Mahaashivraatri Parv Ki Badhaayi

11Feb.2010 ; Haridwaar Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

shiv hi guru hai..
guru hi shiv hai..

om namah shivaay
om namah shivaay

paawan shivraatri aayi hai
gurudarshan kaa awasar laayi hai

om namah shivaay
om namah shivaay

is baar shivraatri kaa parv 2 jagah me honge…Haridwaar aur Nashik…kal subah 11.30 ko nashik pahuchenge..wahaa bhi kumbh hai.

shivraatri ko mantr japane se laakh gunaa phal hotaa hai.. maun rahe…aur jap ke arth me leen ho kar jap kare…

holi, diwaali, mahaashivraatri aur janmasthami ye 4 mahaaraatriya ahai.. 28Feb ko holi hai..dhyaan denaa… 28 Feb aur 12 Feb….ek mahine me 2 parv aaye hai…mantr ke sidhdi waale dhyaan de…in dino me  bramhachary, maun bahot laabhdaayak hai.. nimbu paani 1 glaas gungunaa, 25 tulasi ke paate kaa ras, ek bili patr ka ras shahed ke saath pee lenaa…tumar, cancer heart aatack nahi hogaa..

guru geetaa padho aur paani me dekho..vo paani ghar me chhaato to ghar me kalah ho yaa koyi aisi waisi baat ho to sab thik ho jaayegaa..go-jharan se nahaao, paap naashak urjaa milati hai..gomutr me jau, til kaa uptan kaa ghol banaa ke us se snaan karo,  maine kiyaa to  chamak badh rahi hai..! 🙂

mahaashivaraatri ko mantr kaa jap karate to aur dino ke apeksha laakh gunaa jyaadaa prabhaavshaali hotaa hai..

ghutane me taklif ho shivraatri kaa kadak upwaas kare..25 tulasi kaa patto kaa ras+thodaasaa nimbu+gungune paani me shahed daal de piye…thodi der om namah shivaay jap kare aur savvaa laakh bam bam kaa jap kare to jo mudate nahi wo ghutane mudane lagenge…

shiv raatri ki raat vardaan hai.

sajjano ke hruday me paropkaar karane se shaktiyaa jaagrut hoti hai..sanyam sampatti hai..sukhdukh sam rahena sampatti hai kaam vikar se bachanaa ye bhi sampadaa hai.. sumati badi sampadaa hai, kumati hai wahaa aafate aati hai.. paropakaar vo hi kar sakataa jis ne sharir, man ko sanyamit karane ki kalaa sikhi hai…

sharir, man, budhdi humhaare nahi hai, hote to humhaare kahene me chalate ..hum nahi chaahate to bhi sharir budhddaa hotaa,bimaar hotaa to humhaare kahene me nahi chalataa…. man bhi nahi chalataa, maththaa pachchi karataa rahetaa ..man, sharir me jo aataa,jo bhi  uthal-paathal hoti us ko jaananewaale hum hai!

man tu jyotiswarup apanaa mul pahechaan l

krodh aayaa hai, to saawadhaan rahe ki is kaa gulaam ho jaau yaa is ko hakaal baahar karu?… achhe vichaaro ko turant amal me laao aur  bure vichaar se milo mat, lado mat, kayi saadhak bolate ki jap dhyaan kartaa to bure vichaar aate, to kacharaa nikalanaa shuru hotaa..

bich bich me hari oooooooooooooooommmmmmm aisaa lambaa uchchaaran kare…

“h”  aur  “m” ke bich man shaant hotaa..aatmaa ki chetanaa 5 shariro ko shudhd banaayegi..ye jo sharir hai vo aan-may sharir hai, is ke andar praan-may sharir hai, us ke andar vigyaan-may sharir hai, us ke andar aanand-may sharir hai aur us ki gaheraayi me paramaatm sattaa hai!

subah uthate to paheli kshan me mai kaun hun ye chaityany ki satta se pataa chaltaa hai…

jis paramaatm ki satta se hi ye jad maayaa kaa sharir ‘sat’ jaisaa lagataa… mahtatv me vrutti aati to pataa chalataa mai phalaani jagah par hun… mai phalaanaa hun… itane baje honge… roj aisaa hotaa…

to roj raatri ko sone ke pahele thodi der hari om kar ke kamare kaa vaataavaran bhagavat-may banaao ..purab yaa dakshin ke aor sirhaanaa kar ke sidhe let jaaye… shwaas andar jaaye to om, baahar aaye to -1 , shwaas andar jaaye to raam..baahar aaye to-2, shwaas andar jaaye to shanti baahar aaye to -3 aise shwaasoshwaas ginate huye so jaaye to yog-nidraa me gati hogi..

subah aankh khulegi to jo ‘mai’ ke  mul me hai wohi hai bhagavaan hai… “mai paramaatmaa kaa hun, paramaatmaa mere” bol ke usi me shaant ho jaao…

aap kaa shayan sudhar jaaye,subah kaa uthanaa sudhar jaaye…

shiv kalyaankaari hai..man budhdi kaa kalyaan karane kaa saadhan detaa… vo hi aatmdev shiv hai… is prakaar chintan kar ke pavitr hokar pavitr ki araadhanaa karo..

aatm dev a-sang  hai, us ko koyi sang ka rang nahi lagataa…shaadi se pahele,shishya manane ke pahele kaise man thaa ..ab aisaa nahi lekin us ko jaananewaalaa paramaatmaa jyu kaa tyu hai!

hariiiiiiiiiiii ooooooooooooooooommmmmmmmm

ek paropkaari saadhu mathuraa me rahete… saadhak the, sidhd nahi huye the…koyi kabhi daan detaa to ve asharfi banaa lete, prayaag ke

kumbh me saadhuo  ko bhandaara karungaa soch ke ikaththaa karate…vo paidal kaa jamaanaa thaa…dedh-sau ashrfiyaa kaise uthaa le?kayi jagah ghar ghar me rukanaa padegaa… raat bitaani padegi…to saadhu ne ek baans ki lakadi kaa dandaa banaa liyaa.. us pole me dedh-sau ashrfiyaa bhar ke dhakkan jamaa diyaa… haath me vo dandaa le ke chalate..saath me rakh ke so jaaye..usi tarike se jaayaa karate…

sadhu mahaaraaj ko prayaag pahunchane tuk kayi jagah rukanaa padataa…ek raat baniyaa ke paas ruke..baniyaa sadhu ki sewaa to karataa lekin santaan ke liye..us ko santaan nahi thi to baniyaa santaan kaa bhagat thaa…koyi  waahwaahi ke bhagat hote…koyi satta ke bhagat hote…koyi virale hote jo bhagvaan ke bhagat hote..baki to saare swarth se hi sewaa bhakti karate…

to baniyaa sadhu ki aisi champi sewaa kare ki sadhu so gaye… baniyaa ne lathth uthaayi ki baaju  me rakhe..baniyaa chalaakh thaa, sochaa ki baans ki lathth itani bhaari to nahi ho sakati… idhar-udhar se heelaa ke dekhaa…dhakkan nikaalaa…to  dedh-sau asharfiyaa nikali…patni ko baat bataayi..dono ne mashwaraa kar ke ashrfiyaa rakh li aur lathth me kuchch bhi bhar ke  bhaari kar deve ki saadhu ko pataa chal jaayegaa…..kumhaar ke yahaa se thikari laaye aur thikari kaat pit ke baraabar asharfiyo ke vajan jaise kar diyaa…

..subah huyi to  saadhu baabaa jayjay siyaaraam karate huye chalate bane…. prayaag raaj me pahunche..jaise kal shivraatri kaa snaan hai aise prayaag ke kumbh snaan ke ek din pahile pahunch gaye…halwaayiyo ko bhakto ko bulaayaa… bole ki, kal ke liye aisaa aisaa karanaa hai…halwaayi bole, itanaa ye sheedhaa saamaan saamugri lagegaa ..thik hai, le aaye.. shaam huyi to saamaan laanewaale bole, paisaa do baabaa…baabaa andar kamare me gaye …lathth kholaa… to dedh-sau asharfiyo ke badale thikare aaye haath me!

baniyaa kaa hi kaam hai,vo laalachi thaa… mai naadaan phans gayaa…saadhu ne dhyaan kar ke dekhaa to antaraatma ki aawaaj bhi aayi, ki saadhu ne hi ashrfiyaa li hai.. ab logo ko bhandaaraa kyaa karaaye? saadhu kamare se nikalaa prayaag raaj me aatmhatyaa kar di.. sadhu aatm-hatyaa kyaa kiyaa, sankalp se sharir  ko chhod diyaa… kuchh dino ke baad saadhu ke sankalp se baniyaa ke ghar saadhu kaa janam huaa…baniyaa ki itani saari jaaydaad kaa janm-jaat dhani ban gayaa! saadhu ke sanskaar the to vo baalak chup, shaant rahetaa… jyu jyu badaa huaa maa-baap ke aankho kaa taaraa ho gayaa…

har jeev me pichhale janam ki cheshtaa dekhi jaati… meraa betaa bangaali saahdu thaa..vo bangaali baabaa  khub chaawal khaataa..nal guphaa me rahetaa..us kaa  sharir shaant huaa.. humharaa nal guphaa me us se milana ahua athaa…keshavaanand naam thaa un kaa…mujhe guruji ki aagyaa huyi to mai gruhasth jeevan shuru kiyaa…to vo hi bangaali baabaa naaraayan saai ho ke aaye!! bangaali baabaa ki aadate naaraayan me dikhati hai!!..

mere pitaaji mar gaye; jahaa janame hai, mai jaanataa hun..to is janam me bhi  wo hi lakshan, aadat dikhati hai..

naaraayan naaraayan naaraayan naaraayan

..to jeev kaa sharir to chhut jaataa lekin aadate nahi chhutati…shubh-ashubh saari aadate  le ke jaataa jeev… to aadat kaa prabhaav naa

pade aisaa satsang samajh ke aatm-gyan me aaye to bhagavat prabhaav me aayenge ..

saadhu baabaa jo baalak ban ke baniyaa ke ghar paidaa huaa thaa bade ho gaye… sadhu sant ke sanskaar the pichhale janam ke to garib-gurabo  ko khub dhan de deve….baniyaa ko  achhaa to nahi lage….lekin betaa naaraj ho jaaye to bole, ‘nahi mere baap tu de!’..betaa andar se bole , sachmuch me teraa baap hun!

..baniyaa kaa betaa 18 saal kaa ho gayaa… daan pun me khub dhan daulat lutaayaa…betaa itanaa pyaaraa lage ki maa-baap bol nahi sake..

betaa bolaa, ‘prayaag kaa kumbh honewaalaa hai.. mai kumbh me jaaungaa..’

maa-baap bole, ‘teri marji..mangani ho gayi… jaldi jaldi me shaadi karo,sab jaayenge prayaag ke kumbh me…

..maa, baap, laadi leke nikale.. shaadi to huyi thi saadhu ki lekin us ne patni se kaami log sharirik sambandh karate aise saadhu ne nahi kiyaa…phere to phire, lekin aise hi rahe..

prayaag me saadhuo ke liye bhandaaraa kiye to dakshinaa me chaandi ke sikke nahi, sone ki ginni milegi aisaa bhandaaraa kiyaa… prayaag ke saadhu aaye.. pitaa kaa maal thaa, saadhuo ko khub asharfiyaa diyaa.. bhandara khub huaa..kitani asharfiyaa lutaayi ginati nahi…

baniyaa ne baap daadaa ki milkat ikaththaa kiyaa, is phakkad ne om namo naaraayan kar diyaa..!saadhu ne khub kapadaa,kambal, jutaa,chhataa,chappaal,vasra diye sadhuo ko , garibo ko…

baniyaa kanjus to thaa, lekin bete ki khushi ke liye udaarataa kaa sukh milaa lobhi baniyaa ko aur us ko  patni ko..daan ka aanand hotaa hai…sab log bhojan kiye , us ke baad me santo ka prasaad samajh ke baniya ake bete ne ek kaur khaaye naa khaaye tub tuk “aah!” kar ke pet me dard se let padaa..hakim aaye..hakim imaandaar the..hakim bole, ‘samajh me nahi aataa ki rog kyaa hai’

saadhu bole, ‘ye samajh se pare hai!’

saadhu ne maa,baap, laadi ko bulaayaa… baniyaa betaa nahi ho rahaa thaa naa tum ko … isliye saadhu ki champi kiyaa naa? to dekho mai

teraa betaa bankar aayaa … saadhu ki ashrfiyaa churaa liya athaa naa, to dekho asharfiyo kaa badalaa chukaa liyaa…dedh-sau ashrfiyaa

churaayi tum ne lekin dekho tumhaari kitani  asharfiyaa saarthak kar diyaa..aur is laadi ko dulhan banaa ke chipakaa rahe the naa mujhe, to jab mai saadhu thaa to buri niyat se dekhati…jo saadhu ko kaamvikaar se dekhati vo vidhavaa hoti…to vidhavaa  bananaa hi tere bhaagya me hai; maine toteraa  pati ban ke dikhaa diyaa!ab tu bhi vidhavaa ban… aur maa bani hai naa tu is janam meri…lekin pichhale janam me saadhu ki ashrfiyaa churaane me baniyaa ke saath dono ne mashawaraa kiyaa… ab putr mar gayaa isliye dono milkar chhaati kuto..mai to chalaa.. “ooooooooooommmmmmmmm….!” saadhu ne sharir chodaa… sadhu apane sukshm vapu me chal diye…. jap dhyaan karate un ke sankalp me bal hotaa hai..saadhan majbut hotaa ve bandhan se nahi marate.. leelaa kar ke aaye, karm ke bandhan se mukt hone ke liye…

ye kathaa  maa sunaati thi jub hum bachche the tab…. abhi bhi shaashtro me suni ..ye ghatit ghatanaa hai.

1781 kaa snaan thaa prayaag me…vaishnavi devi prayag ke kumbh me snaan karane aayi thi..

vaishnavi devi vidhivat snaan karane lagi to kisi maasik dharm ki maayi yaa kumbh me dhakke maar ke snaan karate aise ashubh sparsh se vaishnavi devi ki aakaash gaman ki sidhdi gaayab ho gayi…yog shakti se sukumaar kanyaa bani aur gangaaji ke paani me kamal ke phul me jaakar baithi…..wahaa ke aachaary  saamant somanaathaachaary jagat guru the…phul par sukumaari kanyaa baithi hai…..somanaathaachaary ne us samay ke raajaasaab ko kahaa…. ‘paani ke bichobich aisaa phul tik jaaye aur uspar sukumaar kanyaa baithi rahe..ye ishwar ki koyi krupaa hai!’

raajaasaab aur somanaathaachaary naav lekar wahaa gaye…phal dudh laaye, baalika khaaye nahi, piye nahi.. shaaligraam kaa charanaamrut hotho me daale..to baalikaa boli.. “chaandi kaa karmandalu laao… kisi vaishnav ko bulaao…

bole, ‘yaha ato sabhi vaishnav hai’

somanaathaachaary ne kahaa mai bhi vaishnav hun..

baalikaa boli, ‘jo purn vaishnav ho’

to purn vaishnav kaise pataa chale? bole, chaandi ke karmandalu me shaaligraam daale to shaaligraam upar hi viraajmaan honge,paani me nahi jaayenge… aise siddh vaishnav koyi aa jaaye to hum sparsh

somnaathaachary bole, ‘hum vaishnav to hai lekin karmandalu me shaaligram taire to nahi hai..bhandaaraa kiye..kitano ko bulaaye..lekin purn vaishnav koyi mile nahi… ab aakhir kisi ko sujhaa ki aisaa chhupaa vaishnav to ek hai lekin us ko sabhi hud-dut karate… to vo baabaa  godadi lekar ke pade rahete..bolate rahete ki, ‘siyaaraam  sab jag jaani’ to un ke paas gaye…bole, ‘guddad baabaa aap chaliye.. vaishnav devi aise vicharan karate kumbh snaan ke liye aayi thi..un ko aakaash gaman ki sidhdi waapas dilaane ke liye aap chaliye…’

raajaa bole chaliye, baabaa bole, ‘hum koyi nahi, hum nahi aate’

..aap aayenge somanaathaachary raajaasaab ne kanyaa ke rup me us ko maanaa hai..maasum kanyaa bolati hai ki vaishnavi devihai..aise aise sparsh ke kaaran aakaash gaman ki sidhdi chali gayi..vo sidhdi waapas dilaane ke liye aap chaliye..aap ki charan raj maathe lagaayi to un ki sidhdi waapas aayegi..’

bahot manaane par baabaa kanyaa ke paas aaye .. kanyaa boli, ‘aap karmandalu me shaaligram rakhiye’

baabaa bole, ‘kaay ko rakhu?hum kyo rakhenge?’

sparsh-a-sparsh se humhaari shakti kshin ho gayi hai…aap ki charan raj lagaa ke meri shakti waapas aayegi..

baabaa bole, ‘hum se nahi hogaa…’

kanya aboli, ‘baabaa mai aap ko prarthanaa karati hun…’

baabaa bole, ‘hum ko le chalogi kyaa go-lok me?’

kanyaa boli, ‘haa baabaa le chalungi’

baabaa dhyanasth ho kar sumiran kiye…bhagavaan vasudev kaa..jale vishnu sthale vishnu…prabhu aap sab jagah ho to is jal me aao…aur ye shaaligraam me biraajmaan hoyiye..’

chaandi ke karmandalu me shaaligraam tairataa dekhaa sabhi ne!

..jayjaykaar huaa!baabaa ki  charan raj lekar us kanyaa ne apane ango ko lagaayi….shakti waapas aayi…to kanyaa aakaash me sthit

huyi..baabaa ko boli, ‘lakadi pakadiye’ kanyaa ke haath me lakadi kaa ek chhor aur baabaa ke haath me dusaraa…sankalp se vaayuveg se

dekhate dekhate adrushy ho gaye….kis rup me kaise gaye, vo jaane..

jis granth me ye baat aayi hai, us ko maine padhaa hai.

laalaji mahaaraj ko hanumaan ji le gaye the… aloukik rushi,muni ke darshan karaaye the…saabarmati ahmadaabaad se 50 km par varsodaa gaav ke tat pe laalji mahaaraj rahete the..laalaji mahaaraj mere mitra the…un ko  5 gandharvo kaa bhi darshan hua athaa.. laalji

mahaaraaj anushtaan me the,baahar chabutare me jap karate the.. to 5 gandharv aaye the… lambe aaye to sadharan the..lekin baad me lambe chaude ho gaye… laalaji mahaaraaj maun me the…to ve gandharv aapas me bolate, ‘maaro is ko, pakado abhi noch do’ … haath lamba kiyaa…itanaa lambaa chaudaa ki un kaa sharir gandharv ke haath me narigi ke tarah pakad le itanaa badaa hatah kar diye!..

laalji mahaaraaj ghabaraaye…..raam raaam raam raam karane lage. …aadami apane bal se itnaa nahi daudegaa, jub dekhega aki pichhe pistol lekar maut khadi hai to aisi taakad se daudegaa ki puri shakti khul jaaye…aise laalaji mahaaraaj bhi puri gaheraayi se, bhaav se bolane lage….raam raam raam raam….kahaa se aisaa bhaav aayaa taakad aayi pataa nahi..aadhe ghante ke baad aankh kholi to dekhaa ki un yamduto ke rup badal gaye the…kaano me karnkundal,sir par mukut devataa jaise dikhane lage…. dekhate dekhate  mitti ke chattaan me ek gandharv ghus gaye…phir dusaraa ghus gayaa ..tisaraa , chuathaa ghus gayaa…jahaa chuhaa bhi nahi jaa sakataa aisi plane chattan thi…paanchavaa gandharv andar ghusane lagaa to aadhaa sir andar aadhaa baahar, ek hath andar ek baahar, ek pair andar ek baahar aise gardan baahar kar ke bolaa, ‘daranaa nahi,hum gandharv hai..tumhaari parikshaa lene ke liye rup banaayaa thaa’….. phir vo bhi usi chattaan me samaa gayaa..gandharvo ke paas, devetaa ke paas aisi shakti hoti hai…is lok ki vicharan ki shakti hoti hai..kabhi bhi kahi bhi saakaar ho sakate, antardhaan ho sakate..

ek raajaa ne vishwas ke mantri ko bolaa ki aisaa mantr khoj laao jo ati vipadaa ke kaal me upyog me aaye.. jab bahot samasyaa se  ghir jaaye; baahya purushaarth se kuchh naa kar sake aise samay maantrik shakti kaam karati hai..to aisaa mantr khoj ke laaye…

raajaa ne kahaa mantri ko aisa mantr khoj ke aaye..baahar se purusharth kar ke bhi koyi samaadhaan nahi ho aisi musibat ke samay kaam aaye aisaa mantra khojanaa thaa.. chaaro taraf dhundh ke aaye mantri ko koyi aisaa mantr nahi milaa..jo bhi mantr bolate vo to sunaa huaa thaa…om namo shivaay to sab ko pataa hai…koyi aisaa vishesh rahasyamay mantr bataao… raajaasaab ke yogya…jo sab ko pataa hai to us me  rahasya to chalaa gayaa ….

mantri dhundhate dhundhate ek pahunche huye  sant ke paas pahunche….mantri bole, raajaasaab ne aadesh diyaa hum ko ki aisaa koyi matr laao jo bahot vipadaa ke samay kaam aaye,jab koyi aur upaay nahi tab ye mantr jape to  samasyaa aisi  bhaage jaise sury ko dekhakar raat bhaagati.. aise mantr de..sant pahnche huye the..dhyaan lagaaye..jahaa se pahunchane ki sattaa milati, usi me pahunche ..usi me shaant huye… phir aankhe kholi…kamare ke andar gaye..ek kaagaj kaa tukadaa liyaa, band kar ke baahar aaye..mantri ko bole, is kaagaj ko koyi khologe to aparaadh maanaa jaayegaa…raajaa ko bole ki, is mantr ko sambhaal ke rakhe… jab kathin samasyaa aaye  to junjhe…phir bhi  viphal hogaa tab pahele apanaa purushaarth lagaaye… haar jaaye tab is band kaagaj ko dekhe to himmat aayegi… atyant aisi ghadi aaye ki ab koyi upaay nahi tab khole…. budhdiman mantri ko achchi tarah hidaayat ki.. us mahatv purn mantr ko mantri ne raajaa ko jaisaa sant ne samjhaayaa thaa, waise baataayaa…sant ki prasaadi maankar raajaa ne us mantr ko sir aankho par chadhaayaa.. band hi band kaagaj ko anguthi me phit karaayaa…

raajaa anguti pahene..dekhe, mere paas ye anuthaa hathiyaar hai..aisaa kaun saa raajaa hai jis ko samasyaa nahi aaye …aur aisaa kaun saa sansaari hai jis ko samasyaa naa aaye…bhagavaan jaise bhagavaan ke maa baap ko samasyaa aayi !

shahenaayiyaa baj rahi..havan ho rahaa hai… kayi braamhan ved sukt padh rahe… kaushalyaa maa dekh rahi..sitaaji vidhi me lage.. raam raajya hogaa.. ekaa-ek kaisaa kaher huaa hogaa! jab mantharaa boli ki raam vanwaas jaayenge… raam ji ke chehare pe shikan nahi.. valkal dhaari, kandmul khaate, laskman paheraa dete, aise nishaacharo ke bich rahete…seetaa ji ke apaharan huaa thaa, lakshman  murchhit huye the..to Raam ji ke jeevan me itani samasyaa aayi.. sansaar me samasyaa raheet rahenaa chaahate ye galati nikaal do..raajaa ko samasyaa aaye junjhe anguthi dekhe aise karate raaja paar ho jaaye…

aakhir budhapa aayaa….bimaari badi samasyaa aaayi…jab dekho tab raajaa ko yaad aataa ki koyi upaay nahi tab kholaanaa..

kholu? phir sant ki baat yaad aati ki jujh sako utanaa jujho… ek baar hi khulegaa..jujhate raho..mahaaraj hakim doctor kaa upaay bhi naa chale…mrutyu shayyaa pe padaa hai… kholu? mantri bole, jarur kholo..

raajaa bolaa, ‘lekin abhi to mrutyu aayi nahi… shwaas to chal rahaa… maut hogi to bhi is sharir ki hogi… anguthi me sant kaa  prasaad aayaa tab se kuchh raajaa ke vichaaro me badalaav aayaa thaa…haar kya maananaa? jeevan jujhane ke liye hai sochataa… tabiyat aur kamjor hone lagi..mantriyo ne kahaa raajan kholo… nahi,  abhi to hun…. hun hun karate praan nikal gaye..mantriyo ne raajaa pahele to kaagaj kholaa kaagaj koraa thaa!kuchh bhi nahi likhaa thaa… kaagaj kuchh de dala tha likhaa kuchh nahi thaa..

kore kaagaj ne bahot kaam kar diyaa thaa…sant ke sparsh huye the to mrutyu ke samay bhi raajaa haaraa nahi… mrutyu hogi to sharir ki aisaa bolane waale sant ko pakad lo to maut bhi aa jaaye to haaroge nahi…

matrupitru-divas kaise manaaye is ki vidhi likhi huyi ye pustak hai..ye pustak apane liye bhi le jaanaa apane pados ke bachcho ko bhi de.. to valentine se jo duraachaar, gandi bimaari ke shikaar naa ho…un ke jeevan me bhi ganeshji ki vishesh-taa divyataa  jarur aayegi.. is pustak kaa vimochan huaa..

jis ke maataapitaa santusht ho gaye, us ne saare tirth kar liye, saare dev puj liye….

aap logo ko shiv ji ki taraf se dhanyawaad hai aap bhi bolanaa:

Dhanyo maataa pitaa dhanyo gotram dhanyom kulod bhav

dhanyaach vasudhaa devi,yatr syaat guru bhaktataa

hari om hari hari om hari hari om hari bam bam bam bam ….

jogi re kyaa jaadu hai tere pyaar me…

mithyaa jag me vyarthy samay naa khonaa

aise me man lagaane par padegaa ant me ronaa

jogi re kyaa jaadu hai tere pyaar me

tere darshan se hi mitate hai dukh rog

priti se jo tujh ko bhajate detaa us ko yog

jogi re kyaa jaadu hai tumhare pyaar me

OM SHAANTI.

SADGURUDEV JI BHAGAVAAN KI JAY HO!!!!!

(Galatiyo ke liye Prabhuji kshamaa kare…)

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: