sab se badaa tirth- apanaa aapaa!

HARIDWAR, 14 MAY 2011

swaasthy ke liye samudr ke paas ki bhumi 3 re number ki , rajsthan ki dusare number ki aur jungle pradesh ki pahele number ki hoti hai jahaa hariyali, parvat, nadi ho…jahaa hariyali, parvat, nadiya aur khula wataran ho aisi bhumi me bhi sapt nagari ka vishesh mahatv hai..sapt nagariyo me haridwar ka naam aata hai..ye mokshdaayini arthat mukti denewali hai, aur mukti nahi hoti tab tak unchi awastha me le jaayegi aisi bhumi hai…


 


 


Haridwar me sthan ki visheshtaa huyi, sadhu sant sidhd purush idhar aate rahete..prithvi tatv ki visheshataa hai..haridwar achal tirth hai, yahaa chal tirth bhi aate rahe..jaise mandhata raja aaye, unho ne bramha ji se 3 vardaan paaye…


1)bramhkund me bramhaji ka mandir hai- nity niwaas..


2)jo bhi har ki paudi me gota mare us ko turant aanand mile…


3)bade sant mahatma sadhak jigyasu yahaa aaye..


 


 


to ek hota hai achal tirth jaise haridwar, ayodhya mathura aadi achal tirth hai..dusare sant mahatma ye chal tirth hai..tisara tirth hota hai bramhchary tirth, khsamaa tirth, shauch tirth…


 ye sabhi sthavar-jangam, chal achal sabhi tirth ka phal ek sath mil jata hai vo satsang ke dwara apanaa aapaa jaan lenaa ye badaa bhari labh hai..is laabh ko ishwar prapti me kharche to ishwar prapti ho sakati hai jis me bhi aap is ka upyog kare vo ho sakata hai..


 


 


 


jo log tirth me piknik place maan kar aate to bade ghate me rahete, vo hire ko kankad samajhate hai..


… jo tirth budhdi se aate un ko vishesh laabh hota hai..


 


tirth budhdi se aanaa arthaat:-


 


kisi ko kasht ho aisa acharan nahi karega, daan ka nahi khayegaa,  sewa lene se kataraayegaa, sewa  karane me tatpar rahegaa..to vo vyakti tirth budhdi se rehataa hai..


 


aap kasht sahete dusare ko sukh milataa to vo samay paakar paramaanand laayegaa..


 


 


jaise udiya baba raat ko laghushanka karane jaate to khadaau pahen ke nahi jaate.. ‘khat khat’ ki aawaj se kisi ki nind tutegi…mere khadaau ke dwara kisi ki nind naa tute to ye santo ka yagymay sab kaam hai..


 


aise dekha jaaye sari srishti yagy kar rahi 24so ghante!.. sury, chandrama, vayu, vriksh sabhi satat yagy kar rahe..


varaah bhi yagy karate.. gandagi khate aur saphai karate…


chin me vishaile saap maarate..kafi saap maar maar ke aakhir aise huaa ki wahaa ke  ped paudho me jahiri ansh badh gaya..phir aushtreliya, africa  se saap mangavaa kar basaaye..


saap apane me vish samaate isliye ve vishdhar hai..aap ke ghar me makadi jala banaati,  ye jeevjantu naa ho to aap jine ke kaabil nahi rahenge..ye makadi bhi yagy kar rahi..sab ka asthitv ek dusare ke kaam aata hai..manushy is ko samajh ke bhagavan maan le to kaam ho jaaye..


 


 


maa agar srishti karta ke vyavsatha me mai bhagi hun aisa soch kar bachche ko janam deti to yagy ho gayaa..jo bachhce ko paida kar ke sukhi hona chaahate phir to gaye kaam se…


 


dukhiyare ko dilasa, pyase ko pani, nigure ko saguraa, agyaani ko gyaan ki taraf le jana, dusare ka dukh har ke sukh dena.. ye yagy hai..dusare ko dukh deke bhi apane me sukh bharana ye bahot bhari dukh laayegaa..


 


 


yogyataa badhane se bhagavan milega is chakkar me na pado..aap me jo bhi yogyataa hai vo bhagavan ke kaam aaye ye soch ke karo…to aap ke dwara yagy ho gayaa…aap ke sharir ko mahatv denge to mohi ahankari honge , yash ko mahatv denge to indriy lolup honge..bhagavan ko mahatv  denge to bhaktiyogi, gyan yogi,  karm yogi ho jayenge..


 


 


vikshep ko sam, samaadhi ko sam rahe ..mrityu ke samay ‘mai mar raha hun’.. tabhi bhi kaam adhura hai..bhagavan sarv vyapak hai jad bhi vahi chetan bhi vahi…mrityu ke samay bhi agar ‘mrutyu bhagavat rup hai vishranti dene ki krupa karate hai’ ye gyan agar mrityu ke samay bhi aa jaaye to unche me uncha bhagavat tatv samajh me aa jaaye..


 


 


sab awasthaa me isht ke prati, guru ke prati aur  gyan ke prati sajaag rahe to bahot unchi baat hai..samaadhi me vikshep me sam rahete , mast ho rahe us me jag gaya vo mahapurush..jo samadhi me hi sukh paate, vikshep nahi chahate  ve dhundhale prakash me hai…aur jo na samadhi jaanate , naa vikshep ve to andh kup me khadbadaa rahe..


 


 


gurur bramha gurur vishnu gurur devo maheshwaraa…


 


 


chhoti me chhoti bacteriya me bhi wohi prabhu hai, jad-chetan me vo hi prabhu,  mai aur tu bhi wo hi hai..avikamp yog laaye..


 


 


boston, new york aur californiyaa me omkar therapywale ne kaam kiya to pata chala ki pet, mastak aur hruday omkar se thik hotaa…prof J marjin ne khoja ki omkar uchchaaran se kampan aandolan se mrit koshikaaye jivit ho jaati hai aur jivit koshikaao me nayi koshikaao ka nirmaan hota hai..


aise deh adhyasiyoko bhi omkar therapy se phayada hota hai..


 


ye log khojate khojate abhi aaye.. lekin hamaare yahaa to aate bhi jaate bhi om om om om !!!!!


 


..7 baar omkar japane ke baad is bramhand ko chir kar auora anant bramhando se ekaaakar ho jati hai..isliye omkar samput se omkar ki sadhana shuru ki hai..


mashine sthul ko pakadati hai, lekin sukhsm ko nahi pakad paati…..mere sadhako ko is sadhana se jo phayada hota vo vigyaniyo ke samajh ke baahar hai..


 


 


 


new york boston californiya me chal pade hai deh ke liye..


lekin omkar ki mahima ye doctor samajhate utani nahi..jitana mai samjhataa us se bhi bahot jyada hai..aap kiye jaao aur rahasy khole jaao..aisi koyi samasya nahi, aisi koyi  musibat nahi jo is se bhaag naa jaaye..tivr prarabdh se naa bhi jaaye to bhi viphalata ka dukh nahi hogaa..ye kitani badi saphalataa hai!


 


 


omkar jap karane se rakshan shakti vikasit hoti hai ..panini ke anusar gati shakti, kanti shakti, priti shakti ka vikas hota hai, aawaagaman shakti- dusare ke manobhaav jaanane ki shakti, pravesh avanti- sarv antar ke gaherayi ko  samajhane ki shakti milati hai..


saamarthy shakti ka vikas hota hai..omkar ki upaasanaa wale me yaachan shakti – prathanaa karane wale ki manokaamanaa purn karane ki shakti, kriya shakti aati hai..phir bhi  kartapan ka ahankar nahi hota ..ichhit shakti arthat dusare  ka manorath purn karane ki shakti , agyaan ke andhakar ka naashak dipti shakti, vyaapini shakti jaha najar jaaye sabhi ko aalingan kar ke apane lage…vridhdi shakti, vaidik shakti ka vikas aise labh swabhavik hone lagate hai..


 


 


ishwar ka swabhavaik dhwani omkar hai..


 


 


is ki mahima pura varnan to nahi kar paaungaa, is ka  phayada uthane ke liye aap krit sankalp ho jaao..


 


(Sadgurudev ji Bhagavan ne bahot sundar omkar dhyan karaayaa…)


 


OM SHANTI.


 


SADGURUDEV JI BHAGAVAN KI MAHAA JAY JAYKAAR HO!!!!!


Galatiyon ke liye Prabhuji kshamaa kare…


 


 


 


 


					
Advertisements
Explore posts in the same categories: Pujya Bapuji

One Comment on “sab se badaa tirth- apanaa aapaa!”

  1. RADHA Says:

    kya ye wala satasang hindi me mil sakta hai to mujhe e-mail kar den.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: