BARODA SATSANG-AMRUT BINDU

28 tarikh aanewale ravivar ko saptami hai..ye mantrjap ki sidhdi daatri tithi hai.
us din saarswaty mantr, guru mantr ki sidhdi kar le.
12 dec 2010 aur 4 jan 2011 ko grahan hai….in awasaro me bhi labh uthaye…
*******
bhagavan ke kayi awataar hai…

kans ka rawan ka nimitt lekar aate oose
naimittik awatar kahete hai….santo ke hruday me pragat hote rahete , awatarit
hote rahete us ko nitya awataar kahete hai..
dropadi sankat me thi tab sadi me pravesh ho
jata hai,dushaasan saadi khinch khinch kar thak
jata hai , oose pravesh awatar kahete hai..
hiranyakashyapu prahlaad ko sataataa hai, thamb
me garjana karate huye bhagavan narsinh roop me
pragat ho jate hai oose aawesh awataar kahete
hai..pravesh awataar kahete hai..
archana awataar- puja archana kare aur isht dev
ki murti se prakash nikale sadhak me aaye ,
athava sadhak ke chitt ke sath isht dev vaarta
karate ye adhi daivik anubhutiyaa hai..is ko
archana awataar kahete hai..
gurumantr ka jap karate, jaapak ko andar se
prerana dete us ko prerana awataar kahete hai..

*******
sansaari saphalataa dikhe lekin vo vastav me
saphalataa nahi hai..aise vyakti ko saphal maananaa murkhata hai jo
jara jara baat me dukhi ho jaaye, dur jaaye, jo
jara jara baat me jis kisi ki/ indriyo  ki
gulami kare us vyakti ko saphal maananaa manyata
ka diwala hai..
saphal to vo hai jo bina vastu ke, bina vyakti
ke , bina sanghatan ke swata sidhd tatv ka jis
ko gyan  hota hai, ras hota hai, anubhuti hoti
hai vo hi saphal hai…
jis ko bahoto ki meherbani se sukh milata hai us
ko aap saphal aadami manate hai to aap ka bharam
hai ..saphal vo hai jo swata apane aap me trupt
hai..
swa trupto bhavati,swa amruto bahavatiswa tariti, lokaan taariti..
bole aap to bolate  bhagavan ke raste janewala
aadami sukhi hota hai, lekin ham to dekhate jo
jhuth kapat karata , bhagavan ko nahi manata
aise vyakti saphal hai!bhai saab, koor kapat se dhan ke aakade us ne
badhaaye lekin  us ko raat ko nind nahi aati tum
ko kya pataa?…munim, nokar, assistant dhoka na
kar de is tentionwale ko tum saphal manoge?patni
hote huye bhi dusari ki aawashyakataa pade us ko
aap saphal jeevan manoge?khana pachata nahi us
ko aap saphal jeevan manoge?
rupaye paise se khana milata lekin bhuk to us
data ki den hai..
rupaye paise se alishan makaan aur bistar mil
sakate hai lekin nind to us data ki den hai..
bukh us ki den hai, nind us ki den hai, pyas us
ki den hai, budhdi us ki den hai..itani sari us
ki dene lekar apane ko saphal maananewala
ahankari nahi to kaun hai?
agar saphalata hai to ye to paramatma ki krupa
hai, prasadi hai..
vruksh tab saphal hai jab us me phal lage..manushy tab saphal hai jab us me swatantr sukh
ka phal lage..shudh gyan ka phal lage..shudh
prem ka phal lage…nity navin ras denewala,
nitya navin sugandh denewala phool lage tab
saphal hai.. sare ulate hoke tung jaaye, phir bhi jis ki
shanti aur aanand banaa rahe us ka jeevan saphal
hai..
jis manushya jeevan me budhdi itani badhiya mili
hai, aur jis paramaatma se ye budhdi mili us
budhdi data ka prem ka phal nahi lagaa,gyan ka
phal nahi lagaa, aalhad aur aanand ka phal nahi
lagaa , nirbhikataa ka phal nahi lagaa to saphal
jeevan kaise huaa?

*******
bhagavan ke prati apanaa bhav aisa ho ki
bhagavan mere hai, mai bhagavan ka hun..is ko
bolate prema bhakti.prema bhakti me 2 dharaye hoti hai.
ek dhara hai – milan ki pyas aur dusara trupti
ki nirantar vrudhdi.chinmay sukh ki vrudhdi hoti
jaay..aur bhagavan se milane ki pyas chalati
rahe ye ishwar-premi ka jeevan saphal hai..bhakt
ye bhagavat priti se budhdimaan ho jata
hai..santusht hota hai, aatm santosh se sampann
hota hai..suvidha ho chahe na ho lekin bhagavat
premi maje se rahe sakata hai..

dusari dhara hai – paramaatm tatv ka gyan.jis me vivek aur vairaagy hai us ko dusari dhara
ki sadhana achhi lagegi.paheli dhara bhagavan ko apana maan kar prem
karana aasaan dhara hai..dusari dhara jara kathin hai, lekin teji se
pahunchane wali hai..
aap jo hai aap ko apana gyan, aur jis ko pana
chahate us ka gyan  – is ko bolate aatm-gyan.
jis ko pana chahate us ka gyan, us ka swarup
vrutti me aa jaaye ..
jo srushti ka mool hai…bramha , vishnu mahesh
ka mool hai…sare vardaano ka mool hai..sari
shaktiyon ka mool hai..us me apani vrutti lage..
dusari dhara hai us ke gyan se aisi gyan agni
pragat hoti ki  sari wasanaa, aakarshan, kartutv
bhav, bhoktrutv bhaav bhasm ho jata hai..phir
yudhd jaise ghor karm karate samay bhi arjun ko
lep nahi lagataa.. ye hai gyan ki dhara.

tisari hai bhakti ki dhara.jis ki bhakti karate us ki vrutti apane swarup
me pragat hoti hai..ram ji bhakti karate to ram ji maryada
purushottam hai.krushn ji premavataar hai.shiv ji ki bhakti karate to udarataa, samataa ki
murti hai, kaam-jeet hai.. to jis ki bhakti karate us ka swarup tumhare
vrutti me, tumhare dhyan me , tumhare bhavo me
pragat hone lagataa hai..
any ki wasanaye nasht ho jati hai..badaa
kahelane ki waasana nasht ho jati hai..

****

SADGURUDEV JI BHAGAVAN KI MAHAA JAYJAYKAAR HO!!!!!

GALATIYON KE LIYE PRABHUJI KSHAMAA KARE…

Advertisements
Explore posts in the same categories: Pujya Bapuji

2 Comments on “BARODA SATSANG-AMRUT BINDU”

  1. Swati Says:

    Bapuji is very gr8 person any1 have ever cccn in entire lyf n death


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: