Pavan Tanay…

30 March2010; Haridwaar Satsang..Hanumaan Jayanti.
*******************************************************************
SHRI SURESHMAHARAJ JI KI GURUBHAKTIMAY AMRUTWAANI
*******************************************************************

for Hindi  click here “पवन तनय”  ..हनुमान जयंती.

hanumaanji chiranjivi hai…
bhakt kahi bhi rahe un ki krupaa kaa anubhav kar sakate hai ..
jab hanumaan ji samundar paar jaa rahe the mainaak parbat ne raastaa rokaa…  ‘aao veer hanumaan..charo aor samudra hai, mithaa paani kahi nahi…mere yahaa mithaa pani piy , phal khaao’  ….lekin hanumaan ji ne naa phal khaaye, naa mitha paani piyaa…bole, ‘mujhe pahele  raam kaaj puraa karanaa hai’   …ham bhi bhakti ke raaste me ,  bramh vidyaa prapt karane ke liye chale to bhatak naa jaaye…kahi atak naa jaaye apani sadhanaa ki yaatraa chaalu rakhe..

pravrutti rupi lankaa me pravesh karo to nar hari kaa guru kaa..guru to nar ke rup me naaraayan hai…sadgurudev kaa smaran kar ke aage chale to saphalataa milegi… hanumaan ji ne kaise naam, pratisthaa ki ichha nahi rakhi… sewaa aur sumiran to bahot kiyaa…raam kaaj karane ko aatur rahete…
hanumaan ji ko ichhaa hai to kis baat ki…

vidyaawaan guni ati chaatur
raam kaaj karane ko aatur
prabhu chairt sunane ko rasiyaa
raam lakhan seeta man basiyaa..

aaj kal log bolenge meri amuk boot pahen ki ichhaa hai.. ice-cream khane ki ichhaa hai… amuk dress pahene ki ichhaa hai… amuk film dekhane ki ichhaa hai..lekin hanumaanji?

…hanumaan ji bhagavaan ram se pahili baar milate to bramhan kaa rup lekar jaate.. bhagavan se baat-chit hoti…
Bhagavaan Ram ji ne puchha , ‘aap kaun hai braamhan?’
to hanumaanji apanaa  parichay kaise dete hai?… un ki namrataa dekhiye!
ek mai mand moh vash kutil hruday agyaan
puni prabhu mohe bisaariyo krupaa sindhu bhagavaan’

ek to mai mand hun, kutil hruday… agyaan hun… aur aap ne mujhe bhulaa diyaa hai..aisaa parichay dete hai..

tulasidaas ji kya kahete‘Pavan Tanay Sankat Haran , Mangal Murti Roop. Ram Lakhan Sita Sahit, Hriday Basahu Sur Bhoop’ kehete hai….

bhagavaan raam hanumaan ji ko kahete ki hanumaan maine to tumhaaraa ek hi gun kahaa… vayu ke 3 gun hote… sheetal, mand baheti, surabhit hoti hai….’
hanumaan ji  hanse… 🙂
bole,  “prabhu havaa garam bhi to hoti hai garmiyo me!..aap gun bataate lekin mai sachchaayi bataa rahaaa hun..havaa mand baheti lekin tej tarraar bhi to baheti hai…surabhit to hoti hai jab sugandh ko saath le aati hai..lekin jab gandi jagah se gujare to apane saath badaboo bhi to laati hai… prabhu aap ki krupaa ho to sab badhiyaa ho sakaata hai! aap kaa naam kaa sahaaraa hai to sab achchaa hotaa hai !!”
…ram ji khush huye un ki namrataa dekh kar….bhagavaan ne hanumaan ji ko hruday se lagaayaa…bhagavaan ram ji ke aankho me aansu aa gaye..!
bhakt sewak ko swaami gale lagaa rahaa hai aur swami ke aankho me aansu aaye..ek yaa do nahi… aasuo ki dhaaraa bahe chali…hanumaan ji bolate…swaami havaa bahot garam chal rahi ho aur baarish ho jaati to kaise ho jaataa hai aise hamaari ushanataa ko aap dur kar dete… shitalataa dete ho ….

‘tab raghupati nij lochan sinch aasu!’
ram ji ke aankho me aaasu aate hai…. bhakt to sadaa hi gad gad hai, lekin aaj ram ji gad gad ho gaye!!
…hanumanji ne preranaa di hai ki ham aise bhakt bane
apane dosho ko yaad naa kare…swami ke guno ko yaad kare bas..un ka chintan karane se hamaare me bhi vo gun aa jaayenge jaise pavan sugandh shitalataa ye dusare ke guno kaa prachaar karate aise hanumaan ji jahaa bhi jaate apane swaami kaa gun gaan karate..kabhi apanaa bakhaan nahi karate…

tumharo mantr vibhishan maanaa lankeshwar bhaye sab jag jaanaa

hanumaanji ne kaun saa mantr diyaa thaa bibhishan ji ko? kaun saa mantr maan liya jo bibhishan lankaa kaa raajaa ban gaye..
‘raam charan pankaj ur dharahu’ , lankaa kaa achal raaj pad tu paa le!
ye mantr hanumaan ji ne raawan ko bhi diyaa thaa, lekin raavan ne nahi maanaa…. bibhishan ne maan liyaa!
bhagavaan ke charano kaa dhyaan karo aur achal pad paa liyo ye hi mantr hanumaan ji ne raawan ko bhi bataayaa thaa…raawan ne nahi maanaa to buri tarah maranaa padaa aur bibhishan ne maanaa to lankaa kaa raajaa bhi bane aur chiranjeev ho gaye…
8 chiranjivi hai…ashwasthama, bibhishan, hanumaan ji aadi 8 chiranjivo ke saath padm puraan me un kaa bhi naam hai..

hanumaan ji saadhu maanate bibhishan ko.. raamaayan me varnan aataa hai ki, hanumaan ji jab bibhishan ke kutiyaa ke paas pahunche to dekhe ki kutiyaa ke baahar tulasi kaa paudhaa lagaa hai… ‘ram ram’  karate bibhishan jaage hai to hanumaanji ne sochaa ki mai is ke saath dosti kar lu is me koyi ghaataa nahi hogaa..ram ji ne bhi bibhishan ki salaah kaa aadar karate hai… samudr ko paar karanaa thaa to salaah liyaa ….santo se salaah lete bhagavaan!
bibhishan ne bataayaa thaa ki, ‘samudr aap kaa kulguru hai…..bina prayaas se aap waanar senaa samudr ke paar karaa sakate hai.. kulguru ko praarthanaa kariye…’  ram ji ne salaah maani hai….
kayi mudh santo ki baat nahi maanate nindaa karate hai… logo ko dur karanaa chaahate hai santo se …
himaachal pradesh me jwaalaa ji ki jyot phunk maar ke koyi bujhaa sakate kyaa? aise santo ki nindaa kar ke koyi logo ko gumraah nahi kar sakataa..

saabun ke bulbulo ki jyaadaa aayu nahi hoti…

2 titaliyaa america  ki newyork se pasaar ho rahi thi… manhatton ki Empire state building se jaa rahi thi… nar titali ne maadaa titali se kahaa ‘dekh! dekh ye empire state ko ek dhakke se giraa dun!mere me itani shakti hai..’ 🙂
maadaa titali impress ho gayi… ‘ahhaaahaa! bahot shakti hai!’
itane me ye sambhaashan ek vyakti ke kaano padaa to us samajhdaar vyakti ne nar titali ko bulaayaa… ‘aei!… idhar aa!! jaanate ho vo building  tum  giraa nahi sakate, tum me itani shakti nahi… bolo jaanate ho ki nahi?’
bolaa,  ‘haa! jaanate hai’
‘phir bole kyu? tum bole kyu?’
nar titali boli, ‘maaph karanaa….wo to meri premikaa ko impress karane ke liye bol rahaa thaa!’
..titali ki shakti kitani?..jaraa si havaa lage to kahi ke kahi ud jaaye ..

maadaa ne kahaa kya kahe rahaa thaa vo manushy?
nar titali bole, ‘gidgidaa rahaa thaa… maaphi mang rahaa thaa..ki aisaa mat kar..’ 🙂
aise hote hai khokale udaane bharanewaale! aundhe munh khud hi girate…!!

hanumaanji sundar sanket dete… sikh dete hai ..namrataa, sewaa, bhakti aur naam jap, sanyam ko khub mahatv denaa hai..

apane jeevan me gyaan aur guno kaa sagaar bananaa hai… saathiyo ko unnat karate huye un ki prasnnata kaa khayaal karate huye ..

mai to manaata hun ki mujhe hanumaan ji ki krupaa ne hi baapuji ke charano me pahunchaayaa hai..!
pahaadi pe mandir thaahanumaan ji kaa, us me mai jaa ke baithataa thaa kayi baar…

OM SHANTI.
SADGURUDEV JI BHAGAVAAN KI JAY HO!!!!!
Galatiyon ke liye Prabhuji kshamaa kare….

Advertisements
Explore posts in the same categories: Shri Sureshanandji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: