Aarati Sadgurudev ki gaau….

Panipat(Harayana) satsang; 17 June 2010
****************************************************************
SHRI SURESHAANAND JI KI GURUBHAKTIMAY AMRUTWANI
****************************************************************

kuchh log puchhate ki hamaaraa man chanchal kyu hai?
man ke chanchal hone ka ruchi purti me lage rahena ye  mukhya kaaran hai.mujhe is me ruchi hai, mujhe wo achha lagataa hai..aise ruchi ki purti karane me lage rahete to man chanchal honaa hi hai….is kaa upaay kyaa hai?
ruchi purti me naa lage …man us aur naa daude is ke liye us ki apeksha hi naa rahe ye saar baat hai..
ishwar hamaare me hai..aatma paramatma ke siwaay kisi se sukh ki yachanaa karanaa bewkufi hai..

socho ki naag baitha hai, naagin aa jaye to  naag khush ho jaayegaa.. naachane lag jaayegaa.. lekin hamaare bich naagin aaye to ham nachenge kya? bhaag jaayenge!.. to duniya ke chijo me, vastu me sukh dikhataa hai naa vo bewkufi ke karan dikhataa hai..aankho pe bewkufi ka chasmaa chadhaa hai…

bole ‘nishkaam honaa bahot kathin hai’ ..to bhai saab! ichhaa puri karanaa kaun saa saral kaam hai?ichhaao ki purti karane me hi samay beet jayegaa… veer ban ke jiye ki kaayar ban ke jiye..marji insaan ki hai!

ek din to ye sharir chhodanaa padegaa pataa hai , phir jhuthi mamataa rakhane se kya labh?..

ye tan naa sath degaa
ye dhan naa sath degaa
sadguru bin jahaa me koyi naa sath degaa

bas khel me bitaya bachapan vo pyara pyara
yauwan ke mad me khokar sara samay ganwaayaa
jis tan ko tu sawarataa vo dhul me milega
sab dekhate rahenge agni me vo jalegaa
naa rup sath dega naa rang sath degaa
sadguru bin jahaa me koyi naa sath degaa

koyi na sath degaa..

ganne ka ras bechate hai wahaa subah aake agarbatti ghumaate.. thodi der me graahak aata.. ras nikaalate…ras dete grahak ko, paise daale jeb me aur baki sab bachaa huaa phenkaa kachara peti me..pahele to agarbatti kiya, kyo? kyo ki tab ganne me ras tha, ab nahi hai to kachara peti me daal diyaa…aise hi vyakti me yogyataa gayi, paisa gayaa to koyi nahi puchhataa ..ye sansaar ka niyam hai..isliye sajagataa jaruri hai..

to sansaar ka aakarshan nasht hogaa gurucharano ki priti se..sadguru ke satsang vachano se sansaar kaa aakrshan nasht ho jata hai..

aaj kal kuchh TV ke channelo me bataate naa ki 31 Dec 2012 ko sara jagat nasht ho jaayegaa; ye bakwaas hai!!..logo me bhraantiyaa phailaate hai….

aisaa nahi hoga..
pahela kaaran ye hai ki pralay hone ke liye shani aur mangal dono ko vakri honaa jaruri hai, lekin un dino shani aur mangal vakri nahi hai.

dusara kaaran ki 2012 me ek bhi grahan nahi hai.. sury grahan nahi, aur chandr grahan bhi nahi hai.

tisaraa kaaran ye hai ki un dino kaa swami shukr grah hai..aur shukr to saumy grah hai; paap grah nahi..to aur shukr swami hone ke kaaran kisano ki sampannataa jyada badhegi…un dino me shani tula rashi par hai, to kheti badhiyaa hogi… kisano ke ghar khushahaali aayegi..

chautha kaaran ye hai ki pralay hone ke samay shani dev rohini shakat ka bhedan karate hai…lekin shani dev ne dasharath raja ko wachan diya tha ki rohini shakat ko bhedan nahi karungaa…purv kaal me bhi aisa huaa tha , tab raja dasharath ko shani dev ne vachan diya tha… to pralay ka koyi sawaal hi nahi… apan phir se baithenge 2013 me bhi..aise hi hari charchaa karenge.. kirtan karenge… 🙂

ye jhuthi khabare aatank waadi, daheshatwadi channel apani TRP badhaane ke liye phailaate hai.
in par vishwas naa rakhe..

guru darash karu mujhe aas ye raheti hai
nahi daras karu jab tak bechaini si raheti hai
har pal guru ka deedar ka intjaar raheta hai

guru ki anukampa se hame diksha milati hai
jeevan ko jiye kaise ye shikshaa milati hai
har pal hari ke naam ka sumiran bhi raheta hai

ye janam mila durlabh ise vyarthy na karanaa hai
hame shrdhaa bhakti se is dil ko bharanaa hai
har pal jo beet rahaa vo phir naa paas rahetaa hai

jab paayaa thaa naa tum ko bhutake the bhule the
shaashwat ki khabar naa thi nashwar me bhule the
har pal jo tum se suna vo ab yaad rahetaa hai

hare rama hare rama
rama rama hare hare

hare krushan hare krushna
krushanaa krushnaa hare hare

ye tan hai mati ka mati me mil jaaye
dhanbhagi wo hi hotaa hari naam jo jap paaye
har pal swayam ke karm ka phal sath rahetaa hai

hari om hari om hari om hari om…..

shakkar khane me mithi lagati lekin pet me jaane se acidity ka kaam karati hai.
aawalaa khane me to kasaila lagataa, lekin  pet me amrut ka kaam karataa hai.

usi prakar jo vishay hai khana, pina, bhoganaa,sunghanaa, sunanaa aadi vishay sewan achhaa lagataa hai lekin samay aur jeevan vyarthy gawaataa hai…
bhakti karanaa, sadhanaa karanaa, subah jaldi uthanaa, ekadashi aaye to vrat karanaa shuru me kathin lagegaa..lekin parinam bahot badhiyaa hai..!

chhattis gadh me anup gadh hai… kheto ke ilake me hai…wahaa ek sadhak raheta hai..us ka ek din 3 saal ka beta kuwe me gira..kuchh der baad bachche ki chachi kuwe par gayi to dekha ki bachchaa andar gira hai..wo chillaayi to sab aaye..bachche ke pitaji aaye..bachche ko baahar nikaalaa.. puchhaa ki , bete kitani der pahele se gira?bola, chachi aane se pahele giraa..
kaisa gira, duba nahi?
bachhe ke gale me bapuji ke shri-chitr ka locket tha, bachche ne wo dikhaya… mano kaheta hai ki, “bapu mere sath the to mujhe kaun duba sakataa?” us ke pita nesadgurudev ki bhakti kar ke isht majbut kar liya tha naa, to us ka anisht ho hi nahi sakataa! ..har vyakti aise kar sakataa hai..

karjaa ho to masik shivraatri ke sham ko mandir me jaa kar shivling par pushp belpatr chadhaa kar aarati kare.. karja utaregaa.
masik shivraatri ki taarikhe hai :-
a) 10 July 2010
b)8 August 2010
c) 6 Sept. 2010
d) 6 Oct. 2010
e) 4 Nov.2010
f) 4 Dec. 2010

ishwar prem aur bhakti ke bina antar ka mail jata nahi….to bhakti kaise mile?
sachche sant hame anukul ho jate to un ke ashirvaad se bhakti mil jaati hai..

sadgurudev ne pavitr karunaamayi drushti se prasaad diyaa, vo sthul aankho se dikhegaa nahi.. sadhak ne andar hi andar us ka anubhav kiyaa…

gurudev jo kalyankari prasaad wani se  dete hai, drushti se dete hai , sadhak us ka anubhav karate ..to nakali ka aakarshan chhutataa jata hai..krupa sindhu gurudev ke darshan satsang se saadhak unchaayiya paate hai…. gaheri niv ke aadhar par hi unchi imaarat banati hai…
ye gaheri niv pad rahi hai..hamaaraa bhavishy nischit hi ujjwal hai.

saa vidya yaa vimuktaye
vidya wahi hai jo hame mukt kare..lekin ek ladake ne MBA kiyaa…phir bhi dukh se, chinta se  mukt nahi huye…nokari nahi mil rahi thi.. us ko mil gaya satsang to sab pida, chinta, tanaav vidaa ho gayi…vo bhai  sadgurudev se diksha liye..shri asaramayan ka 108 baar path karane ka sankalp kiya…path pure bhi nahi tab tuk us ko bajaaj company se offer letter aayaa… 27 lakh ek saal ka milane lagaa.. abhi dusari company me ek saal ka 42 lakh milata hai .. vo bhai ne pure 108 path kiye shri asaramayan ji ke..

ek baat ka khayaal rakhe..sabhi me ishwar to hai , jaise saap aur richh me bhi bhagavan hai..lekin ham saap ko gale me daal kar nahi ghumate.. sher me bichhu me bhi bhagavan hai, lekin ham un se dur rahete.. aise hi jin ke jeevan me guru nishtha nahi, un ki upeksha kar deni chahiye… saap ko dekh kar jaise kinaaraa kar dete, aise hi jin me ninda a-shradhda ka jaher bhara hai to un se dur rahenaa chahiye.. aisa isliye karanaa chahiye ki hamaari shradhdaa cum naa ho… din duni raat chauguni shradhdaa badhe..
dusari baat; jis bhakt jyada sadguru ki satsang ki aawashyakataa mahesus hoti ho, vo jyada labh uthaa sakataa hai.. jin ko bhitar se guru vachano ki satsang ki aawashyakataa mahesoos hoti un ko guru ki krupa kaa anubhav bhi hote hai…
aisa nahi ki koyi door rahete to labh nahi paate…wahaa se bhi saadhak satsang ka labh uthaate hai..amerika me rahete waha bhi bade divy anubhav hote hai sadhako ko …

doctor ke paas ek mahila gayi, to doctoro ne daraa diyaa..un ko diksha to nahi mili thi, lekin satsang se disha jarur mili thi.. paise ki kami nahi thi, lekin kyo bekaar me operation karaaye? to pati ne patni ko bola ki , ye Bapuji ke kirtan ki cassette sun walkman ke jariye.. tasbir sath rakh…sab thik hogaa..Bapuji satsang me daivi chikitsa ki baat karate ; operation ki baat nahi karate..”.. to patni Bapuji ki wani sunati rahi cassetto se..sugamataa se prasuti huyi bharat aaye bahadur gadh me tha delhi ke paas.. waha unho ne diksha li.
doctor un ko paagal samajh rahe the ki bhaavanaa me bahe rahe .. sapekshwad ka sidhdant bataane wala einstine aisaa kahetaa ki, ‘bhagavaan agar mujhe  dubara jeevan de to mai apane baare me khoj karungaa ki ‘mai kaun hun?’..koyi sarv samarth ishwariy satta hai, jahaa hamaaraa vigyan nahi pahunch sakataa…’ bole vigyaan ka yug hai…vigyan ka yug to hai, lekin bhagavan ke naam se mukh modanewala aadami dishaa heen hai…sansaar me yaha party, yaha shadi, yaha mitting..yahaa time diyaa..is prakaar  shor bahot ho rahaa, lekin jeevan pura huaa to apane ko wahaa hi paate hai jaha se jeevan shuru huaa thaa….

jaise suryoday se pahele makhkhan nikala jaaye to achha aur jyada nikalataa ..aise baaly-awastha me prabhu ka naam bhakti mile to us ko khub sambhaale… kishor-awastha hai to us ko bhi sambhaalanaa chahiye..jyada labh hogaa…saadhan nishtha bahot achhi baat hai..lekin  sadguru me nishtha sab se achhi baat hai!

jis ke jeevan me satsang nahi wo vyakti bhagavan par vishwas karega lekin us ke man ke anurup hone ke liye…man ke anurup ghatanaa ghate to bhagavan hai.. man ke anurup nahi ghataa to us ka bhagavan  par vishwas heel jata hai..isliye sadguru ka satsang bahot jaruri hai..
shabari ko ram ji ne navodha bhakti me kahaa ki ,
mantr jaap mam drudh vishwasa
ram ji ne ‘drudh’ shabd jod diya hai…
bhagavan ram ne sadhak ko sadhan me mantr jaap me drudh vishwas hona chaahiye ye sanket diya hai..is se mera param mangal hogaa ye vishwas hona jaruri hai..sadgurudev se antar sambandh sthapit hoga to khub barkat hoti hai.

tulasidasji ne kahaa,
kali kar ek punit pratapaa

kaliyug ka ek pratap hai ki , is yug me man me koyi paap ka vichar aayaa , aur us vichar ko kriya paryant naa le jaaye to dosh nahi lagataa.. ye kaliyug ka prataap hai! lekin sadgurudev ki maanas pujaa karate to us ka phal milataa hai…roj jap, dhyan me baithane se pahele ye maanas puja kar liya jaay to kitana achhaa hai.

aarati sadguru dev ki gaau
in ko man mandir me bithaau
param bramh saakaar guru hai
karate bhav se paar guru hai
kaise rin mai in kaa chukaau

guru charanan me shish jhukaau
shiv sam hi guru awadhardaani
guru bin tarataa naa koyi bhi prani
in ko hi thaam ke mai tar jaau
aarati sadguru dev ki gaau

jad chetan me in ka pasaaraa
in se jyotirmay jag hai saaraa
guru bhakti mai apani badhaau
guru charanan me shish jhukaau
aarati sadguru dev ki gaau

dukh daridry moh vinashak
guru hi vimal vivek prakashak
in ko chhod ke kahi nahi jaau
shradhdaa saheet mai in ko hi dhyaau
aarati sadguru dev ki gaau

guruwani tri taap nivarini
janam mrutyu may bhav bhay haarini
in ki yaad me har pal bitaau
gurubhakti mai apani badhaau
aarati sadguru dev ki gaau

sadguru krupa se sadhak ishwariy aanand pata hai.. sastang aur mantr jap ke dwara dukh jeevan se mit jata hai … log upaay aise karate ki  dukh dab jaye… lekin dabaayaa huaa dukh kabhi bhi pareshan kar sakataa hai.. gurudev aisi sikh dete hai ki dukh dabataa nahi; meet jaaye!

bimaar hai to ‘ham sirf davaao se thik honge’ aisa nahi soche..davaayi apane jagah par hai, lekin bhagavan naam ko us me milaaye..
mangal bhavan a-mangal haari..ye nahi bhule..
usmanabad ka ek bhai kewal bapuji ke diye mantr se thik ho gayaa itani suger thi ki insulin ke injection lene padate the ab mithayi khate hai maje se jeete hai..

bhavishy us ka sudharata hai jis ka vartmaan achha hai..satsang me apanaa vartmaan hi to shubh aur shudhd ho raha hai..

OM SHANTI.

SADGURUDEV JI BHAGAVAN KI MAHAA JAYJAYKAAR HO!!!!!

GALATIYON KE LIYE PRABHUJI KSHAMAA KARE…..

Advertisements
Explore posts in the same categories: Shri Sureshanandji

2 Comments on “Aarati Sadgurudev ki gaau….”

  1. विजय शर्मा Says:

    हरि ओम
    सत्‍संग के लिए धन्‍यवाद आपकी गुरूभक्ति नित्‍यप्रति बढते रहे
    हरि ओम

  2. Dileep Kumar Says:

    Sadhu Sadhu……………..

    Om Om Om


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: