Khush phirataa Nangamnangaa hai..jungle me jogi basataa hai..

Hari Om ,

Kishangadh(Rajsthan,India) me 18,19,20 Dec.2010 ko BRAMHGYANI PARAMPUJYA SANTSHRI ASARAM BAPUJI  ka vishaal satsang karykram huaa.

19/12/2010 ke subah ke satr me Pujyashri Bapuji ne apani Amrutwani se jo divya gyaan barasaayaa hai , us ka kuchh ansh yahaa aap ki sewa me prastut hai….
TUM KAUN HO?

Is VIDEO ke Amrutbindu:-

1)Bapuji ka swagat
2) Pujyashri Bapuji rajsthani laheje me puchhate hai ki äap kaun ho?

koyi bole ham rajsthani, koyi bole ham kishangadh ke…
bapuji bole, ‘bilkul jhuth’… 🙂

aur is prashn ka uttar bhi bahot sundar tarike rajsthani laheje me samajhaate hai..Sant phulibai ke pati mar gaye ..pati chhod kar mar gaye to dukh me ronewali phulibai ko  guru ki diksha mili to guruji ne phulibaai ko jagatpati ishwar se milaa diyaa!

3) Udaypur ka raja Chatursen sant phulibai ka shishy ban gayaa tha, aisa guru ka gyan hai..ek baar ishwar mil jaaye to kabhi chhod kar jaate nahi..jaise phulibaai ne ishwar ko paa liyaa…aisa ham sabhi ko bhi ishwar ko paanaa chahiye..lekin hum to jagat saty maan kar Ishwar ko bhul jaate hai..

ek bhula duja bhulaa bhulaa sab sansaar

bin bhulya ek gorkhaajis ko guru ka aadhaar!

4)hamaare aham ki haar hokar guruji ke anubhav ki jeet hoti hai tab hota hai bhavsaagar se bedaa paar…
aaj re aanand bhayo mara sadguru aaya paunaa..

aisi param aaanand ki awastha aa jaati hai..

5) aatma kaaran aur a-kaaran hai; kary sharir hai..sharir mitti ke samaan hai…mitti nikal do to ghadaa nahi rahegaa aisa karan swarup aatma nahi to sharir nahi rahegaa..sharir ka aadhar aatma hai..ghadaa nahi rahega phir bhi mitti to raheti hai aise sharir nahi rahegaa to bhi aatma to rahetaa hai…to maranewala sharir aap nahi…”mai amar aatma hun..mai prabhu ka aur prabhu mere hai…” aisa priti purvak sumiran karate to dukh shok chinta bhay bhaag jaata hai…
**************

“OMKAAR”  VEDIO

‘OMKAAR’  Video ke amrutbindu:-
1)man nahi lagataa to kya kare?kanth me omkaar gunjan karate huye bhramari pranayam kare..

kaise?

Sadgurudev ji Bhagavan sikha rahe hai…

2) OMKAAR MAHAA MANTR ka dhyan aur sankirtan

3)Satsang Mahimaa

*****************
Gopiyon ka cheerharan

‘Khush phirataa Nangamnangaa hai..jungle me jogi basataa hai..’

is Video ke Amrubindu:-

1) bhagavan kartum shakyam a-krtum shakyam anyatha kartum shakyam hai…bhagavan sab kuchh karane me samarth hai…(Sant Sadanaa ke hath kaat diye gaye the, lekin Bhagavan jagannath ji ke darshan kar ke bhaav me gaane lage to kate haatho ke thutho se naye hath nikal aaye the!!itihaas saakshi hai..)
vaidik sankruti me ek divya gyan hai:- srushti bhagavan ne banaayi ye to kayi dharam maanate hai..
bhagavan hi srushti ke roop me ot-prot vyapt hai.. aisa kewal vedaant shruti mat maanataa hai…isliye is vaidik dharm me shaligram me puja karane ki vyavastha hai, pipal devataa me bhi puja hoti hai..paththar ki murti me bhi bhagavat bhaav hota hai aur pati me bhi bhagavat bhaav hota hai…guru me bhi bhagavat bhaav hota hai aur sury me bhi bhagavat bhaav hota hai..
shrot mat se bhagavan ki 4 awastha hai:-
I)bhagavan ki ghan sushupti awastha:-

pahaado ke , paththaro ke roop me hai…jaise koyi din bhar ka thakaa ho, 4 din ka soya na ho, dahi me shakkar daal ke khilaya ho athava nind ki goli leke soya ho to kaise soyega ? aisa pragaadh nind hai ki chaahe machchar kato chaahe saap aake paas me baith jaaye us ko pataa nahi chalegaa.. is ko bolate “ghan sushupti”aisi chaityany bhagavan ki ghan sushupti pahaado ke roop me hai…

II) kshin sushupti awastha:-

ped-paudhe ye chaityany ki kshin sushupti hai….ye awastha aisi hai ki jaise budhe aadami ki nind…sota bhi rahega, machchar bhi bhagayegaa..kachchi nind..aise ped paudhe kachchi nind me sote…us ki daali kaatate to un ko kachchaa aabhaas matr dard-dard  hota hai…jaraa sa huaa, lekin pataa nahi chalaa aise…jaise raat ko thandi padi, aap ne rajaayi khench lee, lekin subah puchhaa to pataa nahi bolate…aise ped paudhon ko aabhaas matr dukh sukh hota hai..
III) swapnavasthaa (jeev) :-
devataa, manushy ye swapne me jee rahe hai..sharir ko sachchaa maanate aur sansaar ko sachchaa maanate..bachapan swapne ke naayi beet gayaa..jawaani swapne ke naayi beet gayi, phir bhi sharir ko sachchaa maanate..kyo ki swapne me so rahe..
Tulasidaas ji kahete hai:-

mohnisha sab sohvan haaraa

dekh hi swapne anek prakaaraa

apane ko   ‘mai ladaki hun, mai is ki patni hun, mai phalana seth hun’  aadi maanate..ye a-gyan hai,bhram hai…ye aap ka asali swarup nahi…

man manakaa us ki mala hai

tan us ka ek shivaalaa hai..

jungle me jogi basataa hai..

gah rota hai, gah hasataa hai..

khush phirataa nangam nangaa hai..
aap to PARAM CHAITYANY BHAGAVAN KE AMRUT PUTR HO!
krupayaa ye divya gyaan Pujyashri Bapuji ke Mukhaarvind se suniye…

***************

“Shri Asaramayan Ki Ardaas, Le aayaa Kuwe ke pani me Mithaas”

Is Video ke amrut Bindu:-

Rajsthan ke Paali shaher se 4-5 km ki duri par ek gaanv hai…

… us area me ek to kuwe sukh jaate hai , yaa to us me kadawaa aur gandaa badabu wala pani aata hai…

paali ke us sthaan par  Pujyashri Sadgurudev ji ki aagya nusaar ek kuwaa khudawayaa…pahele to pani hi nahi tha, phir kuchh din baad pani aaya to us ka pani ekdam karele se bhi kadawaa tha..sadhako ne socha ki sadgurudev ji ne bola hai to pani to jarur mitha hona chahiye….apani bhakti badhaa de…

wahaa ki  ek mahilaa jo bilkul anapadh hai, aise sundar dhang se Shri asaramayan gaati hai ki us “asaramayanwali”  naam pad gayaa hai… 🙂  us bhakt mahila ke sath us ka pariwaar aur gaanv waalon ne Shri Asaramayan ji ka Path aisaa bhaktibhaav se kiya ki us kuwe ka pani ekdam mithaa ho gayaa hai .. aur jahaa kuwe me paani nahi tha, wahaa 22 feet tak kuwa bharaa padaa hai..

“Jogi re kya jaadu hai tere pyaar me..gyan me…jog me..” is madhur bhajan, Pujyashri Bapuji ka Bramhanand Nrutya aur ye Saadhak Anubhav aap is video me jarur dekhiyegaa..



is sampurn satsang ki Video Link :-

http://www.ashram.org/MultiMedia/Videos/VideoPlayer/TabId/404/VideoId/2768/Pujya-BapuJi-19Dec-Morning.aspx

Is sampurn Satsang ki Audio Link :-

http://www.hariomgroup.org/latestsatsang/

Om Shanti.

SAGURUDEV JI BHAGAVAN KI MAHAA JAYJAYKAAR HO!!!!!

Galatiyon ke liye Prabhuji kshamaa kare….

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: