Param Karunaa-Varunaa

2nd March 2010; rajokori aashram Satsang

*****************************************************************

PARAM PUJYA SANT SHRI ASARAM BAPUJI KI AMRUTWAANI

*****************************************************************

naaraayan hari naaraayan hari

ye season me 25 se 35 neem ke komal patte aur 2 kaali mirch chabaa ke khaanaa..maine khaayi aaj subah..aap log bhi khaayenge to pitt sambandhi taklife dur hongi..

sharir ko 6 raso ki jarurat hai..mithaa ras to khub khaate hai ..khattaa bhi khaa lete hai..khaaraa to khaate rahete namak..turaa bi khaate lekin kadavaa ras jaldi khaate nahi…karelaa hai to us me se bhi kadavaahat nikaal dete hai..sharir ke liye kadavaa ras to chaahiye..to ye 15-20 din neem ke patte khaane se phodi phunsi bhi nahi ho aur kadave ras ki kami se jo bimaariyaa aati hai diabitis aadi ,vo bhi nahi hogi..

ye to huaa sharir ki baat…..

jeev kaa jaisaa karm hai us ke phal bhogate bhogate karodo janm beet jaate, us ki jaan nahi chhutegi..shubh karm kaa phal sukh bhogegaa,vilaasi hogaa..puny naash hogaa..a-shubh karam kaa paap bhogegaa,phir naye karm karegaa..to karm karo bhogo..karo bhogo-bhogo karo….karate karate kayi janam beet jaate udhdaar nahi  ho sakataa..

ye to bhagavaan karunaa kar ke nar deh diyaa hai..beenaa swaarth ke hetu raheet jag upkaari swabhaav se bhagavaan ne manushy sharir diyaa hai..aur is manushy sharir me bhi bhagavaan ke karunaa ki paraakaashthaa ye hai ki maa sabji roti khaati aur us me se baalak ke liye dudh ban jaataa ye ishwar ki sarv saamarthy-taa , sarvagyataa aur karunaa kaa darshan hotaa hai…hum ann khaane lagate to maa kaa dudh band ho jaataa to ishwar sarvagya bhi hai, vo sab jaanate hai…to ishwar praani maatr kaa suhurd hai, heeteshi hai, sarvagy hai, sarv shaktimaan hai..achhi anukul avasthaa dekar us ko utsaahit, aanandit, aalhaadit kar ke jag ke kaam aane ke liye banaataa hai….pratikul avasthaa,vighn-baadhaa dekar us kaa ahankaar harane ki vyavasthaa karataa hai..

Raavan ne tapasyaa ki aur aisi ki kee ab roj roj kaahe ko jaanaa kailaash,chalo kailaash ko uthaakar hi lankaa me rakhe…raavan ne apani tap-shakti se kailaash uthaayaa thodaa bahot..paarvati ji ne kahaa aap kaa bhagat to humhaaraa ghar hi ukhaad rahaa hai!itani tap-shakti kaa dhani ho gayaa…shiv ji ne kahaa  ‘shakti jahaa se aayi vo bhul rahaa hai’   ..shiv ji ne jaraa pair dabaayaa.. to jo raavan kailash uthaane ki shakti sanjoyaa thaa, vo raavan  shiv ji kaa dhanushy sitaa-swayamvar me uthaane gayaa to viphal huaa thaa..

angad ne raavan ke saamane pair jamaa diyaa aur bolaa ki, ‘raavan tum shriraam ji ko bolate ho ki bhagavaan nahi..mai bhagavaan kaa daas hun..mai apanaa daayaa pair jamaataa hun,,tum ye daahe pair ko hilaa ke dikhaoa to shriraam chandr ji ne sati seetaa haari…maine pani maa haari..’   raavan ne bahot koshish ki lekin angad kaa pair heelaa na sakaa..angad ne ye du-saahas kaise kiyaa?angad ne raavan ke manobal aur ahankaar par tamaachaa maaraa!

..sitaa ji to raavan ke raajy me hi thi..to haar jeet kaa sawaal hi nahi thaa..phir bhi kapati ki budhdi kaise maari jaati ki sinhaasan se utaraa aur angad kaa pair heelaa ke sitaa ji ko jeetane ki dhrushtataa kar rahaa thaa..seeta ji to apane hi paas hai, jitane aur haarane kaa sawaal hi nahi thaa to bhi vo uthaa …to is se Raam ji kaa yash badhaanaa thaa..jahaa se shakti aati,jis ki karunaa krupaa hai us ki yaad dilaani thi..ghatanaa ke dwaaraa samaaj ko..

ye manushy kuchh prayatn karataa hai to bole hum ne apani mehanat se kiyaa,utsaah se kiyaa,atkal se kiyaa..kumhaar bolataa maine eint(brick) banaayi..lekin bachchu paani tum ne nahi banaayaa, mitti tum ne nahi banaayi, aag tum ne nahi banaayi..vidhaataa ke bani huyi chijo se tum ne kuchh banaayaa hai..

bole hum ne namkin banaayaa..nimak ki kharaas tum ne banaayi hai kya?mirchi ki kadwaas tum ne banaayi namkinwaale?

hum ne mithaayi banaayi to ganne ki mithaas tu ne banaayi kyaa?

vo to ishwar ki sattaa se bani hai..

ishwar ki krupaa se hi maa baap ke sharir ke 2 bund paani se sharir banaa..dudh bhi tum ne nahi banaayaa..ishwar ki krupaa se banaa..ishwar sarv samarth hai..sarvagy hai..aur param dayaalu hai isliye humhaare anukul dudh banaa diyaa..

aise anukul srudhti banaa di..sury banaa diyaa, chandaa banaa diyaa, havaaye banaa di..

sukh bhi banaa diyaa..bole dukh bhagavaan ne kyu banaayaa?

mai puchhataa hun..agar dukh nahi hotaa to sukh bhaataa aap ko?parehsaan ho jaate!

raat nahi hoti, din hi din hotaa to bhi bechain ho jaate..raat hi raat hoti to bhi bechain ho jaate..raat aur din, subah aur shaam, anukulataa aur pratikulataa banaakar aisi sundar vyavasthaa ki jeevan me sarvaangin veekaas kar ke sarveshwar parameshwar ko apane aatmrup me jaankar mukt ho jaaye..

phir vaar-tyohaar banaaye rushiyo ne aur har vaar-tyohaar ki vyavasthaa banaayi..jaise holi tyohaar hai to sury ke tikhe kiran padenge us ko jhelane ki shakti aaye aise kesude ke phul kisi vyakti ne nahi banaaye , ishwar ne banaaye..palaash ke phul ishwar ki banaaye hai..to vo sarvagy bhi hai, antaryaami bhi hai aur humhaaraa heeteshi bhi hai..tabhi to banaa paayaa hai..nahi to kaise banaataa?

bole  ‘Baapu rang chhaat rahe baapu ki badi krupaa hai’   ..lekin badi  krupaa hai to  shaashr kis ke hai?shaashtr to krupaa ki badi krupaa karane waalo ke hai…kesude ke phul kis ke hai?..aur tumhaare me sad-bhaav bharanewaalaa kaun hai ki yahaa tuk pahunchate..

sab ke andar ki gaheraayi me baithaa param heeteshi, param karunaa varunaa nidhi paramaatmaa hi  apani karunaa varunaa se srushti ki vyavasthaa kar rahaa hai..

hum karam kare aur karam kaa phal mile;phal mile to karam kare.. to hum karodo janmo me bhi aatmaaraami nahi ho sakate…hum us ko maanate,sat-karam karate to “sat” ki jigyaasaa hoti..ishwar hi  ‘sat’  hai baaki sab badalane waalaa mithyaa hai..

‘sat’ us ko kahete hai ki jo sadaa rahetaa hai..bachapan chalaa gyaaa, lekin us ko jaananewaalaa sadaa rahetaa hai..bachapan ke khilone gaayab ho gaye, lekin us ki smruti denewaalaa abhi bhi apane andar aatmrup ho ke baithaa hai..jawaani me naa jaane kaise kaise tarango par naachate the..hum doctor banenge, vakil banenge, bepaari banenge..phalaanaa banenge..

budhaapaa aayaa,sab swapne dhul-dhaan ho gaye..koyi kisi kaa nahi..office me the to itani salaami maarate the, ab koyi puchhataa hi nahi..dukhi hokar, phariyaad karate huye din gujaar rahe.. phariyaad aur aasakti man ki hai..lekin us ko jaananewaalaa jyo ki tyo hai..

subah kaa bachapan hasate dekhaa

dopaher ki mast jawaani..

shaam kaa budhapaaa dhalate dekhaa

raat ko khatam kahaani..

ye jeevan ki kahanai khatam ho jaaye us ke pahele jeevan daataa ko paa le aisa satsang bhi us ki krupaa se hi to mil rahaa hai..

tirath nahaaye ek phal – dharam laabh hotaa hai tirath nahaane se..

sant mile phal 4 – dharm,arth, kaam, moksh..

sadguru mile anant phal – jis phal kaa naash na aho, ant naa ho..

kahet kabir vichaar – kabir ji kahete vichaar ke dekho..to ye anant phal paane kaa vichaar bhi ishwar ki krupaa hai..

  • to ab ein dino me 20-25 neem ke patte aur 1-2 kaali mirch chabaa ke khaanaa aur paani pinaa subah ke samay to swaasthy ke liye achhaa hotaa hai..
  • aur ye 15 din binaa namak kaa bhojan karenge to haddiyaa majbut hogi,rog pratikaarak shakti badhegi,budhaapaa jaldi nahi aayegaa..
  • lekin binaa namak kaa bhojan karo, mai bol dungaa aap manoge nahi..isliye mai bolataa hun bhojan me nimak cum kar denaa..

apan bolo aur aap maano nahi, is se to bolo hi aisaa ki aap maan sake..  🙂 (Sadgurudev Bhagavaan ki Jay ho!!!!!)

namak cum se cum karo..10% / 20% / 30% … yaa to phir dudh roti pe raho..maine bhi khaayi thi kal..

shakkar aur namak saphed poison hai aisaa kayi jaankaar logo kaa kahenaa hai..

maayiyo ki aadat hoti hai jyaadaa namak daalane ki , lekin ab kuchh din parhej karo..apane kutumbiyo ki haddiyaa aur swaasthy majbut rahe..

OM SHAANTI.

SADGURUDEV JI BHAGAVAAN KI JAY HO!!!!!

Galatiyo ke liye Prabhuji kshamaa kare….

Advertisements
Explore posts in the same categories: Pujya Bapuji

18 Comments on “Param Karunaa-Varunaa”

  1. I.D.Chaturvedi Says:

    Naam aur roop se pare Sarvantaryaami hee Gurudev ke roop me baithe param heeteshi, param karunaa varunaa nidhi paramaatmaa hi apani karunaa varunaa se hum sab kee adhyatmik unnati ke saath – saath svasthya ka kitna dhyan rakhte hai.

    kabir jee ne theek hi kaha hai:
    guru bin gyan na oopje, guru bin mite na bhed |
    guru bin sanshay na mite, jay jay jay gurudev ||

  2. jitendra banshiwal Says:

    guru kripa hi kevlam shishashiya param manglam

    aisi kripa karo gurudeva mero janam maran mit jave
    aisi kripa karo gurudeva mero janam safal ho jaye..

    aap ye satsang likhane ki kripa karte rehana…

  3. Dvd System Says:

    […] Param Karunaa-Varunaa « Latest Satsang […]


  4. […] Param Karunaa-Varunaa « Latest Satsang […]


  5. […] Param Karunaa-Varunaa « Latest Satsang […]


  6. […] Param Karunaa-Varunaa « Latest Satsang […]


  7. […] Param Karunaa-Varunaa « Latest Satsang […]


  8. […] Param Karunaa-Varunaa « Latest Satsang […]


  9. […] Param Karunaa-Varunaa « Latest Satsang […]


  10. […] Param Karunaa-Varunaa « Latest Satsang […]


  11. […] Param Karunaa-Varunaa « Latest Satsang […]


  12. […] Param Karunaa-Varunaa « Latest Satsang […]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: