‘Om Namah Shivaay’ Mantr ki mahimaa

12Feb.2010 ; Mahaashivraatri Nashik Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

jis ke jeevan me gitaa kaa gyaan hai, satsang hai, satshaashtr hai, shiv tatv  kaa gyaan hai us ke jeevan me marubhumi bhi laheraati gangaaji ho jaati hai… chitt ki rasdhaaraa ban jaati… kantak bhi phulo ki khushabu dete hai…mastak kaa mahatv hai,lekin hruday ki shradhdaa kaa jyaadaa mahatv hai.. vo dhanbhaagi hai jin ke hruday me prabhu ki shradhdaa hai.

shradhayaa sadhate sarvam..

aap logo ki shradhdaa  kaise duadaa ke le aayi mujhe yahaa haridwaar se!..

10 baje chal pade the…2 baje ke pahele tumhaare bich aa gaye…ye shradhdaa kaa bal hai!

shardhdaa dil me raheti hai…vichaar dimaag me rahetaa hai…shradhdaa vihin vichaar jagat ke vitark se high bp/low bp me phas jaate.. vichaar vaidik gyaansanyukt nahi ho to bam(attom bomb) banaate.. itane bam banaaye ki saari pruthvi ke log 8 baar mar ke phir se mar sake aise ghaataki saadhan banaanaa band nahi huaa hai..manushy me sneh, bhaichaaraa, vishwaas hotaa to bam banaane par rok lagati.. garibo ke aasu ke jagah prem sarita baheti hai..

5-5 ghante laakho laakho aadami is prakaar intajaar kar sakate to is kaa yash gitaa ke gyaan ko, sant aur satsang ko, aur samaaj tuk pahunchaane waali samitiyo ko ye yash jaataa hai..

amerikaa kaa doller mashahur hai, kuwait kaa petrol mashahur hai,lekin man prasann, budhdi me budhdi daataa kaa ras jagaane waale bhaarat ke sant mashahur hai!

5 devo ki upaasanaa ganapati, shakti, sury , bhagavan vishnu yaa un kaa koyi bhi avataar aur shivji in 5 devo ki upaasanaa me adbhut saamarthy, preranaa aur vikaas ki kunjiyaa chhupi hai…in devo me se kisi dev ki upaasanaa karate to der saber vo devataa aatmshiv me jaane ki , jo in paanch devo kaa bhi mulswarup hai- jo un kaa antaraatmaa hai udhar jaane ko prerit karegaa …jagrut me kare, swapne me kare yaa kisi nimitt kare…

shiv ji prasann ho gaye to sant ke satsang me bhej dete hai… bhagavaan ke liye 4 kadam chalate to chalane waalaa bhul jaaye lekin sant aur bhagavaan bhulate nahi… dersaber us ko param pad ki praapti me adhishtit kar deti hai.

to bhagavaan tumhaari sharan kaise le? kahaa hai aap ki sharan?aap  mandir me baithe hai? hum daadhi baal badhaaye tab aap ki sharan hai? mundan karaa de ki murti ke pair pakado to aap ki sharan hai?

bhagavana kahete hai :

tvamev sharanam gachh sarv bhaaven bharataa

tat prasaadan param shaanti.. sthaanam prapti shaashwatam..

bhagavan ke sharan aaye to sukh hi sukh hai..sukh mitataa nahi aur dukh tikataa nahi ..

agar shaanti nahi,shradhdaa nahi to aisaa mastak waalaa dukh banaayegaa..nandanvan me marubhumi dikhaayegaa..compitition banaayegaa..

shradhdaa waalaa ras banaayegaa marubhumi me bhi saritaa laheraati hai…kaanto ko bhi suwaasik phulo ko khilaa detaa hai…patjhad me vasant kaa didaar karaataa hai..

sant naamdev ko pakadaa aur bole hindu dharm chhod de , humhaare dharam me aa jaao..naamdev ji bole, meraa hindu dharm mahaan hai.. to naamdev ji ko hathkadi janjeer se jakad ke le gaye aur bole, ‘ye mari huyi gaay jindi karo …shaam tuk jindi nahi huyi to talwaar se shirochhed kar denge’  naamdev to viththal ki marji se hogaa soch ke shaant rahe.. viththaal ki bhakti aparampaar hai…. marane ki ghadiyaa najdik aane lagi…sharir maregaa , mai to amar aatmaa hun…ye sab swapnaa lagaataa us ko jaananewaalaa meraa apanaa hai.. bole,  abhi pataa chalegaa… sury dhalaa..naamdev ji ko preranaa ho gayi.. gaay pe paani chhitakaa aur bole, ‘hey gaay maataa utho’ to gaay khadi ho gayi…

‘tobaa tobaa’ karate padaa naamdev ji  ke charano me!

aisi bhaarat ke santo ki mahima ahai..aisaa bhaarat kaa mantr vigyaan hai.. aatmshiv me vishranti paane kaa mahaadwaar hai..ek praher aatmsukh me shant hone se nirog, nischint, aalhaadit, aanandit hote…jin kaa darshan paakar , pravachan sunkar aap shaanti kaa anubhav karate ve sant bhi param tatv me shaant hokar vishranti paakar samaarthy paate.. vo hi aatmshiv hai…

shivratri se badhakar tap nahi.

hajaar ashwmegh yagya sekado baajpeyi yagya  kar lo phir bhi vo laabh mile us se bhi  bhagavat prasaadajaa mati denewaalaa satsang sab se badhkar hai..

shivraatri ko ‘om namah shivaay’ mantr 108 pure rudraaksh ki maalaa se jap kare to kayi laakh gunaa phal hotaa hai.

mantr ko vidhi ke saath sankalp kar ke jape to adhik laabh hotaa hai.om namah shivaay mantr kaa rushi, devataa,shakti klim kyaa hai ye jaan lo aur us ko bolakar sankalp kar ke japo .

ath om namah shivaay mantr

prakruti chhand

vamdev rushi

ishaano devataa

om bijam

namah shakti

shivaay klim

om namah shivaay mantr hum is liye japate :

“hey prabhu hum gyaanheen, kriyaaheen hai,uchit anushtaan ke binaa kaa hai… hey prabhu mujhe unchi shradhdaa dijiye …uchit sujh bujh aur aap ki priti paane ki uchit vidhi dijiye…” is uddesh se jap rahe humhare sanklap ki purti ho.to mantr ki shakti kaam degi.

1) shaniwaar ko 1 maalaa ‘om namah shivaay’ kaa jap kar ke dono haatho se pipal vruksh ko sparsh kar ke prarthanaa karane se akaal mrutyu se bachegaa.kuchh shaniwaar tuk aisaa kare.

2) ‘om namah shivaay’ mantr surydevataa ke samaksh jal me dekh kar 108 baar jap kare, sir dhakaa rahe.. aisa ek mahinaa kare to pet ke saare rog dur hote.

3) ‘om namah shivaay ‘ mantr kaa 11 baar yaa 21 baar mantrochaaran jaap kar ke paani piye,yaa ann khaaye to us ke bhojan me shudhdi hoti hai.mati, gati, naadi ka jaal shudhd hotaa hai.

4)sury ke samaksh paani me sparsh kar ke 100 maalaa jap kare aur us snaan kare to sabhi rogo ko mitane ki shakti jaagrut hoti hai.sury ke samaksh baithe to sir dhakaa rahe,sir pe dhup lagane se budhdi, smruti cum hoti isliye.

5) jo nadi saagar me milati hai us nadi ke taT par baithkar , surygrahan me yaa chandrgrahan me us nadi ke tat par baithkar ‘om namah shivaay ‘ kaa 108 baar jaap kare aur grahan ke baad  braamhi kaa ras piyegaa to budhdi khulegi.. sarswati kaa praagaty ho jaayegaa, itanaa budhdi khulegaa.budhdi medhaavi banegi.baalako ke liye bahut achhaa hai.

6) ‘om namh shivaay ‘ kaa 100 maalaa jap kar ke havan kare, us me palaash ki 1000 aahutityaa di jaaye to sabhi vighn baadhaa dur honge aur kaamanaaye purti hogi.

7) ‘om namah shivaay’ mantr kaa jaap 108 baar pani me dekhe aur us  paani se snaan kare prasannataa aur puny praapt hotaa jaise tirth me snaan karane se laabh hotaa hai.

8) 5 laakh baar ‘om namah shivaay’ mantr kaa jap hotaa to shiv pad ki praapti hoti.vaayu ko jeet lete.. man dabbu nahi hogaa..

9) ‘om namah shivaay’ mantr ke 10 laakh  jaap honge to bimaariyo se bachenge.

10) aur 5 laakh mantr jap honge , arthaat 15 laakh jap honge to to 5 indriyo ke jaher ko jeet lete.indriyo par sanyam karane me saphal ho jaate.

11) chauthe 5 laakh mantr jap honge arthaat 20 laakh ‘om namah shivaay’ mantr kaa jap huaa to pruthvi, jal, aakaash tatv par vijay ho jaayegaa.

jaise kabir ji pani ho gaye aur gorakhnaath mendhak ho gaye aisi sidhdi praapt ho jaati hai.

12)agar 24laakh ‘om namah shivaay’ sidhd purush hokar puje jaayenge.aap ke  naam ki maanataa maanegaa koyi to puri hogi aisi  punyaayi kamaa hogi.

13) ardhraatri me waataavaran shaant hotaa hai. aise shaant waataavaran me 100 maalaa ‘om namah shivaay’ kaa jap kare to bramh paramaatm ki praapti hogi. bramh sidhdi prapt hogi.madhy raatri ko roj karanaa hogaa , jab vaayu shaant ho, koyi dwani naa ho to shiv paarvati ke darshan ho jaate… kewal 1 lakh jap se..5din me ho jayegaa.

shivratri kaa mahaaparv ki aisi alag dhaaraa hai.. shivraatri shaakto vaishnavo ko sabhi ko eksaath lekar aatmshiv ke vaibhav me  le jaati…

aaj kaa din maun upwaas bhajan jagaran kaa hai… vayu ki taklif ho to ek liter paani ubaalkar 750 gram kar ke vo paani piye to thik hogaa…ghutane ke liye liye bambam kaa savvaa laakh jap karo.

achche vichar ko jaldi kare bure ko baad me rakhe ..us ko samay khaa jayegaa.

pashu vo hai, jo phande se ghasite jaate.. kabhi naak se sugandh, kabhi drushy me atake, kabhi kamvikaar me chipak pade aise indriyo ke sukh ke pichhe ghasite jaate ve hai pashu..aur aise pashu ke bhagavaan hai pashupati swaami… pashu ke liye achhaa chaaraa hai phir bhi jis kisi ke khet me jayegaa to dandaa khaayegaa…to manushy ko pashuvat banaanewaale indriyo ko swaami hai bhagavaan pashupati.. bhagavaan shiv kaa naam hai pashupati…un ki upaasanaa, un kaa chintan, un kaa  updesh jeev kaa param kalyaan karane me, shiv tatv ko jagaane me saksham hai..

musibat aati , vighn baadhaa aadi aati hai to apane saath param suvidhaa ko laati hai…kisaano par kaisaa vajrapaat ho rahaa thaa,lekin ab  ganne kaa bhaav badh gayaa..sab tanaatan ho gayaa! andhiyaari raat aayi to prabhaat ki khabar hai..

mar me amar ke darshan

nashwar me shaashwat ke darshan

maut me jeevan ke darshan ho jaate..

shiv maane kalyaan … kisi ko jalaa ke aate to nahaaye bagair ghar e nahi jaate, lekin shiv ji chitaa kaa bhasm lagaate to pavitr maani jaati, gale me sarp vaibhav ho jaataa, mundo ki maalaa shobhaa deti hai…to ye shiv ji kaa a-shiv ke gaherayi me bhi sarveshwar ki chetanaa aur amarata kaa sandesh hai.. mar me amar-taa kaa updesh hai…

agar aatm shiv ko paane ke uddeshy se shiv pujaa, stuti karate to param shiv ko paane se badhakar koyi uphaar nahi! is sansaar ke klesho se bachate,ladate haaraa hun… aap ke mantr kaa ashray le rahaa hun… tum mujh par prasann ho..hey  antarayaami dev,jo sabhi ke hrudayo me baithe ho…aap hum par  santusht ho..gyaan drushti prapt kar ke sukhdukh me sam, laabh hani me sam rahu.. sansaar ke taapo se bachakar purn yatraa kar ke aap ke punya swabhaav ko praapt karu..aisi krupaa ho hey mahaadev…

shivdharm 5 prakaar kaa hai – satvik aahaar, upwaas, bramhchary,sharir aur man se shudhd , patipatni kaa aakarshan nahi to saphal honge…  dusaraa bhagavaan ki prasannataa ke liye pujan-archan kare,shiv mantr kaa jap kare,to shiv swarup kaa gyaan hotaa hai.. shiv ji aatmshiv hai…a-shiv  ko bhi shiv banaate hai mangalmay banaate hai…chitaa me, murde me bhi shiv tatv hai.. tabhi to murdaa phulataa hai… dukh sukh ki khaayi se nikaalanewaalaa gyaan kaa najariyaa jeevan me shiv hi shiv laayegi..

kuchch divyataa hai jo laakho laakho aadami satsang me aate..bhakti ras me nahaate..ye rang laayegaa…ghrunaa ko prem me badalegi.. ye shiv vaataavaran bharat se hi chalegaa… kaali andhri raat ke aandhi tuphaan ke baad subah ki suhaavani bahaar laayegaa…bhaarat vishwguru thaa, hai, aur ho ke dikhaayegaa..

prabhu ke diwanoo ko kuprachaar kar ke jhuthlaaye nahi jaate

kadam rakhate aage to lautaaye nahi jaate, aur naye aate hai !

mahaaraashtr ke bhakto ke dil me aur saare desh ke bhakto ke dil me  ved sammat prem bhavanaa hai.. eknaath, naamdev, tukaaraam samarth kaise kaise premaavataar diye hai is bhumi ne…abhi bhi divyaatmaa de jo tute dilo ko jode, ujadi bagiyaa ko sundar kare, marubhumi me prem ki saritaa bahaa de, doshaarop ki aandhi se bhaav ki bhaagirathi bahaa de… kalah ke kuchakra me sneh ki saritaa bahaa de… hey maharastr ke bhumi! hey aatmadev… shivswarup… mahaaraashtr ke log paidal chal ke aate ahmdaabaad.. gurudwaar ke darshan ke liye aate….naa jaane kyaa shradhdaa kyaa bhagavat prem bharaa hai in ke hruday me!daude daude chalaa aayaa.. shivraatri ujjain me dete the,lekin  mahaaraastr ki  shradhdaa se shivratri naashik me ho rahi aur uttaarayan ujjain me de daali..

uttaraayan bhi gajab ki huyi! ye deshvaasiyo ki tapasyaa rang laayegi… srushtikartaa ka dil dravit karegi… bhagavat chintan, bhavat  smruti aur bhagavat shaanti ke sankalp ko bal deti hai.. haari baaji ko jeet me badalati hai!vair ko priti me badalati hai! maut ko  mukti me badalati hai…!

maran dharamaa sharir me amar aatmaa ki khabar dene ko saphal kar deti hai ye bhaarat ki shaanti.. hey sukhswarup shantaatma shiv… a-shaanti to man me, tan me aati hai..aap to shaantswarup jyu kaa tyu hai prabhuji! pyaare ji!

madhur shaanti.

om tam namaami harim param

om tam namaami harim param

om tam namaami harim param

OM SHAANTI.

SADGURUDEV JI BHAGAVAAN KI JAY HO!!!!!

(Galatiyo ke liye Prabhuji kshamaa kare…)

Advertisements
Explore posts in the same categories: Pujya Bapuji

3 Comments on “‘Om Namah Shivaay’ Mantr ki mahimaa”

  1. Lone jeewak Says:

    “Hari om” maine abhi tak dheksha nahi lee hai.
    Dheeksha lene tak kaunse mantra ka jaap karu?
    “Mantra jaap mahima” is pustak mei diyewale mantro mense kis 1 ka chayan karana hoga? krupaya muze avashya bataiye.
    kya muzu Bapujinke darshan prapt honge?

    • HariOm Group Says:

      Hari Om ,
      aap ko bhagavan ka jo bhi naam(mantr) sab se achchha lagataa ho, us mantr ko aap pritipurvak Pujya Bapuji ka sumiran karate huye japanaa shuru kar dijiyegaa..Sadgurudev ji Bhagavan aise dayaalu hai ki jaldi hi aap ko diksha bhi mil jaayegi .. un ke paawan darshan aur amrut vachano ka labh bhi aap ko awashy hoga..
      aap ko bas apani shradhda aur vishwas drudh rakhanaa hai.baki sab sadgurudev ji Bhagavan par chhod dijiyegaa.phir dekhiyegaa jeevan kaisa aanand mangal se susajjit ho jata hai.. 🙂


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: