sant hruday navaneet punitaa..

Jodhpur 3-4Sept2011(part 1)

satsang ke pahele sadhu log singaar karate hai..idhar ham ko dikhaa ke karate , aashram ki kutiyaa se kar ke aate to kya bigadataa? 🙂  idhar aa ke kyo karate?

Idhar isliye karate ki shingaar ka mahatv samajh men aa jaaye…

4 prakaar ka shingaar hotaa hai..

1 to dushtaayen shingaar karati hai graahak ko phasaane ke liye..laliparfume naaj nakhare aisa veshya shingaar karati,ye dusht shingaar hai..

dusaraa gruhini shingaar karati ki thik thaak rahe.. ghar men, pados men achhi dikhe..

tisaraa sati ka shingaar hotaa hai…saatvik aushadh jadi-butiyon se bane huye vanaspatiyon ke ghol-mel se apanaa sharir swasth rahe aur pariwaar ka, pati ka aarogya achha rahene men bhi madad mile..

jaise  saawan ke mahine men shiv par bilipatr chadhaane ka mahatv hai..kyo mahatv hai?kyo ki in dinon men vaayu-prakop hotaa hai, paachan kamajor hota hai..is bahaane shiv ji ko bilipatr chadhaayenge to bilipatr ki sugandh aap ko milegi , jis se vayuprakop shaman hogaa aur bhukh lagegi, paachan thik hoga..aise sati ka shingaar aisa hota hai ki pati ka man prasann rahe, swaasthy rahe isliye hotaa hai..

ye 3 shingaar to mahilaaon ke hawaale hai..

chauthaa shingaar ham logon ke hawaale hai..:)

ham sadhu log aisa kyo shingaar karate?koyi tripund karate , koyi kuchh karegaa to koyi kuchh..to ye sadhu ka shingaar kya hai?

tripund karate to tinon gunon se paar honaa hai..koyi chandan ragadenge aur bich men tilak karenge…chandan men thodi kesar bhi hoti hai..chandan to dimaag ko shitalataa detaa hai.. vayudosh harataa hai..bolate bolate man, praan upar hote hai to vayu prakop naa ho, dil dimaag swasth rahe..is ke sath aur mahatv ye hai ki sant ka shingaar apane parameshwar ki yaad de..apane parameshwar ka sanshay raheet gyaan, raag raheet, dwesh raheet, bhay raheet, khushaamat raheet, shudhd  gyaan samaaj ko mile isliye sant ka shingaar hotaa hai..

aii haii…jay ramji bolanaa padegaa..

madan mohan maalaviya school/college  jaa rahe the…maa ke charn chhuye.. ‘maa ashirwaad do!parikshaa men paas ho jaaun’

maa boli, ‘kya roj roj bhik maangate? ashirwaad mai tum ko dun, tabhi tum pass ho? arre! mai tum ko aisa mantr bataaun ki tum jo bhi kaary karo us men saphal ho jaao! bete gaay to dudh degi lekin bail se bhi dudh le lewe aisi saphalataa milati hai!’

bole, ‘maa aisa kaisaa mantr hai?’

boli, ‘abhi tu jaa, baad men dungi..’

bole, ‘maa tum bhuk lagaa ke bolati ki phir baad men khaanaa denge..nahi maiyaa mai nahi jata..pahele mujhe mantr bataao…’

maa boli, ‘kullaa kar ke aao, baahen (left) kaan men ungali daalo..mantr to saral hai..nar naari ke antaraatmaa jo chaityany hai us ka naam hai  NAARAAYAN ..to 4 baar bolanaa hai : NAARAAYAN NAARAAYAN NAARAAYAN NAARAAYAN’

nar naari ka antaraatmaa hai NAARAAYAN , chaahe dhani ho nirdhan ho,pathit ho, anapadh ho kisi se bhi tumhaaraa paalaa pade to 4 baar NAARAAYAN NAARAAYAN NAARAAYAN NAARAAYAN bolo to naaraayan ki smruti men naaraayan may ho jaaoge to  tumhaare kaambhi naaraayan ki bhakti may ho jaayenge..

dekho dev rishi naarad ji bhi jahaa bhi jaate bolate naaraayan naaraayan …bhagavaan ko to daity nahi maanate, lekin devrishi ki baat to daity bhi maanate aur devataa bhi maanate, raakshas bhi maanate 🙂

 to manushy men , asur men, sur men, daity men , raakshas men kya fark hai?

bhayankar aankhe yaa chehare dikhaate aisa rakshas nahi hotaa..lekin jin ke karm bhayankar hote un ko raakshas bolate..

asur kis ko bolate? sur kis ko bolate?

bole devataa ko to sur bolate hai..jo dusare ke bhalaayi se prasann ho us ko sur bolate..

a-sur kis ko bolate?

dusare ke bhalaayi se jis ko koyi lenaa-denaa nahi hotaa, apanaa swaarh hi  jis ko dikhataa us ko a-sur bolate..

asuram bhaavam ashritaah

a-sur koyi alag jaati nahi hai..jo kisi ke swaarth men khush naa hotaa ho, apanaa swaarth hi ko sabkuchh maanate us ko bolate a-sur..

jaise kaam devataa ne devataaon ke mangal ke liye shiv ji ke saath kiya, shiv ji ki samaadhi bhang karane ki koshish ki..haalaaki wah dar bhi rahaa thaa..phir dekhaa ki paropakaar ka kaam hai..rati ne samajhaayaa aur devataaon ne samajhaayaa to sur saahas kar ke apane ko kasht men daal kar bhi dusare ke kaam banaane men aanand anubhav karate hai..

ramsukh daas ji suron ke sur the…ramsukhdaas ji mahaaraaj ka naam nahi sunaa vo rajasthaani jodpurwaasi nahi..Jay Ram ji bolanaa padegaa.. 🙂

isi gaandhi maidaan men us mahaa purush ka chaaturmaas ka satsang huaa hai kayi baar…kyaa lenaa tha us suron ke bhi sur mahaa purush ko?..

Ramsukh daas ji mahaaraaj jab 60 saal ke the(aaj se lagbhag 42- 45 saal pahale) tab bikaaner ke kuchh badamaash logon ko videshi logon ne aisaa hathiyaar banaayaa ki vo log is mahaan sant ke liye kuchh naa kuchh galat bolane lage..mai bolu to meri jibh kharaab ho jaaye..vo mahaa purush aise the hi nahi..to aisaa gandaa gandaa ramsukh daas ji maharaaj ke liye ku-prachaar kiyaa ki us mahaapurush ne ann aur jal ka tyaag kar diyaa..

annaa hazaare ne khaali ann ka tyaag kiyaa(pani ka nahi) to sarkaar ko jhukanaa padaa…ramsukhdaas ji mahaaraaj ne ann aur jal dono ka tyaag kar diyaa thaa ..bolo dushprachaar waalon ne kitanaa paap liyaa hogaa aur kitanaa  dushprachaar kiyaa hogaa..tab aise mahaan suron ke sur mahaapurush ko ann jal tyaag karanaa padaa – mai to un ko devon ke dev bolungaa..

hrishikesh men gitaa bhavan hai 3 number men..wahaa un ka satsang hotaa tha..jinho ne un ko dekhaa hai un ka dil to gad gad ho rahaa hai..sant ka charitra sunane se bhi apanaa dil pavitr hotaa hai..mai un ke baare men bol kar apanaa hi dil pavitr kar rahaa hun, dusare ka bhalaa apane aap hi ho jaataa hai.. 🙂

jo khud buraa hai, dusare ka bhalaa nah ikar sakataa..

jo khud buraayi chhod detaa hai, us ke dwaaraa bhalaa hi bhalaa hogaa..

pahele to mujhe ghaatwaale baba ne kahaa ki ramsukh daas ji achhe sant hai , jaao milo..to milane gayaa..garami ke dinon me 2 mahine mai haridwaar me rahetaa tha..jab waapas jaaun ahmdaabaad ki taraf to jin santon se parichay tha un ko bol ke jaataa ki baba mai ab paraso jaa rahaa hun aadi..

shaam ke 5-5.30 baje honge..takhat bichhaa ke satsang kar rahe the..mai un se milane gayaa..maine jaraa pranaam kiyaa to ve satsang karate karate ghutane tek kar mujhe pranaam karane lage!..mai to un ke aage bachche jaisaa…aur aise mahaan sant pranaam kare..ab mai kyaa karun aisa mujhe huaa..

ek baar ramsukhdaas ji mahaaraaj aur mai ghaatwaale baba ke paas gaye to ramsukhdaas ji mahaaraaj ne un ke yun pair pakad liye…

ghaatwaale baba bole, ‘arre baba aap kya karate itane bade sant!’

bole, ‘jo karanaa chaahiye wo hi kar rahaa hun!’

bhaai ji ka naam sunaa hai? bhaai ji /potadaar ji/seth ji bolate un ko..

to bhai ji ki kutiyaa bad ke paas gangaa kinaare thi..to bhaai ji to dev ho gaye..dev kyaa huye? ve to bramh ho gaye..un ki kutiyaa khaali padi thi..to vo kutiyaa mere liye unho ne khulawaa di..mai kutiyaa men rahene lagaa..to wahaa ka ek karmachaari aur dusaraa ek sadhu aaye..bole swaami ji ne bhejaa hai..swami ji ki aagyaa hai aur ye seth ji ki beti ne aap ke liye dahi banaayaa hai..aur ye ghee hai, ye chaawal hai..

maine kahaa, ‘ham apanaa shidhaa leke ghumate hai, apanaa shidhdaa banaa ke khaate hai..yahaa gangaa kinaare mai ye sab kaise lun?’

jab ve bahot jor kar ke dene lage to sab chij lautaanaa achhaa nahi lagataa soch ke prashaad samajh kar bahen ji ka banaayaa huaa dahi liyaa..bahen ji bhi us samay 50-55 saal ki hongi..(tab bapuji 25-30 saal ke the..)

dusare din ramsukhdaas ji mahaaraaj bolate ki,  ‘aap ko shidhaa bhejaa kyo nahi liyaa?’

maine kahaa , ‘mahaaraaj mere paas thaa..’

bole, ‘aap ke paas nahi thaa aisaa soch ke thode hi bhejaa thaa, jin ke paas nahi vo to khub maang rahe hai..lekin aap ke liye hamaaraa kuchh kaam aa jaaye isliye bhejaa thaa…’

kaise mahaan sant!mujhe to sant milan se bahot aanand aataa hai..un ki yaad karataa hun to bhi hruday sant-may ho jaataa hai..

kabiraa darshan sant ke saahib aawe yaad

lekhe men wo hi ghadi baaki ke din baad

to ek hote hai a-sur jo swaarth ke binaa kuchh nahi jaanate…

dusare hote hai sur- kuchh lenaa-denaa nahi, phir bhi shidhaa bhejate..shidhaa bhej ke un ko dhandaa roji roti ka aashirwaad to lenaa nahi thaa..athavaa bete beti ki shaadi nahi karawaani thi..naa hi mujh se bhagavaan bhi nahi paanaa thaa..phir bhi bolate kaam aa jaaye!..ye kaise baabaa the!! 🙂 …suron ke sur! devataao ke bhi devataa!!

sant hruday navaneet punitaa..

sant, bhagavant aur shaastr! ye 3 hamaaraa niswaarth bhalaa karate hai..dusaraa koyi bhalaa karanewaalaa jagat men nahi hai…

maa, baap, mitr, kutumb bhalaa karenge to hamaare sharir ka karenge thodaa…suvidhaa denge..kapade silaa denge..laadi dilaa denge..saari jindagi gaadi khincho! 🙂 aur maro!..dukhayaari bano..bimaar bano aur maro.. 🙂

to maa baap kutumbi jo bhi denge sharir aur sansaar ka denge..

lekin ramsukh daas ji , lilaashaah ji mahaaraaj aur sabhi aatmaa raami sant jo bhi denge wo to hetu raheet jag upakaari aisaa denge..

sant, bhagavant aur shaastr! ye 3 binaa swaarth ka dete aur sachchaa upakaar  karate..

a-sur men , sur men , daity men, raakshas men kya farak hai?

raakshas vrutti, daanav vrutti, maanav vrutti ye sab jivon ki dashaa hai..lekin sant ye saari vruttiyaa jahaa se uth uth kar vilay ho jaati hai us apane aadhaar swarup aatmaa ko mai rup men maan kar bramh ho jaate hai..

isliye sant ki koyi jaati nahi hoti…

jaati na puchho sant ki

puchh lijiyo gyaan

kaam aayegi talawaar

padaa rahene do myaan

sachche sant ki jaati..waah! thik hai ki vyavahaar men to bolanaa padataa hai..

jab hari mahaaraj jodhpur ke paas 1500 men un ka janm huaa tha..umar ke 27 varsh tak ve kuchh bole nahi..un ke pitaa ne devi kaa yagy karaayaa..braamhano ko bhojan karaayaa..ye chhokaraa gungaa hai bole! 🙂  bishnoyi sampradaay ke mukhya sansthaapak ki baat hai ye! 🙂

jaise jad bharat ko bolate ye chhoraa jad hai aisaa hai waisaa hai… 🙂  ..mofat ki rotiyaa khaataa hai , jaa jangal men.. vo bolaa achhaa huaa..ve to raajaa ki paalakhi uthaa ke jaa rahe the..rahugan raajaa ko updesh diyaa to raajaa ko saakshaatkaar ho gayaa!…to aise mahaa purushon ki koyi jaati thode hi hoti hai…:)

ve to gunge bhi dikhe..bahire bhi dikhe..jad bhi dikhe..hoshiyaar bhi dikhe..lekin ve to sab ke paar hai! dikh dikh ko jo badalataa hai, phir bhi jo nahi badalataa hai us men vo tike rahete hai..aap bhi teek sakate ho!

OM SHANTI.

SHRI SADGURUDEV JI BHAGAVAAN KI MAHAA JAYJAYAKAAR HO!!!!!

Galatiyon ke liye Prabhuji kshamaa kare..

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: