man hai phisalu bhaiyaa!.

20March2010;Indore Chetichand Satsang

****************************************************

PUJY SANT SHRI ASARAM BAPUJI KI AMRUTWANI

*****************************************************

FOR HINDI (DEVNAGARI) PLEASE LOG ON TO :-

http://ashramnews.org/latestsatsang/?p=252

har jivatv ke andar ish-tv hai…lekin sansaari ichhaao ne budhdi ko ghasit liyaa to budhdi kamjor huyi.. indriyo ne ichhaa ki..man me aayaa aisaa karo to  mati ne Ok kiyaa.. patan hogaa… dukhi hogaa…phir ronaa padataa hai…
karm karate samay uchit-anuchit kaa khayaal kiyaa to kalyaan hotaa hai..

ek hoti hai ichhaa aur ek hoti hai aavashyakataa… aawshyakataa hai shwaas lenaa..lekin perfume ichha hai…aawashyakataa hai sharir ko kapadese dhakane ki..lekin aisaa chaahiye waisaa chaahiye ye ichhaa ke pichhe sansaar ki majaa lene jaayegaa to  gyaan Dhak jaayegaa…gyaan ko chhodkar budhdi niche ki aor gayi to ishwar chup ho jaayenge…bhagavan bolate jaao.. jo tumhaari marji karo…

ek baar lakshman ke jeevan me accident huaa thaa… dhyaan se suno..bahot kalyaan hogaa…
Raam ji bole,  ‘lakshman tumhe jahaa thik lage kutiya banaa lo..’  lakshman jhaadiyo me chalaa gayaa.. aisaa roye, aisaa roye… ki us ki rudan ki aawaaj se sitaa ji daudi chali aayi..
sitaa ji ne puchha,  ‘bhaiyya lakhanji kyu rote ho?’
bole,  ‘meraa tyaag kar diyaa mere bhagavaan ne’
kaun bolaa? sitaa ji ne puchha..
bole,  ‘swayam mere bhagavan ne hi bolaa..’
sitaa ji Ram ji  ke paas gayi, Raam ji ko boli, ‘aap ne lakhan bhaiyyaa kaa tyaag kyu kiyaa?’
Raam ji bole, ‘nahi , maine lakhan kaa tyaag nahi kiyaa…’
sitaa ji jaanati thi ki Raam ji to swapne me bhi jhuth nahi bolate,  majaak me bhi jhuth nahi bolate..
sitaa ji boli, ‘lakhan bhaiyaa ro rahe…’
raam ji sitaa ji lakhan ko bulaaye…hum ne to tyaag nahi kiyaa..
lakhan ji bole,  ‘prabhu aap ne meraa tyaag hi to kiyaa hai..aap ne kahaa jahaa thik lage wahaa kutiyaa banaa ke raho..to man indriyo ke anusaar chalane ko kahaa..mere liye  kyaa thik hai ye man indriyaa to nahi jaanate, ye to aap hi jaanate..aap ne mujhe man indriyo ko jo thik thik lage aisaa kahaa to meraa tyaag hi to kiyaa hai prabhu…’
jin ke jeevan me koyi kahene waalaa nahi vo a-bhaagaa hai.. mai mere guruji kaa kahenaa maanaa mere ko jo laabh huaa aisaa bade bade dhanaadhyo ko nahi huaa… 🙂
naaraayan hari naaraayan hari
paisa honaa badi baat nahi,  pahelwaani honaa badi baat nahi..waahwaahi honaa badi baat nahi..budhdi me bhagavat yog honaa bahot badi baat hai….

jhulelaal ke paas bhi shakti thi aur  mrukh baadshaah ke paas bhi shakti hai…lekin mrukh ki shakti  do-jakh me le jaane waali thi aur jhulelaal ki shakti jeevani shakti kaa vikas kar ke purn satta se milaane waali thi… jhulelaal aap ke paas hai budhdi se yog karaate aur mrukh baadshaah aap ke paas hai to man indriy bhog ke liye karm karaate… waastav me kyaa achhaa hai yah jaananaa aur us ke anusaar karm karanaa bahot jaruri hai….. saty kaa paksh lete ki sukh kaa paksh lete..kabhi naa mitane waalaa aanand paanaa hai ki  temporary khushi paanaa hai is ki soch jaruri hai..temporary khushi ke pichhe daudegaa to dhire dhire patan ki aor, niche chalaa jaayegaa…

man-indriyo ke anusaar chalanaa ye alp mati ki baat hai… budhdi me parinaam kaa vichaar hai, indriya sukh me jaati aur man bich me hai…

agar man indriyo ke saath chalegaa to samajho paramaatmaa ruthe hai ..to niche jaayegaa… upar uthanaa hai to satsang kiyaa, niyam kaa aadar hai to unchaa uthegaa..man budhdi ke anusaar chalegaa..
agar budhdi gyaan swarup hai to sahi nirnay degi…jis ke priy bhagavan nahi, jis ke liye bhagavat prapti mukhy nahi us kaa sang aise thukaraao jaise karodo vairi saamane baithe hai yadyapi vo param snehi ho..

pralobhan, krodh, chintaa, lolupataa ko apane upar haavi naa hone do..pralobhano me phanse nahi, mai agar phansataa to meraa kyaa ho jaataa….kamaane ki taakad, kharchane ki akal, aur upyog karane ki budhdi honi chaahiye…

sindh desh me raajaa kaa ek salaahkaar  thaa…uchch koti kaa….sochaa ki aayushy beet rahi hai budhdi yog kaa upyog kar ke bhagavaan ko paanaa hai… resign de du to itani badi post hai..nokari chhod kar  nikal padu to aamdaani kahaa se hogi……raajaa ka bahot nikatavarti imaandar aadmi thaa..aachhi kamaayi thi… to nokari chhod ke chalaa jaaungaa phir kyaa hogaa? bharan poshan kaise hogaa?is kashm-kash me atakaa hua athaa..

.. ek dopaher ko bhojan karane baithaa thaa…billi aayi.. “myaau!” 🙂  satsangi thaa…to tukadaa daalaa billi ko…billi ne tukadaa uthaayaa munh me aur andar ki aor bhaagi..vo nivaalaa uthaaye to billi waapas haajir.. “myaau” 🙂

us ne phir roti kaa tukadaa diyaa.. billi ne munh me  uthaayaa, andar ki aor bhaagi…

aise   6 baar huaa… vo samajh gayaa ki billi itani jaldi jaldi to roti khaayi nahi , phir kahaa chhod ke aa rahi hai , dekhu… 7 vi baar billi ko tukadaa uthaa ke diyaa, billi khaayi nahi, munh me uthaa ke andar bhaagi to us ne billi kaa pichhaa kiyaa..andar ke kamare me ek andhi billi ke paas ye billi roti ke tukade chhod ke aa rahi thi..!

us vyakti ko prakaash huaa ki jo prerak billi ke ant:karan me preranaa detaa hai , andhi billi kaa paalan poshan karataa hai, us  ne hi maa ke sharir me dudh banaayaa jub mai paidaa huaa thaa.. vo hi bharan poshan kartaa sarv samarth hai….  ab mai bharan-poshan ki chintaa karataa hun… dhikkaar hai mujhpar …. nikal gayaa!…bhagavaan ko paa liyaa!.. badaa mahaapurush ho gayaa..!!

man hai phisalu bhaiyaa!…. is ke changul me phasanaa nahi…dhairy se , drudhataa se niyam karataa hai vo is ke chungal me phasegaa nahi ..

aise hi drudhataa se niyam karane waale valiram the…aurangjeb ke mantri the.. aurngjeb ko koyi milane jaaye to us ki khushaamat kiye binaa koyi baith nahi sakataa.. ek din valiraam kisi kaam se aurngjeb se milane gayaa..aurngjeb ki khushaamat kiyaa…. ‘annadata salaam!’ aadi.. lekin aurngjeb apane me hi aisaa mashgul thaa ki us ne valiraam ki taraf dekhaa bhi nahi baithane ki anumati to door ki baat…valiraam sindhi thaa! 🙂  ..man hi man laanat diyaa apane aap ko…nikal padaa..
valiraam sindhi saai the jin sindhi ne mrukh ko challenge kar ke pragat kiyaa usi ke saput the…

kaput ke paise, samay, shakti ku-maarg me lagati …saputo ka samay, shakti aur sampatti su-maarg me jaate …

kaput aurngajeb kaa chamchaa nahi thaa valiraam…valiram gaye ghar… makaan khaali kar diyaa… patni ko maayake bhej diyaa ….phakiri masti se baithe yamunaa kinare…

ek dhoti ke 2 tukade kar diye… ek kamar pe baandhi, dusari upar odh li..ooooooommmmmmmmmmm ki lambi dhwani uchchaaran ki…hariiiiiiiii oooooooooooooooooooommmmmmmmmm….budhdi yog me saamarthy aayaa aakash ko dekhe..mai bhagavan kaa hun, bhagwaan mere hai…
prabhu teri jay ho..dhyaan magn ho gayaa yamunaa kinaare…
shwasoshwas ko gine ..pahili ungali anguthe ke niche…jibh taalu me lagaa ke bhagavat dhyaan kare…

2/3 din ho gaye..aurngajeb ne sochaa valiraam aayaa nahi..puchhtaachh kiyaa to sewak ne bataayaa ki vo to aaye the, aisaa aisaa huaa… kyaa jindagi hai, suvidhaa kaa gulaam ho rahaa hun.. dhikkar hai aisi  amiri par..

amiri  ki to aisi ki sab jar lutaa baithe ,  phakiri ki to aisi ki guru ke anubhav me jaa baithe!

vo to  phakir ban gaye…

bole us ko bulaa ke laao…

sewak bolaa,  ‘phakiro pe hukum nahi chalataa…un ki  uff bhaari padati hai .. vo ab gulaam valiraam nahi rahaa, jikar phikar kaa malik hai.. aap kaa hukum ab us par nahi chalegaa….

‘achhi baat hai ..ab kya karanaa chaahiye..tum to mere hiteshi ho..mujhe  bataao..’

‘humhe chalanaa chaahiye us ke paas..’

valiram yamunaakinaare phakiri masti me baithaa thaa..us ne  aurangjeb ko dekhaa andekha kar diyaa… shwaas andar aayaa- ‘omkar’  .. shwaas baahar aayaa to ginati kare…shwaasoshwaas denewaale param swaami  ke saath vo ekaakaar ho gayaa …

ye jo hume dikhataa hai , vo sab se chhotaa suraj hai… aise kayi suraj hai  aakaash gangaa me…aise kayi aakaashgangaao se banataa hai bramhaand..aise anant koti bramhaando ke  swami se ekaakaarataa ho gayi …to valiraam  kyaa dekhe yahaa wahaa!…
aankh yahaa bhi ghumaao…aurngajeb bolaa… valiraam baitha hai.. aurngaajeb khadaa hai …valiram ye khayaal karo ki kabhi  tum mere gulaam rahe chuke ho, mai khadaa hun, aur tum  baithane ko bhi nahi kahoge?

valiram bolaa,  ‘mai apani waasanaa aur bewkufi kaa gulaam thaa… tumhaaraa nahi .. ichhaa waasanaao kaa piththu banane par bhi nischint mahaaraaj baithane ki ijaajat naa de…jab mai pasine se tarbadar ho ke aap ki khushaamat kiyaa , aap ne dekhaa tuk nahi… ab mai waasanaao kaa gulaam nahi… aap ki jahaa marji hai baitho! …chaah gayi manavaa bewarpaa… baithan to baith…!’

valiraam phakiri masti  se bolaa…

aurangajeb ne us ki khushaamat ki, ‘tum sindhi saai mere raajy ki shobha hai, chalo’

valiraam bole,  ‘..nahi…. ab aag jalaa na sake, havaa udaa na sake, paani bahaa na sake aisi mahaan shakti se mai jud gayaa…aap bhale hi sharir ko jalaa sakate, lekin mujhe nahi.. mai usi me hun!

…aurngjeb chalaa gayaa aise..valiraam aise  lage ki us ko paa liyaa jo naanak ko, chhatrpati  shivaaji ko milaa… bramhgyaani  ho gayaa…mansur, rahiyaanaa taiyyab, rahidaas chamhaar ne jis ko paa liyaa us paramaatma ko paane me sabhi swatantr hai …us ke liye dhan, degree, saundary, kursi, prashansaa kuchh nahi chaahiye.. amir garib , pathit anpadh sabhi is ko paa sakate…

raavan ke paas sone ki lankaa thi  lekin lut gayaa kyo ki bhagavat praapti kaa iraadaa nahi thaa…..shabari ne paa liyaa kyo ki tuchh sukh me nahi dubi, param aanand ko paayi..

tuchh sukh me dubaanaa nahi…. tuchh sukho kaa, tuchh chijo kaa upyog karanaa hai..us me dubanaa nahi hai..

ishwar prapti ke liye iraadaa pakka kar lo.. 6-12 mahine me ishwar praapti kar lo..dhyaan ka chaskaa lagaa do..3 din mere saamane subah shaam ek-ek ghantaa baithe to pataa chalega saai ke paas kyaa khajaanaa hai..! 🙂
tumhaare liye mai kyaa kyaa karataa hun, kahaa kahaa aataa hun…100-100 baate tumhari maanataa hun ki kabhi naa kabhi tum meri ek baat maan lo! saare vishw ke khajane ki chaabiyaa phakiro ke paas hai..

…kaun kis nimitt  kaise is duniyaa se chalaa jaaye… koyi bharosaa nahi….koyi raat ko jaane ki ijaajat mangataa to mera dil inkaar karataa hai..ye gaadi kaun se road se, kaun se car se, kaun se jahaaj se chal pade , yaa in sab ke binaa hi chal pade…. koyi bharosaa nahi …

mere guruji ke paas ek aadami aayaa aankhe andhi ho rahi thi..bole,  ‘saai krupaa karo’ ..saai bole,  ‘arre jaa..saamane ke aankade kaa pattaa tod aur dudh daal le aankho me..thik ho jaayegaa !’

..aakade kaa dudh to tejaab hotaa hai ..aap nahi daalanaa…lekin vo to bramhvettaa kaa hukum thaa!..aagraa ke chamcham gali ke shrikrushn goshaalaa me ye ghatanaa ghati thi…aakade ke patte kaa dudh  daalaa aur us ki aankhe thik ho gayi !! … mithaayi waale ke paas gayaa.. ‘ek kilo mithaayi de’ bolaa..lilaashah ji bhagavaan  ko man se bhog lagaayaa… dukaanwaale ko prasaad diyaa  …dukanwaale ne puchhaa to bataayaa…. dukaanwaale ko bhi aankho ki taklif thi to us ne bhi aankho me  aakade ke patte kaa dudh lagaayaa,.. andha ho gayaa bechaaraa….samajhaa hi nahi ki  us aadami ke liye to saai kaa hukum thaa aakade ke patte ko! phakir kaa hukum prakruti ke niyamo ko badalane ki taakad rakhataa hai….

jo sharir ko, ahankaar ko, sone ki lankaa(dhan samptti ko) mahatv detaa us ke liye bhagavaan paanaa kathin hai…lekin jo bhagavaan ko mahatv dete, shabari ki tarah vo ishwar ko paa lete hai..
…aap ke budhdi me bhagavaan kaa yog badhe…budhdi me bhagavaan kaa yog nahi hogaa to budhdi gyaan ki taraf, ishwar ki taraf pakshpaat karegi….indriyo ne, man ne budhdi ko pataayaa ki aaj ke din ye de do… to dhire dhire sukh ki laalach budhdi par haavi ho jaayegi, aur patan ke raaste le jaayegi..

guru diksha ka matlab ye hai ki aap jahaa hai, wahaa se  unnat ho….unnati naa ho to kam se kam patan to naa ho…drudhataa se saadhan karo..roj kam se kam 1000 baar bhagavan kaa naam lenaa hi chaahiye…to patan se bachoge….10 maalaa to roj karani hi chaahiye…
james uk se aaya hai us anubhav suno… is ke maa baap builder hai europ me…

satsang sunane , padhane se, karane-karaane me bhaagidaar hote un sabhi ko dhanywaad dete shiv ji …aap bhi bolanaa:-
dhany maataa pitaa dhanyo gotram dhanyom kulod bhav..
dhanyaach vasudhaa devi yatrasyaat gurubhaktataa


sau kaam chhdokar bhojan kar lo
hajaar kaam chhodkar snaan kar lo
laakh kaam chhodkar daanpun kar lo
karod kaam chhodkar hari ka gyaan dhyan bhar lo..

..apani ichhaa se guru ko naa chalaao…guru ki ichhaa me apani ichhaa milaa do….sharaabi sharaab degaa aisaa bramhgyaani bramhgyaan hi to degaa….sidhaa ganit hai naa! 🙂

OM SHANTI.

SADGURUDEV JI BHAGAVAN KI JAY HO!!!!!

Galatiyon ke liye Prabhuji kshamaa kare…….

Advertisements
Explore posts in the same categories: Pujya Bapuji

One Comment on “man hai phisalu bhaiyaa!.”

  1. Shrikatn Pandey Says:

    Thank you for the satsang amrit


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: