divya jyoti hai ye andhakaar men…

Baadmer (rajsthan); 31 August, 1 Sept 2011

 

 

shanti mantr ka uchchaaran ho rahaa..

 

bhagavaan kahete hai :

mamayi vaansho jeevloke

jiv bhute sanaatan

 

ye jeev mera vanshaj hai, sanaatan hai..

jaise mai amar hun aise ye jeev amar hai..

jaise mai gyaan swarup hai aise ye jeev gyaan swarup hai..

jaise mai chaityany hun aise ye jivaatmaa bhi chaityany hai..

 

bhumi raapo analo vaayu

kham mano budhdi revach

ahankaar etyev

me bhinn prakruti ashtadaa

 

pruthvi , jal, tej, vaayu, aakaash ye 5 mahaa bhut aur man, budhdi aur ahankaar ye 3 milaakar bani ashtadaa prakruti mere se bhinn hai aisaa bhagavaan  apanaa anubhav bataate hai..isliye apanaa anubhav bataate hai ki jeev bhi bhagavaan ke gyaan ke saath apane gyaan ko samajh lewe..jaise panch bhautik sharir , man budhdi aur ahankaar in sab aathon se mai alag hun ..aisaa bhagavaan kahete hai..jaise bachche ko maa athavaa baap bachche ki totali bhaashaa se bol kar bachche ka gyaan badhaate hai.. aise hi bhagavaan hamaari bhaashaa men bolate hai..ki ye man budhdi ahankaar aur panch bhautik sharir in se mai bhinn hun..to hey jivaatmaa tu bhi bhinn hai..sharir badal gayaa tu wo hi ka w hi hai..man badal gayaa tu wo hi ka wo hi hai..budhdi badal gayi tu wo hi ka wo hi hai..ahankaar badalaa ..’mai baalak hun..mai premalaa hun..mai premu hun..mai premaji bhai hun..mai dr. premaji hun..mai shishya premaji hun..’  – ye tumhaaraa mai bhi badal jaataa hai..budhdi bhi badal jaati hai..sharir bhi badal jaataa hai..us ko tum jaananewaale jivaatmaa chetan ho!

sharir badalataa us ko tum jaanate ho,

man badalataa us ko tum jaanate ho,

budhdi badalati us ko tum jaanate ho..

ahankaar badalataa hai us ko tum jaanate ho..

tum chaityany aatmaa ho..tum ko bhagavaan bhi nahi maar sakate..sharir to panch bhautik maranewala hi hai..sharir to bhagavaan ne bhi nahi rakhaa..to tumhaaraa sharir bhi sadaa nahi rahegaa, lekin sharir ke marane ke baad bhi tum rahete ho..

 

bachapan badal gayaa, tum ho..

jawaani badal gayi, tum ho..

dukh badal gayaa, tum ho..

sukh badal gayaa, tum ho..

is prakaar tum jo shaashwat ho , aise apane shaashwat chaityany aatmaa ka gyaan paakar sab dukhon se tar jaao aisaa bhagavaan kahete hai..bhagavaan ki waani sab ke bhale ki waani hai..aur bhagavaan ki waani saar garbhit waani hai..

 

mamayi vaansho jeevloke

jiv bhute sanaatan

 

man shashtaani indriyaani

prakruti sthaani karshati

 

 

meraa vanshaj hai lekin man aur 5 indriy mil kar aakarshit ho kar ye phasataa hai..

 

ye gyaan sunane maatr se bahot bhaari laabh hogaa..60 hajaar varsh tapasyaa karane se bhi utanaa bhaari laabh nahi huaa raawan ko jitanaa shabari bhilan ko ho gayaa..matang rishi ke aashram men shabari ko aatma-paramaatmaa ka gyaan milaa thaa..

miraabaai ko rahidaas guru se gyaan milaa, miraabaai mahaan ho gayi..

 

maharaanaa prataap ka bhaai shakti sinh ..shakti sinh ki beti kiran devi ko satsang se aisi shakti mili ki chhal-kapat kar ke raja akabar ne us kanyaa ko apane mahel ke andar bhogyaa banaane ke liye paa liyaa thaa; lekin us ne akabar haath aise mard ke akabar giraa diyaa aur katyaar nikaali..dusht tu raajaa hai..prajaa ki bahu-betiyon ki ijjat ki rakshaa karane ke liye  raja hotaa hai ..aur tu? mahilaaon ke mele men sree ka vesh banaa kar sundariyon ko dhundh dhundh kar badamaash rakhaito ko ishaare se bolataa hai aur ve kulataaye hamaare jaise nirdosh kanyaaon ko pakad pakad ke tere havaale karati hai..aur tu manamaanaa duscharitra karataa hai..tere praan abhi gaye..

akabar kirandevi ko haath jodane lagaa..praan daan de devi kiran maaphi de..alaah kasam dubaaraa nahi karungaa..

kiran devi boli ki tu ye dubaaraa nahi karegaa , lekin jo khusheroj mela tum ne rachaa hai saajish ke liye ki nauve din mele men purush ko pravesh nahi, kewal mahilaaye jaayengi to sreeyaa bechaari khule dil se aati .. khusheroj mele men tu mahilaa vesh dhaaran kar ke aataa hai..veshyaaye aur kulataaye lekar ghumataa hai mele men aur  sriyon ka saundary dekh kar lampat hokar havas ke liye sundar kanyaao ko phasaane ka ishaaraa karataa hai..aur ve kulataaye saam daam dand bhed kar ke sundar kanyaao ko tere mahel men rakhati hai..is mel eka khaatmaa karane ka vachan de nahi to tere abhi praan leti hun..akabar khudaa ki kasam khaa kar bolaa ki khushroj mela nahi hogaa..baad men akabar sudharaa ki nahi sudharaa lekin kiran devi ne akabar ko din men aasamaan ke taare dikhaa diye!

 

to is jivaatmaa men kitani shakti bhari hai!

 

mahatmaa gandhi ne dekhaa ki angrej bhaarat waasiyon ko loot kar shoshan kar rahe aur hindu dharam ki mahaanataa se vichalit kar rahe..  “angrej bhaarat chhodo!”  gandhiji ne pahelaa naaraa diyaa.. akele vo mohandaas karamchand gandhi the..british shaasan ke liye unho ne ghoshanaa kiyaa ki anrej bhaarat chhodo to us samay to angrej shaasan se log darate the ..akhabaaro ne gandhiji ko paagal bola, kya kya kaartun banaaye..kya kyaa bura likhaa lekin aakhir men gandhiji ne angrejon ko bhaarat chhodane ko majabur kar diyaa…ek akele gaandhiji ne..

 

bhaarat ke manushyon men , bhaarat ke bachche bachchiyon men kitani shakti chhupi hai!

 

14 saal ka skand gupt magadh ko sataanewaale kashmir ki ghaatiyon ke HUN logon ko haraa kar apani saare raajy ka yash phailaane men saphal ho gayaa..

 

 aise hi jaypur ke paas men galataa tirth hai..ek pahaad hai..galataa tirth to baad men naam padaa..shaandili naam ki ek kanyaa ne satsang sunaa..

(pujyashri sadgurudev ji bhagavaan ne kanyaao me himmat, bal aur utsaah bhar denewali ye shandili ki ye sundar kathaa sunaayi ..padhane ke liye krupayaa is link par clik kjiyegaa :

http://wp.me/P6Ntr-Jy     )

 

 

1 taarikh ko bhadarapad chaturthi hai,is raat ko chandramaa nahi dekho..kalank lagegaa..bhagavaan krishn ne dekhaa to bhagavaan par bhi simantak mani churaane ka kalank lagaa thaa..bhagavaan ke banaaye huye niyam kaanun bhagavaan par bhi laagu hote hai..to aap chaturthi ka chandramaa nahi dekhanaa..tij ka aur panchami ka chaand jarur dekh sakate hai..achhaa hai..

 

nind thik se nahi aati ho, munh men chhale pade ho , aankhon men jalan hoti ho, maasik adhik aataa ho, gussaa adhik aataa ho athavaa , chehare par muhaase ho, ghaanv jaldi nahi bharate ho to ye sabhi pitt dosh ki takalife hai..is par upaay hai ki  :-

 

badi sauf(variyali)20 gram + dhanaa 20 gram + jiraa 20 gram  sab baraabaari ki maatraa me lekar powder kar ke rakh do , is men  60 gram mishri athavaa kishmish milaa do..200 mili paani men 10-15 graam bhigaa diya ye mishran 2 ghante tak..phir masal ke vo pani pi liyaa..to nind achhi aayegi..munh ke chhale thik ho jaayenge..aankho ki jalan thik ho jaayegi..pitt sambandhi bimaariyaan thik ho jaayegi..

 

dusaraa upaay hai ki 10 gram aawale ka churan aadhaa glass pani me daal do, ghol banaa ke thodi der rakh do..phir maje se subah subah piyo..(is men mishri daal sakate hai)..pani padane ki bimaari thik ho jaayegi..munh ke chhale thik ho jaayenge…aankho ki jalan thik ho jaayegi..kabjiyaat ki takalif thik ho jaayegi..

 

is sijan men  chhans nahi khana..sharad poonam tak khatti chhas kadhi nahi khana chaahiye..

 

 

sharad ritu rogon ki maa hai..khaansi, sardi, jukaam, aankhon ki jalan , infection ye sab is sijan men ho jata hai..

 

mai bhi khaans rahaa hun! 🙂 lekin mai kyaa karataa hun ki gaay ke gobar se bani go-chandan ghup batti jalaa kar us par 2 bund gaay ka ghee daal kar us dhup ki dhuwe  men praanaayaam karataa hun..to meri tabiyat binaa davaayi ke thik ho jaati hai..phir havaa badalati, phir thodaa kho-kho ho jata hai , phir thik ho jata hai ! 🙂

 

kaisi bhi sardi ho daaye naak se (right nostril) shwaas liyaa, savvaa minat (75seconds) rokaa aur baahen naak(left nostril) se chhod diyaa..aisa 4-5 kare.. sardi binaa davaayi ke gaayab! 🙂  ..log sardi ke liye davaayi lete, us men aaraam to ho jata hai lekin vo kaf sukh jata hai..kaf sukhane ke baad us men se cancer banataa hai, tumar banataa hai..bahot khataranaak bimaariyaa banati hai.. angreji davaayiyaa bimaari ko dabaa deti hai, thik nahi karati..jaise gandagi hai- us ko chaadar se dhak diyaa to gandagi to dhak gayi lekin thode dinon men vo chaadar bhi gandi ho jaayegi..gandagi ko dhakanaa ek baat hai aur gandagi ko dusari baat hai..to kayi aisi angreji davaaon se rog ke kan sukh jaate to us men se kayi dusare rog paidaa hote hai…lekin praanaayaam karane se aap ka kaf aur rog ke kan baahar nikal jaayenge..

 

 jodo men dard hai to :

100gram erandiyaa tel garam kar ke us men 60/70gram lahesun kut ke daal do..tel men lahsun jal jaaye to chhan ke rakh do..ghutane ko is tel se maalish karo…aur bhojan karate samay aakhari gras men ek chutaki ajavaaiin milaa do aur gaay ke ghee ke 10 bunde daal do..ye gras chabaa chabaa ke khaao..ghutane ke dard men aaraam milegaa..jodo ka dard me aaraam milegaa..

 

jin ko khuni bawaasir ki takalif ho to :

kaale teel aate hai, us ko mixi men ghumaayenge to pis jaate hai.. to kaale teel aur makhkhan milaa ke subah subah khaa le..10-15 gram kaale teel aur 10 gram makhkhan..us se khuni bawaaseer men aaraam milataa hai..laakho rupaye ki davaayi karane se bhi jin ko aaraam nahi huaa un ko mai ye upaay bataayaa… 🙂

 

jo log afim khaate, sharaab pite, paan masala khaate, bidi pite vyasan karate vo log paisaa to barbaad karate lekin apani jawaani bhi barbaad kar dete hai..aise logon ko satsang ki bahot jarurat hai..satsang se vyasan chhutate hai..satsang se rog chhutenge..satsang se jhagade chhutenge…

 

ye sijan hai khir khaane ki 🙂

 

 

 

100 kaam chhod kar bhojan kar le..

1000kaam chhod kar snaan kar le..

laakh kaam chhod kar daan punya kar le..

aur karod kaam chhod kar bhi hari ka gyaan bhar le , vo hi saath men aayegaa..

 

hari ka gyan nahi hai to log shradhdaa to rakhate hai lekin vo bechaare log shradhdaa ke saath saath satsang nahi sunate to sharir ko sataate..bhagavaan ne gitaa men kahaa hai :

jo log sharir ko sataate vo mujh antaraatmaa ko kasht dete hai..

 

jaise abhi garami ki sijan hai aur paidal nange pair yaatraa ko jaate to sharir ko sataate..garami hogi to sapan dosh ki bimaari hogi..upar se bhusaa khaate- namakin khaate, bhajiyaa khaate..paan masaalaa bhi khaate aur bhagavaan ka darshan bhi karane jaate..bidi bhi pite, chaay bhi pite..satsang sunate to ye galatiyaa nikal jaati to bhakti phalati hai..nahi to bhakti ke naam par bhi log bechaare phas jaate..

 

Pujyashri sadgurudev ji bhagavaan ne “bade pir” ki kathaa se ye samajhaayaa hai ki maanane waale ki shradhddaa ka durupayog naa ho..is kathaa ke liye krupayaa is link par clik kijiyegaa :

 

http://wp.me/P6Ntr-sG

 

bhagavaan bolate shradhdaa to ho lekin shradhdda ke saath budhdi ka vikaas karo..budhdi ko bhagavaan ke rang se rango, bhagavaan ke gyaan se rango…aap bhagavaan ke vachan bolanaa:

 

budhdi yog upaasitya

machitt satatam bhav

 

budhdi yog se upaasanaa kar ke mujh chaityany ke saath chitt ko jodo..ye badaa pir hai-ye badaa dev hai-bolate lekin sab se badaa dev to antarayaami paramaatmaa hai..agar ye paramaatmaa dev nahi hai to baahar ke dev ki murti kaun banaayegaa?bade me badaa pir apanaa paramaatmaa hai!apane hruday men hai..sab se badaa tere dil kaa devataa paramaatmaa hai..

to bhagavaan bolate :

 

iishwaro sarv bhutaanaam

hrudayeshe arjun tishtati

bhraamanti sarv bhutaani

yantr rudhani maanavaa

 

jaise koyi bike par hai to bike jaisi gati hoti hai..koyi jahaaj men hai to jahaaj jaisi gati hoti hai..rel men hai to rel jaisi gati hoti hai aise jaisi maanyataa hai aisaa hi us ko lagataa hai..hakikat men maanyataa ke gaadi men baith kar aisaa aisaa sochataa hai …lekin maanyataaye badal jaati phir bhi jo nahi badalataa vo aatmaa paramaatmaa om swarup ek hi sattaa hai..

(omkaar ka kirtan ho rahaa hai..)

kirtan kar ke thodi der shant baith jaaye..

phir aankh ki putali upar kare aur aankh ki palake niche kar de..40% palake khuli rahe..jaise shiv ji karate shaambhavi mudraa..

 

shwaas andar jaye to om baahar aaye to ek, shwaas andar jaaye to om , shwaas baahar aaye to 2 aise shwaasoshwaas men omkaar ki ginati kare..

 

shandili ki shakti jagi..kiran devi ki shakti jagi..dhruv ki shakti jagi thi..aap ki jagaa do! kaay ko idhar udhar bhatakate?

 

gahaeri shaanti..madhur shaanti..paramaatm shaanti..

 

 

shradhdaa se  jo bhi in ko navaaje

jogi un ke hruday me biraaje

saari khushiyaa samaayi is dwaar men…

gaadi chali hai guru ke darabaar men..

namah shivaay om namah shivaay…

 

 

heet karate hai jogi sab kaa

karunaa may hai dil jogi kaa

divya jyoti hai ye andhakaar men…

gaadi chali hai guru ke darabaar men..

shrikrushn govind hare muraari..

hey naath narayanaa vasudevaa..

 

OM SHAANTI..

 

SHRI SADGURUDEV JI BHAGAVAAN KI MAHAA JAYJAYAKAAR HO!!!!!

Galatiyon ke liye Prabhuji kshamaa kare…

 

 

Advertisements
Explore posts in the same categories: Pujya Bapuji

2 Comments on “divya jyoti hai ye andhakaar men…”

  1. Jaibe Singh Says:

    Swamiji Ki Mera Kyoti Kyoti Pranam, i have a question and would love to get an answer if possible and would be bery much appreciated. My question is what time of the day is best to perform Hanumanji Pooja, some say before 12.00PM is there any specific reason for this, i can get a quote from a scripture that would better.
    Jai Sia Ram.

  2. Neeraj Says:

    हरि ओम भाई, आपका Email id मिल सकता है क्या ? yah sewa aur bhi hai….


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: