Upaasanaa Kyo?

25 March2010; Haridwaar Satsang

*******************************************************

PUJYA SANT SHRI ASARAM BAPUJI KI AMRUTWANI

*******************************************************

gyaan  3 prakaar kaa hai..

indriyo-gat gyaan

budhdi-gat gyaan

sukh-rup, gyaan-swarup shashwat tatv kaa gyaan…….

indriyaa-gat gyaan aasakti pradhaan hotaa hai….budhdi gat gyaan antarmukh karanewaalaa hotaa hai..in dono ko jahaa se satta hai vo shaashwat tatv kaa gyaan hai…jo swayam prakashit, sidhd budhdh swataa sidhd tatv hai..

upaasanaa ke binaa raag dwesh nahi mitataa…. upaasanaa ke binaa tatvgyaan kaa paramaanand tikataa nahi…upasanaa se aatmaa paramaatmaa kaa paramaanand aane lagataa to phir raag dwesh chale jaate..

upaasana karane waale ko bas bhagavaan kaa vachan maan lenaa chaahiye..

bhagavaan kahete,

‘karod braamhan ki hatyaa kaa paap jis ko lag gayaa aisaa vyakti ho, lekin agar  vo mere arthaat paramaatmaa ke sharan me aayaa to bhi bhagavan us ko vaar lete hai..!

… phir to paap karane kaa liesence mil gayaa!..paap karo, phir bhagavan ke sharan me chale jaao to bhagavaan maaph kar denge, kyu ki bhagavan kaa vachan hai!…ye to bhagavaan ne raaj maarg khol diyaa…bhagavaan khud hi kahete ki, ‘jo meri sharan aayegaa, us ko mai bachaa lungaa…’

paap karanewaale me vo ruchi hai hi nahi, to vo bhagvaan ke sharan jaataa hi nahi…

bhagavaan ke vishay me soche, bhagavaan ki sharan jaaye , vo paap-vant kaa swabhaav hai hi nahi!paap karanewaalaa bhagavan ki kathaa me nahi jaataa, bhagavaan ke satsang me nahi jaataa vo bhagavaan ke sharan kyaa jaayegaa?

raamaayan me aataa hai:-

nirmal man jo hi mohi paav

bhagavaan kahete , “jis kaa man nirmal hotaa vo hi mere sharan aataa hai, vo hi mujhe paataa hai…”   bhajan us ko bhaayegaa hi nahi jo paap karataa hai..

sharanaagato ki bhid dekhi kabhi? jahaan tahaan man mukho ki bhid hogi..pad pratishthaa ke liye bhid hogi… lekin bhagavaan kaa bhajan karanewala to us ko bhagavan jis haal  me rakhataa us me mast hai.. kahi bhid dekhi kyaa? aiso ki bhid nahi hoti… koyi koyi hotaa hai mahaa jayjaykaarwaalaa!

(sadgurudev ji bhagavaan ki jay ho!!!!! mahaa jayjaykaar ho!!!!!)

sugriv waasanaao ki durbalataa se bharaa thaa, bhagavaan shri ram ki sharan gayaa.. sansaar ki a-saarthataa,sharir,man budhdi ki a-yogyataa, dinataa hruday purvak sweekar karataa koyi to bhagavaan us ko bachaa lete hai .. koyi upar upar se bole ki, mai aap ke sharan hun,aur andar se paap ki waasanaa bani hai to bhagavaan samajh jaate ..vo to aap ke antaryaami hai, aap ki vruttiyo ko jaanate hai…itanaa to maa bhi pahechaan jaati ki bachchaa khilono se khel rahaa , phir bhi jhuth muth me ‘maa-maa’ kartaa hai..maa to baahar hai…bhagavaan  antaryaami to hamaari vrutti ke saakshi hai…

bhagavaan sabhi ke liye hai..raamaayan me aataa hai ki bhagavaan kisi ki bhujaa kaatate, kisi kaa seer kaatate, to kisi ke naabhi me teer de maarate..

kisi ki bhujaa kaatate maane, jin ko apani bhujaa kaa garv hai, kartrutv kaa garv hai, aham hai, bhagavan us kaa vo aham nikaal dete maane bhujaa kaatate…

bhagavaan kisi kaa seer kaatate maane jis ki khopadi me budhdi hai, lekin khopadi se dusaro ko khadde me le jaate un kaa sir kaatate, jo dimaag chalaa ke sab ko sataataa aur deen heen karataa bhagavaan us kaa seer kaatate…

prani ke  nabhi me waasanaa kaa bojh hai..naabhi me prani ke karm kar ke bhaav hai, ichhaaye waasanaaye hai…jo waasanaao me bahe rahaa, bhagavaan  un ko naabhi me de maarate…

waasanaagrast ko nirwaasanik banaate..karm ke aasakto ko nishkaam karm yogi banaate…budhdi ke aham waalo ko gyaanyogi banaa dete hai..

bhagavaan kabhi kabhi chhupakar bhi maarate hai, jaise baali ko maaraa…us ke pichhe rahasy hai… kaal sabhi ko chhup ke maarataa hi hai… subah kitani aayushy hai, ab utani nahi..shwaasoshwaas se aayushy to katati jaa rahi…

lekin gwaal gopiyo kaa seer, bhujaa nahi kaatate yaa un ke naabhi me teer bhi nahi maarate, bhagavaan un ko bansi sunaakar un ke 5 vastr churaa lete..gwaal gopiyon kaa chir-haran karate.. 5 cheer haran kiye to kaun se? jo ann-may sharir, pran-may, mano-may,vigyaan-may, aanand-may ye 5 vastro se aachhaadit hote vo apane ko ‘mai’ maanate.. ye 5 prakaar ke cheer bhagavaan ne prem ki nigaah barasaa kar, bansi ki dhun sunaakar har lete… dhwani kaa asar padataa hai…bhagavaan ne  baasuri se ‘klim’ mantr ki dhwani bajaayi thi..bij mantr bajaayaa thaa… to bhagavaan ne  5 prakaar ke cheer kaa haran kiyaa ke jeev ke adhyaas, maanyataaye har liye.. un ko bansi bajaakar aisi shanti  barasaayi, nigaaho se aannad ki krupaa drushti ki…to gwaal gopi ko deh kaa mamatv, aham, aasakti nahi rahi..chij-vastu me raag nahi rahaa..

aap kaa man jahaa se sphurit hotaa, wo hi  parbramh hai..aatmaa paramaatmaa kaa mahatv samajh kar priti ke liye karm kare to abhi karm karo aur abhi sukh, shaanti aur madhury milegaa…aisa nahi ki karm abhi kare aur bhavishy me sukhi honge……khel khelate to khelate samay hi aanand aataa aise hi sansaar ko khel samajh ke sansaar me vicharo to baahar ki waasanaa, bhog lolupataa chat ho jaayegi.. atmaaraami banoge..antaraatmaa ke sukh me sukhi rahoge.. is ke liye upaasanaa hai.. shwas andar jaaye to shanti baahar aaye to ginati..aise bhagavaan ke naam ko shwasoshwas me ginate jaaye… shwaas andar jaaye so..baahar aaye ‘ham’ …. ‘so’ maanaa satchitaanand kaa sukh.. ‘ham’ maanaa ‘mai hun’ ….is soham swabhaav me jag jaaye to aap ko aisaa nahi hogaa ki, ye khau to majaa aaye aisaa nahi hogaa.. majaa swarup to aap swayam hai … budhdi kaa gyaan parinaam ke taraf sajaag karataa isi soham swabhaav se aap kaa deh-gat gyaan, budhdi-gat gyaan prakaashit hotaa hai..

naaraayan naaraayan

kitanaa khayaal rakhataa hai saadhak , phir bhi kuchh naa kuchh indriy, man, budhdi se kaam , krodh, moh lobh aadi vikaar se kitanaa bhi bachate phir bhi aadami phisal jaataa hai..  ekaant me soham kaa dhyaan karo, man ko apane paksh me kar lo..to indriyo ko man jaane nahi degaa..

ye bal se nahi, bhagavaan ki upasanaa aur tumhaare purusharth se hogaa..

dirgh pranav se 4 chaanchyaly mit jaataa..waani kaa, netr kaa, haatho ka aaur pairo ki chanchalataa meet jaati hai..

aap ki unnati ho rahi ki nahi ye kaise jaane? aap sahi raaste jaa rahe yaa galat raaste kaise pataa chalegaa? tharmaamiter kyaa hai adhyaatmik unnati kaa?

agar aap ko sansaar me aasakti badh rahi to aap galat raaste jaa rahe hai..sansaar dhoke se bharaa hai, sansaar se uparaam ho ke antaraatmaa me aalhaadit ho rahe to thik raaste jaa rahe…

gangaa ke par tahelane jaataa hun.. ek dhara paar karataa hun, dusari dhaaraa ke bich me taapu hai wahaa.. gangaapaar chalaa gayaa…ek saadhu milaa..khub bhatakaa huaa thaa..bolaa, ‘mai aap ke aashram me aataa thaa.. roti kadhi achhi banati thi..12-15 saal se bhatakaa hun’ … aadat thi ki khule aankh aakaash me dekhataa rahe.. somavati amavasyaa , (15 march 2010) ko baitha thaa… to us ne  dekhaa ki , ye bade tower hai light ke aise 100 maane 500-1000 miter unchaayi se koyi gol prakaash kaa olaa geer rahaa thaa…us kaa prakaash phailataa gayaa aur gangaaji me samaavisht huaa…’

to maine ganit lagaayaa ki vishesh tithiyo par vaataavaran me prabhaav chhaa jaati isliye vrat kaa prabhaav hai…somavati amavasyaa,  budhavar ki ashtami,  mangavar ki chaturthi,  kumbh kaa snaan tithi aadi parv ke samay  maanaviy jeevan me adhyaatmik aoraa kaa sanchar hone ki sambhavana hoti hai…

om shaanti.

SADGURUDEV JI BHAGAVAAN KI JAY HO!!!!!

Galatiyon ke liye Prabhuji kshamaa kare….

Advertisements
Explore posts in the same categories: Pujya Bapuji

One Comment on “Upaasanaa Kyo?”

  1. Shrikatn Pandey Says:

    Thanks for Satsang Amrit


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: