Rajasthan Satsang Samaachaar(9 – 13 July 2010 )

Rajasthan satsang samaachaar(9 -13 July2010 )

bramhagyani santashri param poojya baapooji
LATEST AUDIO SATSANG AMRUT KE LIYE LINK

jahan aaj bhi meera   baai   ki bhakti  ki sugandh  aa  rahi hai aise rajasthan ki pavitra  dhara   par bramhagyani santashri param poojya baapooji 11 julaai 2010 ko Pushkar , Baadamer , Amet aur Shrinathadvara aise ek hi din me 4 jagah bhakto ko darshan satsang se nihaal kiye …
kota me 2 divasiya  satsang karyakram dekar pujyashri baapooji ne kota vasiyon par bhagavaan nam diksha dekar kripa bhi barasaayi …

aur 13 July 2010 ko Baran aur Savai madhopur men satsang karyakram hue …
rajasthan men jahan  bhi pujyashri  baapooji ke pavan charan kamal pad rahe hai ,vaha pujyashri baapooji ke aagaman se pahele  hi barasaat ho rahi hai …sampoorn rajasthan men charo or savan ki barasaat aur pujyashri baapooji ki bramhagyaan   satsang varsha baras rahi hai..rajasthan ki  punyasheel dharati ke bhaag khul gaye hai…
jahan sumati vahan sanpatti nana  …. jaha saadhu santo ke charan padate hai vahan sanpatti samridhdi laheraati hai…

kota


baramer

pujyashri baapooji ke har satsang karyakram aisi apaar bheed hai ki aayojak kitana bhi bada pandal banaaye satsangiyon ne chhota hi kar dikhaya  hai ..



ametshrinathadvara

ye visheshata dikhaai de rahi hai bachche , bade , bujurg , deviyan to pandal men baithati hai , lekin yuvaanon men itana utsah dikhaai de raha hai ki jaha jagah mile vaha khade khade hi ya kisi ped par chadh kar divar par chadh kar hi sahi pujyashri ke darshan aur satsang amrit vachanon ka labh le rahe hai …


savai madhopur

baadamer ke aashram men ek bhavya satsang pandal ka nirman hua hai , satsang aayojakon ne sumerpur , jodhapur , pushkar men pujyashri baapooji peechhe peechhe ghoom kar unhen mana hi liya is pandal ka udaghaatan karane ke liye ..is karyakram ka poorv niyojan nahin tha fir bhi 7 saal ke baad pujyashri ke  baadamer  aagaman par baadamer ke bhaagyashali bhakton ne itana utsah dikhaya ki udaghaatan men hi bhavya satsang pandal chhota pad gaya aur pujyashri baapooji ko bolna pada ki ab is satsang bhavan  ko badhane ka socho… :)






baran

har satsang karyakram men  rajasthan sarkaar ke grihamantri ,saarvajanik baandhakaam mantri , anek vidhayak , nyayadhish , collector aadi uchch padasth vyaktiyon ne satsang aur darshan ka labh liya ..






shantilal  dhaarivaal  rajasthan  ke  grih  mantri  ji  kahe  rahe  the  ki , pujyashri  ke  charanon  men  apaar  shradhda  hai  rajasthani  janta  ke  hridaya   men  ..








guru  ka  dvar  hi  sab  dharm  ka  saar  hai  .

sukh deven duhkh door kare, kare paap ka ant।
kah kabeer ve kab milen, param snehi sant।।
sant mile yah sab mite, kaal jaal jam chot।
sees namaavat dhahi pade, sab paapan ki pot।।

aise mahapurushon ke aage jinhen apane ahankararoopi shish ke jhukaane ka saubhaagya mil jata hai, ve dhanya ho uthate hain। sthool deharoop men avatarit aise paramatm-purush ko koi bhaagyashali hi pahachaan paate hain। log paramatma ko dhoondhane jaate hain aur paramatma in aankhon se kahin nazar nahin aata, kyonki vah agamya hai। nirash manushya fir kya karen? us alakh ko kaise jaanen? kaise dekhen? kabiraji ne is paheli ka sundar hal pesh karte hue kaha hai-

alakh purush ki aarsi, saadhu ka hi deh।
lakha jo chahe alakh ko, inhin men lakh leh।।

he manav ! yadi tujhe us alakh ko lakhna ho, jo jaanane se pare hai use janna ho, jo dekhne se pare hain use dekhna ho, to too aise kisi sant-mahapurush ko dekh le, kyonki unhin men vah apane poorn vaibhav ke saath prakat hua hai।

aise mahapurush sansararoopi marusthal men trividh tapon se tapt manav ke liye vishal vatavriksh hain, sheetal jal ke jharne hain। unki pavan deh ko sparsh karake aane vali hava bhi jeev ke janm-janmantaron ki thakaan ko utaar kar usake hridaya ko aatmik sheetalta se bhar deti hai। aise mahapurush ki mahima gaate-gaate to ved aur puran bhi thak chuke hain।



poojyashri   baapooji ne  satsangiyon ki  jholiyan  to aise divya   gyan  aur eeshvariya  prem  se bhar   di  hai ki ab un  ko sukh  duahkh  maan  apamaan   ki thapade  pahele jaisi  nahin lagengi  … bimari  , chinta , bhaya , sanshay   se ve mukt  ho  rahe hai…pujyashri ke savan ke upalakshya  men kuch  vishesh  baate   batayi  ve is prakar  hai :-



chaturamaas  chal  raha  hai . in  dinon  men bhagavaan narayan  ksheer  sagar  men yog nidra  karte  hai isaliye  jaleeya  ansh  ka prabhaav vishesh  roop  se badh  jata  hai …isaliye  suryodaya  ke pahele snan   karne  se vishesh  labh milta  hai…ham vo hi  bolte  hai jo  har koi  kar sake  …har koi  gangaji  men ya teerth  sarovar  men ja  nahin sakte  to ghar  men hi balti  men 1/2 billi  patte  , jara  sa  til  joo  ek chutaki  aavala  pavadar  dal  le, ek katori  men til  aur joo  ka pavadar   kar ke us ka ubatan (pani  mila  kar  ) bana le… jal  ka lota  bhar  ke ॐ namah shivaay  bolte  hue  seer  par pani  dale ….aisa  bhaav  ho ki sakshat  bramh  hi apani  kripa barasa  rahe hai…bas ! ho gaya  paap  nashak  punya  dayi  snan !  in  dinon  men garam  pani  se nahin nahaaye  , agar  vayu  dosh  ke kaaran  garam  pani  se nahaana  bhi  pade  to pani  zara  thnda  hone  de fir nahaaye  to sheetalta  se ulhas  aayega . doosari  baat  ki kuch  log  nahate  samay  pahele pairo  par pani  daalte  to pair  ki garami  seer  men chadh jaati  hai ..isaliye  hamesha  pahele seer  par pani  dale  to seer  ki garami  kam  ho jaati  hai …bramhacharya ka paalan kare .

dasharath raja men itana prabhaav tha ki apani prabha se svarg jaate  to  svarg ke saare raje uth kar khade hote… kabhi masalat ki aavashyakta padati , aamantrit kiya to jaate..aisa raja dasharath bhi guru  vashishth  ji ke charan kamal dhote , satsang karte , kabhi guroodware  darshan karte jaate to gurudwaar ki mitati utha kar lalaat par tilak karte, itana shradhda bhaav rakhte to guroodev ne bhi dene ki kuch kami nahin rakhi , sakshat bhagavaan un ko putra roop men mile…

aap hamesha yad rakhe ki dukhi sukhi hone vala man main  nahin, nirnay badalne vali budhdi main  nahin hoon..beemaar hota vo shareer main  nahin hoon..ye sab to aane-jaane vala hai , us jo jaanta vo aatmadev main  hoon…us men vishranti paayenge shareer svasth, man prasann aur budhdi men budhdi data  ka gyan aa jaaye …

kathopanishad men aata hai ki tum aisi cheej pa lo fir dubara kisi garbh men jana na pade..gadha -ghoda -kutta ban ke kisi maan ke garbh men ulata latakoge athava garbh na mile to nali men bahe jaaoge… aise dukhon se bachane ke liye manushya janam men hi upaay karo..yahan kitana sukh bhogate is koi mahatatva nahin hai…marne ke baad kya hoga is ka bhi soche …manushya janam kis liye mila hai ye soche …satswaroop aatma paramatma ko pa loge to bramhi sthiti ho jaayegi..jo satsang sunta diksha leta us ki aisi budhdi banti hai..

shareer  ko  main   sansaari  chijo  ke  mera  manna  ye  poora  paap  hai aur aatma  ko  main   manna  aur  paramatma ko  mera  manna  ye  poora  punya  hai …


roj kam se kam 12 minat hari ॐ ka plut lanba uchcharan kare to kai rog  mit jaayenge , yash milega, bahot labh hoga ….






15 AugUst   ko  ravivari   saptami   ka  ‘ati   durlabh   yog  ‘ aa   raha  hai , jo   ke  1:30 pm se  chaalu   hoga  .is   dauraan   jap  , dhyaan   ka  lakh   guna   fal   milega   .
ravivari  saptami  ko ghaatak beemari door karne ke liye  upaay jaanane ke liye kripaya yahan padhaare : ravivar saptami


pujyashri ne satsang ka divya gyan aur annt annt kripa ke saath harad ki goli  , aankhon ki takalif door karne vaale netrabindu aur ghar ke jhagade bhakti , sukh shanti aanand men badalne vaale he prabhu aanand data , sant milan ko  jaaiye praarthana ki patrikaayen  ye  prasadi se bhi satsangiyon ki jholiyan apaar khushiyon se bhar di hai ….


HEY PRABHU AANAND DATA PRARTHANA LINK

SANT MILAN KO JAAYIYE LINK


ॐ shanti

SADGURUDEV JI BHAGAVAN KI MAHAA JAYJAYKAAR HO !!!!!
galatiyon ke liye prabhuji kshama kare….

Advertisements
Explore posts in the same categories: Pujya Bapuji

One Comment on “Rajasthan Satsang Samaachaar(9 – 13 July 2010 )”


  1. […] See the article here: Rajasthan Satsang Samaachaar(9 – 13 July 2010 ) […]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: