Teerthakshetra Pushkar raj Satsang Amrit

satsangiyon ki apaar bheed


7 se  9 August 2010 ;  teerthakshetra Pushkararaj  satsang amrit samaachaar :  teerth raj pushkar ke pavan kshetra men mela maidaan par  3 divaseeya satsang men lakhon lakhon saubhagyashali bhaagyavaanon ne bramh gyan ka satsang aur sachche sant ka darshan kar ke apana jeevan utthan kiya ….

aakhil bharateeya kinnar samaj ki pravakta  kinnar poonam (kamala ) ne pujyashri baapooji se   sampoorn kinnar samaj (25 lakh kinnar )ki or se shradhda bhakti poorn koti koti naman arpan kiye …bharateeya sant samaj ka kuprachaar karne vaalo ko shraap dete hue apane khaas laheje men nritya kar ke sabhi satsangiyon ke liye shubhechha vyakt karte hue pujyashri ki seva men “jogi re” bhajan par apani kala dikhaai …..

pushkar ke vidhayak
pushkar ke muslim vidhayak pujyashri baapooji ke charanon men bhaav poorn shradhdaa suman aur naman karte hue aashirvaad maanga ki  “ham yatriyon ki achchhi seva kare aur kisi ka bura n kare …”

paradesi gore bhi pandal men aarati karte hue dikhaai de rahe the…

bramhagyani santashri paramapoojya Aasaram Baapuji

7 se  9 august 2010 ;  teerthakshetra pushkararaj  satsang amrit
************************************************************************
bramhagyani santashri paramapoojya Aasaram Baapuji ki Amritavani
************************************************************************

padm puran  men pushkar kshetra ki mahima aati hai..
pushkar men 3 kund  – sarovar hai …
jo jeshth sarovar hai us ke adhishtata dev bramha ji hai.
madhyam sarovar ke adhishtata dev vishnu hai , jis ko budhdha  sarovar bolte..
chhote sarovar ke adhishtata dev bhagavaan  shiv ji hai..

pushkar men  agast rishi  ki gufa hai, agast rishi  ne yahan tap kiya tha .pushkar kshetra men anek rishi muniyon ne tapasya ki hai , isaliye yahan ke bhoomi , jal aur havaaon men is ka vishesh pavan prabhaav hai ….pavitra vhayabreshans  hai …
aur yahan ki ek vishesh baat hai ki desh bhar men pushkar ka havamaan swasthya prad hai, adhyatmik ki sundar suvyavastha hai
pahele yahan pahunchana dushkar tha , lekin yatayat ki suvidhaon se ab pushkar men pahunchana  dushkar nahin hai…
kai granthon men pushkar ki maheema aati hai…yahan niyam men kathinaai aaye to bhi dnte  rahe…yahan ke vishesh  vhayabreshans  hai… aindrik, maanasik aur baudhdik tap ke liye bahot achchha prabhaav hai,  is ka faayda lena chaahiye..

videshi log aate yahan , un ki shradhda nahin , lekin pushkar kshetra ke  vhayabreshans ke kaaran  yahan aanand aata hai .. yahan saatvik aalhaad daai  vhayabreshans  hai…isaliye videshi sukh suvidha chhod kar pushkar men aake pade rahete…
lekin is sijan  men pushkar ki  rabadi aur maalapuve  khaaye to nahin pachega…isaliye khan-paan aur sang sanyami hona chaahiye… sachche santo ka sang khoj lena chaahiye.

aap  kaun ho?  kahan  se aaye ho?  kahan  jaaoge?
is ka uttar de….

pasa pakada prem ka, pari kiya shareer
sadaguru  daanv  bataya khele das kabeer
sadaguru aap ko daanv bata rahe manushya  jeevan  yashasvi safal karne ka.. is liye aap ke saamane ye savaal rakh diye hai…
jaise chauras khelne ke liye  chaukadi bichhate na … aise ye sansaar men manushya jeevan hai …is shareer ko saadhan hai maan lo..ishwar prem ka pasa pakad lo ….
aap kaun ho?
aap shareer nahin ho….sabaaji,damaji , nisha usha falana ye shareer ke nam hai…aap to ye shareer nahin tha tab the, ye shareer hai abhi aap hai aur ye shareer nahi  rahega tab bhi aap rahenge ….to aap kaun ho?
ye jaan loge to aap ko –
-sukh duahkh ullu nahin bana sakta…
-bimari tandurusti ullu nahin bana sakti
-maan apamaan ullu nahin bana sakte
aap apane ko shareer maante isaliye ullu bante ..
eds ki bimari sexs ki ullugiri hai..
dayebitees  jeebh ki ullugiri hai…
sadaguru  daanv bata rahe hai ki prem ka pasa pakad lo..ye prem ka pasa nahin pakadenge to shareer ko ‘main ‘ maanenge , sansaar ko, cheej vastuon ko  ‘mera’ maanenge…
shareer ko main   aur sansaar ko  mera maanoge to ahankar banega…ahankar baahar se andar sukh bharega…paan masla too sukh de, klab too sukh de, sharab too sukh de, film too sukh de…jo baahar se andar sukh bharta hai vo ahankar ki bhasha bolta hai…
prem ka pasa pakad liya to premi ka svabhaav madhur hota hai..apane aap men prasann hote… jaati vaale, gaanv vaale, doosari jaati vaale bhi aap se mil kar prasann ho jaate.. svabhaav bigada to gharavaale bhi nahin chahate..

lekin jo andar se baahar sukh baatata hai us ke peechhe to saari  duniya kya – hari bhi   firta hai…!
kabeer ji bolte …

kabira man nirmal bhaya jaise ganga neer
peechhe peechhe hari fire kahat kabeer kabeer
ram paravana bhejiya vachat kabira roye
kya karu tumhari vaikunth ko jaha saadhu sangat  nahin hoy..

saadhu santo ki sangat jahan  nahin aise vaikunth men bhi kabeer ji nahin jaate…to saadhu sant kya daanv sikha rahe sikh lo..
aap prem ka pasa pakado…
aatma ko main  manna aur bhagavaan  ko apana manna ye prem ka pasa pakadna hai… shareer ko main  manna aur baahar ki cheej vastu ko mera manna ye ahankar ka pasa pakadna hai…
to prem ka pasa kaise pakade ?
bhagavaan  ko apana maanoge to bhagavaan  se prem hoga..

ek rani ne dasi ko apana hire ka chamachamata haar diya aur kaha ki saare jagat men sundar aur pyara lage us bachche ko mera ye haar pahena dena…
dasi mehatarini thi…. jo pahele shauchalay ka ganda utha ke le jana padta tha, vo jo dasi uthati us ko mehatarini bolte… aisi vo mehatarini  dasi thi …
rani ne poochha,  ‘mil gaya sundar aur pyara bachcha?’
dasi boli, ‘haan mil gaya!’
rani bole, ‘le aao mujhe dikhao vo pyara aur sundar bachcha…’
mehatarini ek bachcha lekar  aai…. kala  kaloota chapti  si naak vala bachcha lekar aai..us ko rani ka haar pahera hai…
mehatarini boli, ‘is se jyada sundar bachcha kaha milega rani ji ? ye mera bachcha hai!’
bachcha apane haad maans ka hai to pyara lagata hai… jo apane haad maans  ka hai vo itana pyara lagata to jis se pyara lage us ko apana maan loge to bada paar ho jaayega na..!

pasa pakada prem ka ….pari kiya shareer … ‘main ‘shareer nahin…ye shareer to mera saadhan hai,  is ka upayog karo.. ..shareer se maja mat lo, is shareer se seva karo… apane se chhote hai to un par daya karo..barabari  ke hai to sneh karo…aap se bade hai to aadar karo… dharm ke raaste jaate un ke liye ahobhaav karo..jis cheej men jyada sukh mile us ko baaton  to param sukh milega…ye pasa pakadne ki reet hai.

aise shareer aur man ka sat upayog karo, dhan ka sat upayog karo…upabhog mat karo… to prem ka pasa pakad liya..
pasa prem ka pakad liya hai to vo jahan  jata havaaye bhi aanandit hogi…vani sukh deti hai..mangal hi mangal ho jata hai…
fir aap apane aap men tript rahenge.bhagvat prem hridaya  men chhalakne lagega paane ….aap apane men tript rahe..

mujhe apane aatma paramatma men baithane ke aage koi sukh   achchha  nahin lagata…lekin bhakton ke liye baith gaya oont par ! …..samaachaar vaalo ne likha ki baapooji ne lutf uthaya  oont ki savari ka! :) manch par oont  se aaye…  :) luft nahin uthaya,  lekin bhakto ka dil rakh liya…
“aham bhakt paradheen !”  bhagavaan kahete hai..
bhakton ke prem men gopiyon  ke chhachhundari chhas par nachane ko bhi  bhagavaan ko sankoch nahin hota… premi ke to saap bhi vash men hote hai… bhagavaan ko bhi bhakton se chhed khani karne men aanand aata hai …

ek baar ahamad kartik mas  men haath sek rahe the..ahamad musalman the, lekin shrikrishna ke bhakt the.
bahot thndi hava chal rahi thi to ahamad thand se bachane ke liye  tokari seer  par odh liye… bhagavaan krishn ek bramhan  ka roop dhaaran kar ke aaye..
bole , ‘ahemad topa  kahan  se laye?’
bole, ‘apana hi topa hai..’
bramhan   bola, ‘bechoge?’
ahemad ne dhyaan se dekha ki aisa kaun chhora hai ki himmat se pooch raha hai… dekha ki ye to vo hi antaryaami hai..pyare bhakto se chhed khani karte hai…
bramhan  bola, ‘jitana paisa maangoge utna doonga’
ahamad bole, ‘raasta napo…’ ahamad ne bhi  bahot soona diya…jaan ge the ki bhagavaan maja le rahe … :)
bramhan  bola, ‘kitane ka topa hai ye to batao?’
ahamad bole, ‘tumhaare paas hai kya mere tope ki jitana keemati?.. tumhaare paas hai hi kya? ek to ye lok aur doosara paralok hai! :)

bhagavaan ke pyare sant hai …bhagavaan un ki harakaton se apane ko chhota  nahin maante…bhagavaan ko bhi aisi chhed khani karne men aanand aata hai…bhakt bol deta ki tumhaare paas rakha kya hai, ham nahin dete topa  ..ye prem ki taakad hai..
bhagavaan kahete, ‘main   logo ko boloonga ye sant ahankari hai… dekho fir kya haalat hoti hai tumhari…’
ahamad bolte, ‘fir ham bhi aap ki pol kholna jaante hai… ham bhi bole denge ki bhagavaan ki ghanti har dil men maujood hai.. ghanti ke chakkar men mandir jaane ki jarurat nahin..to tumhaare pujari ki ghanti band ho jaayegi…’
bhagavaan bolte, ‘nahin nahin  :) … tumhari jaise ke liye hradaya  mandir hai…lekin sansaar ke premiyon ke aage mujhe paththar ban ke baithana hi padta hai.. :)
bhagavaan ko bhi aanand aata hai!… is ka nam bhagavaan hai…. bhakton ke prem ke aage apana bhagavanapana chhodane ko bhi taiyaar hote , isaliye  bhagavaan hai..!



chahe lakshmi pati narayan ho to bhi bakari, billi, aur kutte ke pair ki dhul athava jhadu ki dhul se ghar men daridrata aati aise ninda eersha jhagadaalu  svabhaav se shareer men haanikaarak beemari failanevala vishari ras banta hai..

bhagavaan ka chintan karne se sukhamay aanandadaayi  ras paida hota hai..
isaliye ghar men roj poora parivar mil kar ye praarthana jarur kijiega. “he prabhu aanand data “

gaay ke khur ki dhul aaegi to ghar men lakshmi aaegi.
gaay ke doodh ke dahi shareer ko ragad ragad kar snan karo , lakshmi narayan ka chintan karo to ghar men lakshmi sthir ho jaayegi.
gaay ka doodh, gaay ke doodh ka dahi, gaay ka mootra, gaay ka gobar ye sab aarogya ke liye lakshmi ke liye rakshak hai.

kadavar hone ke liye (haait badhane ke liye )  3 bilva patte chaba kar khaaye aur pul- aps  kare..
katahal ki sabji khaaye – kadavar honge… katahal ke bij fenkna nahin , jab sijan  nahin tab kisi bhi sabji men dal  sakte hai…baadaam ki taakad dega..

donon haatho ke naakhuno ko ragadane  se netrajyoti badhati hai…

subah utho to shareer ko khoob kheencho- kheencho 2-3 baar…fir utho…

chaay kofi  men 10 prakar ke jahar hai, nahin piye.

mobail faon se bahot nukasaan hota hai, parahej kare..

tulsi ke 7 patte chaba ke pani piye to bimari mitati hai.

chaturmaas men subah ka nashta varjit hai, ek taim khana khaaye to uttam tap hai.. ..bhoomi ka shayan, sant seva durlabh karya hai, jarur prayatn poorvak kare..
chaturmaas men  dhaatu ke paatra  ka  tyag kar  ke palash patra par bhojan punya labh deta hai…
taambe ke paatra men kabhi bhojan nahin kare.
chaturmaas men kaale til, kaale vasr ka upayog nahin karana chaahiye.

vayu ki takalif hai to 3 bili ke patte kha le pani peele … khali  pet bhujngasan kare to vayu prakop sambandhi, gais sambandhi takalife nahin hogi..

yahan auil pent  safed 20 gram ka late aur us men 20 litar pani mila kar doodh bana ke yatriyon ko thagate… teerth hai , seva bhaav ho … roopaya paisa sanpatti nahin, hridaya ki shanti  bhi sanpatti hai..apane ghar men oonchi aatmaaye aaye , ham marne ke baad bhagavaan ke dhaam men jaaye ye bhi sanpatti hai ..khali  lut ke paise ye koi sanpatti nahin hai ye to vipatti hai..
(mathura men ek rani ne yatriyon ko thaga to us ko  karm ke fal bhogne pade yah kahani pujyashri  baapooji ne batayi “gahano  karmana  gati”  …padhane ke liye kripaya yahan klik kijiega)

bhakt men , karmi men aur gyani men farak hota hai?

gyani adhyatmik saadhana men mashagul hote hai..
karmayogi bhautik saadhana se chalte hai..
bhakti yogi aastikta se chalte hai.

gyan yogi men jaanane ki shakti ka sadupayog hai.
karm yogi men karne ki shakti ka sat upayog hai.
bhakti ke maanane ki shakti ka sadupayog hai.
gyan marg men vivek ki pradhanta hain  ki mithya shareer hai, us ko jaananevala satya svaroop aatma hai….to sukh duahkh men sam rahega.

karm yogi men jo bhi kriya kiya sab ishwar  ki satta se huyi… kriya ki pradhanta   se hai.

bhakti yogi men bhaav aur shradhda ki pradhanta hoti hai.

gyan yogi svaroop ko janna chahta hai..jaan leta hai ki main  nitya hoon, sakshi hoon..duahkh sukh anitya hai, mithya hai.. aise hi prem ka pala pakadta hai..

karm yogi sab ki seva kar ke sab ke liye sadbhaav se apane hradaya men prem pragat kar leta hai.

bhakti yogi bhagavaan ko apana maanta hai aur bhagavaan ke nate sabhi se pesh aata hai.

gyan marg men jo main  hota hai us “sv ” ke aashray ki pradhanta hai.
karm marg men dharm ka aashray ki pradhanta hai.
bhakti marg men bhagavaan ka aashray ki pradhanta hai..

tino marg se pala achchhe  se pakad men aa jata hai…tino marg ek dusare ke poshak hai ..gyan marg, karm marg aur bhakti marg.
karm margi hai vo seva karte lekin jo gyan margi hai vo bhi seva to karte hai…bhakti margi hai vo bhi seva karte , prem karenge, satsang sunenge…

ek dusare ki kata-kaati karte vo n bhakti men aage hai , na gyan men aage hai, na karm men aage hai…ye ahankar hai..sachcha premi n gyani ki kaatega n , bhakt ki kaatega …
sab apani jagah par theek hai.
pair apani jagah par hai, aankh ka apana mahatatva hai.. pair jaayenge dekhenge nahin , pair uthate nahin to uthane men haath ka apana mahatatva hai…haath kha nahin sakte, to munh khata  hai.. munh bhi chaba ke apane paas nahin rakhta pet ko de deta… prakriti men tyag hai…
aise apane jeevan men bhi ahankar ka tyag nahin hoga to jeevan bojheela ban jaayega..

main  bhagavaan ka, bhagavaan mere..shareer bhi mera nahin to vastu meri kahan  ? ye bhakti marg hai..
sab mithya hai ye gyan marg hai.
sab prakriti ka hai ye karm marg hai.

chahe koi bhi marg ho lekin pasa prem ka pakado.

gyan marg men main  karta hoon, mainne achchha kiya, mainne bura kiya aisa ahankar nahin hota hai.

karm prakriti se hote hai..
achchhe  karm satva gun se hote.
lobh lalach aadi vikar ye rajo gun se hote hai.
nidra aalas krodh aadi vikar ye tamogun se hote hai..

in sab ko jaanane ke baad bhi us ko jaanane vala jo nitya hai us men gyani raman karte hai..ye gyan marg hai ..

aise jo sochte ki main  nahin hota to kya hota?vaalo ki ye hakikat hai.. :)

khetakhali  se juned  ghar ki taraf ja raha tha …roze  ki din the…to raste men ek kuva tha.. panaghat ka pani peekar roja kholne ke liye gaya…dekha ki toba toba! roze   ke dinon men chaand kuve men gir gaya! … ab roja kaise khole? bola, ‘ye ssss baahar aaja’ to andar se vo hi aavaaj aaya…juned ko hua ki chaand mujhe jabaab de raha… bola, ‘main  nahin aata, too hi aasamaan men..’ to andar se  vo hi dhvani sunaai padi.. juned bole, ‘nahin kaise aata, aana hi padega..’ fir se andar se  vo hi aavaaj.. juned soche  achchha ? dekhte   hai ….chaand ko baahar nikaalne ke liye mota rassa kata us ko paththar baandh kar rassa fenka kuve

men…dekha to ab chaand dikhe nahin.. juned socha chaand paththar men fans gaya… ya allah! kar ke 10-20 jhatke diye… rassi toot gayi.. juned ja gira peeth ke bal pe peechhe …peeth ke bal gira to seer oopar hua aasamaan men dekha …to chaand chamak raha hai ..
juned  soche zara si chot khayi, lekin ab sahi jagah pahuncha diya na chaand ko!
main  chaand ko baahar nahin nikalta to sabhi ka roza  nahin chhutata… !!

pati bolta main  nahin kamane jata to tumhara kya haal hota? patni bole, main  nahin hoti to tumhara kya haal hota…kyon ki kisi ka seva karta to ahankar banata… sab ka apana prarabdh hai..koi kisi ki seva karta hai to apana bhagya banata hai..ek dusare ko  menna   mat do..



ek maai aai thi rote rote…us ka pati galf kantri men hospital ke aai si  room men hai….boli, main  abhi vidhava ho jaayegi…bacha leejiye..
maai  ki achchhi  bhakti thi,  shradhda vishvaas se maanti …us ke pati ka nam  ‘lele’ tha….ham ne kaha kaise bhi kar ke un se baat kara do…
maai samajhadaar thi..sant ki baat nahin kaatani nahin chaahiye ye jaanti thi…
…kaise bhi kar ke us ne baat karavaai aur us ke behosh pati ke kaano par faon rakhava diya…
behosh lele ko ham bole, ‘ye lele   … aasharam bapu bol raha hoon….ye lele..’
us ne sun liya aavaaj!
“um um” bola!
ham bole, “ॐ bol..main  aasaram bapu bol raha hoon..tum ko bol raha hoon..ॐ bol..!’
mujhe thodi mehanat karni padi bolne ki … punaravritti kiya 2-4 baar…vo bol pada !! aur aisa bol pada ki oksijen  ki mask nali nikaal kar aa ge bharat men ! …4 saal ho ge is baat ko… maai ka vidhava hone ka kalnk chala gaya…

koi behosh ho gaya to us ke seer par tel ki maalish karo….pairo pe tilon ka tel ragado… us ke kaano men “ain  ain ” athava “ॐ ॐ” kare

…mantra men adabhut  shakti hoti hai…

pujyashri baapooji ne omkaar mantra ki mahima batate hue kaha ki  omkaar mantra bhagavaan ka swabhavik dhvani hai..jaise shakkar ka svabhaav mithas hai,aise bhagavaan ka swabhavik svar omkaar hai..omkaar mantra men 19 prakar ki shaktiyan  hai..

har majahab men apane dhng se ye svar hai …allaho akabar men vohi dhvani hai…
muslman ke ghar bachcha ho, isaai ke ghar men bachcha  ho, parsi ke ghar bachcha ho,ya hindu ke ghar ho… rudan ke samay ek hi dhvani karta.. aaauoooooooooooou sss ye vo us aatma paramatma ki dhvani hoti hai.

maulana jalaluddin  romi kitabo men se padh padh ke kaagaz par kuch roohani sukoon ki baat likhte the…syahi khooti  to syahi lane ke liye andar ge…to jis fakeer( samast bes) ki saakhiyan  kitabo men se padh kar likh rahe the vo hi fakeer aa ge… unhon ne saari  kitabe uthaai , likhe  hue kaagaz uthaye, sviming pool men fenk diye….. maulana jalaluddin syahi lekar baahar aaye…dekha ki sab pustake aur kaagaz gaayab hai… abhi to thi… aadami se poochha..us ne ishara kiya ki vo padi hai sviming pool men…aadami ne ishara kiya ki us fakeer baba ne  pani men dale..to maulana gussa ge…ki ye meri jindagi bhar ki mehanat thi…
fakeer bole, ‘jindagi bhar kaagaz pe utare , lekin ek bhi baat apane dimaag men nahin utara, budhdi men nahin utara…dil par nahin utara to kaagaz par utarana pagalapan ki baat hai…’
aisa kar ke fakeer ne sviming pool men jamp  maar di…svayam bheeg ge aur sabhi kitabe aur kaagaz la kar rakh diye maulana jalaluddin ke saamane…sab vaise hi kori ke kori thi…thoda bhi jal nahin laga tha, na ki syahi chhooti  thi!
maulana fakeer ke kadamo men geer pade…
samast bes fakeer ne maulana  ke pure kaagaj sviming pul se sookhe nikaal ke diye to maulana samast bes ke charanon men geer pade.un ke sharan ge…maulana jalaluddin roohani yatra men safal hue… un ke saakhiyon men tatvagyaan ki sugandh aati hai..
vo likhte ki 50 saalo ki namaji se ek kshan ka fakeer ka sang paththar se heera bana dega… allah ke gale ka noor bana dega…

yahi baat shrikrishna ne kahi hai ki 50 saal ke nishkapat bhakti se jitana unnat nahin hoga , 2 kshan sant ka sang unnat bana dega..
kar khidamat fakiron ki ye khajana nahi milta ameeron ke khajaane men…

dara  shiko ne illo upanishad men likha hai…
hech fikar mat kartyavyam
kartyavyam jikre khuda
fikar nahin karo, allah ka chintan kar… usaki kripa se sarv karya safal hote…

prarabdh pahele bhayo peechhe bhayo shareer
tulsi chinta kya kare bhaj le shriraghubeer

hari hari ooooooooooooooooooommmmmmmmmmmmmm

simbol  alag alag hai ….jeevni shakti jagane ki vidhi ek hi hai.. hindu ooooooooooommmmm bolte…
musalman bhaai allahoooooooooooooooakbar karte….
jis satta se muslim ki aankh dekhati usi satta se hindu ki bhi aankhe dekhati…aankhe alag dikhati lekin satta ek hi hai… kham kha ka vair jhair  kar ke daivi shakti ka rhas nahin karana…

manushya ek dusare se sneh se rahe…dvesh eersha se maanavi shakti ka hraas hota hai…

sata kar gair ko milega aman kab tujh ko?

ॐ shanti

sadaguroodev bhagavaan ki maha jayajayakaar ho !!!!!
galatiyon ke liye prabhuji kshama kare….

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: