Poonam Satsang

30 March2010; Haridwaar Satsang

******************************************************

PUJY SANT SHRI ASARAM BAPUJI KI AMRUTWANI

*******************************************************

kitani bhi tapasyaa kare, kitanaa dhan kamaaye.. bhagavan ki priti ke siwaa gadhaa majuri kaa ant nahi hogaa..
bachche ki maa me priti hai to maa  aisaa nahi bolegi ki nahaa ke aao phir gale lagaaungi… maa ki saari yogyataa bachche ke liye aisi bhagavaan ki saari yogyataa bhakt ke liye hai…. ‘om om om prabhuji om’   .. ye pukaar hai…. hari om om om har rup me tim ho ….saakaar niraakaar om om aanand…. om om om madhury… om om om ….

om jay jagadish hare….

bhakti marg me 4 ghaat hai ..gyaan ghaat, karm ghaat, dainy ghaat aur sharanaa gati ghaat lekin aaj kal naa jaane kaun kaun se ghaat bana adete ahankaar ke…

gyaan maarg waale aisaa kahe ki, ‘mai-meraa kuchh nahi..sab chalaalchali..’  gyaan maarg ke liye thik hai..lekin aap kisi doctor ko jaa kar bole ki, ye sharir a-sat hai.. do din kaa melaa..ye sharir nahi rahegaa.. sharir nashwar hai..is ki chintaa kyaa karate?’ to chalegaa nahi… to jahaa gyaan ki jarurat hai wahaa gyaan, jahaa bhakti ki jarurat hai wahaa bhakti,jahaa dainy ki aawashyakataa hai wahaa dainy  bhi dikhaanaa padataa hai…vyavhaar me kahi haathaa jodi se, to kahi dainy dikhaa ke, to kahi rubaab jamaa ke, to kahi samay kaa intjaar kar ke kaam chalaanaa padataa hai…sab jagah ek hi maap dand nahi chalataa….

kisi ne badaa sundar makaan banavaayaa..vaastu pujan me prasidhd gaayak ko bulaayaa… gaayak ne shuru kiyaa…
‘re man ye 2 din ka naa kayam rahegaa
naa kaayam rahegaa har dam jhamelaa
rahega kandhe par thelaa rahegaa’  …logo ne sir pit liyaa! 🙂
..ye badaa prasidhd bhajan hai…par is samay ye vairaagy ke bhajan ki jarurat nahi thi..

‘mangal bhavan ..nitya utsav… nitya ch nity mangalam yeshaa maangalaay tanno hari..’
bhagavan hari ke nimmitt gruh pravesh karane wale , bhavan bhojan karane wale sabhi ko utsav kaa aanand mile..mangal may milan nity mangalmay hari kaa utsav hai’ kavi ko ye gaanaa chaahiye..

kulmilaakar ye samajh lo ki kis samay khaanaa, kis samay upwaas karanaa, kis samay bolanaa. kis samay chup honaa ye bahot jaruri hai…..

hanumaan ji karm drushti se purantaa hai bhakti me paraakaashta hai ..

hanumaan ji se angad ne puchhaa ki, ‘aap ne lankaa ke ghar ghar gali gali ko itanaa kyu chhaan maaraa ki itanaa to raawan ne bhi dekhaa nahi hogaa…’
hanumaanaji ne bahot sundar uttar diyaa, ‘vaidya jaise dekhataa ki marij ki kaun si naadi band hai..mrutak ghoshit karane se pahele vo har prakaar se jaanch karegaa… jab tak kahi naa kahi jaan hai tab tuk vo us ko mrutak nahi bolegaa.. aise lankaa me bhakti rupi bhagavat ras rupi jeevan dhaaraa kahi hai kyaa ye mai dekhaa..lankaa me sundar makaan , mahel to bahot the..logo ko har suvidhaa to thi…lekin bhakti rup bhagavat ras rupi jeevan ras kahi nahi hai, in kaa jeevan nisaar hai ye maine jaanch kiyaa.. ek jagah spandan dekhaa …bibhishan aur trijataa jahaa thi wahaa jeevan dekhaa…to jahaa jeevan hai, wahaa mai samshaan yaatraa kyu karavaau? jahaa mrutak hai un ko sadane kyu dun? .. to unhi ke ghee tel kapade se charo taraf samshaan ki aag phailaayi… jeevan jahaa nahi thaa vo sab jal gaye… yudhd ke sadhan bhi jal gaye…ek chauthaayi senaa bhi jal gayi…’

vilakshan lakshan se sampann the…. ram ji hanuman ji karm kaushaly ke dhani hai.. ram ji ne bhejaa ek kaam bataayaa …lekin sita ji ko kis ne kaid kiyaa, us ke yodhde kaise hai, nagar kaisaa,kitani taiyyari hai saari khabar kaise dhaavaa bolanaa kaise saphal ho saari khabar le kar aaye… dasy bhaav, sakhy bhaav, sharanaa gati bhaav se bhagavaan me priti aati …bhagavat priti se rati paidaa hoti… jis ke jeevan me bhagavat ptriti- rati paidaa huyi vo hi jite….jin ke jeevan me bhagavat priti rati nahi un ko ye samajh lenaa chaahiye ki
ye tan kaanchaa kubh hai..phutat naa laage der… pahatakaa laage  phuti pade..
yahaa gyaan aur vairaagy ki jarurat hai…

to gyaan ghaat, karm ghaat, dainy ghaat aur sharanaa gati ghaat in 4 ghaato par gota amaaro to mangal hogaa…lekin ahankaar ke ghaat me gotaa maaroge to us ki aisi dhulaayi hoti ki jaise dhobi kapado ko pitate, ghumaa ghumaa ke nichode, garam paani-saabun ke jhaag me daale, phir naa nikale to chemical me de damaadam aise aham ghaat waalo ki buri dashaa hoti….jis ne aham chhod diyaa us ke pichhe to sari duniyaa to kyaa devataa ghumate… 🙂

OM SHANTI.

(anouncemet…)

kirtan yaatraa…
pujy sadgurudev ji bhagavaan ke awataran divas ke nimitt haridwaar me vishaal shobhaayaatraa kaa aayojan kiyaa thaa..is shobhaayaataraa kaa najaaraa itanaa vilakshan thaa.. ki lambaa durdur tak dekhane par bhakt hi bhakt najar aate…jo bhi dekhate, shradhdaa se natmastak ho jaate…waataavaran me ek hi paawan naam gunj rahaa thaa, ‘jay baapu aasaaraam’ … 5 ghante tak ye kirtan yaatraa chali nar naariyo ne ghar se baahar aake, dukaandaaro ne dukaano se baahar aake is kaa darshan kiyaa..jo dekhe ye hi bole,  ‘waah waah! kyaa shobhaa yaatraa hai…’

pakisthan se aaye bhakto ne bhi dikshaa grahan kar ke apnaa jeevan dhany kiyaa..

hey daataa tera satsang badaa achhaa lagataa hai
teraa deedaar aur darbaar achhaa lagataa hai
teraa mand mand muskuraanaa badaa achhaa lagataa hai
teraa pyaar se daantanaa bhi badaa achhaa lagataa hai
teraa jhumanaa aur jhumaanaa achhaa lagataa hai
teraa deedaar paanaa badaa achhaa lagataa hai…

hey daataa tere darbaar me unch-nich nahi, shradhdaa se jhukataa seer dekhaa hai !
maine naman karataa hindu to salaam karataa musalmaan dekhaa hai..!!

nirmal hai ye gangaa maiyya paap sabhi ke dhoti
jogi ke satsang me aakar mati paawan ho jaati
joi re kyaa jaadu hai tere pyaar me…

kumbh parv kaa paawan parv hai aayaa
jogi ke darshan se jis ne man ko lagayaa
jogi re…

tere kayi awataar hai jogi naam hai kitane tere
tere sumiran se kat jaate janam maran ke phere
jogi re…

ganga ki dhaaraa me nahaaye tan nirmal ho jaaye
jogi ka satsang suno to janam maran meet jaaye
jogi re..

kumbh puny kaa yog hai aayaa
tan man us kaa paawan jis ne man jogi me lagaayaa
jogi re…

gangaa ki dhaaraa me nahaa ke tan nirmal ho jaaye
jogi kaa sastang suno to janam maran meet jaaye
jogi re…

bhakt jano ke liye jogi ne kaisa rup banaya
kabhi raam aur shaam kabhi baapu ban ke aayaa
jogi re ….

hindu muslim sikh isaayi sab ko darshan bhaaye
ek baar jo darshan paaye in ke hi ho jaaye
jogi re….

rang birangi duniya ke ye saare rang hai jhuthe
mera jogi aisaa rang de kabhi naa phir vo chhute
jogi re….

SADGURUDEV JI BHAGAVAAN KI JAY HO!!!!!
Galatiyon ke liye Prabhuji kshamaa kare…

Advertisements
Explore posts in the same categories: Pujya Bapuji

One Comment on “Poonam Satsang”

  1. Shrikatn Pandey Says:

    Thanks for satsang amrit


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: