sumiran se sukh upaje, sumiran se dukh jaaye

Raaytaa(Maharashtra, India) ; 22/12/2010

Margashirsh maas ke poonam darshan nimitt  nisarg ramaniy Raaytaa ashram me ati vishaal satsang karykram huaa..

shahero ke bhagadaudi se door is shant parisar me poonam vratdhaari pavitra aatmaao ne apane Ishtdev Sadguru Bhagavan ke saannidhya me khub dhyan- darshan- satsang-  aanand ka anubhav kiyaa.. in sundar kshano me se 22 Dec.2010  ki subah ke satr ka kuchh ansh aap ki sewa me prastut hai…
1) sumiran se sukh upaje, sumiran se dukh jaaye

Is Video ke amrutbindu:-

I ) priti purvak sumiran karate to Bhagavan haajeer hai…


mahaa bhaarat ka ye shlok :-


yasy sumiran maatren

muschet sansaar bandhanaat

Vishnave prabhu vishnave..

Vhishanave arthaat jo sab me bas rahaa hai, jis ki satta se sab ki aankhe dekhati hai..jis ki shakti se sab ke kaan sunate hai..
jibh chakhati hai…wo sab ke tan me bas rahaa hai..Vishnave prabhu vishnave…

II)koyi Pujyashri Bapuji ke paas aisa kuchh lekar aate ki ye thakur ji ka mahaa-prasaad hai , bapuji aap ke  liye special haito pujyashri bapuji kahete hai, aap aur aap ke thakur ji hi khao…aur thakurji Bapuji par khush hote…. 🙂

Bhagavan ke  prasaad ka mahatv  to koyi Pujyashri Bapuji se jaan le.., phir bhi aisa kyo kahe rahe hai ? … ye aap is video me jaanane ko milegaa..

bhagavan ki chij to sab ke liye hoti hai..bhagavan ka sury sab ke liye hai, chandramaa sab ke liye hai,pani sab ke liye hai, dharati sab ke liye hai…phir kewal ye mahaaprasaad kisi ek vyakti ke liye kaise ho sakataa hai?


III)Pujyashri Bapuji ke mitr-sant shri Muraari Bapuji ke jeevan se ek prasang :- jawaan hanumaan kaam karegaa ki budhaa hanumaan? Hanumaan to hanumaan hai..dharam ko dhandaa banaane wale kya kya karate hai…is ka aankh khol denewala rochak varnan..

kabiraa kuwaa ek hai panihaari anek

nyaare nyaare bartno me pani ek ka ek
IV) Sant aakhaa bhagat ke jeevan-kathan se hum sabhi ko preranaa strot mil rahaa hai ki :-manushyataa ka aadar ho, naa ki manushy ke baahari swarup kaa..Gujraat me Sant aakha bhagat ne satsang ka prachaar kiya…vo bolate :-sajeev ne nirjeev ko banaayaa..jivaatmaa to sajeev hai aur nirjeev paththar me bhagavan banaayaa..phir pujari bolate ye bhagavan badaa, vo bhagavan badaa aur logon ko thagate..sajeev ne nirjeev ko banaayaa phir sajeev nirjeev ko bolataa, mere ko ye do, vo do..to aap ki ek aankh phooti hai ki 2?
sachche sant ke paas pahunchante tab hi asali gyan ki aankh milati hai..

V)Ahmdabad samiti ke anek sewakryo me se ek jeevan aawashyak chije banaanaa bhi hai.. naathdwara me jo 1200 rupaye kilo se saubhaagy suthi paak milataa hai, wo hi paak saadhako ke liye kewal 250 rupiye kilo se uplabdh karaayaa gayaa hai ..rishiprasaad me is ko banaane ki vidhi jaan kar is ko ghar me bhi banaa sakate hai aur sardiyon me aap apani sehat majbut banaa sakate hai..
***************

2)Sant Naamdev ji ka pahela shishya

Is Video ke amrutbindu:-
Sant Naamdev ki patni raajaayi aur Parisa bhagavat ki patni kamalaa dono saheliyaa thi…parisaa bhaagavat ne devi ki upaasanaa se paris(aisa paththar ki jis ko chhune se lohaa sona ban jata hai) paayaa tha…Kamalaa ne Raajaayi ko kuchchh din ke paris diya ki apanaa ghar-dwaar saamaan sajaa le..jab Sant Namdevji ko pataa chalaa to unho ne paris nadi me phenk diya aur us se mili huyi sabhi chij vastu garibon me baat di…Parisaa bhaagavat sant naamdev ji se apanaa paris waapis maangane lage…us paththar ke liye shok karane lage..to sant Namdev ji ne nadi me se anek paris nikaal kar dikhaye ki le lo aap ka paris kaun saa hai…parisaa bhaagavat ki samajh ki aankh khul gayi aur ve sant namdev ji ke pahele shishy kahelaaye….is anupam satya kathaa ko pujyashri Bapuji ke mukhaarvind se maraathi laheje me sunkar is gyaan-rupi paris ko apani samajh rupi lohaa chhuwaa lijiye…

********************************

3) Bharat ka Mochi

Raajsthan me Pujyashri Bapuji ka satsang tha tab kuchh varsh pahele ghati ghatit ghatanaa hai…

Mumbai ke mulaji jetha market ka ek seth Bapuji ke satsang ke liye gayaa tha..wahaa us ki chappal tut gayi..to mochi se silwaane lagaa..mochi ne jab ye jaan liya ki ye seth itani door se hamaare shaher me satsang ke liye aayaa hai to us ne seth se chappal sine ke paise nahi liye…kyo ki wo mochi bhi satsang me jana chaahata tha lekin itanaa garib tha ki ek din bhi apanaa kaam-dhandaa band rakhataa to us ki budhi daadi aur pitaji bhukhe rahe jaate…. isliye mochi seth ko haath jos kar binati kare ki satsang ka laabh to nahi mila lekin satsang me jaanewale bhakt ki sewa ka punya to mujhe dijiye..seth  bhi maane nahi ki mere paas 80,000 rupiye mahinaa pagaar paanewale nokar hai…aur mai tum se mophat me chappal kyu silaau?dono ki is dharam ki “tu-tu- mai-mai”  kaa antim hissa to Pujyashri Bapuji ke shrimukh se hi sunanaa chaahiye…krupayaa is video ka jarur laabh lijiye..
***************************

4) Pujyashri  ka swaagat aur shanti mantr

is video ke amrutbindu:-
I) Mumbai Airport se Raaytaa Ashram me Helicopter se aate samay Pujyashri Bapuji ne apane param paawan kar kamalo dwara Raitaa aur aas-paas ke parisar par helicopter se pushpvrushti ki thi..aaj ek school ke 300 vidyarthiyon ne Pujyashri Sadgurudev ji Bhagavan se Saarswatya mantr lekar apanaa jeevan uncha karane ki divya kunji paayi hai..aaj lakho saubhagyshaliyone guru mantr paya…poonam-darshan ke liye Pujyashri Bapuji ke pyare bhakto ka Raiyataa gaanv me jan-saagar umad padaa tha…Raitaa-niwaasiyon ne aisa kabhi swapne me nahi socha hogaa aisa najaaraa dekhaa…gad-gad antakaran se bhaav bhare hrudayon se phool haar lekar Raiytaa gaanv ke niwasi sarpanch saheet Pujyashri Bapuji ka swaagat kiye…
II) Pujyashri ke Amrutmayi wani se shanti mantr.

*****************

OM SHANTI.

SAGURUDEV JI BHAGAVAN KI MAHAA JAYJAYKAAR HO!!!!!

Galatiyon ke liye Prabhuji kshamaa kare….

Advertisements
Explore posts in the same categories: Pujya Bapuji

2 Comments on “sumiran se sukh upaje, sumiran se dukh jaaye”


  1. Bapuji ke shricharno me mera koto-koti pranam.

  2. varinder pal Says:

    sh.bapu ji ke charnon mein koti -koti parnam ji.sh.bapu ji ki kripa pure bharat barash mein logon per ho rahi haiiiiiiiii.mujhe bhi bapu ji ke satsang se mujhe bohat labh hua ….sh.bapu ji ki kripa sab per bani rahe….sh.bapu ji ke charnon mein lakh kror bar shukria unke satsang se mujhe bohat labh hua….mujhe sh.bapu ji ka ashirbad aur satsang mere pujaber sh.guru dev maharaj ji satguru ghati bale maharaj ji(talwara punjab) ke kripa se mujhe prapat hua hai….sh.guru maharaj ji aur satguru ghati bale maharaj ji ke charnon mein mera koti koti parnam ji ..aur lakh kror bar shukria jo sh.bapu ji ke satsang ka sanidea diaa.. sh..guru ji sare sansar ko ishwer prapati karban dein……..


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: