Parivartan nahi;Parimaarjan Kare!

Panipat satsang; 16June 2010


*************************************************************
PARAM PUJY SANT SHRI ASARAM BAPUJI KI AMRUTWANI
**************************************************************

bhagavan aap ke jeevan ko parivartit nahi karanaa chahate…  videsho me naya chij, naya model, nayaa fashion..is naye naye ke parivartan ke chakarav me ghumate rahe aisa ishwar nahi chaahate…jo prakrutik me sat-budhdi karate, sansaari badalaav se swayam ko sukhi karane ki galati karate un ko parivartan chahiye… fashion badalo…ghar badalo..singar badalo.. pati badalo.. patni badalo …naya naya khojate rahete…ye ulajhe huye logo ki pahechan hai..badalav se prakruti ke prabhaav me parivartan se sukhi hone ki aasuri aakarshani waasana hai …



ganje aadami ko kanghi bechate ho to saamane waale  ka aheet ho chahe kuchh bhi ho, aap us ka shoshan kar ke sukhi hona ye aasuri sampadaa hai… aise koyi dusare ka shoshan kar ke sukhi nahi ho sakataa…. aadami bhramit ho sakataa hai ki maine itanaa kamaa liya majaa aa gayaa;lekin sukhi nahi ho sakata! aisa kayi mba padhe hai jo pahele aise nahi the, lekin ab  shoshak vrutti ho gayi hai…to na mata ke kaam aate naa pita, patni, prabhu kisi ke kaam nahi aate….aise ashant ho gaye ki sharaab, juaa, girl-friend khojane lag gaye..bhramit ho gaye hai..

bhagavan is tuchh parivartan ki garakaav karane ki baat nahi karanaa chaahate..bhagavaan parimaarjan karanaa chaahate hai…..
ek hota parivartan jo prakruti me hota hai.
aur dusaraa hota hai parimaarajan jo ‘swa’ ki najariyaa me hota hai…

abhi kapade badale , phir badale…angrej log suit me mitting karate the..lekin gandhiji wo hi dhoti khoti me  golmej parishad me gaye..to bole aap suit pahen ke aaye aise kapade me kaise baat karenge?
..gandhiji bole, mere se baat karani hai yaa kapado se?

baahar ka parivartan nahi chaahiye humhe parimaarjan chaahiye..adig rahe..
to jo apane chitt par..apane par jo shaashan karataa hai wo vyakti dusare ko margdarshan karane me saphal hogaa…
lekin jis ka apane man par, apane khayalo par, apane vikaro par shaasan nahi vo parivartan parivartan karane me sukhi hone me aur dukhi hota jaayega…jaise patangiye hai..
jaise patange prakaash ki laalsaa me diye par jal marate,  ye sujh bujh nahi..prakaash ka aanand lena hai, lekin chandrma kaa prakaash ho! diye ka nahi patanage jaisa..
parimaarjan kya hai ki sujh bujh badhe.to gita parimaarjan ka marg bataati hai…

gita kaheti hai:
yat karoshi.. yat tadaasi… yat pashshasi.. kauntey tat mad arpanam
hey kunti putr jo kuchh karataa hai, jo kuchh khata hai..jo kuchh yagy karataa hai, jo kuchh daan detaa hai aur jo kuchh tap karataa hai wo sab mere ko arpan kar de…
chhote se chhote se kaam bhi bhagavaan ke liye kare… krur kaam bhi bhagavan ki prasannata ke liye chaahoge to vo kaam bhi shudhd ho jaayenge!
chokhaa melaa chhote kaam dhandhe karate the.. bhagavan ki prasannata ke liye bhagavan ko arpan karate..bilkul mahaan aatma ho gaye…
bhagavaan kahete hai : swa karmanaat abhyarchyan ..tu apane karm se mera abharchan karo..pujan karo…
bhagavan ke prasannata ke liye karm karoge to karm ke phal par nigaah nahi jaayegi… karm ke niyaamak par najar jaayegi! karm ke phal-data par najar jaayegi !! karm ke  prerak paramatmaa par najar jaayegi!!!

ek sipaahi border par dhaad dhaadh goliya chalataa.. kayi apane sipahi mar gaye..dushmano ki sipaahi maar diye hai..bataliyan ke 2-5 vyakti bache hai… phir bhi ye sipaahi khadaa hai..kyo ki desh ki sewa samajh kar kar rahaa hai..mere sath sab deshwasi hai..mere sath mere desh ka sanvidhan hai… kitane log ko maar diyaa phir bhi afsos nahi, khud kisi bhi kshan mar sakataa hai lekin dur nahi kyu ki maanata hai ki marenge to bhi veer gati ko paayenge!! .. to sipaahi kartyavy budhdi se karataa hai…lekin wo hi sipaahi chhuttiyo me ghar aaye, krodh me banduk kya danda bhi kisi ko maar diya aur koyi mar gayaa  to 307 ki kalam lagegi… kyo ki apane liye kiyaa… apane liye karate to karm bandhan me phasate.. ishwar ke liye karate to karm yog karate… agar bhukhe ko roti isliye khilaa rahe ki log dekhenge..mujhe dharmaatma kahenge.. mera naam hogaa ..to ye kshudr uddesh se karane se khsudr ho gaye…lekin vo hi kaam bhukhe ki bhukh mitegi us ke andar ka paramaatma prasann ho rahaa to aap ko andar se sukh milegaa.. bhavishy me to jo puny phal milegaa wo milegaa lekin us ke pahele waasanaa ka parimaarajn ho jaayegaa… antaraatmaa me aanand aayegaa!

ranghdut maharaj ka narmada kinaare naareshwar me ashram thaa… us jamaane ke kesar aam hapus aam ki badi sugandh aati..bhakt log laaye saraahanaa kiye ki abhi chhilaa nahi phir bhi kaisi sugandh hai..bhakto ne aam chhil ke mahaaraaj ke saamane rakhe…lekin mahaaraaj bole, mere jibh me pani nahi aayaa… aisa kuchh mahima gaao ki parimaatmaa ko bhog lagaa ke aanand aataa… vastu jis se rasmay hoti aise paramatma ke rasmay hokar aam khaane ko kaho ki mere munh me pani aa jaye to aam khaungaa…

paramaatmaa ki prakruti ka majaa lete lekin jis ne prakruti banaayi us paramaatmaa me ras nahi lete …sambhog me ras lenhe.. paan masaale me ras lenge.. mobile ka gapsup ka ras ka aakarshan vikrut kar detaa hai..

jara dur ka sochoge to parivartan se parimaarjan ka sochoge..

andar se dukhi aadami hi parivartan me aakarshit hogaa..sukhi aadami ko parivartan ki jarurat nahi padati..jo andar se santusht nahi usi ko picture chahiye..fashion chahiye..laali badalo… rang badalo…kitani kangaliyat hai!!
jis ko ghar me sukh nahi tabhi baju ke ghar jaate..aise jis ko andar ka sukh nahi vo hi log sigarate tu sukh de.. paanmasaalaa tu sukh de…tv dekhenge..phalaani channel badale.. parivartan..parivartan se sukh khojate…sukh ke liye mujhe koyi channel dekhana nahi padataa….jitanaa aap apane parimaarjan kar ke sukhi, swatantr aur sukhi ho sakate utanaa baahar ke parivartan se nahi ho sakate…

shrikrushn kahete bhagavan satswarup hai , gyan swarup hai, sukh swarup hai.. mujh antaryami se jod do..

mantr jap se swabhaav ka parimaarjan hota hai…satsang se man budhdi ka parimaarjan hota hai.. satpurusho ke sannidhy se paapo kaa parimaarjan hota hai…..

( pujya bapuji ne bramhgyani ke darshan satsang se kya phayada hota hai ye tailang swami ki ras bhari kathaa sunaayi.padhane ke liye krupaya yahaa padhare…)

patni madhurbhashini aur putr aagyakari ho to gruhasthi me aanand hota hai..

koyi bhi aushadh(davaayi) lena ho us ko dekhakar 21 baar “narayan” bolo surynarayan ka dhyan karo phir wo aushadhi lo to prabhav bahot hoga..chaahe wo aushadhi 10 paise ki ho..

janm ke baad baalak ka naabhichhedan janam ne ke baad 3/4 minute ke baad karanaa chahiye ..turant kaatane se bachhe ke nabhi me dard hota hai aur hamesha ke liye us me bhay ghus jata hai…

kan kan me hai teri satta
tere bina na hilataa patta
tu hi sab ka sahaaraa…
jogi re kya jadu hai tere pyar me..

tere dar pe aakar jogi
sab khushiya hai milati
man ke saare rog hai mitate
jab teri najare milati
teri ek muskan ko jogi tarasati duniya sari…
jogi re kya jadu hai tere pyaar me…

bhagavan ki shanti bhagavat prasaad ki janani hai parimarajan karataa hai parivartan budhdimaani nahi.. jeev ko thakaa deta mitaa detaa hai.. parimaarjan ke bina abrahim linkon jaise vyakti bechare white house me bhatakate pret ho ke… parivartan ki maja lena prakrutik jagat me phasaanewale hai….

budhdi ke dosh nikaal kar shudhd swabhaav ka darshan karo.. aap shashwat hai, dukh vikaar nashwar hai..koyi vyakti satat kaami yaa satat krodhi nahi rahe sakate… kitana bhi bura aadami ho 10 minute ke baad utanaa nahi hoga..ishwar ki lila nity hai… parivartan wale adhishtan swarup aatma paramaatma ka jaanewale vyakti parivartan ko sapanaa samajhataa hai ..
mati ka parimaarjan kar ke param pad me jagrut hone ke liye ye sansaar hai..

vyas ji ne kide ka parimaarjan kiya…to kide ka sharir maraa to khargosh banaa..hiran banaa.. shikari ka beta banaa..aur vo sharir chhoda to mitra mata ka putr banakr janamaa aur maitrey rushi ban gayaa!
parimaarjan ho gayaa budhdi kaa to aasumal se aasaram ban gaye.. narendr me se vivekanand ban gaye..

haridwar satsang ki vcd jarur sunana aur sunaanaa ….

bachche ko janm dete samay kya karanaa ye pariwaar me kare aur dusaro se karaaye.. sanyami satsangi ho jaaye… parimaarjan hogaa..

(sp darjiling kunal jo ab  IG bane hai ..shadi kar ke Pujy Bapuji ke paawan ashirvaad paa rahe hai.)

OM SHANTI.
SADGURUDEV JI BHAGAVAN KI MAHAAJAYJAYKAAR HO!!!!!
GALATIYON KE LIYE PRABHUJI KSHAMAA KARE….

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: