PUJYASHRI BAPUJI IN ACTION !

Hari Om,

27/12/2010 ki sham Bhusawal me satsang sampann hone ke baad bhi Bapuji ke diwaane wahaa hi  satsang pandaal me  baithe rahe….

Pujyashri Bapuji ne sabhi ke tan-man aur antaraatmaa me aisi umange, ulhaas, bal aur saamarthy bhar diyaa ki bas….shabdo me varnan nahi kar sakate…krupayaa aap bhi jarur laabh le , isliye aap ki sewa me kuchh ansh prastut hai…

1) SORRY! Ye case Hum nahi le sakate… 🙂

IS VIDEO KE AMRUT BINDU:-

jab jab asamaaj me aap akele ho jaao to kya karo?

guru mantr ka jap karate huye  aagya chakr se naak ki aor janewali nadi ko paheli ungali aur anguthe se pakad ke 2 mins shant ho jaaye..

bhagavan naraj ho jaaye to manaane ke liye guru  rasta dikhaate  hai, lekin bhagavan-bhakt(guru) jab naraj ho jaaye to bhagavan bolate, “sorry ye case hum nahi lete!” 🙂
durwasa rushi aur ambarish ki katha se Pujyashri Bapuji  samajhaa rahe hai ki agar bhagavat bhakt santo ki mahimaa nahi rakhenge to bhag bhagvan ki srushti me bhakti kaise rahegi?..bhagavan swayam bhi manushya swarup dhaaran karate to guru sharan me aate…kyo ki man se pare 5 shariro ke gaherayi me jo aatm-swarup hai us ka gyan to guru hi karavaa sakate hai…
marij ki baat maan kar vaid  upaay  kare to marij thik hoga ki vaid ke anusaar marij chale to thik hoga?aise mantri raja ke haa me haa kare to raja ka satyaanash hai..mantri agar raja ki galati nahi bolegaa, vaid agar marij ki marj nahi nikalega aur guru agar shishya ki galati nahi nahi nikalegaa to kaisa bhalaa hoga?
saare nrutya jin se utpann hote aise bhagavan krushn maar kha kar hum ko samajhaate ki guru ki baat kitani kalyan kari hai… un ko naach sikhane ki jarurat nahi, lekin ham ko samajhaane ke liye leela karate…top gop ka maar khane ke baad bhi naachane lagate to tum aise hi naacho naa man hi man!bhagavan sikha rahe ki achhi chij maar khaa ke sukhani pade to sikh lo…..
Bhrugu rishi ne bhagavan narayan  ji ke chhaati par laat maari thi to bhagavan haath jodate aur puchhate ki hamaaraa hruday to raakshaso ka nikandan kar ke paththar jaisa kathin ho gayaa hai, aap ko lagaa to nahi naa gururvar?
kshamaa badan ko hot haichhotan ko ut-paatvishnu ka kya ghati gayo?jo bhrugu ne maari laat…

*********

2) ANPADH BHI PADHE GITA…

IS VIDEO KE AMRUT BINDU:-

Gita press me sudarshan  ji ka lekh aayaa tha…

1938 ki ye saty ghatanaa hai…devnath singh bade jamidaar the…ve  ek sant ko mile aur bole mere paas jamin to bahot hai lekin mujhe gita padhanaa hai….mujhe to akshar sidhe ulate bhi nahi samajhate…

sant ne  devnaath singh ko  bola ki gita me shrikrushn ka photo sidha dikhe to sidhe akshar samajhanaa aur  aksharo  par ungali rakh kar    ‘umm umm umm’  …. karate raho…kuchh hi din me  vo kisaan shudhd sanskrut me gita padhane lag gayaa…

aii haii !  🙂

krushn to krushn hai ..lekin Gita bhi adbhut hai naa!! 🙂

**************

3) YOG-KSHEM VAHAAMYAHAM..Great Gita ka Great Vachan!

IS VIDEO KE AMRUT BINDU:-

shridhar swami gita ka anuwad hindi me kar rahe the to ek shlok aayaa ki
ananyasch chintayom maam

ye janaa pariupaasatyet

eshaam nitya viyuktanaam

yogkshem vahaamyaham
bhagavan kahete ki, “jo ananya bhaav se mera chintan sumiran karataa hai , mai nity un ke ird-gird rahekar un ko jarurat hai wo dilaataa hun aur un ke aawashyak vastuo ki mai chaukidari bhi karataa hun…mai bhaar waahan bhi karata ahun, un ka boja uthata hun..aur raksha bhi karataa hun..”
shridhar swami ko lagaa ki bhagavan yudhd ke maidaan me jaraa bhaav me aakar bole honge…bhagavan majdoor thodi hai ki bojaa uthaayenge…
to yog kshem “vahaamy” ki jagah tekaa lagaa ke kaat diyaa aur niche likh diyaa “dadaamy”

soche ki …thodi der me nahaa kar aaungaa tab is ki vistaar se tikaa likhungaa… aisa soch kar ve nadi par  chale gaye nahaane..
to pratyaksh shrikrushn bhagavan ne ek chhote bachche ka roop dhaaran kar ke un ki patni ke paas khichadi ka boja pahunchaya ki un ke ghar ka daal-chaawal khatm ho gayaa tha aur un ka a-yaachak vrat hone ke kaaran agar koyi nahi deta to bhuke hi pani pikar so jaate…
bhagavan ne shridhar swami ke liye khichadi(daal -chaawal) ka boja vahan kar ke dikha diya ki Gita to bhagavan ka hruday hai..gita ka ek ek akshar saty hai..
Is satya ghatanaa ko Pujyashri Bapuji kitani anupam sundarataa se amrut sparshi wani se bataa rahe hai ki …..jo dekhegaa phal paayegaa..

*******************

4) CHHATRAPATI SHIVAJI HAVAAYI ADDE PAR AAP KA SWAAGAT HAI….

Pujyashri Bapuji IN ACTION ! 🙂

Swami Samarth Ramdas ji sat-Shishya Chhatrapati raja Shivaji dhoke se Aurangjeb ke changul me phans gaye the..tab sultanpur ke jungle me sher ke sath ladaayi aur jakhmi awasthaa me garib vinayak bramhan ka bhaar utarane ke liye swayam ko pakadaa kar pathano ki sena banaa kar phir se aurangjeb ke sardaar se ladaayi huyi ..in veer -ras ki kathaao ko PUJYASHRI BAPUJI NE itane sundar haav-bhaavo se kahaa hai ki jo bhi dekhe nirbalataa bhaag jaaye…bal-saamarthy aa jaaye…veerataa aa jaaye..kaayarataa bhaag jaaye…

*************************

5) UN-CONDITIONAL SURRENDER:-

Gau-pratipaalak, Prajaa-heet rakshak Chhatrapati Shivaji ki veer-ras se Aot-Prot kathaa Pujyashri Bapuji ke Shrimukharvind se…

*****************

6) TUJH me ye SADGUN hai ki tu BHARATIY sanskriti me janamaa hai!

apane bachcho ko koso nahi, un ko bura kaho nahi…prem se samajhaao….kaise?

IS VIDEO KE AMRUT BINDU:-

Pujyashri Bapuji 14 varshiy Magadh Rajkumaar Skand Gupt ki VEER-KATHAA itani sundar haav-bhaav aur WITH ACTION sunaa rahe hai ki bachche to kya bachcho ke maa-baap, naani-nana, dadi-dadaji sabhi me adbhut shakti, saahas, himmat, nirbhayataa, bal AOJ , tej bhar degaa ye satsang!

Kashmir Ghatiyo ke Hun Pradesh ke Hun aur Magadh ke rajkumaar Skand Gupt ke sath us ke veer jawaan ye ladaayi ka drushya PUJYASHRI BAPUJI aise bataaye ki jaise aankho ke saamane hi ghatit ho rahaa hai..

14 varshiy Skand Gupt apani sena ka mano-bal kis prakaar uncha uthataa hai ye atishay vilobhaniy varnan hai…6 sadgun manushya ka jeevan kitanaa sundar kar dete hai!aap ka jeevan aisa ho ki aap ki aawashyakataa sabhi ko lage…ye PUJYASHRI BAPUJI hi kewal itani prabhavitaa se samajhaa sakate hai…

JOGI RE KYA JAADU HAI TERI SIKHAAYI ME…. 🙂

*********************

7) UDYAM, SAAHAS, DHAIRY, BUDHDI , SHAKTI , PARAAKRAM…with JOGI RE…..

IS VIDEO KE AMRUTBINDU:-

PUJYASHRI BAPUJI YE 6 SADGUN aisi sundarataa se hamaare jeevan me utaarane ki Idea de rahe hai ki WAAH BAPUJI WAAH!!

Shri Suresh Mahaaraj ka arthpurn, samayochit, saar garbhit jogi re bhajan aur PUJYASHRI BAPUJI KA BRAMH-NRITYA!

**************

OM SHANTI.
SADGURUDEV JI BHAGAVAN KI MAHAA JAYJAYAKAAR HO!!!!!

Galatiyon ke liye Prabhuji kshamaa kare….

Advertisements
Explore posts in the same categories: Pujya Bapuji

3 Comments on “PUJYASHRI BAPUJI IN ACTION !”


  1. HARI OM…NARAYAN क्यूँ जाऊँ मै तीरथ करने,क्यूँ जाऊँ हरि ढूढ़न को।मेरे तीरथ राम कृष्ण शिव,करूँ पूजन गुरू चरणन को।I like dis blog of pujya gurudev asaram ji bapu.।हरि ओउम्।


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: