SUMERPUR EKAANT SATSANG AMRUT

3 August 2010; Sumerpur (Rajsthan)- Ekaant satsang Amrut
*******************************************************************************
BRAMHGYANI SANTSHRI PARAM PUJYA ASARAM BAPUJI KI AMRUTWANI
*******************************************************************************

omkaar ke jap se jaapak ki sushupt shaktiyaan vikasit hone lagati hai …labh bahot badaa hai… aarambh me 2 min karo..phir  4 min karo..aise samay badhaao… 2 min maukhik karo..2 min  hothon me….2 min kanth se..phir 2 hruday se nisankalp narayan me 2 min shant….dhire dhire samay badhaate jaao…din me 3 baar subah dopaher shaam 1-1 ghantaa kare… 40 din me kahi se kahi pahunch jaayenge !

jo saamane dikhata hai vo drush hai, bhavishy me dikhegaa vo kalpanaa hai lekin jis se dikhataa vo mera paramaatmaa hai!.. jis se sab kuchh dikhataa lekin sab kuchh se jo nahi dikhataa ham usi prabhu ke sharan hai..

kitani bhi degriyaan lenge..kitanaa bhi kamaayenge…lekin dukh nahi mitegaa… sukh nahi milegaa… galatiyaan nahi mitegi…us me hi pachenge -marenge-phir kisi yoni me janamenge..na jaane kis kis yoniyon men jiv ko bhatakanaa padataa hai…
ye sari bhatakaan mitaa detaa aisaa ye omkaar ka saadhan hai…

us paramaatmaa ko vohi jaan sakataa jis ko paramaatmaa jagaanaa chaahate hai… usi par vo krupaa karataa hai…vo sabhi prani matr ka suhurd hai lekin maryaadaa hai… jo bachchaa sachche hruday se  pukaaregaa, maa wahi jaayegi…. aise antaatmaa bhagavaan ko pukaar rahe hai… ye saadhan tapasyaa nahi hai… ye pukaar  hai…. tapasyaa se simit phal milataa hai… bachchaa maa ko pukaaraa to puri maa mil jati ..priti purvak pukaaro …

prabhuji om om om om din dayala har hu naath mam sankat bhaari… aap hamaare sath hote huye bhi ham vikaar me jate… aap saty swarup hai phir bhi ham jhuth ke sharan jaa rahe.. bachaao hey dayaalu..
aap chetan ho phir bhi ham jad sharir  ko apanaa maanate…hey karuanaa karaa hame bachaao…om om om om om
aap aanand swarup ho phir bhi ham dukhaalay sansaar me bhatak rahe prabhuji krupaa karo …hame bachaao….om  om om om om …

aap gyaan swarup ho mahaaraaj ..aap aanand swarup ho… nitya  ho  om om om… prahbhuji… pyare ji… om om om om …..data ji om om om ..guru ke hruday me bhi tumhaari satta hai…om om om om om …. mitr ki gaheraayi me bhi tumhari satta hai ….shatru ki gaheraayi me bhi tumhaari sattaa hai….om om om om om….kisi ki aankhe kaisi ho…kisi ki  bol chal kaisi ho.. lekin sabhi me prabhu chetanaa to tumhaari hai….

oomkar mantr…gaayatri chhand …paramaatmaa rushi…antaryaami devataa…antaryaami priti arthe..antaryaami prapti arthe jape viniyogaa…..Om om om om om om..
hey antaryaami om om om om om om….
data ji om om om om om om …

govind hare gopaal hare
jay jay prabhu din dayaal hare…

aap ka chintan karate aur chintan nahi karate- in dono ko jo janata vo kaun hai? dukhi hai aur dukhi nahi hai- in dono ko jo jaanataa hai… sukhi hai aur sukhi nahi hai  is ko jo jaanataa vo kaun hai? nind aayi aur nind nahi aayi is ko jo janataa vo hi to gopaal hai…

narayan hari hari om hari..

pool ke us paar shiv ganj hai aur is paar sumerpur hai…pool ke us paar jaao to district badal jaati hai…to ham kis me hai?
apan sab me hai!  sachchi baat to ye hai apanaa shwaas sare bramhand se judaa hai…. apanaa aatma paramaatmaa sab me hai… sab me ek! ek me sab!!

chhoti baaton ko sachchaa maanoge to chhoti mati rahegi aur mahaan paramaatmaa ko sachchaa maanoge to mahaan mati ke ho jayenge..

dubai me ham gaye the narayan saai hamaaraa rasoyiyaa tha…maine kahaa , garmi bahot hai , suramaa laayaa hai kya? laayaa hotaa to pahenate….

suramaa nahi laaye the..
thodi der baad  ham samudra kinaare ghumane gaye ek chhota baxaa pani me tha…vo baxe ki paani me uchhal kud ho rahi thi.. itanaa chhotaa baxe me kyaa hoga?…maine vo baxaa pani se uthaayaa…khola to andar surame ki 2 shishiyaa aur salaayi bhi padi thi!! ye kaisi lilaa hai ishwar ki !!!!

disa me rehete tab ham paise nahi rakhate the…
roj shaam ko baahar nikalate nadi kinare …banaaras nadi ke kinaare…. sham se raat tak baithate….wahaa chhote chhote paas me bachche aaye… ‘hari om’ kare… prasaad ki bhavanaa se aaye …mere sath jo ladakaa tha us ko bola ki mungaphali leke in bachcho  ko baat de…lekin us ka cheharaa utar gayaa…mai samajh gayaa ki us ke paas bhi paisa nahi hai… 🙂

maine kahaa , ‘le le… baat de..phir dekhate hai…’ 🙂
mere pichhe nadi se  3-4 note tairati huyi jaa rahi thi…maine note nikaali aur us ko diya…  ‘jaa de de prasaad’
banaasar nadi thi, us me koyi gangaaji me daalate aise paise bhi nahi daalate….nadi me note tairati aa rahi hai…kinaare padi aise bhi nahi..ki koyi nahaane aaya ho aur gir gayaa ho…aise bhi nahi… shaam ke  4-5 baje ki baat hai …aii haii !! 🙂
bhagaan tu  bhagavan hai !! shradhdaa badhaane ke liye kya lila kar dete hai…

narayan hari ….chhoti chhoti baate hai…lekin yaad aati to gudgudi hoti hai.. 🙂

bhagavaan Raam ne jis ishwanku kul me janam liyaa tha, vo kul jis ke naam se  chalaa vo raja ishwanku ek din aise hi shant baithe the… dekha ki baal saphed hai… roj khana pina… aakhir aayushy khatam ho jaayegi…jindagi khatam ho jayegi ….kaunsi yoni me..kaun se sharir me jana padegaa kuchh pataa nahi…samaany manushy ke naayi kamaao khaao-kamaao khaao…me hi jindagi puri ho jaayegi.. jeevan ka phal aatmaa paramaatmaa to mila nahi….
haay! mujhe dhikkaar hai!!
guru maharaj kaa dhyaan kiyaa… manu maharaj ko guru mana thaa…. manu maharaj aakaash marg se mantr shakti se aaye…

ham bhi 10 din aakash marg se 10 august se 31 august tak marg se yantr shakti se jaayenge, satsang karane (Pujya Bapuj ike 15 din me 10 satsang karyakram ka aayaojan hai..)
…yantr shakti se mantr shakti wala rasta uncha hai …

to ishwaanku raja ne gurumaharaaj ka bhalli bhaanti aadar satkaar pujan kiyaa….gurumahaaraaj uchch aasan par biraajamaan huye.. ishwaanku raajaa pranam karate charano me baithe…
gurumaharaaj ne puchhaa,  ‘kyu yaad kiyaa?’
bole,  ‘gurumahaaraj…koyi chara nahi… aayushy nasht ho rahi hai… jeevan me khaya piya soya …koyi saar nahi dikhataa hai.. krupa kijiye…’
gurumahaaraaj bole,  ‘ghar me jo mile vo khaa le…bhojan me raag naa karo ye chaahiye vo chaahiye… swaad ka raag na karo… baahar se sukh ki aashaa naa karo, antaraatmaa ka sukh lo…. jo kapadaa mile paher lo…. gahena gaanth tan ri shobha kaaya kancho bhando…

jo mile khane ko vo kha lo maane a-shudhd nahi ..
jo mile so pahero maane ang dhak lo…

nitya kaa vichar karo ..omkar swarup paramaatmaa ka aashray lo…gyan waan ho jaaoge…. aisaa gyaan waan ki jis int par pair rakhoge vo bhi pujaniya hoti hai…jis vastu ko chhute vo vastu bhi pujaniy ban jaati hai… jo bolate vo waani satsang ho jati hai… aise mahaapurush jahaa pair rakhe vo saari bhumi kaashi hai …vo jis jal ko chhuye vo sara jal tirth ka jal hai…itanaa samjh lo !

adhik kahene se kya laabh?
nity me antaramukh antaraatma ka sukh aayegaa to sare dukh dur ho jaayenge… aise gyani ka jo pujan karate un ke bhi  dukh dur hote… us ki jo manauti maanataa hai us ko bhi der saber ishwaar mil jata hai, aisa shashro me aataa hai…jis  kamana purti ke liye aise mahaatmaa ka pujan karataa hai us ko mano vaanchhit phal mil jata hai…. aise mahaatma aki najar nurde ke dhuwe par padi to us aatmaa ki durgati se satgati ho jati hai..

aaj se 6 din ke baad 9 august ko somavati amaavasyaa ko sab kaam chhod kar aaj bataayaa aisa omkaar jap ki saadhanaa kar lenaa…

antaryami ke priti ke liye japo… phir thodi der maukhik…phir hothon  se ..phir kanth se….phir hruday se….kabhi omkaar ka  lamba uchaaran ….agar is prakaar din gujaraa to samajho kardo rupaye ki kamaayi se bhi jyaadaa sukhad din ho jaayegaa! bilkul pakki baat hai …

hari om hari

narayan hari ..

ishwar prapti ke liye jap karana…. shaant rahenaa… chuppi saadhanaa(maun rahenaa)…is din ka mantra jap laakh gunaa phal dayi hogaa

om namo bhagavate vasudevay
priti devaay… bhakti devaay…. shakti devaay…. maadhury devaaya …mam devaay……. prabhu devaay
om namo bhagavate vasudevaay

ye bhumi me kark rekha jaati, isliye yahaa chup bhi baithe to achha lagataa hai… aisi kark rekhaa ujjain me jati  hai , jahaa mahaakaal ka mandir hai….isliye ujjain mokshdaayi nagari hai…. ye bhi moksh daayi jagah hai…. dukh se chinta se mukti milati …

OM SHANTI.

SADGURUDEV JI BHAGAVAAN KI MAHAA JAYJAYKAAR HO!!!!!
GALATIYON KE LIYE PRABHUJI KSHAMAA KARE…

Advertisements
Explore posts in the same categories: Pujya Bapuji

2 Comments on “SUMERPUR EKAANT SATSANG AMRUT”


  1. […] Continue reading here: SUMERPUR EKAANT SATSANG AMRUT […]

  2. rajesh Says:

    Guruji ka satsang pahuchanne ke liye sadhuwaad hai….Sadho Sadho…//


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: