Dharohar

21 March2010;Indore Chetichand Satsang part-1

******************************************************

PUJYA SANT SHRI ASARAM BAPUJI KI AMRUTWANI

******************************************************

हिंदी में पढ़ने के लिए कृपया यहाँ पधारे
“धरोहर”

  • ek aisaa avishkaar haath aayaa hai ki us davaa ko 20 din roj 0.25(qarter= 1/4 = ek chauthaayi)gram khaanaa hai..qarter graam maane gram ka chauthaa hissaa…ek packet  me 20 din kaa khuraak hai..20 pudiyaa hai…roj qurter gram chuso.. 5 gram kaa packet milegaa…sabhi rog bimaariyo se bachoge…swaasthy badhiyaa rahegaa..
  • aisa netr bindu aayaa hai ki chasmaa utar jaaye adhaayi mahine me aisaa drop daalo..chasmaa nahi utaraa to mai shimalaa haaraa!(vinod me!) 🙂

mohabbat jor pakadati to sharaarat kaa rup dhaaran karati hai! 🙂

ek shishy ne puchhaa ki bramhswarup guru ne shishy ko apanaa maan liyaa ye kaise pataa chalegaa? bole jaise apane bete ko haath pair maarate, maar pit kare, galati huyi to daant dene me der naa kare to samajh lenaa guru ne chele ko apanaa maan liyaa! 🙂

Dharohar naam ke sindhi Granth kaa vimochan ho rahaa hai…bikhare phul ek mala me aaye isliye ye granth banaayaa hai..indaur chetichand samiti ko shaabaas hai ki 9 din ka utsav manaya, granth chapaa, lekin sab se badaa kaam ye hai ki  bramhgyaan kaa 3 divasiy satsang dilaayaa sabhi ko….kanpur me narayan satsang kar rahaa waha bhi log sun rahe dubai, abudhabi,kuwait, canda, amerika,spain, south koriya,germany,japan,hongkong aadi 156 desho me ye satsang jaa rahaa hai..aur vcd ke maadhyam se kitane kitane logo tuk pahunchegaa.. dharohar sindhi granth kaa bramh vimochan  bramh kar rahe…. indaur me param divy saaphaly ye hai ki aakhari 3 din aarogy shanti aur aatm gyaan kaa amrut ke ras pilaanewala satsang aayojan kiyaa hai.. is granth kaa vimochan bhaarat ke saath 156 desh ke log dekh rahe ….hum gaanth kholate aur vimochan ho jata hai…. hum kabhi ribbon kaatate nahi… 🙂 gaanth kholate!

indor samiti ne deshabhar sindhi boli me bhajan gaaya jaayegaa “jogi re..”   jhulelal samiti ki ye badi bhari uplabdhi hai is utsav ki khushi  me dharohar kaa vimochan aur is bhajan ki shuruvaat yahi se hogi..indor ki cassete vcd international ho gayi..

is dharohar naam ke pustak kaa vimochan to maine kar diyaa… lekin tumhaare ‘dharohar’ kaa vimochan mai nahi kar sakataa!vo to  tumhe hi karanaa hogaa…vo dharohar kahi dur nahi, tumhaare andar hai! aatmaa paramaatmaa ki dharohar hai…jaise  kaayi pani ko dhakati aise agyaan se aap ki aatmaa rupi dharohar dhak gayi hai.. kalpanaa ke sanskaar ki kaayi mitaakar us aatm-dharohar kaa sukh, maadhury, nity naye ras ke amrut ke saagar kaa udghaatan tumhe karanaa hai…

sabhi bhagavaan ki amar santaan hai… sharir mai hun kuchh khaa kar, kuchh banakar, kuchh paakar,kuchh chhdodkar hi sukh milegaa, majaa aayegaa ye bharam ne tumhaare dharohar ko dhuk diyaa hai….

ek aadami jungle se gujar rahaa thaa, us ko pyaas lagi…to sadhu baba baithe the un ko puchhaa baba pani kahaa milegaa? baba bole, ye saamane sarovar hai, pani pi lo… aadami bola, yahaa pani to nahi , ghaas hai..

bole arre vo ghaans nahi, kaayi hai…thodaa aage 4 kadam jaa, kaayi hataa de, to aisaa paani hai ki gangaajal ki khabar degaa..

aadami gayaa…madhur jal se pyaas bujhaayi… wahaa se hataa to dekhaa ki ab phir kaayi chha gayi paani par…kaayi to chha gayi,lekin wahaa jal hai is kaa gyaan to kaayi kaa baap bhi nahi hataa sakataa us aadami ke smruti se! aise hi a-gyaan ki kaayi hataakar aatm-saakshaatkaar kar liyaa to us aatm-anubhav ko aap se koyi chhin nahi sakataa… aise purusho ko jeevan mukt bolate!

sa tarati lokaan taariti

gurukul me padhane waali ek divy aatama ne thaan liyaa thaa ki mai aatmgyan paaungi..aatmgyaan paa liyaa.. shaadi ho gayi…raja ki raani bankar sasuraal gayi…..bachchaa huaa..madaalasaa us kaa naam thaa..madalasaa ne sochaa ki agar mere kokh se janamaa bachchaa bramhgyaani naa bane to dhikkar hai mere garbh dhaaran karane kaa…budhdiman thi… bachche kaa janam huaa to daayi se bachche ko nahelaa kar pitaa ke god me diyaa..pitaa ne sansar ki aawaaj us ke kaam me pade us ke pahele omkaar dhwani us ke kaan me daal di..

pitaa 7 baar om bolataa : om om om om om om om ashmaa bhav!tu chattaan ke naayi adig rahenaa!chattaan jaise bahete paani ko rok kar adig rahetaa aisaa tu sansaar ke bahaav ko rok ke gyaan me adig rahenaa..

pitaa ne phir 7 baar om kaa uchcharan kiyaa: om om om om om om om parashu bhav tu parashu ke naayi vighn baadhaao ko kaatanewaalaa ban!

phir 7 baar om bolaa : om om om om om om om hiranymastu bhav! tu suwarn ki naayi bananaa…tumhaaraa kartutv suwarn ke naayi chamake, jaise sone ko any dhaatu ki tarah bahirang nahi chadhataa aise tum par ahankaar ka kaa bahirang naa aaye.. pitaa se 21 baar omkar kaa pavitr naam baalak ke kaan me daal diyaa…. maa budhdimaan thi… shahed aur ghee kaa vi-mishran maane ek jyadaa, ek kam ..ghee jyaada ho to shahed kam ,shahed jyada ho to ghee kam ..dono samaan maatraa me nahi lenaa hai…to aise shahed aur ghee ke vi-mishran se suwarn ki salaayi se baalak ke jivhaa par om likh diyaa..us ke baad hi baalak ko dudh pilaayaa..madaalasaa baalak ko lori deti to us me gaati ki tu shudhd hai, budhd hai… tu sadaa rahene wala hai.. tu dukh se dukhi, sukh se sukhi,ahanakaar se phulane wala nahi…dukh sukh ahankaar to aataa jaataa hai..badalataa hai… bachapan jawaani budhaapaa bimaari to sharir ko hote..prakruti  badalaati… om om… tu a-badal hai…is prakaar baalako ko aatm gyaan deti..madaalasaa ko 5 bete huye..sabhi barmh gyaani huye…desh bhar me bramhgyani bete aatm gyaan ki prasaadi baatate… madalasaa ko 6 ta beta huaa…raja bolaa, madalasaa tu is ko bhi bramhgyaan degi to raaj kaaj kaa gaadaa kaun sambhaalegaa? …bramhgyaan huaa to sansaar kaa, raaj kaaj kaa bojh-vaahi bail nahi banegaa…manushy ko jab tuk aatmgyaan nahi tub tuk deen heen gulaam banataa rahetaa… log piththu banate rahete, dabate rahete.. 5 bete to ban gaye shahenshahaa…

madalasaa ne kahaa,    ‘ye betaa tumharaa raaj bhi karegaa, aur bramhgyaan bhi paayegaa aisaa karungi…is bete ko purn gyaan nahi sunaaungi…lekin jeevan puraa hone se pahele asali khajaanaa paa legaa aisa banaaungi..’

madalasaa ka jeevan pura hone ko aayaa.. sharir chhadone ki ghadiyo me aayi..bramhgyaani thi,vastr utaarate aise sharir chhodkar aatm vaibhav me vyaapt hogi aisi sthiti aaye us ke pahele apane is 6the bete ko bulaayi… “Alarakh hedaach” (idhar aao!) … bete ko bulaayaa…

Alarakh ke gale me taavij daal diyaa boli, “bete, jab saare darvaaje band ho jaaye aisi sthiti aaye… chugalkhor, irshalu sabhi jagah hote  to raja aur seth chintaa mukt kaise ho sakataa hai?..ye taavij sanduk me rakh de yaa gale me pahen…raaj kaaj me jab andheraa ho jaaye ….koyi sahaayak naa mile, yudhd paraakaashthaa pe ho jaaye.. tab is taavij ko kholanaa hai… teri raksha hogi..”

5-25 saal bite…5 bhaayiyo ne socha hum logo ko to bramhgyaan milaa, lekin chataa bhai piththu banaa hai… jitanaa dhan sampatti raajy ikaththaa karanaa thaa kiyaa..marane se pahele a-marataa ka updesh paa lo bolenge to maanegaa nahi… kyu ki raja ke havaa me uD rahaa hai…ye bhi apanaa bhai hai…humaari maataa bramhgyaani madalasaa ke hum 5 bete bramhgyaani hai, aur ye piththu ban ke rahe jaaye ye thik nahi…

paancho bhaayiyo ne milkar plan banayaa…ek bhai ka shishy kaashi naresh tha, us ko bola ki sainy lekar hamaare bhai alarakh pe chadhaayi karanaa…aise sabhi bhaaiyo ne apane shishy raajaao ko taiyyar kiyaa ki hamaare bhai alarakh pe chadaayi karo..kaisi leela hoti hai bramhgyanai ki!..

..alarakh puri koshish kiyaa, lekin koyi maarg nahi milaa bachane kaa… mere khilaf kashi naresh hai..jaise saari maanavataa mere khilaaf ho gayi ..jitane kaa to sawaal hi nahi …jaise buldozer ghume to kide mokode kuchal jaate aise kashi naresh ke sainy ke saamane humhaare sainiko ki dashaa hogi…phir us ko yaad aayaa ki maa ne kahaa charo taraf darwaaje band ho jaaye tab ye taavij  kholanaa… taavij kholaa..taavij me rakhi prasaadi ko kholaa…us me likhaa thaa, “dukh pade to sant sharan jaayiye”

apanaa purushaarth  karo, thake to mahapurush se contact kar ke ho jaao paar..!:)

maa to badi sant thi, lekin ab maa to nahi..paas me koyi  mahaapurush the, vo bhi sharir chhad diye…haa! jogi gorakhnaath aaye hai in dino apane raajy me…gaye gorakhnaath ji ke charano me…

5 bhaiyone dusare raajy ke rajao se milkar haavi ho rahe the bramhgyani ki leelaa hoti aisi ..hum bhi aisaa karate jab kisi ko denaa hotaa to aise karate ki tobaa pukaar jaaye… phir kunji lagaate to taale khul jaate!…

samraat aayaa pasinaa pasinaa hokar jogi gorakhnaath ji ke paas.. “maharaj bachaayiye! sarvopari kaashi naresh raatoraat hamaare khilaaf ho gaye…. koyi samjhote ki baat nahi… sharanaagati sweekaar karo to bhi raaji nahi bole yudhd karo..kaise jiungaa?”

jogi gorakhnaath puchhe, “idhar kaise aayaa?”

bole, “maa ne taavij diyaa thaa..”

gorakhnath ji samajh gaye bramhgyaani devi kaa betaa taavij ki baat padh ke aayaa hai to jarur kuchh rahasy hai..”

gorakhnaath ji thodi der shant baithe..

“baba mai bahot dukh me hun..mere dukh mitaao baabaa… baabaa meraa dukh mitaao!”

baba bole, “abhi dukh mitaataa hun.. bhairav, jaraa chimata laao to..”

bhairav chimataa laayaa..baabaa ne jalati dhuni me chimataa  laal laal chamchamaayaa… chimataa pakadaa kapade ki nok se pichhe ke hisse se… bole, “dikhaao to jaraa kahaa rahetaa hai dukh?abhi mitaataa hun! hruday me naa?” ..baabaa chimataa lekar us ke hruday par rakhane kaa naatak karane  lage…

“baabaa dukh to mere dil me hai…”

“dil me hai, nikaalo dil ko baahar..”

“baabaa dukh dikhataa nahi hai…”

“khojo dukh ko ..madaalasaa kaa betaa hai.. mai abhi tere dukh ko maarungaa….”

bramhgyaani sant ke saamane alarakh achambe se dekh rahaa hai.. sant ki nurani nigaah padi to alaarakh jis kaa thaa us kaa ho gayaa! dukh hotaa hai man me.. ishwar kuchh karanaa chaahate aur hum kuchh karanaa chaahte to tab dukh hotaa samajh gayaa..

ishwar rajy lenaa chaahataa tabhi kashi naresh ke saath 5 raaje ekatrit aakar tumhaare se yudhd ki maang kar rahe.. aur tum denaa nahi chaahataa isliye dukh ho rahaa..ishwariy sattaa hi 5 bhaiyo ko preranaa kar rahi…teri marji puran ho ishwariy ichchaa me apan iichha amilaa do to dukh mit gayaa! ahankaar mit gayaa! bhaiyo ko sandesh bhejaa… mai raajy chhodane ko  raaji hun…mujhe bhi aatmaa-paramaatmaa kaa  darshan dilaa do.. maine bahot bhaar dhoyaa raajya kaa ab mere ko bhagavaan ko paanaa hai…

bhaai bole, “raajy aap ko sambhalane ko milaa, aap hi  sambhaalo, bhagavaan  paane ko kahaa dur nahi jaanaa hai…jaraa saa updesh paanaa hai aur aatma-paramaatmaa ko jaananaa hai bas!”

bramhi sthiti praapt kar

kaary rahe naa shesh

moh kabhi naa thug sake

ichchaa nahi lavlesh…

purn guru ka krupa kaa gyaan paanaa hai ….paa liyaa bhagavaan ko!

chin ki deewar mashahur hai..

amerika ka doller mashahur hai..

kuwait ka petrol  mashahur hai..

lekin aarogy, shanti aur paramaatm praapti karaane me abhi bhi saksham hai bhaarat ki dharati!

OM SHANTI.

SADGURUDEV JI BHAGAVAN KI JAY HO!!!!!

Galatiyon ke liye prabhuji kshamaa kare….

Advertisements
Explore posts in the same categories: Pujya Bapuji

One Comment on “Dharohar”

  1. Shrikatn Pandey Says:

    Thanks for satsang amrit


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: