Saa Vidyaa Yaa Vimuktaye

14Feb2010;Part -1   Nashik Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

bhautik vastu kaa satupyog ho.. dukhi ke dukh me bhaagidaar ho, koyi  sukhi hai to un ko sukhi dekh kar prasann rahe ye unch vidyaa hai.

pramaan patr se yaa dhan se hajaaro ki roji roti chhinakar mall banaanaa ye uchch vidyaa nahi hai… aatm vidyaa ke saath aihik vidyaa kaa upyog kar ke praani-maatr me base sabhi kaa udhdaar ho, is bhaav se kaary karanaa hi uchch vidyaa hai.. hajaaro ki roji roti chhinkar bade dhan ke pahaad pe baithanaa ye nich vidyaa hai..badaa ahankaar sajaanaa ye uchch vidyaa nahi..aaj prati spardhaa aisi badh gayi hai ki sekado vidyaarthiyo ko nichaa dikhaakar kisi ko unch dikhaanaa unchi shikshaa nahi hai..

ek vyakti kaa adhikaar aa jaaye aur us ke badale hajaaro ke roji roti chhinate to un ke bachcho kaa bhojan, vastra kaise a-bhaav me din bitaate… uchch vidyaa ye nahi hai..

tumhaare paas jo dhan, sattaa, yogyataa hai us ko unche se unche paramaatmaa ke naate dusare ke kaam aane lag jaaye to vo uchch vidyaa hai ..

jeev ki hinsaa naa kare..dusare kaa adhikaar chhinane ki galati naa kare..  dusaro kaa adhikar chhinanaa ye nich vidyaa hai.. apane adhikaar ki rakshaa kare aur dusare kaa adhikaar nahi chhine to ye uchch vidyaa hai..

kumbh mele me dhakka mukki kar ke nahaa leneg to punya nahi hogaa..

aatm sukh se mahaa adhikaar pragat ho jaayegaa!

paramaatmane namah.. sarveshwaraay namah..aise bolate rahenaa.. bhagavaan ko, aakaash ko yaa guru murti ko dekhate rahenaa aur bolanaa :

..hariiiiiiiiiiii oooooooooooooooooommmmmmmmmmmmmm

jo bhi karoge, jo bhi dekhoge us me bhagavaan ke vaibhav ko dekho..waah prabhu teri lilaa!

is prakaar aaraadhanaa karoge to 4 dosh aise bhagenge jaise bhaaskar ke aate andhakaar bhag jaayegaa… vaani chanchaly,hast chaanchaly,paad chaanchalya aur netr chanchalya ye 4 dosh mitenge.. chalate chalate  jor se bolane shakti kaa rhaas hotaa hai…wani dosh se bachane ke liye ninda kisi se bhulkar bhi naa kare…

jhuth tyage hey prabhu aanand daataa gyan hum ko dijiye ye prarthanaa roj karenge to chaanchaly to dur hogaa indriyaa bhi tejaswi hogi.. kaan bahire nahi hoge.. 5 indriyo ke dev prasann rahenge… netr chanchalya me kharch honewaali urjaa ki rakshaa hogi, paad chanchyalya aur hast chaanchyalya ye 2 cheshtaaye chali jaayegi..

kisaan khet se angur ugaataa to angur kisaan ne nahi banaayaa, khet ki mitti  kisaan ne nahi banaayi, khet ke liye paani kisaan ne nahi banaayaa..sury prakaash kisaan ne nahi banaayaa…ye ishwar ke vaibhav hai..kisaan us kaa upyog karataa hai to angur ugataa hai…

aap ann khaate to man banataa, rakt banataa,budhdi banati ye bhagavaan kaa viraat vaibhav hai… jeev kaa vaibhav simit hai , vo simit vaibhav bhi ishwar se milaa hai..ishwar kaa viraat vaibhav pragat hogaa agar hruday me us ko yaad karo to..

waah prabhu teri lilaa!

raat ko sote samay ‘bhagavaan kaa chintan achhaa huaa to tumane karaayaa ..kuchh galat huaa to ye humhaare me durgun durwaasanaa ke hai us ko dur kar do prabhu’ aise kar ke aanand swarup me vishraanti kare..

..maataa pitaa ki karunaa varunaa santaan ko mangal bhaav param mangalataa me jagaaye ye uchh vidyaa hai.. ‘meri marji’ ye nichi vidyaa hai..

bramhvidyaa uchch vidyaa hai. aatmdrushti hi uchch drushti hai.

aaj ke yug ko unnati kaa yug bolate, lekin aisaa patan kaa yug kabhi kisi ne nahi dekhaa hogaa..shudhd dudh nahi,shudhd  paani nahi,  shwaasoshwaas lene ko shudhd havaa tuk nahi..ye  vikaas nahi, vinaash ki taraf le  jaa rahe… videshi padhaayi likhaayi ke kaaran paiso ke pichhe pade hai..andhi daud me lage hai..maataa pitaa ne jo kasht uthaaye us ki yaad nahi ..

mumbai ke ONGC me kaam karate, bete ko CA karaaye.. bimaar huye…..bete ne patni ke kahene me aa kar baap ko ghar se nikaal diyaa.. waadilaal hospital me check up karane jaa rahe the to bahu ne sasure kaa saamaan saath me baandh diyaa, ab ghar me aane ki jarurat nahi boli… baap bechaaraa bhatak bhatak ke anaathaalay me mar gayaa.. bete ko CA banaayaa, us ki patni ne  sasure ko nikaal diyaa aur baap anaath ho ke mar gayaa..ye unch shikshaa hai kyaa?

kisi betaa bahu ne  khushamat kar diyaa aur baap ki galat stamp paper ko signiture karaa diyaa..sab property apane naam likhavaa liyaa aur maa-baap ko nursing home me rahenaa padaa.. bachho ne ghar me nahi rakhaa.. ye unch vidya nahi hai…

maatru devo bhav!

pitru devo bhav!

aachary devo bhav!

ye apane bhaarat ki paramparaa hai…us ko bhul ke kahaa andhi daud lagaa rahe ….

aao shrotaa tumhe sunaau mahimaa lilaa shaah ki….

hum guru charano me gaye .. ekant me hum kayi baar guruji ko kahate ki kuchh sewaa karu…

“aagyaa kijiye”

bole, “sewaa karegaa?”

“ji”

“to aatmsaakshaatkaar kar lo aur sab ko gyaan ki prasaadi baato!”

mere sadguru dev ne to itanaa de daalaa us kaa badalaa kyaa chukaaungaa…lekin ab unhi kaa sankalp kaam kar rahaa hai to laakho karodo ko margdarshan preranaa mil rahi…mere guru dev kaa kaisaa najriyaa hai!

saa vidyaa yaa vimuktaye!

sharir ‘mai’ hun, sampatti ‘meri’ hai maanate to is kaa, us kaa huq chhinu ye nich vidyaa hai… apane huq ki rakshaa me samarth rahe, lekin dusare kaa huq nahi chhine.. to aatm prasaadajaa mati banegi… jin ke paas arabo rupiye hai, lekin ghar me sukh-shanti nahi to ye laachaariya hai.. shoshan se ku-budhdi aati hai..

kisi ki  aa-jivikaa chhine nahi..

jahaa sumati wahaa sampatti naanaa

achhi nind aanaa ye bhi sampatti hai..paiso se pakwaan laa sakate lekin bhuk to paramaatmaa ki krupaa hai,sampadaa hai..

aaj aisi vidyaa ho gayi ki pados ke bhaai ko bhaai maanane ki, pados ke bahen ko bahen ki najar se dekhane ki reet chali gayi ye unch vidya hai kyaa?

aatash baaji kaa anaar dur se chamak dikhaayegaa,lekin paas jaao to jalaayegaa..

bhagavat bhakti kaa anaar sabhi pyaas bujhaa detaa.. bhakt baahar se sidaasaadaa dikhegaa, lekin andar se bhagavat priti se rasilaa hotaa..

(Matrupitru Pujan divas kaa bahot sundar kaarykram huaa)

..in pyaare bachcho ko dekhakar to lagataa hai ki ab bhaarat me suprabhaat aanewaali hai.. vo din dur nahi ki bhaarat suhaavani karvat legaa der-saber vishw ko sukh-shaanti dene kaa saamarthy bhaarat me hogaa..

bal sankaar sanchaalako ko aur bachcho ke  maataa-pitaa ko sadhuwaad detaa hun, laakho bhakto ke saamane bachcho kaa thodaa bahut kaarykram huaa..videshi aandhi ke saamane sajaagataa bataayi isliye meraa hruday bhaav se bhar gayaa thaa.. aankhe nimi ho gayi thi..mere sadgurudev ji kaa shri vigrah dekhaa to man me aa rahaa thaa daud ke dandavat pranaam karu..lekin vyavasthaa me viksehp karu to hilachaal ho jaayegi soch ke man hi man pranaam kiyaa.. hajaaro janam ke maataa, pitaa se jo mile us se kitanaa adhik mere sadguru suramaa ne kyaa de daalaa ye soch ke aankhe nimi ho gayi thi….

valenatine day satyaanaash divas saabit hogaa aage chalakar..

aanewaalaa bhavishy bahot dukh laayega valentine waalo ko.. har saal 13 laakh kanyaaye pregnant ho jaati, 7.5 laakh kuwaari maa banakar bhatakati hai 28 vikasit desho me …kya ye unch shikshaa hai?

amerikaa me har saal 4 laakh 94 hajaar anaath bachche janam lete ..har saal 30 laakh kishor kishoriyaa yaun rog se pidit hote, aids ke rogi banate..badaa desh vo nahi hai…jis desh ke bachche sanyami, sadaachaari aur su-sankrut bane wo badaa desh hai..bade desh vo nahi jahaa aasamaan ko chhune waali building bane lekin santo ko bhikshaa bhi nahi mile…kutte to memsaab kaa munh chaatate lekin bhukhe ko roti nahi milati…

kutte ko prem se roti kaa tukadaa de do, lekin yaad rahe ki kuttaa billi kaa shwaasoshwaas ghar waalo ko der-saber dimaag me mand-taa laate..ye unch vidyaa nahi hai..billi ke sharir me kyaa kyaa kitaanu hai..kutte billi bistar par kabhi naa aaye..

waasanaa ke phurane bhagavaan nahi dete, vo to dwesh raag ke hote.. bhagavaan ke phurane sab kaa mangal waale aate.. budhdi badali khushaali chhaane lagi.. raaja mantri dharmaatmaa hote to prakruti kaa vaibhav barasataa hai.. mai to chahataa hun bhaarat bhi apani puraane vaibhav ki chamak dikhaaye..mahaabhaarat me varnan aataa hai ki yudhishtir mahaaraaj ne bhojan karaayaa tab ek saath laakh-laakh log sone ke katori,thaali me bhojan kar ke jaate ..bhojan ke baad haath jod kar un suwarn ke bartano ko maanj ke de dete..kuchh le jaate,kuchh bolate suwarn ke bartan ko kyaa kare,hum to hruday ke bartan ko suhavanaa banaate..

mecalin padhhati ne humhaare desh ko kangaal banaa diyaa, phir bhi rushi muni ki vidyaa to ab bhi humhaare paas hai ..shoshan vidyaa uchch shikshaa nahi..

18 varsh kaa yuwak standard company kholaa…21 saal ki umar me  money kamaate kamaate kayi mall aur company kaa maalik banaa… lekin aatm shaanti nahi thi..to vikaar kaa nishaanaa banaayaa..patni ke hote huye secretary se buri iraade.. yahaa sukh khoje wahaa sukh khoje.. clubo me dancer aa gayi thi..baal ghumaane ki kalaa suhaavane baal..hiro ke kataar daat…jaise dance puri huyi…us ke pichhe  car bhagaayi..itane mall kaa maalik , very famous person!aao aao boli.. dusare din shaadi karane ke baat bhi tay ho gayi..nartaki naachi kudi thaki mandi thi … us ne nakali baal kaa khopaa utaaraa..yuwak ne dekhaa ki us ke asali baal to chhote saphed hai…..nartaki ne daat bhi utaar ke rakhe… 35 ki hai lekin 80 saal ki lagati ….yuwak to  usi samay bhaagaa jaraa se baal daat dekh ke jawaani barbaad karataa ye unch vidyaa nahi…

asali saundary baahy saundary nahi,asali sundar to  tumhara antar aatmaa hai! udhar ko dhyan de..

maa ko bachchaa madhur sambandho se mahaan sewikaa banaa detaa hai…bachchaa  ‘majhya aaaii'(meri maa) karegaa to aai(maa) ki taakad nahi ki naa aaye….maa nahi bolati ki ‘tu nahaa-dhoke spaph kar lo apane ko phir mai tujhe milungi’ aisa  aai nahi bolati…

aap kaa pair nahi phisale isliye maa daatati..warnaa aai ko kyaa lenaa hai? wo to tumhaari unchaayi dekhane ki laalaayit hai,isliye  tokati rokati to phisal naa jaaye isliye.. aaj-kal to kuchh bachche maa baap ki baat ko dushman ki baat samajh ke anaadar kar dete, haani un ko hi hoti….sabhi aise nahi hai..

kaise kaise humhaare bhaarat ke bachche ho gaye!shravankumaar apane maataa pitaa ko kaandhe pe yaatraa karaataa.. aise bhaarat ke tum saput hai…

ab kuchh swaasthy ki baate :

-18 Feb se Vasant  rutu shuru hogi…rutu parivartan me )holi ke baad 15 din tuk)nimak binaa kaa bhojan athavaa cum nimak kaa bhojan kare..ardh sekaa huaa dhaan khane se vaayu, kuff janit vikaar nahi honge..is sundar yukti kaa phayadaa le..

-garbhavati maayiyaa gharelu upaay kare ki bhojan ke baad sauf khaanaa chalu kare sundar sanskaar waalaa bachchaa hogaa.. garbh 5 mahine kaa hotaa to maa jo padhati sochati us kaa  bachche par sanskaar padate..isliye maayiyaa khayaal kare ki achhe sanskaar mile.

-sauf mishri milaakar khaane se bhuk achhi lagegi, pet sambandhi taklife dur hogi.sauf aur mishri milaakar khaane se netr shakti badhati hai.

– garmi se munh me chhaale padate to triphalaa churn)hardaa+behadaa+aamalaa) lekar mitti ke chhote bartan me pani bhar ke raat ko bhigo de.subah uth ke chammach se ghumaa ke pee le.. subah ke bhigoyaa huaa shaam ko pee le.. to 3 se 4 din me munh ke chhaale gaayab honge.. garam tali huyi chije khaane se aise chhaale hote..mitti ke cup me 1 chammach triphalaa churn bhigaa do ..munh me ghumaate huye pee lo..chhale sadaa ke liye gaayab honge.

– chehare par chhale hai to yaa muhaanse hai to un ko mitaanaa ho to kuwaarpaate kaa ras 150 gram chhankar pee lo..aise  2/3 din karo..to muhanse daag gaayab honge..

– baalo ko resham jaisaa banaane ke liye gojharan ark se gile kar do, 10 minute ke baad nahaa lo to juwe gaayab aur baal resham jaise honge.

– kayiyo ko baar baar pyaas lagati..binjaruri paani pinaa padataa ho to puraani int dhokar saaph kar do,us ko agni par tapaa do aur garam garam int par dahi se bujhaa do(thandaa kar do),aur vo dahi thodaa thodaa kar ke khaa lo..to adhik pyaas humheshaa ke liye bujh jaayegi…int ko saaph kar ke agni me tapaao aur tapi huyi int ko dahi se bujhaao,vo hi dahi khaane me laao  to adhik pyaas  bujhegi.

-nimbu ka ras + amale kaa ras milaakar sir par lagaa do baal pakenge nahi, saphed baal honge nahi, baalo ki jade kamjor nahi hongi.

chehare pe jhurriyaa ho to kadave badam kaa tel ragad do to jhurriyaa gaayab!aankh ke niche jhurriyaa ho to dudh ki malaayi shahed aur nimbu kaa ras male to jhurriya thik hone lagati.

–         naak se khun nikalataa ho to tulasi ki bunde daalane se rog jaayegaa..aawalaa pis kar bakari ke dudh me daalakar sir pe lep kar de , 4 ghante pahele jamaayi dahi kaa lassi banaakar pilaaye..

–         komal muli ke patto ki sabji khaane se paki muli pachane ki taakd aati hai.raat ko, sandhyaa ke baad muli khaanaa achhaa nahi.

–         nimbu ka ras aur glicerin chehare par male to chehare ki chamak badhegi.

–         sarso ki tel me dahi milaakar lagaaye to jhurriyaa chali jaayegi..baalo ko bhi lagaaye to majbut honge.

–         totalaapan mitaanaa ho to 2 /3 badaam ki gari + makhkhan + misri milaa kar chabaa chabaa ke khaaye.

–         pet me krumi ho to tulasi ke patte 7 roj khaayaa kare.

–         holi ke baad nim 2/3 ke komal patte ek kaali mirch ke saath chabaa ke khaaye to  rog pratikaarak shakti badhegi…

–         cold drink soft hafte me 2 baar bhi pitaa koyi to badaa mulya chukaanaa padataa..cancer kaa khataraa badh jaataa hai, ye dhimaa jaher hai ..jaanlewaa turant pataa nahi chalataa.. jaanwaro kaa tel paani aur color alag na aho ..cancer ke rog ki sambhaavanaa badh jaati…sa-jaatiy vikaas vikrut ho jaataa hai..maane anuvanshik bhi ho jaataa hai..cold drink pite to satyaanaash hotaa yuwaapidhi kaa..cold drink , soft drink khade khade pite to pindaliyo me dard hotaa..man budhdi nich hotaa hai cold drink se..mashtishk chakra ko haani hoti hai..maa piti to garbhast bachhe ko haani hoti hai..anuvanshik vikrut bachche honge..is pidhi me nahi to aanewaali pidhi me vikruti aa sakati hai..

–         taaje phal chabaa ke khaate to paachan shakti achhi hogi.sharir nirog rahene madad hogi.

ye to saari maranewaale sharir ki baate hai.. sharir kaa bhalaa honaa tab saarthak hogaa jab satswarup ishwar ko paane kaa iraadaa banaa lo… ishwariy sukh,ishariy madhury chaahiye aisi pyaas jage..

piste me bahot shakti hai.. kamjor aadami ho sharir ke bal ko badhaane ke liye raat ko 4 piste bhigoye aur subah chabaa chabaa ke khaaye…senke huye piste se tel nikaal dete,vo nahi chalenge..jin ko namak waale bhi nahi..asali piste dudh me daal diye athavaa paani me bhigaa diye 4 /5 piste ek hafte tuk khaao.. sharir me weakness ko bhagaa denge..raat ko bhiga diye subah  khaaye..mai bhi khaataa hun! 🙂  meri to sab khuli kitab hai..kyaa khaate, kyaa karate, itanaa kaam kaise karate bahot logo ko prashn hai.. 🙂

wo hi roti sabji daal chaawal khaataa hun, jo aap khaate hai..pahele kaa pach jaaye tab khaate, hafte me ek din upwaas karate..nashata nahi karate.. nashtaa der se kiyaa to us ko hi bhojan banaa lete.. jyaadaa khaane tandurust nahi rahete, shudhd saatvik bhojan sahi dhang se khaane se tandurust rahete.apane andar ke sukh madhry se rog pratikaarak shakti badhati hai..

ye bhavyaa pandit 7 saal ki babali thi to saarswaty mantr liyaa thaa…aisi alergi me tadapati thi.. laakho rupaye kharch kiye hote ab tuk lekin phayadaa nahi hotaa,side effects hote…lekin meri ek davaa ne kaam kar diyaa..ab 18 saal ki ho gayi..desh videsh me aur kayi chanelo me gaati hai..

aihik vidyaa padhanaa chaahiye lekin aatm vidyaa ko bhulanaa nahi chaahiye..aatm vidya ake saath aihik vidyaa kaa upyog kar ke chamcham chamako… paramaatmaa ki krupaa barsaao desh par ..

gwaaliyer ke paas akaal padaa..wahaa ke raajaa ne prajaa ke dhani logo se  donetion liyaa ki akaal se sabhi milkar upaay khoje..taansen ko aamantran aayaa.. taansen ne patni se kahaa ki kuchh le jaanaa chaahiye khaas vyaktiyo me mujhe bhi bulaawaa aayaa hai …patni ne rupiye, mangalsutr chudiyaa de diyaa ki kyaa pharak padataa  hai, gahene kaa saundary kyaa hai?aise akaal me kisi garib ke liye kaam aayegaa…kuch bhi gahene nahi to bhi hruday kaa saundary sab saundaryo kaa saundary hai… patni ne sab jwelary kaviraaj taansen ko diye…taansen ne raajaa ko vo gahene diye..to raajaa bolaa,itani si dakshinaa se chhodungaa nahi..patni ke mangalsutr se kaam nahi chalegaa ye akaal sukaal me badal sakate aisi aap me kalaa hai, guru ki krupaa hai..

raajaa ne taansen ko rijhaa diyaa…taansen ne guruko sumiran kar ke  megh raag gaayaa.. dhamaadham barsaat padi…..akabar kaa super saalaa wahaa kuchh tax lene aayaa thaa..vo yun dekhaa ki ye kyaa vidyaa hai! gaanaa gaane se dhamaadham barsaat baras rahi hai! dang ho gayaa.. ye allaah ki khudaa ki khudaayi ki kaisi kunji lagaane ki vidyaa hai! megh garaje…bijali chamake…de de dhamaadham baarish! sabhaa dekhati rahe gayi..

der-saber akbar kaa super saalaa pahunchaa darbaar me to bolaa, ‘jahaapanhaa bhaarat ke sangit ki mahimaa sunaa thaa,lekin in aankho se deedaar kar ke aayaa hun.. paththar dil bhi pighal jaate… paththar bhi dravibhut ho jaaye aisaa bhi hai..

gwaliyar narsh ke darbaar me taansen ne meghraaj gaayaa aur dhamaadham baarish barasi …is bande ki aankhe khud dekh kar aayi hai..!’

akabar ke munh me paani aayaa …gwaliyar naresh ko bolaa ki, taansen mujhe saupo aisi prarthanaa ki… baad me akabar ke navratno kaa ek  ratan huaa taansen..itihaas saakshi hai!

aap sabhi ko shivji ki taraf se dhanywaad hai ..shiv ji kahete:

dhanyo maataa pitaa dhanyo gotram dhanyo kulodbhav

dhanyaach vasudhaa devi, yatr syat guru bhaktaa..

OM SHAANTI.

SADGURUDEV JI BHAGAVAAN KI JAY HO!!!!

Galtiyon ke liye prabhuji kshamaa kare…..

Advertisements
Explore posts in the same categories: Pujya Bapuji

2 Comments on “Saa Vidyaa Yaa Vimuktaye”


  1. Hari Om:
    Sadhuvad he ap ko………..Bahut Bahut puniadae…he ..hari om..

  2. jitendra banshiwal Says:

    AAP KI BADI KRIPA HE JO HAME AISA SATSANG PADNE KA SAUBHAGYA PRAPT HO RAHA HE YE,AISA LAGTA HE JAISE BAPUJI SWAYAM HAMARE SAAMNE BAITHE HE AUR SATSANG KAR RAHE HE AAP KO DHANYAWAD HE SADHUWAAD HE AAP YE SATSANG HAMESHA PAHUCHATE REHNA…………


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: