Charitra Bal,Vishwaas aur Vivek

13 Feb.2010 ; Nashik Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

om namo bhagavate vasudevaay..

budhdi me vivek jagataa, mili huyi chijo kaa satupayog hotaa to  ek shubh dusare ko le aataa hai…dusaraa shubh tisare ko laayegaa ..jaise ek galati hoti to dusari galati ko le aati,dusari galati tisare ko….

ek taraf sukh ki laalach hoti, dusare taraf asali kartavya aur dharam hotaa hai…sukh ki laalach ko mahatv dete to patan ki taraf jaate…vivek prakhar hai to vivek, vishwaas aur charitra bal ko mahatv de to prabhu prem pragategaa aur sab dukho se yun chhut jaayegaa ..jaraa MBA kar lu sukhi ho jaau… B.teck kar lu sukhi ho jaau..ye a-shaashwat nashwar kaary  hai.. nity-anity kyaa hai..ye jaan lo to nitya ki nikatataa kaa mahatv, a-nitya kaa satupyog karane kaa saamarthya aa jaayegaa..

kal mahaashivraatri kaa upvaas kiyaa…aatmshiv me shaant hone ke liye upvaas hotaa hai..upawaas se thodi unchaayi to hoti, lekin phir bhi aanand ko sthir karanaa,aanand ke mul me pahunchanaa baaki rahe jaataa hai..

jin khoya tin paayaa

gahere paani baith

dukh kyo aayaa?ye jaan lo.. naasamajhi se, sukh ki waasanaa se dukh aataa hai… dukh bhagavaan ne nahi banaayaa, dukh hum chaahate nahi, phir bhi dukh se pichhaa nahi chhutataa..us dukh ke sir par pair dekar sachche sukh ko paa le isliye shaashra kaa gyaan denewaale santo ki paramparaa chalaayi hai….

raajaa bharotari ke paas raaj vaibhav thaa, har 5 saal me vote mang ke kursi tikaanaa, koyi taang khinch ke hataa degaa ye Dar nahi thaa….gorakhanaath ji ne dekhaa kisi sukh ke pralobhan se nahi aayaa; vimal vivek se aayaa hai…to chal padaa..!bharotari sab se aage nikal gaye, kyo ki achhi samajh paayi thi,vivek jaagrut kiyaa thaa…

..asali swarup ko jaanane ki andar se pyaas paidaa karanaa ye vivek hai..

utsav manaate, lekin andar kaa aatm vivek nahi jagaa to chal ke phir niche aa jaate..

aatm laabhaat param laabham !

aatm gyaanaat param gyaanam !

aatm sukhaat param sukham!

aatm sukh paa liyaa to us ke baad koyi sukh badaa nahi….aatm gyaan paa liyaa to is se jyaadaa koyi mahatv ki chij nahi milati…aatm laabh paa liyaa to is se jyaadaa koyi badaa laabh nahi hai…

hrudayeshwar kaa gyaan, hrudayeshwar ko paane kaa vivek, hrudayeshwar ki priti, hrudayeshwar kaa maadhury aa jaaye to indra pad bhi kuchh nahi… indra  bhi rank vat bhaasataa aisa aatm-sukh manushy jeevan me hi paa sakate.. manushy deh durlabh hai.. vivek waali budhdi mili hai… kab kahaa chalate chalate mrutyu aa jaaye bharosaa nahi..in sansaarik bulbulo kaa, tarango kyaa bharosaa karanaa?ye sansaar ki tarange hai..tulasi bharose raam ke nischint ho ke soye.. jo pahele thaa, ab hai,aur baad me bhi rahegaa us ki smruti karo bas..

tulasi bharose raam ke nischint hoyi ke soye

an-honi honi nahi, honi hoye so hoye..

ye aapaadhaapi kis baat ki? mithyaa karani, mithyaa samajh se pareshaan hai..jhaag ko pakad kar us me naav chalaanaa chaahate.. swapne ke haathi par pbaithkar raajaadhiraaj honaa chaahate..

jo nahi usi ko khojanaa is ko dukhaalay kahete hai…jahaa pustak hote us ko bolate pustakaalay,jahaa aushadh hote us ko bolate aushadhaalay aise jahaa dukh hi dukh hai us ko dukhaalay kaha hai..sansaar ko dukhaalay kahaa hai shaashro me..

jo majduri karate aise sukh dhundhane ki vo dukh paate.. dukhaalay sansaar kaa upayog karo… sukh swarup ishwar me vishraanti paa lo.. bhagavaan aap ko isliye paidaa nahi kiyaa ki bhagavaan kaa daas bano, din-heen ho kar bhagavaan ki sewaa karo..nahi…bhagavaan ne aap ko isliye janam diyaa hai ki  apanaa swarup kaa gyaan ki samajh dekar aap ko muktaatmaa, truptaatmaa aur shantaatmaa banaane ko aap kaa avtaar ho gayaa hai….!

ye vahem ho gayaa ki raam ji, shiv ji ki khushaamat karo to prasann honge… khushaamat se khush hotaa to saadhaaran netaa me aur  bhagavaan me kyaa pharak ?

sab ki khushaamat karate phirate..kaun kis vakhat kaam aa jaye isliye.. sab ki pataate raho.. ye sukh ki lolupataa hai.. bhajan karane par bhi anubhav nahi ho rahaa hai…kyo ki  vimal vivek nahi…tulasi hari  krupa binaa vimal vivek nahi hoye..

saadhaaran vivek – shakkar namak kyaa hai ye kidi ko bhi samajh hai.. khaanaa, pinaa, aur dukh se bhaaganaa itanaa vivek to bhagavaan kidaa-makodaa bhi detaa hai…amar paramaatmaa kaa shaashwat sambandh hai..aur vo meraa ‘sat’swarup ‘mai’ banakar mere andar hi baithaa hai to jad sharir ko ‘mai’ maankar kyu dukhi rahu?  ye vivek chaahiye…

‘sharir nahi rahegaa phir bhi mai rahungaa, kyo ki aatmaa a-vinaashi hai’ ye vivek hai… manushya kaa vivek jagataa to vinaashi sukho ki laalach chhodkar aatmaa a-vinaashi,  anity hai.. sharir sansaar parivartan se bharaa hai ye jaanataa… jyo sukh ke liye dusare par nirbhar rahete un ko  ronaa hi padataa hai..ye sidhdant hai..

samraat ke saath raajya kar ke bhi rahenaa buraa hai,

naa jaane kab rulaa de..

sant ke saath bhik maangkar jinaa bhi achhaa hai ,

naa jaane kab milaa de!

mai sadguru ji ke charano me gayaa to aaj meri haalat kyaa hai?.. shahenshaahi haalat hai!

hardam khushi har roj khushi!!

har roj nayi ek shaadi hai!

har roj mubaarak baaji hai

jab aashik mast phakir huaa to kyaa dilgiri baabaa!

mandir me,masjid  me,.. kabhi jaaye makke

binaa aatmgyaan ke khaa rahe dar dar ke dhakke..!

oooooooommmmmmmmmmmmmmmmmmm

apanaa vivek tivr kar lo..vashishth mahaaraj kahete, hey Raam ji, jaise gaay ko khur ko laanghanaa aasaan hai aisaa ye sansaar taranaa aasaan hai..ye sansaar gaay ke khur ke baraabar hai….mudh ke liye vishaal saagar hai… gote khaa kar marate rahete hai..

charitr bal kaa bahot mahatv hai, lekin sukh kaa aakarshan ko mahatv dete to charitra dhundhalaa ho jaataa… koyi bhi sukh bhogenge -jaise jibh kaa,naak kaa, aankho kaa,kaamendriyo kaa aadi to sharir se..is sharir me rakhaa kyaa hai? lover lovery ke shariro me vivek kar ke dekhiye to 2 khade haddi, malmutr, kuff, pitt, vaat aur kyaa hai? jaraa man ki aankho se chamadaa hataakar dekho to aisaa dikhataa hai.. kuchh badabu aur mare huye bacteriyaa hai..aur kyaa hai?

patipatni kaa vyavhaar santaan utpatti ke liye kiyaa to thik lekin kaamvikaar me sukh budhdi kiyaa to charitr bal se gir jaayegaa

pet bharane ke liye khaayaa to thik, lekin chatoraa pan kiyaa to charitr bal se gir jayegaa..sunane yogy sunaa to thik, naa sunane yogy se giregaa.. sukhopabhog ko mahatv dete isliye charitr bal me kshin hote…

hey paramaatmaa tere vivek kaa yog de! sujhbujh kaa yog de!!..bhagavaan ko paane ki ichchaa se prasann hote..seth se sneh karane waale se seth  prasann hote ki seth se chije maanganewaale se khush honge?maanganewaale se khush nahi hote…aise  bhagavaan se priti karane ki mahatta jaanate to prarthanaa karate ki aap me priti ho.. bhakti ho..

bhakti sab saadhan kar mulaa.

baabaa hum mandir me jaate, ghar me bhi bhakti karate..to aap bhagavaan ko nokar banaane ke liye maskaa maarate…swaarth chhodkar nahi karate..mera business thik chale, sharir thik chale,vishay vikaaro ke liye koyi bhakti karate, jo swaarth ke liye bhagavaan kaa upyog karate to janamate marate rahete…

bole, ‘bachhe achhe karate, bhagavaan ki krupa huyi, ghar me betaa huaa bhagavaan ki krupaa huyi’…bhagavaan ki asali krupaa tab huyi jab bhagavaan apane ko paane kaa vivek de..bachchaa khilone se khelataa rahe tab maa ke binaa rahe sakataa hai..lekin bachchaa khilone chhodkar maa ke binaa nahi rahegaa to maa aaye binaa rahegi nahi…khilone me mashgul hai to khelano do bolegi maa..aise maayaa ke khilone me aap mashgul hai to bhagavaan bolate thik hai…bhagavaan ko yaad kare to bhi ye maayaa kaa khilonaa thik karo bolate to ye baalak mati hai… in khilone se, naak se sugandh, jibh se chatoraapan, aankhose drush lolupataa lete to samay shakti aayushy nasht karate hai…vivek jagegaa to bhagavat vishwas me,charitr me bal aayegaa….

nity a-nity kya ahai, ‘mai’ kyaa hai? ‘yah’ kyaa hai?is ka avivek hogaa..

jaisaa mai aatmaa hun, aur aatmaa nahi badalataa.. paramaatmaa bhi nahi badalataa… mahaakaash aur ghade kaa aakaash ek hi hai..

tum jine ki laalach se jivaatmaa hai.. sharir ko nahi maanane se vo hi bramh ho jaataa hai.. viveki ke liye kathin nahi… vivek jagaa parikshit ke liye 7 din me shukdev ji se, shrikrushn ke updesh se arjun ko, samarth ki krupa se shivaaji ko,

ashtavakr kmaharaj ki krupaa se raajaa janak ko rakib me pair daalate daalate adhaayi minute me bhagavaan ko paa liyaa…

jeevan me charitra bal aur sukh ki laalach me sangharsh hotaa rahetaa… chatore pan se kha lo to shakti kshin hoti.. dharm ko jaanate to sukh ki laalach athavaa dukh  ke bhay se niyam nishtha chhod kar baithate to charitra-bal, vivek bal, vishwaas bal kshin hotaa hai..

amar aatmaa parmaatmaa ke vidhaan par vishwaas hogaa to vivek  bal badhegaa, vivek bal se charitra bal badhegaa …bhagavat prasaadajaa mati pragat hone me der nahi hogi…. dur-waasanaa ko posate to charitra bal kshin hotaa..dur-waasanaa se shakti andar se kshin hoti..  bhagavat prasaad-jaa mati irada karate charitr bal surkshit hotaa..

sansaar se hum ko kuchh le nahi jaanaa kitanaa bhi paayenge le ke nahi jaanaa hai.. sharir humhaare saath kyaa chalegi bhuke ko roti, haare ko himmat, niguro ko guru, jiv jantu ko taklif nahi de,  gaay bhais thandi me thutharati naa rahe, paani ke binaa pyaasi na arahe, garmi me sukhe nahi… vivek la andar jis ka se alete un ke dukh kaa khayaal rakhe.. bail pyasaa hai bhukhe hai to a-vivek hai..

aatmvat sarv bhuteshu

jaisaa apane ko pyaasaa se bachaate,  garmi aur dhup se bachaate aise apane aadhinast vyaktiyo ko bhi hotaa hai.. aaj aisa sukh, aham ki dadu ha ki hajaaro ki roji chhinkar yantro me lag gaye, maal me lag gaye… vivek ko itanaa naash kiyaa ki chaaval ke design ke nakali chaawal bante vo chaawal maarbal ke khaan se paththar ki powder se banate…haridwaar me aise nakali chaawal dekhe..khub pathari ho jati kuchh gal jaate..kuchh khaane me aate..bachche to bechaare nigal jaate honge..hindustan me unchaayi se gir rahe hai..jalvaayu aisa phurtilaa hai haridwaar kaa ,phir bhi itani bimaari hone ki sambhaavanaa hi nahi.. genhu me milaavat ke liye genhu ke rang ke kuchh daane daal dete.. mirch me milaavat karate…gaay ke desi ghee me milaavat

karate..aur laboratary me un ko 100%pure kaa certificate mil jate itana paap karate jaan se khilwaad nanhe munne ki jindagi kharaab hoti nakali chaawal nigal lete..

sukh ki lalach dukh ke bhay se vivek ko dabaa kar na karane jaisi karani karataa..naa jaane jaisi jagah me jaataa…

gaandhiji videsh me the tab  shekh mehataa ke ku-sang se veshyaa ke dwaar tuk pahunche…ku-sang se vivek dab gayaa thaa, lekin yaad aayaa ki maa ko vachan diyaa thaa- ‘suraa sundari se bachanaa raam ke saamane vachan de’ maa ne kahaa thaa.. vachan yaad aayaa… gir rahaa hun, hey raam tum mujhe bachaao ..vo param suhurd sadaa praani maatr ke saath hai.. turant mitr ke man me gussaa paidaa kar diyaa ..phisalaahat ki khaayi ko hi dur kar diyaa, pichhe pair kar ke bhaag nikale…lekin dobaaraa ku-sangat ke  chakkar me aaye aur veshyaa ke dwaar gaye phir gaandhiji ne yaad kiyaa andar baithe Raam ko ishwar ko..vo dayaalu to vivek dene ko sadaa tatpar hai…phir se gaandhiji bach nikale..

baahya sukh ki laalach se manushya itane aakraant hai.. is se bachakar andar kaa asali sukh ki praapti me saath dene ko, vaibhav kaa dhani banaane ko ishwar to sadaa tatpar hai, lekin bhagavaan ki sattaa me vishwaas me bhi manushya dagumugu ho jaataa hai to vivek kho diyaa.. to bachaa kyaa? karm ki aisi gati hai ki der-saber karm kaa phal bhoganaa padataa hai..

sadanaa tirth yaatraa ko nikalaa thaa…

pahele jamaane me hotel aadi nahi thaa, to kisi ke atithi banate raat gujarane ke liye…sadanaa bhi kisi ghar kaa atithi banaa..pati adhed umar kaa, patni yuvati thi..madhyaraatri ko sadanaa ko jagaayaa,boli, ‘hum ne tujhe is liye thaheraayaa ki, ye aadmi budhdaa hai, mere gale lago’ aadi halkat baate kahi..

sadanaa bole, ‘bahenji kyaa kaheti hai! mujhe jagannaath ji ke darshan lenaa hai…’

boli, ‘saath me chalenge..bhakt-bhaktaani bankar’

sadanaa bole, ‘nahi, mera vivek manaa karataa hai..’

boli, ‘mai samajh gayi, abhi teraa Dar mitaati hai

vo gayi aur sote huye pati ko usi ki talwaar se gardan kaat ke sadanaa ko laa ke dikhaayaa..

‘lo!ab Dar khatam! chale is ko gaad ke hum bhakt-bhaktaani ban ke jagannaath ji ke darshan  karenge..’

‘chal ri thugani,machal machal ke mujhe naa thug,tere haath kabiraa naa aawe’ kabir ke aage jaisi naachanewaali veshyaa ko kabir ji ne kahaa thaa, aise sadanaa us kulataa ke kahene me nahi aaye to sree ko kaam sataaye to sree kaa krodh kyaa kar detaa dekho..us kulataa ne apanaa blouse phaad diyaa aur jor se chillaayi.. ‘bachaao!humaari ijjat lut rahaa mere aadami kaa galaa kaat diyaa..’

logo ne pakdaa, raajaa ke paas le gaye..raajaa ne aadesh diyaa aisaa bhakt ke rup me daity humhaare jail me bhi nahi rahegaa..is ko haath kaat ke raajya ki seemaa ke baahar jungle me jaganaath ji ke raaste daal do…

rote rote sadanaa jagannath ji ki yaatraa karate rahe.. bolate bhagavaan, maine to koyi ku-karm nahi kiyaa, phir bhi ye sajaa to kaun manegaa dharm ko?kaun pujegaa tum ko?bhagavaan ko pukaarataa  phir bhi chalate jaataa…pairo me kaate chubhate , haath kate hai.. pair saaph nahi kar sakataa..jab ati ho gayaa to bolaa, ‘hey prabhu ab itani dayaa karo ki doli karaa do to teraa darshan karu!’

sachche dil se bhagavaan yaad aaye to prarthanaa karate karate chup ho gaye to pakkaa bharosaa kar ke chup ho jaaye to vo ghatanaa ghatati….raajaa Rudr-pratap udisaa ke raajaa the..un ko swapnaa huaa aur unho ne aadesh diyaa ki haath kate huaa yaatri aa rahaa, us ko jagannaath bhagavaan kaa darshan karaao vishesh atithi kaa darjaa dekar… jaise mujhe cheif guest banaa diyaa, aise ban sakate..

sadanaa bole, ‘hey jagannaath itani dayaa ki! nirdosh hote huye bhi haath kate tab kahaa gaye the? aisaa karate karate bhaav me aa gaye..

bhaav grahi janaardan!

sant ke hruday ke bhaav, maa baap ke andar santaan ke shubh hone kaa bhaav ho to bhagavaan bhi aise bhaav ki kadar karataa.. vo janaardan hai.. anek rupo me parameshwar hai ..

sadanaa kaa vahaa hi dhyaan lag gayaa ..to  kyaa dekhaa ki… pichhale janam me sadanaa saadhu thaa, jhopadi ke baahar baitha thaa, sadhanaa kar rahaa thaa ..dubali patali gaay ko dekh liyaa.. gaay ki hatyaa karane kasaayi pichhe padaa us ko bhi dekhaa..gaay saamane se gujari, kuchh hi kshan ke baad kasaayi aayaa..us ne dur se aawaaj di, ‘ye mahaaraj gaay ko pakado’ gaay saamane se gujar rahi thi, saadhu daudaa..dono panjo se gaay ko rok liyaa kasaayi ne us ko bismillaa kar daalaa… vo hi gaay sundari aur kasaayi us kaa pati banaa is janam me, jaise gaay ki gardan kasaayi ne kaati aise usi baai ne pati ki gardan kaati.. ‘ek haath le, ek haath de’ ye niyam hai.. apane haatho ki janjeer banaa ke rokaa thaa,is liye tumhaare haath kate… is me mai kyaa karu?bhagavaan ne sadanaa ke aage puri kahanai rakh di..

karm ke phal bhogane ke liye hi jeev janamataa marataa hai.. sukh dekar sukh bhogataa aur dukh dekar dukh bhogataa hai.. mere darshan karane aate mandiro me to mere darshan kahaa hote? murti ke hi darshan hote! aart bhaav se prarthanaa karate to sadanaa ke liye doli bhej di… sadanaa ki dhyaan se aankh khuli..

bole,  ‘tum dhany hai prabhu jagannaath!tere dar pe  der hai, andher nahi bolate..lekin tere dar pe to der bhi nahi aur andher bhi nahi… jay Ho jagannaath parbhu!majhyaa viththalaa..pandurangaa… kate huye haatho se bhagavaan ki jayjaykaar karane lagaa sadanaa…to dono kate huye haath bhi  ubhar aaye!

ishwar kaa savvidhaan a-kaaty hai, jhuthalaa nahi sakate.. paap kat jayenge to bhi punya kaa phal sukh samrudhdi banegaa.. lekin paap kaa kuchh naa kuchh phal to bhoganaa hi padegaa.. dukh kaa prabhaav cum ho jayegaa, lekin dukh ki chot cum hogi lekin dukh nasht nahi hogaa…jaisaa 100 aam ke ped lagaaye, aur pados ke logo ko kaante chube isliye 50 ped babuk ke lagaaye to aam dene kaa sukh aur kaate bone kaa dukh dono bhogane padate, aisaa nahi ho sakataa ki bhagavaan hum ko 100 ped aam ke sukh se 50 babuk ke kaate bone ke dukh minus kar do ..bhagavaan bolenge, ‘nahi, kaato kaa phal aur aam kaa phal dono lo!’

isliye koyi dusht karm naa karo.. dukh kartaa ko us kaa phal milataa jarur hai..

sukh ki laalach huyi to ‘hey naath! hey prabhu!bachaao’ kar ke pukaaro… dusare ke saath ku-karm karane se bachaao… prabhu mai teraa hun,tum mere ho… apane huq kaa jo  nahi, us se mujhe bachaao.. naa dekhane jaisaa dekhane se mujhe bachaao..hey naath naa khaane jaisaa  khaane se bachaao… vo anaatho ke naath aap ko jarur vivek denge..dayaalu bhagavaan satsang denge..

binu satsang vivek naa hoyi

shit, ushn, thandi, garami, sukh, dukh, maan, apamaan ye sab aane jaane waalaa hai; tum sadaa rahene waale ho… in ko pasaar hone de..

bhaarat me jo sanyam se rahetaa un ki rog-pratikaarak shakti abhi bhi badhiyaa hai.. aisaa jal-vaayu jaisa aaur kahi nahi…yahaa ke gyaan ko koyi bhi aatmsaat kar sakataa.. yahaa ki sadako pe driving karanewaalaa jagat me kahi bhi driving kar sakataa hai..lekin baahar ke deshwaale humhaare desh me drive nahi kar sakate…20 karod ke mahel me sukhi nahi,lekin bhaarat kaa garib bhi,phutpath pe rahene waalaa bhi sukhi dekhaa jaataa hai.. ..abhi bhi kayi jagah sasu-bahu saath me raheti..

mecaline ne bhaarat ke logo ko gulaam ke janjeer me baandhane ke liye parlment me bhaashan diyaa thaa…bolaa ki, abhi bhi bhaarat me maa baap kaa aadar karate, sajjan santaane hai, purush sadgruhasth hai..wahaa  bhikaari nahi dekhaa..dusare kaa shoshan nahi karate..maa baheno ko ijjat se dekhate.. is hindusthan ko gulam banaanaa imposible hai… hindusthaan ko kaise todaa jaaye is kaa upaay khoje ki dharam me se shradhdaa hataayaa jaaye to yahaa schoole khol kar bhaaratwaasiyo ki dharam ke prati a-shradhdaa badhaaye…. gitaa sachchi nahi..raamaayan kavi ki kalpanaa hai.. ved nahi hai.. isliye angreji me padhe logo me dhaarmik aasthaa cum hai.. pant-shirt pahano.. bole, ‘sadaa rahenaa,uchh vichaar’ ye dehaati log hai bol kar humhaare bhaaratwaasiyo ki maansikataa badal di… humhaari santo ke prati a-shradhdaa, humhaare shaashro ke prati a-shrdhdaa, humhaare gyaan ke prati a-shradhdaa badhaaye..

vo bolate pahele pruthvi bani, phir 3 din ke baad suraj aur chandaa bane..to un ko prashn hai ki jub suraj chandaa hi nahi the to (3)din-raat kaise huye? din raat kaise dekh liyaa binaa suraj chandaa ke?aur  pruthvi kaun se raw material se banaayi? kapol kalpanaa chalaate pruthvi bani , phir 3 din ke baad chandaa suraj bane, phir samudra aadi aur us me jeevjantu bane..phir machh kachh bane.. un me se devlopment hote hote bandar bane..aur bandar me se hum manushy bane…to meraa prashn hai ki  bandar me se abhi manushy kyu nahi banate?aur machh kachh me se abhi bandar kyu nahi banate? koyi jabaab nahi…!

majhabi granth me likhaa hai isliye maan lo bolate! saatvik tark se baat saty ho to maan bhi le…majahabi granth me likhaa hai, isliye maan lo ye mat panth majhab hai.

Ved kisi mat panth ke nahi… hindu dharam kisi pir-paigambar ne nahi banaayaa yaa kisi ishwar ke bete ne bhi nahi banaayaa… bhagavaan Raam ne bhi nahi banaayaa aur bhagavaan Krushn ne bhi nahi banaayaa… hindu dharm ki mahattaa aisi hai!

ki Vedo ke gyaan me likhaa huaa thaa aisaa yagy kiyaa rushi ne to yagya me se saakshaat agni dev khir kaa katoraa laaye..khir ke prasaad se raam, lakshman, bharat, shatrughn huye..to  bhagavaan raam ji ke pahele ved hai, ye sidhd hai , evidance hai..vaidik sankruti shrikrushn ne bhi nahi banaayi…bhagavaan shrikrushn hindu dharam me pragate… jagdambaa, sati saavitri, samarth raamdaas hindu dharm me ho gaye..

humharaa bahu-aayaami dharam hai.. manushya ki maansikataa hai ki variety pasand karate.. jis dharm me devi devataa ki upaasanaa nahi hoti vo dharam kangaal hai.. isliye wahaa mahaapurush paidaa nahi hote..

amerikaa me mujhe wahaa ke patrakaaro ne prashn puchhaa thaa  ki, ‘bhaarat me maayiyaa satsang sunati phir kyu ladati hai?’ tedhaa sawaal thaa, to maine tedhaa jabaab kaa majaa liyaa..asali jabaab to ye tha aki pahele 100 baar ladati hongi to satsang sunane ke baad 50 baar,30 baar,10 baar aise ladaayi jhagade bhi cum ho jaate…maansikataa unchi ho jaati hai… lekin patrakaaro ko mai bolaa ki, ‘bhaarat ki maayiyaa satsang sunati to maayiyaa clubo me nahi jaati, daaru nahi piti, par purusho se naachati nahi,  laali-lipstick nahi lagaati.. smoke nahi karegi..yahaa to saasu bahu ek din bhi saath  nahi rahegi, lekin bhaarat me varsho se saath me raheti aisi kayi saasu bahu hai..nanando ke saath gujaaraa karati aisi bhaabhi hai..jethaani deraani saath me raheti aisi bhaarat me udaarataa hai..abhi bhi bhaarat ki maayiyo kaa meljol waalaa swabhaav hai.. udaar charitra hai..ye satsang sunane kaa hi to prabhaav hai..’

OM SHAANTI.

SADGURUDEV JI BHAGAVAAN KI JAY HO!!!!!

Galatiyon ke liye Prabhuji kshamaa kare….

Advertisements
Explore posts in the same categories: Pujya Bapuji

One Comment on “Charitra Bal,Vishwaas aur Vivek”

  1. shrikant pandey Says:

    Thanks for the satsang Amrit


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: