GURUJI tanne nahi bisaru…

16 March2010; Ahmdabad Satsang

*******************************************************************

SHRI SURESHMAHARAJ JI KI GURUBHAKTIMAY AMRUTWAANI

********************************************************************

…gadhe par khub bojh ladaa to vo baith gayaa niche…bailgaadi me jote huye bailo ne vo dekhaa to ek bail ne dusare ko kahaa ki hum ye ye idiyaa kar sakate hai..dusaraa bail pahele ko bola, ‘hum gaay ke bachche hai gadhi ke nahi!’   ..kuttaa kaatane aaye to haathi thode hi us ke pichhe jaayegaa kaatane..

guru ke vachan ko thik thik samajhe

jeevan me utsaah honaa chaahiye.

saadhanaa me jo utsaah shuru me ho vo aakhari tuk rahe, mand naa pade..

miraa baai ke jeevan me kitani bhakti aur utsaah thaa…arjun ko bhagavaan krushn ne baar baar kahaa ki apanaa man mujh me lagaa, miraa ko kahaa nahi.. …lekin miraa kaa man bhagavaan me lag chukaa tha, bhagavaan ne us ko kahaa nahi thaa..miraa bhagavaan ko janam maran kaa saathi maanati thi…

mhaaraa janam maranraa saathi

tanne nahi bisaru din-raati  ll

tujh binu kya kalmaa padat hai

jaanat mori khyaati

unchi chad chad pankh nihaaru

roye roye ankhiyaa raati

prabhuji tanne nahi bisaru

guruji tane nahi bisaru   ll1ll

mhaaraa janam maran raa saathi…

yo sansaar sakal jag jutho

juthaa kul raa raathi

do kar jodyaa araj karu chhu

sun lijo mhaari baati

prabhuji taane nahi bisaru

guruji taane nahi bisaru… ll2 ll

mhaaraa janam maran raa saathi

miraa ke pad kitane achhe hai, kitane saal  gujar gaye..miraa ke jeevan me pratikulataa bahot aayi lekin us ki budhdi me dhaaran shakti adbhut thi aur utsaah bharpur thaa..

kary ki sidhdi utsaah se hoti hai.. utsaah se sidhdi, a-sidhi me saadhak sam rahetaa hai ..humeshaa aisaa aagrah naa rakhe ki meraa man bhagvaan me  lage..hum lag jaaye… man apane aap lag jaayegaa..saadhak khud lag jaate to man apane aap lag jaataa hai..sansaar ke jeev ko rog lagaa hai….jaise ki paagal aadami ko kisi kamare me rakhate to vo baar baar baahar nikalane ki hi sochataa hai… aise man-budhddi hruday me nahi baithate to ye paagalpan hai..dusare saathi sharir ke janam ke baad bane hai, un ki taraf man-budhdi ho jaaye is kaa kaaran a-sat vastu me aatm-bhaav ho gayaa..jo kshan kshan saath rahene waalaa hai us ko paraayaa maan liyaa aur chhutane waali chijo ko meraa maan liyaa to badaa rog hai..

is rog ki davaa kyaa hai?

is rog ki davaa ye hai ki ishwar bhakti..is se hi ye rog thik hogaa.. gurucharano ki bhakti hi is rog ki aushadhi..is davaayi se hi rog mitegaa …. nity upaasanaa ki jaaye..

davaa le hi nahi to kaise thik hogaa ye rog? 🙂

ek vaid marij ko bolaa,

‘davaa li thi?’

marij bolaa, ‘haa aap ne hi to di thi..’

‘bhai saab! aap ne davaa pi li thi?’ marij ko vaid ne phir se puchhaa..

‘pili nahi thi, laal thi davaa’

‘bhaisaab.. davaa pi liyaa thaa?’

‘davaa ko piliyaa nahi thaa, mere ko piliyaa thaa..’

aiso se to bhagavaan bachaaye… 🙂

heeraalaal assistant ko vaidraaj pannaalaal koyi rogi aataa to bolataa,  ‘pannalaal is ko damayanti patiras davaa do’  .. rogi bhi badaa khush hote ki ye davaayi kaa naam pahili baar sunaa.. koyi achhaa davaa de rahaa…. ek aadami thodaa samajhdaar thaa…bolaa, ‘aayurved  me ye kaun si nayi aushadhi hai?’

vaid bolaa, ‘damayanti rani thi, us ke pati kaa naam nal raajaa thaa.. to abhi jahaa se paani aataa us ko bhi hum nal bolate.. to nal kaa  paani hi damayanti patiras hai!’  ..aise thug hote hai ..in kaa kyaa kiyaa jaay? 🙂

man-budhdi me udweg hai jo baahar ghasit ke le jaaate… is ki aushadhi guru bhakti hai.. kuchh bolate sadgurudev ke saath hum to sadaa nahi rahete… hum kis ke sahaare bhakti kare?…guru ek vyakti nahi ki ek hi jagah rahenge.. guru ko ek saadhaaran vyakti naa maane ve sarvatr hai, sadaa saath hai..bachchaa maa baap ke paas nirbhay raheta aise bhitar se sadguru ke saath rahe shishy sadaa..

bhagavaan ko jab hum bhulate aur sansaari chijo me milate to bhagavaan sochate ye hum se bichhad ke khilone se khelanaa pasand karataa hai… saadhak jub  jaanate huye bhi sansaar me phasataa hai…bhalaayi kis me hai ye  jaan kar bhi naa-samajhi karate..jaise  gussa karane se, kaam krodh se nuksaan hogaa jaanate phir bhi wohi karate..to aisi  kshudra chaah nahi honi chaahiye…. saadhak ke jeevan chaahanaa, karanaa, maananaa aur jaananaa thik hotaa hai, to sab thik hotaa hai…agar ye thik nahi hotaa to jeevan thik nahi hotaa ….us kaa maran thik nahi hotaa…. us ka agalaa janam thik nahi hotaa hai…

jeevan me sumiran hogaa to su-maran hogaa, sumiran nahi hai to ku-maran hogaa..

jeevan kaal me thik se sumiran kare..us ki yaatraa badhiyaa hoti hai ..karanaa, chaahanaa, maananaa aur jaananaa thik ho to sab badhiyaa ho jaataa hai..

ye ahmdabad ashram ki bhumi bahot pavitr bhumi hai…yahaa kayiyo ke jeevan pavitr ho gaye hai…guru kaa dwaar sab dharmo kaa saar hai..guru ke charano me pranipaat hai….guru ki waani sunate to vo bhakt sansaar ke moh me nahi padataa..

OM SHANTI.

SADGURUDEV JI BHAGAVAAN KI JAY HO!!!!!

Galatiyon ke liye Prabhuji kshamaa kare…..

Advertisements
Explore posts in the same categories: Shri Sureshanandji, Uncategorized

2 Comments on “GURUJI tanne nahi bisaru…”

  1. Shrikant Says:

    Thanks for satsang amrit

  2. I.D.Chaturvedi Says:

    Sadhkon ki nitya adhyatmik unnati ke liye Sadgurudev swam se sawaal kar ke swam hi kitna khoobsoorat jawab de rahe hain “hum kis ke sahaare bhakti kare?…guru ek vyakti nahi ki ek hi jagah rahenge.. guru ko ek saadhaaran vyakti naa maane ve sarvatr hai, sadaa saath hai..bachchaa maa baap ke paas nirbhay raheta aise bhitar se sadguru ke saath rahe shishy sadaa..

    Sadhuwad for posting such a divine satsang.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: