Bapuji Chandan, hum Pani !

Bramhvetta Santshri Asaram Bapuji Gulbarga Vyasapith se


28SEPT2010

(SHRI SURESHANANDJI KE GURUBHAKTIMAY WANI PAR ADHARIT)

Media’s fact revealed by sureshanandji , See  this You tube video and forward this link :

http://www.youtube.com/view_play_list?p=42A14B77370FB163

Bidar , Gulburga, Bijapur, Bhagalkot, Bellary  aise ek din me 5 jagah aaj Pujyashri Bapuji ka satsang huaa, har jagah bhakton ki aisi bhid thi ki jaise janmaanas ka mahaasagar umadaa ho…

janmaanas ka mahaasaagar

aaj ki diksha se labhanvit gulbargaa ka jansaagar


lakho logo ne aaj pujyashri se bhagavan naam ki dikshaa lekar apanaa jeevan divya aur ujwal banaya hai..

Pujya Bapuji ke jahaa bhi satsang karyakram ho rahe hai wahaa janmaanas ki aisi bhid ho rahi hai ki jaise mahaakumbh ka melaa lagaa ho…


ku-pracharwale, TV channelwale nindak rupi jaherile saapon ke jaher ugalane se chandan ke samaan Santshri Bapuji ka kya bigadegaa? Pujyashri Bapuji ke satcharitr ki suwaas to daso dishaao me prani matra ko sugandhit kar rahi hai,aalhadit kar rahi hai, aanandit aur utsaheet kar rahi hai……pujyashri ki amrutmayi wani kaliyug ke jhulasate huye , tri-tapo me tape huye dilon ko thandak pahunchaa rahi hai..Mahaapurush Bramhvetta Bapuji ka to tan, man aur sarvasw sab ka mangal aur sab ke heet ki bhavanaa se raat din lok kalyan me arpit hai ..



Sarve bhavantu sukhinah
Sarve santu niraamayaah

Sarve bhadraani pashyantu
Maakaschit duhkha bhaag bhavet



Pujyashri Bapuji sab ka mangal chahate hai…isliye Pujyashri Bapuji ke satsang se kayiyon ke jeevan se vyasan chhut gaye….sharab par pratibandh kayi rajyon me ho jati hai..phir bhi pratibandh se log sharab kahaa chhodate hai?..pratibandh se koyi galat kaary ko roka nahi jaa sakataa..hruday parivartit ho satsang se, guru ke gyan se to jeevan saphal ho jata hai…
Pujyashri Bapuji ke satsang se kayiyon ke jeevan me parivartan aa gayaa hai..kayi logo ki sharab chhut gayi, paan masale gutake khana chhut gayaa hai..mansaahaar chhut gayaa hai..
Pujyashri Bapuji ke satsang se paaramarthik sukh milata to tuchh vishayi sukh ka aakarshan chhut jata hai..

chandan ke ped ko jaharile saap lipate rahete hai, par jaherile saap chandan ke ped ka aur chandan ki sugandh ka kuchh bigaad nahi sakate hai…chandan ke ped ko saap ke jaher ka asar bhi nahi hota..ulataa saap chandan ki sugandh se trupt hota jata ..aise duniyaa me jo bhi afawaaye udanewale hai , ninda karanewale hai, jhutha sting banaanewale murdabad TV channel  hai ..ye aise jaherile saap hai..un ke jaher ugalane se chandan ke vruksh jaise Pujyashri Bapuji ka kya bigad jaayegaa?

Pujyashri Bapuji  chandan hai aur 44 karod shradhdawan bhagyashali bhakt pani hai…BharatMaa ke mangalmayi bhaal par ye saubhagya tilak aise shobhaaymaan hai ki pura vishw is ke gyanmayi premabhakti se saraabor pavitrataa par aadar se seer navaayegaa!!

kaarunymurti dayaa ke saagar

‘siyaram mayi sab jag jani’ – kahe dena ek baat hai
ramayan ki chaupaayi kanthasth kar ke suna dena ek baat hai..
par practical ‘siyaram may sab jag jani’ vo bapuji apane jeevan me dikha rahe hai…

Bapuji ki diwali

Garib Nawaaz Bapuji


diwali ke din bapuji khud naye kapade nahi pahenate.. ..
diwali khud bapuji nahi manaate..
diwali ke din bhi aur kuchh din pahele se hi garibo ki basti me jaa kar un ilaako me jahaa  log garibi rekha se niche jeevan jite hai wahaa bapuji un ki diwaali manavaate hai achhi tarah se ye dekhanaa aur dikhana chahiye samaaj ko…
diwali ke din bhi subah se bapuji garibo ke ilake me un ko mithayiya, kapade, anaaj , bartan, jute-chappal, tel sabun aur dakshina (cash paise) bhi dete hai…
dusare ka sukh dekh kar sukhi aur dukh dekh kar dukh door karane ka prayaas karataa hai vo mahaa purush  hai…
.
AUR DUSARO KA SUKH DEKH KAR JO JALATAA HAI, KAISE BHI SHADAYANTRA  KAR KE PUJYASHRI BAPUJI KO BADANAAM KARANEWALE KU-PRACHARAK JO SACH KO TOD-MAROD KAR PUJYASHRI BAPUJI KI NINDA  KARATE VO SAMAST MANAVATAA KE MAHAA HATYAARE   HAI….

Bapuji aap Chandan , Hum Pani

ek aadami angur bech rahaa thaa lory me…lekin aawaaj lagaa rahaa tha ki “aalu le lo aalu”
kisi ne puchha, ‘bhai lory me hai to angur, aur aap aalu ka nara kyu lagaa rahe ho?’
bole, “chup raho!makhkhiyaa sun legi to sab idhar aa jaayegi!makhkhiyo ko chakamaa dene ke liye mai angur ki aawaj nahi aalu ki aawaj de rahaa hun!”

ab makhkhiyaan teri aawaj sunane ke baad hi aayegi kya? makhkhiyon ko bhramit nahi kar sakate …angur hai aur aalu kahe kar makhkhiyon ko dhokha nahi de sakate…

EK MAKHKHI KO DHOKHA NAHI DE SAKATE ! ..TO PADHE LIKHE SAMAJHDAAR LOGON KO MURDABAD TV CHANNELWALE GALAT AFWAAYE UDAA KAR KYA DHOKHA DE DENGE ?


Bapuji aap MOTI, Hum Dhaga


dwaapar yug me krushn bhagavan ke paas putanaa aayi thi roop badal kar dhokha dene ke liye ….
tretaa yug me Ram ji ke paas shurpanakhaa aayi thi roop badal kar dhokha dene ke liye …
kaliyug ke Ram ji bapuji ke paas bhi dhokha dene ke liye aisi lalanaaye aa jati hai …un ke paas roop badalane ki shakti to nahi hoti hai to naatak rach ke khupiyaa camera lagaa kar aa jati hai dhokha dene ke liye…uddesh dhokha denaa hi hota hai..uddeshy sewa nahi hota, uddeshy iishwar nahi hotaa..
budhdi to hoti hai lekin ku-budhdi hoti hai…isliye mahaan santo ko dhokha dekar badanaam karane ke liye us budhdi ko lagaate hai..
parantu jaise koyi makhkhi udate udate suraj tak nahi pahunch sakati aise hi kisi ki kee huyi ninda aur stuti mahaapurush tak nahi pahunch sakati..ye makhkhi jaisi bheji huyi lalanaaye suraj jaise bapuji ko laakh koshisho ke bawjud bhi chhu nahi sakati…

suraj chand sitaron ko jaise koyi giraa naa paaye
aise hi mahaa purush ki pratishtha ko koyi mita naa paaye…

phunk maar kar chand aur suraj ke roshani ko bujhaya nahi jaa sakataa
usi prakaar ninda kar ke, ap-shabd bol kar mahaa purush ki pratishthaa ko kabhi kabhi mitayaa nahi jaa sakataa..

Bapuji aap SONA, hum suhaagaa..


ek hoti hai bhagavan ki pratima..
aur ek hoti hai bhagavat-prapt mahaapurush ki pratibhaa ..
pratimaa ko toda jaa sakataa hai,yawano ne kayi pratimaaye tod di..
lekin mahaapurusho ki pratibhaa ko koyi tod nahi sakataa..

jin me bhagavat-taa pragat huyi hai un ko hamaari tumhari tarah dwait nahi dikhataa..unhe sab bramh hi bramh dikhataa hai..
vasudevam sarvam iti…sa mahatma sa durlabhaa

sant namdev ko kutte me bhagavan ke darshan ho gaye the…aur sachmuch wahaa bhagavan pragat ho gaye the..
Mira ko saap me iishwar ke darshan ho rahe the..
aaya jab kala naag
boli dhany mere bhaag
prabhu aaye ho saap ke libaas me!

aur aaj kal ke log khud manmanaa jeevan jite aur  iishwar tatv ka sakshatkaar kiye huye mahaprushon ki mahanataa ,  mahapurushon ki bhagavat-taa aur samajh nahi paate….

ek adami aart galary me gayaa..artist ko kahaa ki tum ne aise kaise chitr banaaye?ye saamane ki tasbir kitani bhayanak hai..aisi khatarnaak tasbir ko tum modern aar kahete ho? ye kaisi daraavani tasbir hai..
to artist ne kahaa, “saab, sorry ye  saamane lagi huyi aart nahi hai..mirror hai…aaiinaa hai!aap ka cheharaa hi aap ko dikhaayi de rahaa hai..”
aise hi midiyawale jo hote hai na koyi koyi channelwale vo dusaron par dosh lagaate hai, par hakikat me un ka hi cheharaa, un ki hi mansikataa aisi ghatiyaa hoti hai ki saamanewale  par dosh lagaate rahete hai..

iljaam aaiine par lagana phijul hai..
sach maniye hujur aap ke chehare par dhul hai! 🙂

chehare par hi dhul hai aur bolate ki aaiinaa kharaab hai!!

BHARATMAA KA CHANDANTILAK HAI HAMAARE BAPUJI!



ek aadami doctor ke paas gayaa aur bola ki doctor mere ko dard hota hai bahot…mai jahaa bhi ungali rakhataa hun naa sab jagah dard hai..

doctor ne bola full body x-ray hoga, ct scan hoga report aayegi phir us ke aadhar par illaj hoga..
jab report aaya to doctor hasane lage..
is ne kahaa doctor hasate kyo ho? kya hai report me?

bole tere report me aayaa hai ki pure sharir me kahi koyi bhi taklif nahi hai…khali teri ungali ka agalaa hissa pak gayaa hai..kuchh lagaa hoga to ungali hissa pak gayaa hai..isliye
tu jahaa bhi ungali rakhataa to dard hota hai…
hakikat me sharir me kahi koyi problem nahi, sirf ungali teri pak gayi hai bas!
AISE HI JO TV CHANNEL BHARAT KE MAHAAN SANTO KO BADANAAM KARANE KE LIYE KU-PRACHAAR KARATE HAI , UN KI BUDHDI SADI HUYI HAI….isliye un ko sab jagah dosh dikhataa hai ..is ne aisa kar diya..us ne waisa kar diya aisi mangadhat  jhuthi kahaniyaa banaate…iishwar se vimukh hokar apanaa aur dusaron ka jeevan aur samay kharaab kar rahe hai..

OM SHANTI.

SADGURUDEV JI BHAGAVAN KI MAHAA JAYJAYKAAR HO!!!!!
GALATIYON KE LIYE PRABHUJI KSHAMAA KARE…..

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: