MUMBAI 31.12.2010 subah ke SATSANG AMRUT BINDU

HARI OM ,

SAPHALA EKADASHI KA PUNYA PARV AUR 2010 KA KA 31 DECEMBER mumbai ka bandra-kurla comlex ka ati-vishal maidaan bhi Bapuji ke Pyaro ne chhota kar diyaa aisa jan-saagar umad padaa hai…
PUJYASHRI BAPUJI KE AMRUTWACHAN AUR PAWAN DARSHAN KE AMRUT BINDU PRABHUJI AAP KI SEWA ME PRASTUT HAI…..

A) Sharaabi ki Sharaab chhut gayi!…

 

IS VIDEO KE AMRUT BINDU :-
1) guru ki daant aur maar sahene me  bhi shishy ki
kitani bhalaayi hai ye baat shrikrushn bhagavan aur top
gop ke sanwaad me hai…shrikushn bhagavan ka madhur nrity karate huye PUJYASHRI
BAPUJI saralataa se ye samajhaa rahe hai ki pair  tedhe,
hath tede, ghutanaa tedha, gardan tedhi aankh tedhi..
sab tedha hote huye bhi Bhagavan Shrikrushn andar se
kitane sidhe..kitanemangalkaari..

suraahi tedhi-medi lekin aakash wohi ka wo hi..
jeevan me kuchh bhi ho jaaye lekin andar se sajjanataa
bani rahe…suhurdataa rakhe..bhagavan ke swabhaav se
aap ka swabhaav milataa hai…-aap jyada der krodhi nahi ho sakate, lekin shant rahe
sakate hai…-aap satat kaami nahi rahe sakate, lekin RAMI rahe
sakate hai..-satat lobhi nahi rahe sakate, lekin satat UDAAR rahe
sakate hai…
baahar ki vidya ho na ho, dhan ho na ho…yogyataa ho
naa ho lekin aap jo jo antaraatmaa ke karib jaate hai to
baahar ki vidyaa ke bina bhi aap ki yogyataaye aisi
khilati hai ki logo ke samajh me nahi aati…aur log
bolate ki CHAMATKAAR ho gayaa!ye chamatkaar nahi , ganit hai jaise 2+2=4…lekin
samajh me nahi aata isliye bolate CHAMATKAAR!

sant bolate jab bhagavan ka sumiran nahi hota tab
paashavi sanskaar phasaate hai…lekin jab satsang
milataa to paashavi sanskaar mit ke daivi sanksaar
pragat hote hai..
2) Swami Ramkrushn ji ke jeevan ka ek prasang …log un
ke paas aise ek sharaabi ko lekar aaye ki kisi bhi
prayatn se us ki sharaab chhute nahi….lekin Ramkrushn
dev ji Bhagavan me shant hokar aisa upaay bataaye ki
sharabi ki sharaab chhut gayi…

************************

B) GEETAA MATA TUJHE PRANAAM HAI….

IS VIDEO KE AMRUT BINDU :-

1)Phakir juned miyaa ka eklautaa beta mar gayaa to sab
ko lagaa ki ab ye jaan de denge…lekin satsang ka gyan
yaad aaya to aise dukh ko sahane ki shakti mil gayi….

2) pratigya ke sath  omkaar mantr ka jap .. “Omkar”
mantr ka arth aur mahimaa

3) GITAA KI SATYATAA KATHAA :-1938 ki satya ghatanaa jo C.Chakravarti ji apane anubhav
me likhi hai..sant ke kahene par anapadh jamindaar
Devnaath singh Gita par ungali rakh ke shradhdaa se
ummmmm ummmm karataa rahaa to  kuchh hi din me sankrit
gita shudhd uchchaaran se padhane lage..!
***********************
C) JaaT re JaaT! 16duni 8!!

 

IS VIDEO KE AMRUT BINDU :-
Pujyashri Bapuji Bhai Mayiyon ko itanaa gahera rahasya
hasate khelate vinod me samajhaa de rahe hai…hum
paramaatma ke ho aur paramaatmaa hamaaraa…sharir
rahega nahi aur hum mitenge nahi….jaise shadi ke baad patni mala nahi ghumati ki mai
phalaane ki patni hun, ek baar maan liya to bas ho
gayaa…aise pati bhi mala nahi ghumata ki mai phalaane
ka pati hun…ek baar maan lete bas….aise hi ek baar aatma ki paramaatma se shadi kar do
naa!! 🙂 bas ho gayaa ..aap paramaatmaa ke aur
paramaatma aap ka 🙂  …
Jattaa kattaa, khota sikkaa, sarakari ghoda ek baar chal
pade to chal pade….Gorakhnath ji aur ek kisaan JaaT ki
majedaar kathaa…
*********************
D)BHAGAVAN MAANANE KI CHIJ HAI AUR SANSAAR JAANANE KI
CHIJ HAI…


 

IS VIDEO KE AMRUT BINDU :-

Sidhdhant ki baat hai ki Bhagavan maanane ki chij hai
aur sansaar jaanane ki chij hai..bhagavan ko jaanane ki
koshish karoge to fail ho jaaoge!aur sansaar ko maanoge
to ulajhe rahoge..lekin sansaar ko jaan loge to us ki pol khul jaayegi,
aur bhagavan ko maan loge to bedaa paar!
Ye gahan sidhdhant ki baat PUJYASHRI BAPUJI Trilochan
seth ki kathaa se hume samajhaa rahe hai….jab aap bhagavan ko maan lete to aap ki har jarurat puri
karane ke liye bhagavan daude chale aate hai….

Trilochan seth  aisa ek nokar chaahate the ki sadhu
santo ki sewa achhi tarah se kar sake…to bhagavan
sakshat un ke ghar nokar ban ke aa gaye! nokar bane bhagavan seth se kuchh paisa nahi lete,
lekin ye   shart rakhe ki mera khana to seth yaa sethani
swayam banaa kar khilaaye…aur agar nokar ko bura-bhala
kahaa athavaa ninda ki to turant chale jaayenge.. :)aise badhiyaa nokar ke aane se sadhu sant aur trilochan
seth bahot prasann the, lekin ek din galati se sethani
ne padosan se is nokar ke liye kuchh kahe diya to us hi
kshan nokar bane bhagavan to chal diye….

aage kya huaa?Trilochan seth ko saakshat Bhagavan ke darshan kaise
huye, Sant Gyanshwar ji se diksha kaise mili, trilochan
seth ke dohe Guru Granth saahib me kaise darj huye ye
baate PUJYASHRI BAPUJI KE amrutmay wani me jarur suniye
aur dekhiye…

**************************
E)Lakho-lakho bhakto ki prem-pukaar se Bapu aaye daude daude..

 

IS VIDEO KE AMRUT BINDU :-
saphalaa ekadashi ke paawan awasar par ratn-nagari Mumbai ke maanav-ratno ka aisaa sailaab umad padaa hai Bandra-Kurla complex ke ati-vishaal maidaan me ki camera  ke coverage me bhi nahi aa rahaa… 🙂
Pujyashri Bapuji bole, mai aisa to nahi kahungaa ki new year me ye naa khao, vo naa piyo, lekin taamasi khuraak khane pine se kya hota hai ye kahenaa mera kaam hai..taamasi khuraak ka hi parinaam hai ki videsh me in dino me jyada aatm-hatyaate hoti, jyada gaaye katati hai…

***********************
F) UPAASANAA ME SAAWADHAANI AUR UNCHAA UDDESH JARURI…


sudarshan swami ne chhaayaa purush ki upasanaa ki …mantr shakti ka adbhut saamarthya aur swami ki ekagrataa se un ko 6 mahine ki sadhana ka phal 15 din me hi dikhayi diyaa…
aisi upasanaa jo mantr shakti ke mukhya uddeshy se door kar de nahi karani chahiye..
dayaalu bhagavan ne sudarshan swami ko bachaa liya, lekin swami ko kayi mahino tak us ka parinaam bhugatanaa padaa…
isliye shishy ko uddeshy ke prati saawdhan hona chahiye aur guru kis disha me le jana chahate us ka satat sumiran hona chahiye..

************************

G) SADHAK SPECIAL

 

IS VIDEO KE AMRUT BINDU :-

guru se gaddaari karanaa apane aap ki kabar khodanaa hai.guru se chhupaa kar kuchh karate to antaryami guru to sab jaanate hi hai..(galatiyon se bachane ke liye guru prasad aur bhagavat prasad se apane aap ko sadaa bharapur rakhanaa chahiye..)
PUJYASHRI SADGURUDEV JI BHAGAVAN KE jeevan se prerak prasang :

— Disa ke 7 saal me shri sadgurudev ji ka sanyam,

– Shri Sadgurudev ji Bhagavan ke guru bandhu ka sansmaran,

– guru aagya me chalane ka aur guru ki daant pachaane ka laabh.
******************
H) madhur madhur naam hari hari om aur aaj ka JOgi re..

*************************
OM SHANTI.
SHRI SADGURUDEV JI BHAGAVAN KI MAHAA JAYJYAKAAR HO!!!!!

Galatiyon ke liye Prabhuji kshamaa kare…..

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: