Sachche prem ki 7 Visheshataayen


6 August 2010 ; Jodhapur


jodhapur men bhakton ka mahasagar

bharateeya  sanskriti  ke  virodhiyon  ne  80 karod   ka  packege   banaya  hai  hindu  santo  ko  badanaam  karne  ke  liye …us  men  se  62 karod  poojya  baapooji   ko  badanaam  karne  men  laga  diye  … lekin  bramhagyani  sant  shri  param poojya  aasaram  baapooji  ke   to  kitane  karod  saadhak  badh  gaye !





71 saal  ke  poojyashri  kahete  hai  ki   mujhe  to  ab  nivritti  men  jana  tha ..ekant  men  jana  tha …lekin  bharateeya  sanskriti  ki  raksha  ke  liye  jabaradasti  pravritti  men  aana  pada …bharateeya  vaidik  sanskriti  men  palaayan  nahin  karana  ye  niyam  hai …!








6 August 2010 ; Jodhapur  satsang  amrit
*******************************************************************
Shradhyeya  ShriSureshanandaji  ki  Guroobhaktimay  Amritavani
********************************************************************

tamogun ka lakshan hai ki kroor svabhaav…. tamogun vala vyakti baat baat par gussa karta rahega, haath uthata rahega…

saadhak gussa pe jitana niyantran karega utna saadhana men uncha uthega.

kisi ka svabhaav sudharana chahate to subah snan kar ke jap niyam karne ke baad 3 baar gaayatri mantra ka uchcharan kar ke sankalp kare
amuk amuk vyakti ka svabhaav shaant ho jaaye, us ke svabhaav men krodh na rahe..
(gaayatri mantra : ॐ bhur bhuvasvaha tatsya  viturvanenyam bhargo devasya dheemahi dhiyo yonah prachodayat)

(गायत्री मन्त्र : ॐ भुर भुवस्वहा तत्स्य  वितुर्वणेन्यम भर्गो देवस्य धीमहि धियो योनः प्रचोदयात )  

tamogun kyon hota hai svabhaav men?
pramaad ke kaaran hota hai ..pramaad kya hai?

-jis samay jo karana hai, nahin karte..mala karni hai to bolenge abhi nahin baad men karoonga..to baad men nahin hoti..ye pramaad ho gaya.
– sooryade tak bho soye rahete hai…abhi nal men pani nahin..abhi nahaane ke liye baatharoom khali nahin..hajaar bahaane dhundh lenge..suryodaya tak kabhi na soye, us ka bhage bhi sota raheta hai..
– man ka maan bahat karte hai..maane mai jo sochu vo hi hona chaahiye,aisa jo sochte vo pramaad hai.. apani hi baat rubaab dal ke sab pe thopani nahin chaahiye…
– beti hai to ye soche ki meri jagah meera hoti to kya karati…beta hai to ye soche ki mere jagah bhakt-raj pralhaad hota to kya karta?..aaj kal to har koi apane ko bhakt raj pralhaad maan leta … bhaktaraj pralhaad kabhi apane foto chhapavaane ke chakkar men nahin pade..meri kuch kitab ho jaaye , mera nam ho jaaye aisi parichhinnata men nahin pade rahe..parichhinnta se a-parichhinn ishwar ka sakshatkar nahin hoga..
– dusare ka utkarsh dekha nahin jata ye pramaad hai.

kisi mahila ko baar baar garbh paat ho jata hoga..ya bachcha hone ke baad turant mar jata ho to aisi mahila dedh – 2 maheene tak aisa kare :- donon taim saatvik bhojan kare, tikha mirch masaala vala nahin khaaye… roj subah desi gaay ka doodh piye..aisa nahin ki doodh pahele se nikaal ke rakha aur gwala ghar pe la kar dega fir us mahila ne peeya aisa nahin..vo mahila gaushala men jaaye, saath men mishri ka pavadar taiyaar rakhe…gaushala men jaise hi doodh nikaala turant chhana aur mishri pavadar dal ke pi liye , aisa dedh -2 maheena kare…..roj bhagavaan shrikrishna ka dhyaan kare aur praarthana kare ki aap ne uttara ke garbh ka rakshan kiya aise mere bhi garbh ki raksha kare..bos…koi davaye ka athava dhaage taveej ka aadhar lena hi nahin chaahiye…bhagavaan ke nam men badi shakti hai aur desi gaay ka taza doodh bina garam kiya hua peena- ye sarvottam upaay hai.

nam jap men badi shakti hai…

ho ge bhaav se paar le kar nam tera
he nal neel jaati ke vanar
ram nam likh diya shila par
ho gayi sena paar le kar nam tera
ho ge bhaav se paar le kar nam tera

bhari sabha men drupad dulari
krishn dvarika nath pukari
badh ge cheer hajaar lekar nam tera
ho ge bhaav se paar le kar nam tera
shriram jaya ram jaya jaya ram

nam jap se boli bhasha meethi ho jaati hai…bhagavaan guru prasann  ho jaate hai..jo bhagavaan hai vo hi guru hai, guru  hi bhagavaan hai.

to boli meethi kaise ho?

– boli bhakti se sani huyi hai…boli men sad-bhaav ho.. saamanevala ke bhalaai ki bhavna se bole…abhi kisi ke bura vyavahaar kiya ho , lekin sada ke liye kisi ko bura na maane…

– boli guroodev ke  pratap se bhari ho..mera mujh men kuch nahin jo bhi achchha  hai vo mere guru ke pratap se ye bol sakta hoon..is prakar bole..
– boli men gyan ka tej ho vivek ka ujala ho aur vairagya ka bal ho.
– ghar pe bhi bole to is prakar hi bole.. jis saadhak men ye baat aaegi guru ishwar  bahot khush honge…sab men baithe ishwar raji honge ghar par bhi aisa hoga to ghar ke jhagade khatam honge.

jin ke ghar men jhagade hote ho ve log har ekadashi ke shaam ko diya jala kar baithe aur vishnu sahastra nam ka path kare..10 mala guroomantra ka jap kare..ghar ke jhagade shaant honge.

jin ke ghar men daridrata ho ve saal men 2 din himmat dikhaaye – mahashivaratri aur nirjala ekadashi ko nirjala rahe..saal men sirf 2 din….agar aap ka ghar sanpada se nahin bhara to aap ka joota   aur mera seer..

2003 men ulhasanagar ke gopal nam ke yuvak ki aisi sthiti thi ki ek taim rukhasukha khate aur ek taim khane ko bhi nahin milta…aaj ki tareekh men maheena adhaai se 3 lakh kamata hai..ghar sanpatti se bhar gaya…parivar ke sabhi khush haal hai..yuvak ki shadi ho gayi..abhi ek dedh mahina pahele beta hua…khoob kamata hai aur khoob seva karta hai …kaha to ek taim bhookha sona padta tha 7 saal pahele…

aaj kal log to aise hoshiyar ho ge ki kort jana hai to vakeel ke saamane 11 hajaar rakhenge aur bhagavaan ke saamane savva roopaya dal ke aaye ki bhagavaan main  kes jeet jaoo…
ghi men smel aaegi to khud nahin khayenge, bolenge- bhagavaan ke aage diya jalane ko kaam aayega …bhagavaan ko bhi apani hoshiyari dikhate hai..to aisi tamoguni budhdi na ho…

guru mantra men aastha hai to saadhak “dhyaan mulam guroomoorti” ka aashray leta hai …aise saadhak ko musibato ka saamna nahin karana padega… musibat aai to bhi vichalit nahin karegi….aai vaise chali jaayegi…saadhak ka bal bhi baanka nahin hoga..
praarthana kare ki hamari sadaguroodev ke charanon men priti rahe, bhakti rahe, prem badhataa rahe…

sachche prem men 7 baate hoti hai…

1) prem kabhi ghatata nahin hai.
sachcha prem ho to kuch bhi ho jaaye, kaisi bhi paristhiti aa jaaye, musibat aa jaaye us ka prem ishwar guru men ghatata nahin..ishwar kaho guru kaho ek hi hai… shabari ka prem ghata kya? meera ka prem ghata kya? un ke jeevan men kitani musibate aai……
log kahete ishwar ka sumiran kaise ho?
meera bolti main  tum ko bhool nahin paati…

meerabai ka ye sundar bhajan gaate hue guroobhakti men aankhen nami ho gayi ..



mhara janam maran ra saathi,
tanne nahin bisaru din rati…

yo man mero bado harami,
jyu mad-mato haathi …
sadaguru  haath dharo sar oopar,
ankush te samajhati..
prabhuji tanne nahin bisaru,
guruji tanne nahin bisaru… ll1ll
mhara janam maran ra saathi,
tanne nahin bisaru din rati…

pal pal pihu ko roop nihaaru,
nirakh nirakh sukh paati…
meera ke prabhu giridhar nagar
guru charna  chit rakhi
prabhuji tanne nahin bisaru,
guruji thane  nahin bisaru ll2ll
mhara janam maran ra saathi
tanne nahin bisaru din rati

tujh binu kya kalma padat hai
jaanat mori khyati
oonchi chadh chadh pankh nihaaru
roye roye ankhiya rati
prabhuji tanne nahin bisaru
guruji taane nahin bisaru ll3ll
mhara janam maran ra saathi…

yo sansaar sakal jag jutho
jhootha  kul ra nyati
do kar jodya araj karu chhoo
sun lijo mhari baati
prabhuji tanne  nahin bisaru
guruji tanne  nahin bisaru… ll4 ll
mhara janam maran ra saathi….

sachcha prem kabhi ghatata nahin…

tulasidas  ji 100 saal se oopar ho ge to sunane ki shakti kam ho gayi….. to shishyon ne poochha ki vaidaraj se davai laye?…tulasidas ji bole , shravan ghate , dekhne ki drishti ghate, deh ki sakal shakti ghate lekin meri ishwar ke charanon men bhakti na ghate … mera ishwar ke charanon men prem na ghate..

2) sachche prem men rukhapan  nahin aata..

ishwar prem se bramhsukh men aisa ras aata hai ki shushkta nahin hoti..kisi baat ki grnthi  baandh li aur baith ge , aisi laghuta nahin aati…

chaityanya mahaprabhu ka aisa prem tha ki bhagavaan men sama ge the..

ek baar chaityanya mahaprabhu un ke mitra raghunath shastri  ke saath naav men baith kar sair karne ge the…ek dusare ko nyay shastra  ki vyakhya likhi thi vo soona rahe the…raghunath shastri  chaityanya mahaprabhu ki vyakhya sun kar udas ho ge…ki aap ki kriti kitani badhiya hai …un ka bhaav dekh kar chaityanya mahaprabhu ne apani kriti gangaji men arpan kar di usi kshan!… raghunath shastri  bole, “mitra ye kya kiya?’ mahaprabhu bole, meri likhi vyakhya log bhool jaaye aur teri jayajayakaar ho!
sachcha prem aisa hota hai, kuch nahin chahta … ye sab to dvesh men hota hai..

3) prem men poornata aane ke baad vakrata raheti hai…
vakrata  maane jaise koi bhakt bhagavaan ko ulahana de de… jaise kai bhakto ne isht ko ulahane diye hai… meethe ulahane – shradhda bhakti se bhare hue ulahane ….sahajo baai ne ulahana diya  ki tune sansaar diya jeevan diya ..lekin fir  maut bhi aati hai…  ye to achchha hua ham ko  guru mil ge jo aavaagaman se  chhuda  diya …. ishwar ke prati prem nahin aisi bata nahin ..lekin ye prem ke meethe  ulahana hai…

4) prem men baasipan nahin hota..jaise sooraj kabhi purana nahin hota..
koi bole ki pahele baapooji ke prati mera bahot prem tha abhi nahin to samajh lena pahele bhi nahin tha, bhranti huyi thi… koi gun dekh kar aadar ho gaya tha… kabhi satsang sun liya, ya kuch man ka poora ho gaya  isaliye  aisa kuch gun dekh kar aadar kiya hoga , kisi ke dvara ninda sunane ke baad anadar ho gaya….

sachcha prem aisa nahin hota ..

chamadi jaise shareer ke saath sada raheti hai.. shareer jalta hai to shareer ke saath chamadi bhi jalti …aise sachcha prem hota hai..

5) prem men shishtata aur maryada hoti hai… saamane guruji baithe ho to aap baajoovaale se baat karana nahin ye niyam paalte to ye maryada ke kaaran paalte na…ye maryada prem se aati hai …guruji aaye to uth kar khade ho jaate ye shishtata sachche prem se aati hai …

sindhi men ek kahavat hai : jetaro  aadab utna naseeb !

adhik se adhik se aadar ho guruji ke prati …guru ek vyakti nahin asthitva hai…

6) sachche prem men apane priyatam men dosh nahin dikhaai deta..
jis ke hradaya men sachcha prem hai us ko sadaguroodev men dosh dikhaai nahin deta..agar dikhaai diya to turant sochega ki mere men dosh hai mere sadaguroodev bhagavaan to nirdosh narayan hai …aise bhakt ko lagata hai ki kaise ham adhik se adhik seva kare…aisa bhakt jagat se uparam hoga lekin apane premaspad se uparam nahin hoga…

7) sachche prem men premaspad se kabhi doori nahin hoti…
baahar se doori hogi… guru kahi honge, ham kahi honge..lekin bheetar se kabhi duri nahin hoti kyon ki sachche prem ne bheetar se duri badhane nahin di…
ek hai sthan ki duri- jaise ham kahi guru kahi, kabhi ahamadabad men, kabhi jodhapur men aur bhakt kahi or hoga ….desh men hoga ya videsh men hoga to ye sthan ki doori ho gayi…
doosari hai samay ki doori – jaise bhagavaan shrikrishna janme us ke 5 hajaar saal baad men meera janmi rajasthan ke mevaad men…fir bhi meera ki aisi bhakti thi shrikrishna bhagavaan men aur meera men  samay ki doori nahin rahi…meera shrikrishna men sama gayi…
-teesari hoti prem ki doori …sachcha prem nahin ho to zara zara baat men shradhda bhakti dugu mugu ho jaati …
sthan ki doori na ho, usi sthan men guru shishya ho;
samay ki doori bhi na ho – jaise baapooji isi kaal men hai,  hamara saubhaagya hai ki ham bhi janm ho gaya is samay men-is kaal men  ..
to agar prem ki doori na ho to samay aur sthan ki doori bhi mit jaati hai..meera ke sachche prem ne shrikrishna ko pragat hone men majaboor kar diya…aisa prematirek in bhakto ke jeevan men hai…

hamara bhi ye prem hamare sadagurudev ke shri charanon men sada bharapoor rahe..
hamara vairagya badhe…

shadi ke १८ saal baad beta hua pujyashri ke aashirvaad se


ye parivar aaya hai, in ki shadi ko 18 saal ho gaye hai…pandito ne bola tha ki in ke naseeb men santan hai hi nahin… doctaro ne sabhi upaay kiye aakhir bola ki in ko bachcha ho hi nahin sakta…parantu baapooji ke aashirvaad se 18 saal baad in ko santan huyi hai ..beta ho gaya!!

ye bachche ke saath us ki maan sabhi ko hari ॐ kar rahi hai …

aise kai parivar hai jin ke jeevan  ki  bagiya savan maheene ke hariyali ki tarah hari bhari ho gayi hai …khil gayi hai…

bigadi  takdir sudhar jaati hai tere darabaar men aane se!!

sadaguru  tere darshan pa kar aankhon men suroor aa jata hai..

ॐ shanti

SADGURUDEV JI BHAGAVAAN KI MAHAA JAYJAYKAAR HO!!!!!

GALATIYON KE LIYE PRABHUJI KSHAMAA KARE….

Advertisements
Explore posts in the same categories: Shri Sureshanandji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: