghante ke baad darwaajaa kholanaa..

manushya jeevan ka phal hai ki aatmaa paramaatmaa men shaanti paaye..

shwaas andar jaaye to ram..baahar jaaye to 1..jo rom rom men ram rahaa hai vo mai hun..mai amar aatmaa hun..mai chaityany hun.. dasharath nadan raam to awataari purush huye, lekin abhi sab ke hruday me jo ram rahe wo hi ram mere rom rom me ram rahe hai..

shwaas andar jaaye om..om mai antaraatmaa hun..

om aanand..

om shaanti…

aise karate karate vo baaii to parbharmh paramaatmaa men ekaakaar ho gayi..jaise ghadaa phute naa to ghade ka aakaash mahaa aakaash se pahele hi milaa hai lekin ghadaa phute to puraa mil gayaa..

ek dedh ghante ke baad darawaajaa kholaa..dekhaa ..to baaii kaa cheharaa badaa tejaswi..abhi bolegi aisi prasann mukh…phir maaii ka agni sanskaar aadi jo kuchh karanaa thaa, kiyaa..

vo baaii ke kamare men jaakar tandu baithaa to ‘om aanand-om shaanti’ aisaa saatvik dhwani us kamare men mahesoos hone lagaa..

chaityany prabhu jis kamare men sharir chhod kar gaye us kamare men jaane se   ‘hari om hari bol’..aisi saatvik dhwani aati thi…

ek baar chaityany mahaaprabhu vrindaavan ki taraf gaye..to bhakt mandali hari om hari bol hari bol karate huye naachate gaate huye gauraang ke saath jaa rahe the..ab sant to sant hote hai..un ki koyi jaat hoti hai kya? 🙂

ek dhobi kapadaa dho rahaa thaa..(sadgurudev ji bhagavaan ne chaityany mahaaprabhu ki dhobi par krupaa ki satya kahaani bataayi..is kahaani ko padhane ke liye krupayaa yahaa click kijiyegaa :

http://wp.me/P6Ntr-Jp

sant ki jaat to bhagavaan ki jaat hai..jaise bhagavaan jaise sab ke hiteshi hai aise sant bhi sab ke hiteshi hai..gitaa raamaayan jaise sab ke hiteshi hai aise sant bhi sab ke hiteshi hai..

aise chaityany mahaa prabhu ne kayi gaanvo ko hari may kar diyaa…bangaal men ek prasidhd gaav ho gayaa is kathaa ke kaaran- phuliyaa gaanv!..philiyaa gaanv me goraayi kaazi rahetaa thaa..wahaa baavisiyaa bazaar thaa..wahaa ka mulkapti nyaayaadhish bhi badaa rubaabdaar tha..lekin kayi musalamaan ladako ne apanaa naam hari bhakt rakh diyaa, hari daas rakh diyaa..

to ek musalamaan ladake ko goraayi kazi ne bulaayaa ki ye hinduon kaa hari om hari om kyu karataa hai? tum allaah ho akabar karo naa…

pujyashri baapuji ne haridaas aur goraayi kaajhi ki kathaa sunaayi..kruapayaa is kathaa ke liye is link par click kijiyegaa :

http://wp.me/P6Ntr-JS

bole baba ki jaat kaun si hai?saadhu ki koyi jaat nahi hoti…

hamaare sabhi hai..hindu bhi hai, musalamaan bhi hai..iisaayi bhi hai, paarasi bhi hai..

jis ke daat alag alag hote hai, door door hote hai vo jiddi hotaa hai..

satsang me baithe to  bahot punya hotaa hai..jo guru ke saath, sant ke saath ek taan ho rahe hai un ko pith dete dete aage aa kar baithanaa badaa bhaari paap ho jaataa hai..aur chaalu satsang men uth kar chale jaate to satsang ka punya bikhar jaataa hai..than than paal ho jaataa hai vo jaanewaalaa vyakti..jin ke paap jor daar hote vo satsang men jaa nahi sakataa..jaaye to baith nahi sakate, un ke paap un ko uthaa ke le jaayenge..agar baith gaye himmat kar ke to un ke paap akele hi bhaag jaate aur vo punyashil ho jaate ! satsang aisaa hai!!

bachche men ahankaar soyaa huaa hotaa hai to bachchaa pyaaraa lagataa hai..aur mahaapurush men ahankaar nahi hotaa isliye sant bhi pyaare lagate hai..hamaare aur iishwar ke bich men ahankaar hi aad hai….

madan mohan maalaviy jab vidyaarthi the tab apani maataa ko pranaam kiya aur bole ki maa ashirwaad do mai parikshaa men paas ho jaaun..un ki maa boli kya roj rojbhik maangataa hai?mai to tum ko aisaa mantr dun ki tumhaare aashirwaad se bade bade kaam hone lage aisaa yash tum paaoge..maa ne dekhaa ki madan mohan ki shradhdaa hai to mantr diyaa..shradhdaa ke bina mantr nahi phalataa..mantra kyaa tha? sabhi ne sunaa hai..lekin maa se mantr ke rup men milaa shradhdaa se liya to phalataa hai..NAARAAYAN NAARAAYAN NAARAAYAN NAARAAYAN aisa 4 baar naaraayan bol ke koyi bhi kaam aarambh karo to vighn baadhaa dur hoti hai aur kartaapane ka abhimaan naa ho..saphalataa ho to us men garakaav naa ho..viphalataa aaye to us men vishaad na ho..madan mohan ne NAARAAYAN ka ashray liyaa college men to achche maarks se paas huye lekin jahaa angrejo ne swatantra senaa sangathan ko tod diyaa..raaj niti men khub gadbad hoti hai..baahar se to sab dudh ke dhoye dikhate lekin andar se bahot gadbad hoti hai..un ko thag kahenge to thag naaraaj ho jaayenge..kisi ko badi gaali deni hai to bole ki ye raajakaarani hai to bas sab aa gayaa .. 🙂

to angrej bade raajkaarani the to sangathan tod diyaa..madanmohan maalaviy ji NAARAAYAN NAARAAYAN NAARAAYAN NAARAAYAN kar ke shaant ho gaye…andar se preranaa aayi ki gajendr stotr ka paath karo..paath kiyaa phir sab ko sangathit kar ke 22 minat satsang kiyaa..tooti huyi haari huyi baaji phir jud gayi aur angrejon ko jabaran bhaaganaa padaa..gandhiji ko to yash hai lekin in logon ka NAARAAYAN naam bhi hai..raam naam bhi hai..

phir bhaarat aajhaad huaa to un ko sujhaa ki ye angreji padhaayi se maa-baap ka anaadar karanewaale chhore chhori paidaa ho rahe..angreji ka padhaayi ka culture hi aisaa hai..maa-baap ko tuchchh maanate kyo ki tuchchh sanskruti ka ahankaar bharaa jaataa hai..toii pahenate ki mai bhi kuchh hun..

ek baap apane chhore ko padhaayaa..apane gaanv men college nahi thi to iilaahaabaad ki college men us ko rakhaa.. 150-200 kimi door chhoraa padhane jaaye aur us ka baap  shidhaa saamaan le jaaye.ek din baap raat ko aayaa bete ke paas to bole ki betaa cantin men gayaa hai..baap bojaa uthaa ke wahaa gayaa..betaa naashtaa kar rahaa thaa table par aur chhoron ke saath ..baap to bechaaraa kisaan saade kapade pahene huye thaa..

bete ko aur chhoron ne puchhaa ki ‘who is he?’

to betaa bola, ‘ye to hamaaraa sarvant hai..’

baap bhi jaamane ka khaayaa huaa tha, samajh gayaa ki sarvant maanaa nokar..baap ko lagaa ki dub mare is ki padhaayi..jo maa-baap ki kadar karanaa nahi sikhaati aisi padhaayi to padhaa huaa bhi gadhaa hai..

baapu bhi ho jaaye to maa ke charanon men to maththaa tekanaa hai..jinho ne ye photo dekhi hai haath upar karo..bachcho ko aisi pustak dikhaao..bapu kaise maa ke charanon men pranaam karate bapu banane ke baad bhi..maa to maa hai..baap to baap hai!..abhi mere guruji aa jaayenge to mai aisa satsang karungaa kya? daud ke un ke charano men girungaa!

 

 

mata pita guru to sadaa aadaraniy hai, pujaniy hai..

to madan mohan maalaviy ji ma aka to badaa aadar karate..lekin dekhaa ki on ki dusare logon ki angreji padhaayi se akal maari gayi hai to kaashi men vishw vidyaalay khole..

vishw vidyaalay kholane ka iraadaa kiyaa lekin us men to laakho karodo rupaye lagenge..koyi 11 rupiyaa deve to koyi 51 dewe..aisi chhoti moti raashi se to vishw vidyaalay nahi banegaa..thoadaa kaam chaalu huaa..phir un ko sujha aki haidraabaad ka nawaab hamaare aandolan men saath thaa..hamaare aandolan men us ka prabhaav bhi thaa..mai jaataa hun haidraabaad ke nawaab se kuchh chandaa le aataa hun..

nawaab ne kahaa ki, ‘ye to hinduon ki college hai..is se hamaaraa kya?’

bole, ‘maanav maanav ko madad kare..hindu kya musalmaan kyaa sab ek dusare ke bhai bhai to hai..’

nawaab bole,  ‘nahi, tum naashtaa kar lo..bhojan kar lo..lekin mai is vidyaalay men paisaa nahi dunga..’

naaraayan naaraayan naaraayan naaraayan..dukhi kyo honaa?

ve jab haidraabaad se kaashi ke taraf laut rahe the..to haidraabaad men hi kisi murdaa budhddaa aadami ka shav jaa rahaa thaa..to budhdhe vyakti ke shav par paisaa phenk rahe the..to madan mohan maalaviya vo paise chunane lage..aanaa, 2 aanaa, athanni, chavanni us jamaane men hoti thi..vo chillar chunane lage to un ko dekhanewaalon cid ne nawaab ko bataayaa ki itane bade maalaviy ji gaandhiji bhi jin ka aadar karate swatantr sangraamiyon ka tutataa huaa sangathan jinhone jodaa aise mahaapurush murde ke upar jo chillar paise phekate jo bhik mange chhore chunate un ke saath ye bhi chillar chun rahe the..nawaab ko aashchary huaa..bole jaao un ko baa-ijjat le aao.. maalaviy ji aaye , nawaab ne unhe aadar se bithaayaa..

nawaab bole, ‘aap haidraabaad men aaye to aap mere mehamaan huye..aur meraa mehamaan haidraabaad ke sadako par murde par phenki huyi chillar chune!o chun 2-5 rupaye ki chillar aap kyo chun rahe the?’

maalaviy ji ne man men wo hi mantr japaa : NAARAAYAN NAARAAYAN NAARAAYAN NAARAAYAN!

nawaab ko bole : maine apane mitron ko bolaa thaa ki mai haidraabaad jaa rahaa hun..aur nawaab hamaare parichit hai.. mitr hai..to un se mil kar mai vishwa vidyaalay ke liye chandaa le aaungaa..lekin aap ne inkaar kar diyaa..NAARAAYAN NAARAAYAN..koyi baat nahi..mitr puchhenge to kya bolungaa?ki haidraabaad se khaali haath aayaa?nahi! mere mitr ki haidraabaad ki shaan hai..mai bolungaa ki jindo ne nahi diyaa to wahaa ke murdo ne to diyaa hai!

phir man men naaraayan naaraayan mantr japaa.. nawaab ka man badal gayaa..laakho rupaye ikaththe huye..!

bole maa boli thi ki gaay dudh degi lekin aaj to bail ne bhi dudh diyaa hai! naaraayan naaraayan naaraayan naaraayan! 🙂

naaraayan naam to bhai band darawaaje khol detaa hai..

band taale khol detaa hai aur sukadaa dil bhi dilabar ke rang men rang detaa hai!!mai aap ko haath jod ke praarthanaa karataa hun aap chalate phirate naaraayan naaraayan karo..bahot majaa aayegaa! dil pavitra hogaa..

jeevan men trupti chaahiye..khaa khaa ke trupti chaahane waale bimaar ho jaate hai..lover lovary men trupti dhundhanewaale kaami hokar khokale ho jaate hai, aids ke bimaari ke shikaar ho jaate hai..kaamvikaar se trupti nahi hoti satyaanaash ho jaataa hai..bhojan kar kar ke trupti nahi hoti petu ban ke bimaar ho jaayegaa..sanyam se khaao..jaise shauchaalay men jaate prayojan puraa karane ke liye aise khaanaa,pinaa, kapadaa is men trupti nahi, prayojan se karo..trupti to antaryaami bhagavaan se hoti hai bas, us se aap trupt ho jaao to meri mehanat vasul ho gayi!..

sa trupto bhavati – vo trupt hotaa hai..

sa amruto bhavati – vo amrutamay hotaa hai..

sa tarati – vo tar jaataa hai..

lokaan taariyati – logon ko taarataa hai..

to aap roj subah shaam 5-7 minat bhagavaan ke dhyaan se trupti badhaate jaao..to aap ki aadat ho jaayegi trupt rahenaa..jaise shriraam chandraji trupt rahete the..shrikrushn ji trupt rahete the..vashishth muni trupt rahete the ..ramsukhdaas ji trupt rahete the..mere gurudev trupt rahete the ..to aap bhi trupt rahena sikho..bhojan se nahi, paison se nahi ..bhagavaan ki priti se, satkarm se , aanand se, maadhury se trupt hona sikho..

pure hai vo mard jo har haal men khush hai

milaa agar maal to us maal men khush hai

ho gaye behaal to bhi us haal men khush hai!

paramaatmaa se trupti mile..sone ki lankaa se raawan ko trupti nahi mili to phir sundariyon se chamadi chaatane men trupti khoj rahaa hai..ahankaar se trupt honaa chahaataa hai..koyi dhan se trupt honaa chahaate, lobhi ban jaayenge..koyi sattaa se trupt honaa chahaate, ahanakaari ban jaayenge..koyi bhojan se trupt honaa chaahataa vo petu ban jaataa hai..lekin om swarup antaraatmaa se trupti paaoge to mahaan purush ban jaayenge!jeevan mukt ban jaayenge..jab antaraatmaa ki trupti hoti hai to aadami prabhaav shaali ho jaataa hai..vo mahilaa ho chaahe bhai ho us kaa aatmik prabhaav badhataa hai..

OM SHAANTI..

SHRI SADGURUDEV JI BHAGAVAAN KI MAHAA JAYJAYKAAR HO!!!!!

Galatiyon ke liye Prabhuji kshamaa kare..

Advertisements
Explore posts in the same categories: Pujya Bapuji

One Comment on “ASALI TRUPTI”

  1. Kajal Says:

    Hariom g,
    Pujya Gurudev k hr satsang m amrit k dhara bhti. Amrit b itna pribhavshali na hota itna punyadayi na hota jitna mere Gurudev ka satsang, unki miti najar, unka darshan, isparsh.
    Jai ho jai ho Gurudev.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: