Raja akabar ko sabak denewali Kirandevi

Baarmer Rajsthan; 31 August 2011 (PART 1)

yaad shakti, smruti shakti badhaane ke liye aur   aatma vikaas ke liye gaheraa shwaas dono nathune se lo;rok ke rakho..man men bole- “mai bhagavaan ka hun..bhagavaan mere hai ..antaryaami hai..mere saath men hai..door nahi , durlabh nahi..pare nahi, paraaye nahi..hamaare apane hai, bhagavaan antaraatmaa hokar vyaap rahe hai..”  ab (jab tak bhitar ka shwaas hai tab tak)..kanth se hoth band kar ke omkaar japate huye gardan aage pichhe hilaaye.. aisaa 2-3 baar kare..is se bhagavaan to prasann honge, kanth madhur hoga, thoiryde ki bimaari nahi hogi.. budhaape me vismruti nahi hogi..agar bachcho ko ye sikhaa doge to bachche thodi mehanat se achhe mark se paas ho sakate hai.

dusaraa prayog:-dono kaan men ungali daalo, shwaas bharo aur kanth se omkaar ka gunjan karate huye omkaar swarup aatmaa ki shakti ko  jagaao….kano men ungali daal kar ek baar shwaas liyaa,hoth band kar ke kanth men omkaar ka gunjan kiya jab tak shwaas hai..ye 1 baar huaa…aisaa roj 10 baar kare..is se smruti shakti gajab ki badhegi..bahot achhe mark to hasate khelate  le aayegaa..chaahe bade se badaa samraat bhi us ko phasaaye to vo ladaki yaa ladakaa samraat ke phasaan men nahi aayenge..aisi aatm-shakti badhaati hai ye vidyaa.

omkaar ki saadhanaa karane waale chaahe yuwak ho yaa yuwati ho, maut se darate nahi lekin maut ke ghaat utaarane waale ko thik kar dete hai.

maharana prataap ka naam to tum log jaanate ho..maharan prataap ka bhaai tha shakti sinh ..shakti sinh ki beti ka naam kiran devi tha..kiran devi ko satsang men aisaa kuchh divy gyaan mila tha ki omkaar ka gunjan karati..aisaa kuchh sikhane ko mil gayaa ki kiran badi bahaadur hui..aur log to kiran ko dekh kar bolate the ki ye to devi ka roop hai..kyo ki omkaar ka jap karane se adhi bhautik aur adhi daivik shaktiyaa vikasit ho gayi thi..

un dino akbar baadshaah ke yahaa khushaaroj mela lagataa thaa..khushaaroj melaa men nauve din sirf mahilaaon ko pravesh hotaa tha.. purush nahi aate the..to saari mahilaaye mahilaaye hoti to dil khol ke mele men ghumati thi…ghunghat ki jarurat nahi..

to akabar jitanaa prasidhd raja thaa utanaa hi havas ka bhi gulaam thaa…raniyon se us ka pet nahi bharataa, havas puri nahi hoti  to koyi bhi sundar yuwati ko dekhataa to us ko phasaane ke liye saajish karataa…ab mele men navame din koyi purush nahi jaaye..akabar bhi aurat ke kapade pahen kar jaataa..aur us ki rakhi huyi jo badamaash veshyaaye bhi us ke saath men raheti us mele men..akabar jis ladaki ki taraf ishaaraa kar deve vo kulataaye us ladaki ko samajhaa ke bujhaa ke us ko pralobhan dekar..saam daam dand bhed  kaise bhi kar ke ladaki ko le aati..jab raja chaahe to un ki rakhi huyi badamaash  aurate kuchh bhi kar sakati thi raja ke liye..

to melaa dekhane gayi shakti sinh ki kanyaa kiran devi.. aur akabar ne us ka roop laavanya prabhaav dekh kar aisaa ho gayaa ki jaise dipak ke aage patangaa kurbaan ho jata hai, aise kiran devi ka rup saundary prabhaav dekh kar akabar saath men jo kulataa badamaash aurate thi un ko bolaa ki kuchh bhi ho jaay biso ungaliyon ka jor lagaa kar is ko mere mahel men haajir kar do..

ab kiran devi to un ke saajish me phansi aur un ke sath ho gayi..kiran devi ko kya kya baate kar ke pralobhan dikhaa ke phasaa ke us ko akabar me mahel men le gayi..kulataayen to chali gayi..kiran ko dekh kar akabar ka to kaam vikaar ekadam andhe ghode par haavi ho gayaa…kiran devi samajh gayi ki vo aurate inhi ki bheji huyi kulataaye thi aur mere ko phansaa kar yahaa laayaa gayaa hai..ye havas ka shikaar hai…kshan bhar ke liye chup huyi aur aagyaa chakr men omkaar swarup ka dhyaan kiyaa.. hey antaraatmaa paramaatmaa tu mere saath hai..tu hi aadya shakti ke rup men aur tu hi krushn aur ram ji ke rup men , tu hi sant aur bhagavant ke rup sab ke dil men pragat hotaa hai.. meri sahayataa karanaa aur mujhe saamarthy denaa teri hi krupaa hai..om om man men japaa..kamar se katyaar nikaali..aur jaise sherani haathi par jhapatati hai aise akabar ka haath pakadaa ek…katyaar ko sambhaalate huye aisaa kuchh daanv maaraa ki akabar niche gir padaa..kiran devi jump maar ke akabar ke chhati par chadh baithi aur katyaar gardan par rakh ke boli abhi teri mrutyu ki ghadi hai nalayak..bhagavaan ne tujhe raja banaayaa..bahu betiyon ki ijjat bachaane ka raja ka kaam hotaa hai..aur tu aurate ke kapade pahen kar sundar ladakiyon ko phasaane ke liye mele men ye saajish karataa hai..ab teri mrutyu nikat hai..bol kya chaahiye?..

akabar bola, mujhe prano ka daan de de devi….

kiran devi boli, tu havas ka shikaar..is khushroj mele ko band karegaa ki nahi?

akabar bola, allaah ki kasam mai band kar dungaa..

kiran devi ne to garjanaa ki om om om om ..

akabar ke niche kapade gile ho gaye..akabar kaapane lagaa..bola, mai mela band kar dungaa aur dubaaraa tumhaari jaisi yuwatiyon ko nahi phasaaungaa..

kiran devi dahaadi, “hamaari jaisi nahi, dusari koyi bholibhaali ho to bhi..kisi bhi kanyaa ki ijjat nahi lutegaa..bol vachan detaa hai ki katyaar gale se aarpaar kar dun?”

akabar bola, “nahi nahi!  ..”  kya akabar ki durdashaa huyi..bachchaa bhi itanaa kapadaa gila nahi karataa…aage kapadaa gilaa hotaa to pichhe nahi hotaa..lekin akabar ke to pichhe bhi rangin kapade ho gaye aisi buri haalat huyi..

akabar aisa kaapane lagaa..kis se? ek kanyaa se!..

kanyaaye apane ko abalaa naa samajhe..mahilaaye apane ko durbal naa samajhe..om swarup antaraatmaa paramaatmaa ki shaktiyaa sab ke andar chhupi hai…om om om om om…

(bahut sundar omkaar ka kirtan ho rahaa hai..)

omkaar ke gunjan ne aisi shakti jagaayi kiran devi men…akabar ne maaphi maangi..akabar ke munh par thukati huyi kiran devi us ke mahel se nikal gayi..akabar ne vo mela band kar diyaa..aur sundar yuwatiyon ko phasaa ke havas ka shikaar banaane ka dushkarm chhod diyaa ki nahi pataa nahi lekin kam to jarur kiyaa hogaa..

aise hi ek 14 saal ka ladakaa thaa kumaar gupt ka betaa skand gupt..apane pitaa ko kahetaa hai ki, “pitaashri..hamaare magadh desh men HUN log aakar aatank karate hai..pablik ko loot ke pareshaan kar dete hai aur aap red allert jaahir kar dete ho..jahaa tahaa pulice ko khadaa kar diyaa, jahaa tahaa checking waalon ko bithaa diyaa ..is se pablik aur bhi pareshaan hoti..nirdoshon ko check karate aur haraami  to lutate jaate..pitaashri phatave chalaane se pablik ki sewa nahi hoti..red allert aur check check karane se sewa nahi hoti..huno ka bandobast karane se pablik ki sewa hoti hai..pitaashri mujhe 2 lakh sainik dijiye!mai paidal jaaungaa aur panjaab ke us paar kashmir ki ghaatiyon  men jo hun lutere chhupe hai , mai un ko khoj khoj ke din men taare dikhaa dungaa…

beta tu to sirf 14 saal ka hai!

pitaashri mere guru ne kahaa hai ki

udyaamam saahasam dhairyam

budhdi shakti paraakram

shad yate yatr vartante

tatr dev sahaay krut

jo udyami hai, jo saahasi hai, jo dhairywaan hai, jo shaant hokar aatmaa men gotaa maarataa hai..jis ki budhdi vikasit huyi hai omkaar jap kar ke , satsang sun ke …jo paraakrami hai us ko to kadam kadam pe antarayaami dev sahaayataa dete hai!…pitaashri umar se koyi badaa nahi hotaa..kayi badi umar waale log bhi bewkuf hote hai..collector 25 saal ka hai aur kayi badi umarwaale chaparasi ko aur pure district ko chalataa hai..umar se  tulanaa kshudrataa hai..budhdi se tulanaa baniyaa panaa hai..aur aatmaa se tolanaa to bramh panaa hai pitaashri!

betaa teraa itanaa gyaan!mujhe pataa nahi tha!

raja kumaar gupt ne aadesh diyaa:

mantri! skand 14 saal ka dikhate huye bhi is ko guru dikshaa mili hai! gurukul me is ki padhaayi huyi hai!vichaaron me to kayi budhdimaan rajaon se bhi ye 14 saal ka meraa laal aage nikal gayaa hai!kyo ki is ne saaraswatya mantr liyaa hai!..birbal ko bhi saaraswaty mantr mila tha to birbal mahaan ho gayaa tha..skand gupt ko 2 laakh sainiko ke sath bigul bajaa kar bade aadar se hun ke pradesh men bhejane ki vyavasthaa karo..

( pujyashri sadgurudev ji bhagavaan ne skand gupt ke shur kathaa sunaa kar bachchon me shurataa virataa aur utsaah bhar diyaa..)

jo dukh ko dekhataa hai jaanataa hai , sukh dukh men dhiraj rakhataa hai..sukh dukh swapanaa hai us ko jaanaewala chaityany pramaatmaa apanaa hai ..aisaa jo jaanataa hai us ki bhakti jaldi phalit ho jaati…

hamaare saadhak kabhi by pass sarjari nahi karaanaa..turant ashram men phone kar ke turant upaay jaan lo…turant marij ko 25 tulasi ke patte ka ras,ek kali mirch aur jaraa sa shahed kut ke chataa de to blockege khulataa hai..dusare bhi kayi upaay hai blockage kholane ke..

vishnu puraan men pralhaad kahete hai ki maine samataa se hi sab kuchh paayaa hai..dukh aataa hai to mai samajhtaa hun ki  dukh aasakti chhudaane ke liye.. dukh tab tak banaa rahetaa hai jab tak dukhi ka dukh ka satupyog nahi karataa tab tak nahi mitataa..dukh dukhi ki bhul se aataa hai…dukhi samajhataa ki mere ko phalaane ne dukh diyaa..sansaar se dukh mitaane ki koshish karate to  dukh badhataa hai..dukh haari bhagavaan men priti karate to dukh sadaa ke liye jata hai…sansaar ki aasakti chhodate to dukh chalaa jaataa hai..dukh aayaa to vivek jagaane ke liye, vairaagya jagaane ke liye..dukh se vikaas hotaa utanaa sukh se nahi hotaa…aisaa soch ke jo prasann rahetaa hai us ka dukh tikataa nahi..

jo sukh ka lolup nahi hai aur dukh se bhaybhit nahi hai us ko sukh khokalaa nahi karataa aur dukh us ko dabochataa nahi…

sukham vaa yadi vaa dukham

sa yogi paramo matah

sukh aaye chaahe dukh aaye un dono ka jo upyog karataa hai bhagavaan kahete vo param yogi hai..

jo log sharir ko sataate hai, nange pair chalate, dhup men chalate aisaa tap taamasi hai aisa bhagavaan bolate..maang kar khaate yaatraa karate to daan ka khilaanewala un ka punya le letaa hai..sharir ko tapaanewala taamasi hai, aisaa kar ke aatmaa ko dukh nahi denaa chahaiye..

om namo bhagavate vaashudevaay…

om namo bhagavate vaashudevaay…vashudevaay..priti devaay..maadhury devaay…mere devaay…hari om om om..

OM SHANTI.

SHRI SADGURUDEV JI BHAGAVAN KI MAHAA JAYJAYKAAR HO!!!!!

Galatiyon ke liye Prabhuji kshamaa kare…

Advertisements
Explore posts in the same categories: Pujya Bapuji

2 Comments on “Raja akabar ko sabak denewali Kirandevi”

  1. Govind Says:

    Great sewa..


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: