Sahi arth me Gurupuja…..

Raipur Gurupoonam Mahotsav 14 & 15 July 2010

******************************************************************
SHRDHYEY SHRI SURESHANANDJI KI GURUBHAKTIMAY AMRUTWANI
******************************************************************

kuchh log bekaar me pareshan hote rahete…gurudev ye de do , vo de do…gurudev de hi rahe bin maange…jaise koyi gangaa ke paas  jaa kar kahe pani de do, pani de do…arre bhai , gangaaji  to bahe rahi hai,  bas tum thoda jhuk ja aur anjuli bhar le..!
kuchh mangane se ‘kuchh’ milata  hai , lekin kuchh bhi naa mangane se ‘sab kuchh’ mil jata hai!..to ghate ka sauda kare hi kyu? kewal hath jode..ek tak gurudev ko dekhe..

najar ne najar se baat kar li
rahe dono khamosh aur baat kar li..


agar ghar me koyi pareshani hai, beta kahena nahi manata, mala nahi karata aisa kuchh ho to pareshan hone ki jarurat nahi…bachche ko daante nahi…bas aap subah uthe, nahaa dhokar sury ko arghy de kar puja sthan par baith jaaye aur 3 baar gaayatri mantr bol ke sankalp karo ki aisa aisa ho…is 3 baar gaayatri mantr bolane ka puny mere bachche ko mile, un ko sadbudhdi mile …ved ka mantr hai gaayatri mantr..us ka prabhaav sada saty hai..

sandeh andhera hai, shradhda ka dipak sadaiv jalaaye rakhe..

ek baat yaad rahe ki guru par shradhda ho, guru ke guno par nahi..jaise gop gwalo ka shrikrushn par prem tha ..us ke guno par nahi..aise gurudev par swabhavaik prem ho…gurudev achha bolate, achha satsang dete aise koyi gun dekh kar man me shradhda nahi ho , balki guru ke prati prem hone se guru charano me shradhda honi chahiye…aisi shradhda hoti to us sadhak ki pragati shighr hoti hai…aisa shishy gurudev ka krupa patr ban jayegaa…ye sahi arth me guru puja hogi..

dusaro ko dhoka dena itana ghatak nahi, jitana khud ko dhoka dena..dusaro me dosh darshan jo chhod nahi pata, vo khud ko dhoka deta hai ..bate badi kar le, lekin andar se kisi par mohit rahe kar kare to ye bahot ghatak hai….kuchh log upar se badi badi karm yog ki baate karate …aisi baate karanaa aasaan hai, lekin waise jeevan me utaar nahi paate…

sansaar me kamal ki tarah rahe…prasansako ke ghere me padana aur khud ko dhoka dena aisa hai ki jaise pani me mitti ki tarah pade rahenaa…pani me mitti ki tarah pade naa rahe ….sansar me kamal ki tarah rahe..mitti jaisi pani me ghul jati hai , aise pani me ghul nahi jana …..pani me rahekar bhi kamal ki tarah uthana hoga upar…
kamal kichad me khilata hai… dhire dhire upar uthata hai..
to ham  kis mitti me upar uthe?.. ye sharir mitti hai..ek din mitti ho jaayegi…ye sharir abhi bhi mitti ho rahaa hai..lekin hamaari simit dekhane ki shakti se dikh nahi rahaa ..ek din mitti ho jaayega…is deh rupi mitti se upar uthana hai..

sath naa jayegaa kuchh bhi bhakti hi kewal sath nibhati hai..

ye baat kewal bhaiyo ke liye nahi, bahene bhi khub aage badh sakati hai…kyo ki baheno me bhavanaa khub hoti hai…isliye jaldi se aage badh sakati hai..shabari , mira bai, maharashtr ki mukta bai, saurashtr ki ganga sati, phula bai ki tarah aage jaa sakati hai….bas bhavanaaa ko sahi disha de de….jo bahene college jati vo to aur bhi jaldi is marg pe aage badh sakati hai..kewal charitr heen ladake jo chikani chupadi bate kar ke phasaate hai, un se dur rahena bas..
jo aisa sochate ki mere paas to itana samay nahi….tv dekhane ko samay hai, phalatu ki gappe haakane me samay hai..aur satsang ke liye samay nahi ? jis ke paas  shubh ko karane ke liye aaj samay nahi to kabhi nahi milega….aaj samay nikalo, abhi nikalo to aaj bhi milega, kal bhi milega aur pura jeevan bhakti me kamal ki tarah sundar banegaa…

itani rimjhim barish aati hai..sab gila ho gayaa hai…bhigi jamin par baithe hai.. phir bhi barish me bhigate huye bhi satsang sun rahe…apani jagah chhodate nahi hai ..dhany hai aap ki shradhdaa bhakti …aap ko baar baar pranaam hai…

wani ka maun adhyatmik unnati me sahaayak hai.. wani ke maun ko khub mahatv dena …apani urja ko nasht mat karana…jo bekar ke shabd sunata hai na, wo sarthak shabd sunane ki kshamata kho deta hai..
anhad sunane ki kshamata badhaye…
vyarthy shabd bolo mat aur suno bhi mat…
jo udweg paida kare aisa mat bolo..priy saty bolo..heet kar saty bolo..kisi ko kisi ki najaro me giraao mat..najaro me uthaao..ishwar raji honge…jodane wale bane..todane waale naa bane…

‘om hrim gangaayye om hrim swaha’ ye mantr bolate bolate snan kare to ghar me baithe ganga snaan ka puny milega..

man ke bhaav shudhd ho,  vichar shudhd ho …kitana achha hoga..mira bai kitane unche kul ki thi, mirabai bhi kaheti hai ki man ko ankush lagaane ke liye sadguru ji mere sir par hath dharo..

yo man mero bado haraami,
jyu mad-maato hathi…
sadguru hath dharo sir upar,
ankush te samajhati..
prabhuji tanne nahi bisaru,
guruji tanne nahi bisaru… ll1ll
mhara janam maran raa sathi,
tanne nahi bisaru din raati…

pal pal pihu ko rup nihaaru,
nirakh nirakh sukh paati…
mira ke prabhu giridhar naagar
gurucharanaa chit raakhi
prabhuji tanne nahi bisaru,
guruji thane nahi bisaru ll2ll
mhara janam maran raa sathi
tanne nahi bisaru din raati

tujh dekhya binu kal naa padat hai
jaanat mori chhaati
unchi chad chad panth nihaaru
roye roye ankhiyaa raati

prabhuji tanne nahi bisaru
guruji tane nahi bisaru   ll3ll
mhaaraa janam maran raa saathi…

yo sansaar sakal jag jutho
juthaa kul raa nyaathi
do kar jodyaa araj karu chhu
sun lijo mhaari baati
prabhuji taane nahi bisaru
guruji taane nahi bisaru… ll4 ll
mhaaraa janam maran raa saathi

OM SHANTI.

SADGURUDEV JI BHAGAVAN KI MAHAA JAYJAYKAAR HO!!!!!!

GALATIYON KE LIYE PRABHUJI KSHAMA KARE….

Advertisements
Explore posts in the same categories: Shri Sureshanandji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: