Aatm Sakshatkaar Satsang Samaroh

 

 

BRAMHGYANI SANTSHRI PARAM PUJYA ASARAM BAPUJI

 

 

9-10 OCT2010 , PUNE

 

Maharashtra Government ko Apeal:-
1) Aalandi ke Gyaneshwar maharaj ki samadhi aur mandir parisar par jo tax lagaya hai wo hataaye.
2) maharashtra me gau shalao par jo tax lagaya hai vo hataaye.

Amrut bindu:-

 

PUJYASHRI PUNE VYASPITH SE

 

1) tu aatma hai.. tu chaityanty hai.. teri mrutyu nahi… tu sat hai.. tum chetan ho.. tumhari budhdi me gyan swarup antaratma hai..
maa bachche ko janam deti to maa ke sharir me dudh kaun deta hai ? vo dudh  gyan se banataa ki a-gyan se? vo hi gyan swarup hai.. sat rup aatma hai…us hi aanand swarup aatma ka naam hai satchidaanand !

 

SAB KA MANGAL HO!

 

2) shrimad bhagavat me mangalaacharan ka shlok
satchidanand rupaay vishw utpatti aadi hetave
taap tray vinaashaay shirkrushnaay vayam num
jo satchidanand sat jo sadaa raheta jis ka aanand hrudyay me aata hai..jo jagat ke sthiti aur pralay ke karan jo sab ke antaraatmaa hai un ko mai namaskaar karataa hun..tino taapo se bachane ke liye ham bhagavan ko pranaam karate hai..subah uth kar unhi ko pranam karate hai.

 

LAKHO LAKHO BHAKT !!

 

3) hruady ki durbalataa chhodo.. sansar ko sach manoge to man durbal rahegaa..
aatmgyan paa lo to sukh mitega nahi, dukh tikega nahi..

 

 

 


WITH LILASHAHJI MAHARAJ4) adhyatm gyan divy gyan hota hai.. us gyanswarup paramatma ka sakshatkaar jis ko bolate hai vo  bramhi sthiti huyi vo sanvat 2021 ashwin shudhd dwitiyaa ka din hai(17Sept1964)!.. madhyanh dhaai baje mila ish se ish !!… jaise 2 sarovar hai.. dono sarovar me varsha rutu ka amrut jaisa pani bhara hai.. baadh tut gayi asud shudh 2 diwas ko ..to dono sarowar ka pani ek dusare me aise mil gayaa ki kaun sa kis ka pani hai pata hi nahi chalataa…aisa bramh aur aatma ek hi hai …jaaganaa sona ek hi hai.. aisa aatma paramaatma ek hi hai.. ye sakshatkaar bramhi sthiti ka diwas hai… bhagavan dur hai, marenge phir bhagavan milenge ye wahem hai, bharam hai..
bhagavan dur bhi nahi, durlabh bhi nahi…


 

MADHUMAY HASYA

 

5) aatsakshatkar kis ko bolate?
vo aadami nirbhay ho jaayega.. us ke man me raag nahi rahega, dwesh nahi rahega..kisi ke liye durbhav nahi rahega..pidit logo ke liye aawaaj uthane ki us me himmat rahegi…shoshsit ke liye us ka hruday dravit hoga aur sukhi ko dekh ke vo sukhi ho jaayegaa.


 

BHAKTO KA PYAR

 

6) ham bhajan karenge hamaare man ke anusaar bhagavan aayenge.. sab apane man ka bhagavan chaahate..is me  tapasya bahut karani padati hai …krushn bhakt ko krushn chaahiye.. shiv bhakt ko shiv bhagavan chaahiye.. allah ke bhakt ko khuda chaahiye.. god ke bhakt ko god chaahiye..tumhare antaratma hi bhagavan ban jaate, phir antardhan ho jaate…jis bhagavan se krushn, ram, shiv, allah, God banataa us ka raw material kya hai ye jaan lo !..us ko pane ke liye kuchh mehanat hi nahi hai..!
hamare guru ne to hum ko bhagavan jaise hai aise hi de daale….!!


7) kuchh log kahete ki  bhakti marg me namrata hai, gyan marg me ahantaa hai.. bhakti marg apani ahantaa manyata  ke anusar bhagavan ko banaataa hai ki bhagavan aise ban ke aawe..
gyan marg kitana saral hai ki bhagavan tum jaise ho hame sweekar hai…asali rup me jo bhi  ho hame sweekar hai..

 

108 PRAJWALIT DIPAK

 

8 )  manushya ko apane uddeshy ko jaan lena chahiye..ye uddeshya satsang aur shashro se pata chalataa hai..mai doctor banu, mai school kholu, mai chanseller banu jaise sansaari uddeshy tuchh uddeshy hai, jis ko banaayaa gayaa hai…aise uddeshy aihik sansaar me ulajhaayegaa..lekin jo asali uddeshy hai us ko thik se jaan lena chahiye…manushy ka uddeshy hai aatm sukh ko pana..jo chinmay hai..kabhi mitataa nahi…sadaa rahetaa..


 

ARPAN PUSHPANJALI..

 

9) mai agar kahu ki tum 4 saal sukhi raho baad me dukhi rahenaa to aap ko achha nahi lagegaa..mai bolu ki 10 saal sukh ka upbhog karo phir dukh me dubo to bhi achha nahi lagegaa..mai bolu ki jindagi bhar swarg jaise sukh ka upbhog karo aur baad me narak me jaao to bhi aap ko achha nahi lagegaa…kyo ki aap sada sukh chahate hai…ye manushy ki asali maang hai..vo chinmay sukh chahata hai, lekin is asali uddeshy ko janata nahi isliye sansaari tuchh uddeshy banaa ke sukh khojata hai..


 

bAAPUNCHYA CHARANI..

 

10) pujyashri sadgurudev ji bhagavan ne shighra adhyatmik laabh paane ke liye sadhak ko 3 prakaar ke prayog bataaye hai..
– shwasoshwas me jap …shwas andar jaaye ‘om’ baahar aaye ginati-1..shwas andar jaaye ‘shanti’ shwas baahr aaye -2 ..is prakar kam se kam 50 tak ginati ho..jitani jyada ho achhaa hai..(is prayog me shwas khinchana/chhodana nahi, apane aap sahej naisargik shwasoshwas ke sath bhagavan naam ke sath ginati ho..)

– dirgh pranav ka jaap kam se kam 15 minute kare.garam aasan par sidhe baith kar kare. pahele 10 pranayam kare.ek tuk sadgurudev ki photo athava omkar ko aankho ki level me rakh ke ye prayog kare..aankhe dahe nahi baahe nahi, ek tuk nihaarate huye dirgh pranav ka uchcharan kare..bich bich me shant..man idhar udhar jaaye to phir se uchcharan…

– 10 min wala prayog din me 3-4 baar bhi kar sakate hai..aagya chakr me omkar athava sadgurudev ka dhyan karate huye 2 minute vaikhari uchcharan, 2 minute hothon me uchcharan, hoth heele lekin aawaj nahi, 2 minute kanth me jap, 2 minute hruday me phir 2 minute kuchh nahi sirf andar ki aawaj sune…

 

MAAYIYAA

 

 

LAMBA DARSHAN RAMP

 

 

BHAI

 

jeevan upyogi kunjiyaa:-
1)asopal (ashok vruksh) aur neem ke patte ka toran banaa ke ghar ke mukhy darwaaje par lagaaye..is se rog pratikaarak shakti badhegi..

2)ekadashi se sharad poonam tak chandrama ko dekhe poonam ki raat ko bhojan nahi khaaye, khir banaa ke raat ke 9 se 12 baje tak chandrama ki kirano me rakhe. aur bhagavan ko bhog lagaa ke khaaye..to aarogy achha rahega, samata badhegi, netr jyoti badhegi..bahot prakar ke divy laabh honge.

3) diwali ke dino me ghar ke mukhy darwaje par haldi aur chawal ki powder se omkar aur swastik banaaye.. ghar me nirogata aur prasannata rahegi.
phatako se jal gayaa to aalu ka kees lagaaye.

 

MUSIBAT AAYE TO 2 MIN AISE BAITHE,MUSIBAT KO MUSIBAT HO JAAYEGI!

 

4) pati patni me jhagada ho gayaa to us ko sach nahi mananaa chahiye..vo artificial hota hai, 2/3 din me sab thik ho jata hai..gandhi ji aur kasturbaa me bhi jhagada hota to sulah kar lete aise pati patni ko ek dusare ki ijjat aur aadar karana chahiye..gussa me kuchh bol bhi diya ho to us ke mul me prem hi hota hai..

5) tulasi athava rudraksh ki mala se blood serculation achha hota hai.

rom rom pulkit ho jata jogi nikat jab aate
aanand mangal  ho jata h vachan jab ye sunate

suraj ke ugane se andhera jais khud hi bhaage
koyi dukh kastht na tikata is jogi ke aage


 

JOGI RE....

 

mithi najare hruday komal wani sukh ka sagar
koyi parvah ham ko nahi ab jogi tum ko paakar

ye shradha badhati jaaye
is ko tum kam na karanaa
jogi ke satsang dwara hame bhav se taranaa

jogi ka sath jo paya ab pichhe na mudana
shradhaa ke pankh laga akar ab unch audanaa

hasate khelate samajhaa dete sab ke heet ke baate
satsang sun ke is jogi ka sab ke gam meet jaate

OM SHANTI

SADGURUDEV JI BHAGAVAN KI MAHAA JAYJAYKAAR HO!!!!!

Galatiyon ke liye Prabhuji kshama kare….

Advertisements
Explore posts in the same categories: Pujya Bapuji

One Comment on “Aatm Sakshatkaar Satsang Samaroh”

  1. Sunil Says:

    Apko pata hai brehmgyan kya hai?,shashtron me asli guru ki kya pahchan hai?
    Must reply.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: