sahajo kaaraj sansaar ko guru bin hot naahi

27Feb2010; SURAT HOLI Satsang-part-3

**************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

ek dusare ke bich khaayi khodanaa ye to jeev kaa nich prakruti kaa swabhaav hotaa hai..chaahe hajaar jagah se us ke liye khaayi khodo …lekin kabhi bhi guru shishya ke bich khaayi khodane ki galati nahi karani chaahiye..badaa bhaari bhugataan denaa padataa hai..saamanewaale ki shradhdaa ki patalisi dor hoti hai..lekin vo patali dor bhi kahaa pahunchaa deti hai..kisi kaa sir phut jaaye, haath tut jaaye, pair tut jaaye..apane se to galati huyi,paap to hai..lekin us se bhi badaa paap hai ki humhaare vyavahaar se kisi ki shradhdaa tut jaaye..to bahot badaa bhaari paap hai..mai kisi kaa haath tod du, kisi kaa pair tod dun..to ye aparaadh hai mai maanataa hun..lekin kisi ki  shradhdaa tod dun to ye jaghany aparaadh hai..

shradhdaa gayi to bachaa kyaa?

shradhdaa purv sarv dharmaa manorathaa phal pradaayaa

shradhdayaa saadhyate sarvam shradhdayaa tu shate hari

abhi aap ko intjaar karavaayaa to shradhdaa rupi maataa ne hi karavaayaa…aur vo adhaayi ghante bhakti me gine gaye to shradhdaa maataa kaa hi to sahayog thaa..abhi aap sun rahe hai(padh rahe hai ) to shradhdaa devi ke god me hi to baithe ho…

aur sunaa huaa aap yaad rakhenge yaa puny ho rahaa hai, sanskaar ho rahe, ujjwal ho rahe is me bhi to shradhdaa kaa hi sahyog hai..

shradhdaa binaa dharam naa hoyi..

raamaayan me aataa hai..shradhdaa ke binaa koyi dharam karam saphal hi nahi hotaa..

vishwaas ke binaa sidhdi nahi paa sakate..

bhaav , shradhdaa   aur  vishwaas is kaa pharak samajh lo..

bhaav me raajas bhaav, saatvik bhaav, tamas bhaav hote hai..

lekin shradhdaa me bhagavat bhaav hote hai..shradhdaa me sad-bhaav ki pradhanataa hoti hai…jis ko dekhaa nahi hai, an-jaanaa desh hai, an-milaa piyaa hai..us ke liye swikruti kaa naam hai shradhdaa!

aur shradhdaa aisi ki bas pakki shradhdaa to vishwaas ho jaaye..

drudh shradhdaa vishwaas ho jaati hai..

vyavhaar me bhi shradhdaa chaahiye..board ki parikshaa me hajaar bachche baithe hai, to sab ko pataa hai ki hajaar ke hajaar paas nahi hote..800 – 900 pass hote..to hajaar kaay ko baithe?800 hi baithe..to us me se bhi sabhi pass nahi honge..jab sabhi aisaa maanate ki mai pass houngaa tabhi gaadi chalati hai..

gaadiyo me, bus me baithate..kahi accident ho jaate, koyi raaste me mar jaate ..phir bhi yaataayaat chal rahaa hai shradhdaa ke bal se..to aise ishwar-praapti ke raaste me bhi shradhdaa chaahiye..

vyavhaar me bhi shradhdaa chaahiye..

sahajo kaaraj sansaar ko guru bin hot naahi

aattaa gundane ke liye bhi kisi naa kisi kaa saath sahakaar chaahiye nahi to aattaa gathiyaa jaataa hai..roti banaane ke liye bhi kisi naa kisi ko guru banaanaa padataa hai, phir vo maa ho yaa maasi hove..2 paise ki roti ho yaa paapad ho vo banaane ke liye kisi ko guru banaanaa padataa hai to paramaatmaa ki praapti ke liye guru nahi chaahiye kyaa?

guru krupaa hi kewalam shishyasy param mangalam

to shradhdaa chaahiye aur shradhdaa ke saath budhdi yog chaahiye..budhdi to hai,lekin budhdi me bhagavaan ko paanewaali pipaasaa ho..to bhagavaan kahete hai :-

bhajaami pritipurvakam dadaami budhdi yogam tam

to budhdi yog bhi hai aur shradhdaa bhi hai, lekin bhagavat dhyaan nahi hai to aap budhdi se bhi majaa lene ke liye kuchh karenge to ulajh jaayenge..jahaa se majaa aayegaa wahaa ke nirnay budhdi karaayegi..unhi vyaktiyo se aap ko milaayegi , unhi vastuo se aap ko milaayegi jahaa se aap ko majaa aati hai..

paraso hum subah subah ghumane jaa rahe the narayan aayaa pichhe pichhe(GuruPutr Pujyshri Naarayaan Saai ) ….maine gambhir ho ke kahaa,  ‘mai ek baat bolu,tu maangeaa?’

bole, ‘haa saai’

‘bilkul pakkaa maanegaa?’

bole,  ‘haa!’

mai aur gambhir ho gayaa!..to ye bhi gambhir ho gayaa!!

‘maanegaa?’

bole,  ‘haa..’

maine kahaa,  ‘mai bolu, tu bole naa to..’

‘nahi nahi saai maanungaa..’

‘..lagataa to hai tu maanegaa lekin…nahi maane to..’

bole,  ‘nahi nahi…jarur maanungaa..’

vo meri aankho me dekhe , mai in ki aankho me dekhu..

subah kaa samay thaa..laal gulaabi sapt rango ke sarjak kiran..pakshiyo ki kilol..khulaa jungle kaa waataavaran thaa..

maine kahaa,  ‘maanegaa?’

bole,  ‘haa..’

maine kahaa,  ‘mere ko to majaa chaahiye..’  🙂

to ye hasaa! 🙂   ..ye bolataa thaa bachapan me ‘mere ko to majaa chaahiye’ ..to maine usi ki baat us ko jaraa bol di!! 🙂

saare jeev majaa ke liye hi bhaag rahe hai..lekin vo majaa agar bhagavatiy raswaali majaa nahi hai to vo majaa sansaar ki sajaa ho jaati hai..

paan-masaalaa bhi to maje ke liye khaa rahe naa log..sigarate bhi to maje ke liye pee rahe..gupshup bhi to maje ke liye kar rahe..bolate to bhi aur nahi bolate to bhi sab majaa hi chaahate hai..

lekin vo majaa jab dekhane ki majaa, sunane ki majaa, chakhane ki majaa, sunghane ki majaa athavaa sparsh ki majaa athavaa mutrendriy ke satyaanaash ki majaa ye saari majaa sajaa ki khaayi me le jaati hai…lekin ye saari majaaye jahaa se paidaa ho ho ke meet jaati hai phir bhi jyu kaa tyu rahetaa hai us param tatv me apane ‘mai’ ko milaane waali jo yukti hai vo hi vaastavik me majaa hai baaki sab majaa ke naam par sajaa hai..

ye patange jo light ke upar daud rahe , vo bhi majaa ke liye daud rahe hai..to kaise bechaare tadap tadap ke tap tap ke marate hai..kutta kuttiyo ke pichhe bhi maje ke liye hi bhaagataa hai, lover loveriyo ke pichhe majaa ke liye bhaagate aur kaisaa sajaa kaa vaydaa jeevan ho jaataa hai..picture-baaj majaa ke liye hi bhaagataa hai aur kaise waayaDe ho jaate..

dekhiye, suniye guniye man maahi,

moh mul paramaarth naahi..

jo dekhane me sunane me aur man ke vichaar me aataa hai vo sab moh mul hai..maayaa kaa khel hai,dhokhaa hai..paramaarth nahi hai.. swapne me jo kuchh dikhataa hai ,vo tumhaaraa nidraa-dosh hai..aise ye jagat me jo dikhataa hai vo tumhaaraa budhdi gat dosh hai..budhdi-gat dosh mitaane ke liye bhagavaan ko priti purvak pukaaro..pritipurvak bhajo..to bhagavaan budhdiyog denge..aur jab bhagavaan budhdiyog denge to baas, ho gayaa kaam!phir vo bhagavat ras aayegaa..

phir aap dekhenge, khaayenge, sunenge..lekin bhagavat ras kaa ehsaas karenge..

bole bhagavaan dayaalu hai, krupaalu hai..apane bhakto par barasate hai..to bhagavaan to bolate –

samo ham sarv bhuteshu..

na me dwesho, na me priy asi

..to bhagavaan ko kisi dwesh nahi, koyi priy nahi..to bhagavaan to sam hai..to kaise bhagavaan hum par dayaalu hai, krupaalu hai..agar bhagavaan krupaalu hai to ye patangiyo pe kyu nahi krupaa karate,vo to jal marate hai patange.. khatmal par kyu nahi krupaa karate?kutto par ,lover loveriyo par kyu nahi dayaa karate?hum par dayaa hai to kaise?

arre bhaai! sury naaraayan ki dayaa to sab par hai…lekin eint(brick) par jo kiran padate,aayine par jo kiran padate aur bilori kaanch par jo kiran padate , to un ki apani apani kshamataa ke anusaar un ki vishesh vishesh dayaa dikhati hai…aise hi aap apane chitt ko aisaa banaao ki un ki krupaa vishesh dikhe..vishesh  bane..

shradhdaa bhi aap ko hi karani hai..priti bhi aap ko hi karani hai..vishwaas bhi aap ko hi karanaa hai..prem bhi aap ko hi karanaa hai..bhagavaan to jo hai so hai…to aap ko apane hruday kaa nirmaan karanaa hai naa..aap ko apani budhdi kaa nirmaan karanaa hai..dukh aap ko mitaanaa hai naa..

majaa aap ko chaahiye..to majaa ke bahaane param sajaa ki 84 laakh yoniyo me jaake padanaa hai to jaisaa aaye waisaa karo..jaisaa aaye waisaa bolo..jaisaa aaye aisaa khaao..aur jaldi majaa lo aur jaldi satyaanaash karo..nahi to samajho aur majaa ke mul me jaao..

to majaa ke mul me jaaoge to aap ko to majaa hi majaa aur aap ki najar jahaa padegi itane logo ko bhi aise hi bhagavat majaa aane lagegi !aap aise mahaan aatmaa ban jaayenge naa!..

patange to diyaa dekh ke bhaagataa hai,aap to diyaa dekh ke nahi bhaagate..kuchh to vivek hai naa..jeev-jantu maa, bahen, bhaai nahi jaanate , aap to jaanate hai naa..to aap me budhdi to hai..to aap budhdi ko yog banaa do..aur bhagavaan ko pritipurvak bhajo..bhagavaan kaa swabhaav jaan lo..bhagavaan sat-swarup  hai, bhagavaan chetan swarup hai, bhagavaan gyaan swarup hai…bhagavaan aanand swarup hai..bhagavaan praani maatr ke suhurd hai..param hiteshi hai, param suhurd hai aur sarv vyaapak hai..

bhagavaan ki krupaa kaa darshan karanaa ho naa to naastik aadami ko bhi sunaa do ki, dekho..naastik baabu,aap janame the to aap ne koyi koshish nahi ki thi ki aap ki maa sabji roti khaaye aur us me se aap ke liye dudh bane..aap ke baap ne bhi nahi ki thi aur maa ne bhi nahi ki thi…sarv samarth, sarv hiteshi aur antaryaami ishwar hai; jis ne ye vyavasthaa ki kee ye baalak baahar aayegaa to kyaa khaayegaa..to us ne sabji roti me se dudh banaa diyaa..naastik baabu buraa mat maananaa…(pyaar se bolanaa)..aap vishwaas nahi karate lekin ye meraa baap hai aisaa apani maa ke vachano pe vishwaas to kiyaa naa!bole meri shradhdaa nahi to apani maa pe to shradhdaa hai naa..aap ne dekhaa nahi ki aap kaa baap hai , phir bhi binaa dekhe apane baap ko to maanate ho naa aap?to aap naastik baabu naastik nahi hai.. 🙂 .. kisi naa kisi ko to maanate hai naa..jab kisi naa kisi ko maanate hai to jis ki satta se maanate hai, jahaa se aap kaa ‘mai’ uthataa hai vo hi aap kaa parameshwar hai..aap ‘mai nahi hun’ aisaa  nahi kahe sakate..kahi bhi ho .. ‘mai narak me hun’ ; ‘mai swarg me hun’  – to ‘hun’ hi ishwar hai aur saamanewaale ke  ‘hai’ me hi ishwar hai..to  ‘hun’  aur  ‘hai’  me hi ishwar hai.. aap us ko kuchh nahi maano to kuchh nahi  ‘hun’ hi ishwar hai..ye kuchh bhi nahi hai hi ishwar hai..

ishwaro sarv bhutaanaam

hrudayeshsh arjun trushTati

to ishwar kaise hai?

ishwar sarv anuschut hai jaise dudh me shwet anuschut hai, tilo me tel anuschut hai..tarango me paani anuschut hai..suwarno ke gaheno me sonaa anuschut hai ..mitti ke bartano me mitti anuschut hai..srushti me aakaash anuschut hai..lohe me bhi akaaash anuschut hai..agar aakaash nahi hotaa to bhatti me lohaa laal kaise ho jaataa..agni ghusati hai naa..to aakaash hai..to aakaash me bhi anuschut hai itanaa sukshm hai ishwar !..

aur ishwar vibhu hai..vyaapt hai..chid-ghan hai..itanaa thos bharaa hai , itanaa thos bharaa hai ki lohaa bhi us ke aage lohaa bhi kuchh nahi..lohaa bhi polaa hai ,us me bhi aakaash bharaa hai..lekin ishwar me kuchh ghus nahi sakataa! aur sab me ishwar ghusaa huaa hai!!

chid-ghan!sat-chidaa-nand-ghan!..to aakaash to jad hai..aakaash ko pataa nahi ki mai aakaash hun..lekin ishwar ko pataa hai, mai kyaa hun…to ishwar chid-ghan hai..sarv anuschyut hai..jahaa hum hai wahaa to hai hi, lekin jaha ahum nahi wahaa bhi hai, jahaa humhaari kalpanaa nahi pahunch sakati wahaa bhi ishwar hai..

ye jo suraj hai naa, ye kayi aakaash gangaao me se sab se chhotaa suraj hai..aise kayi aakaash gangaa hai..sab me sanchaalan ishwar kaa hai..dushman me bhi ishwar hai..mitr me bhi ishwar hai..ishwar hi nokar ho ke dikhaayi de rahaa hai..ishwar hi seth ho ke dikhaayi de rahaa hai..ishwar hi officer ho ke dikhaayi de rahaa hai  aur ishwar hi bhais ho ke bhaagaa jaa rahaa hai ! 🙂  aur us ke pichhe ishwar hi ladakaa ban ke bhaagaa jaa rahaa hai ..aisaa ishwar chid-ghan hai!

kidi me gyaan hai ki nahi bolo..(hai, shakkar/namak kaa pharak samajhati hai..) bacteriyaa me bhi gyaan hai..harmful bacteriya ki party alag hoti aur madat karanewaali party alag hoti hai..to bacteriyaa kitane sukshm ki aankho se dikhate nahi,un me bhi chid-ghan chaityany aur vo gyaan swabhaav dikhataa hai ..aisaa hai ishwar..to vo sarv samarth bhi hai..

ishwar sarv vyaapak hai, sarv antaryaami hai, sarv samarth hai..

aur humhaare param hiteshi hai..

OM SHAANTI.

SADGURUDEV JI BHAGAVAAN KI JAY HO!!!!!

Galatiyon ke liye Parbhuji kshamaa kare….

Advertisements
Explore posts in the same categories: Pujya Bapuji

3 Comments on “sahajo kaaraj sansaar ko guru bin hot naahi”


  1. […] to budhdi yog bhi hai aur shradhdaa bhi hai, lekin bhagavat dhyaan nahi hai to aap budhdi se bhi majaa lene ke liye kuchh karenge to ulajh jaayenge..jahaa se majaa aayegaa wahaa ke nirnay budhdi karaayegi..unhi vyaktiyo se aap ko milaayegi , unhi vastuo se aap ko milaayegi jahaa se aap ko majaa aati hai..  ( MORE…) […]

  2. deepak Says:

    hari hari om


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: