Shaabaas Uttaraanchal !

10Feb.2010 ; Haridwaar Satsang

****************************************************************

PARAM PUJYA SANT SHRI ASARAM BAPUJI KI AMRUTWANI

****************************************************************

ye Haridwaar kaa sapt sarovar ilaakaa  hai..yahaa sapt rushi tap karate… dhrutraastra bhi aakhari me yahaa hi ruke the… tirth bhumi kaa prabhaav vyas ji ne bataayaa hai..

3 sthaano par Gangaa sthaan kaa vishesh mahatv hai..haridwaar, ilaahaabaad-prayaagraaj aur 3 raa gangaasaagar…

Yahaa Haridwaar me uttaraanchal sarkaar ki sundar vyavasthaa hai…mai dekh ke aayaa 🙂 … sadake, puliyaa achhi banaayi hai…bahaadur hai, shaabaas hai un ko..

naaraayan naaraayan naaraayan naaraayan.

vaayu ki taklif  davaao se dabati hai ,  lekin nikalate nahi..

baalyavasthaa me kuff, jawaani me patt aur  vardhaky me vaayu ki taklif    jyaadaa hoti hai.. yahaa haridwaar me aayu ki 50 saal ke baad se vaayu ki taklif me hai, aise log jyaadaa paaye jaate…

shivratri ke raat shiv ji kaa maansik pujan kar ke aasan bichhaa ke bij mantr kaa jap kare.3 bili-patr  kaali mirch aur gungunaa  paani ke saath chabaa ke khaaye…bili patr mile to vo , yaa shiv ji pe chadhe huye bilipatr dho kar apane  ird-gird bichhaa le…

7 baar tribandh praanayaam kare…antar kubhak aur  baahya kumbhak ke samay ye mantr kaa jaap kare :

naase rog  hare sab piraa

japat nirantar hanumant biraa

Bhagavaan Shrikrushn kahete ,

gyaan vigyaan se apane  ko susajj kare..shudhd mai kaa gyaan aur shudhd mai kaa anubhav se jeevan me sachchaa sukh aur trupti aati hai.

jaise sonaar ke kut par kayi sone ke gahene aate jaate phir bhi kut jaise ke waisaa rahetaa hai, aise jeevan me kayi bahaav aate jaate, ublabdhiyaa aati jaati, lekin aap kaa asali mai jyu kaa tyu hota ahai…aap kaa mai kutasth hai, asang hai…

bhagavaan kahete ..jeevan me kitani garmi ke mausam aaye gaye, sukh dukh aaye gaye, bimaariyaa-tandurustiyaa  aayi gayi, lekin aap kaa aatm-purush us se asang hai… aise kayi janmo ki jawaaniyaa aayi gayi, bachapan ke jid-naasamajhiyaa  aayi gayi…aap asang hai..

bachapan me bolate naa, ‘dekho maa mai kaise chocolate kholataa hun, khaataa hun..’ jub tuk maa dekhegi nahi, ‘waah waah’ kahe nahi tab tuk aap chup nahi rahe honge.. polithin ki thaili me havaa bhar ke phodate honge aur dekho maa, dekho maa karate honge..ab ye soch ke bewkufi lagati hogi… to tub ki chaturaayi ko ab bewkufi maanate…kuchh to bewkufi ko aaj bhi chaturaayi maanate! isliye tulasidaas ji kahete :

chaturaayi chulhe padi pur pade aachaar

tulasi hari ke bhajn bin chaaro varan chamaar

ye jo shishtaachaar aadi ki chaturaayi hai naa, wo to chulhe me jaaye.. jub tuk apane kutasth hari ko jaanaa nahi, nirdosh jeevan ko jaanaa nahi tab tuk kuchh nahi jaanaa..sab chaturaayi gayi baadh me !

to hari ko jaanane ke liye , nirdosh jeevan ko paane ke liye hari kaa bhajan karanaa chaahiye..

bhajan kyaa hai?

kim lakshanam bhajanam?

jis se bhagavat ras paidaa ho us ko bolate bhajan.

rasanam lakshnam bhajanam… bhagavaan ras swarup hai…bhagavaan sukh swarup hai…

diye ki lau upar hi  jaayegi,chaahe  kisi jaati ke manushy ne jalaayi ho,mashaal ko kitana abhi ulata akare us ki agni upar hi jaayegi..kyo ki agni kaa mul hai sury!agni  upar hi jaayegaa..

paani kahi bhi phenko, niche ki taraf hi jaayegaa..kyo ki paani kaa mul hai saagar..to saagar ki taraf hi paani jaayegaa..

aise jeev jaayega kahaa? sukh ki taraf hi jaayegaa!

praani maatr kaa swabhaav hai : sukhaay prabhuti

tum sukh swarup se nikale ho, to jaise  jal samudra me,  agni sury me aise sabhi jeev chaahe kidi ho, chaahe bramh ho..raakshas ho chaahe devata aho, jeb kataraa ho chaahe vidwaan ho.. sabhi sukh ki taraf jaate…

europe se james aur us ke saathi aa gaye.. maa baap ne dikshaa le liyaa..ab dost bhi aa rahe diksha lene ko… to kyo aaye? wahaa sharaab pite the to sukh ke liye..ab samajhate ki sharaab se sachchaa sukh nahi milegaa to chhod ke satsang me aaye  to bhi sukh ke liye!

bhgavaan ki krupaa hoti tub samajh me aataa ki sachchaa sukh kahaa hai…tab aadami adhyaatm ke raaste chalataa, dharam ke raaste chalataa… dharam sanyat karataa hai …

jo chatur bramhan  haridwaar me aayegaa to , anjul me gangaaji kaa paani lekar sankalp kar ke bolegaa…. daan dakshinaa dekar phir puchhegaa ki  aap ko sab se jyaadaa priy kya ahai? aap bole achaar yaa phalaanaa to bolegaa ki 6 mahine ke liye chhod do….to kyo bolataa? jeev waasanaa ke dwaaraa  bandhataa hai.. islliye tirth kshetr me waasanaa chhudaane ki vyavasthaa hai…

aaj kal ke bachche padh padh ke buddu rahete is kaa kaaran hai ravivaar ki chhutti!

pratipadaa, ashtami, amaavasyaa, sutry grahan me padhaayi hoti to budddi maari jaati… ravivaar ki chhutti ke bajaay in dino chuttti honi chaahiye…ravivaar ki chhutti nahi honi chaahiye..agar pratipadaa, ashtami, amaavasyaa, surygrahan in dino me chhutti di jaaye to dekhate dekhate bhaarat kaa prabhav badh jaayegaa…in dino me padhate to budhdi vikasit nahi hoti..

in dino me agar bhagavaan kaa jap dhyaan kiya ajaaye to man, budhdi pe unchaa asar padataa…

sachchaa ras paane ke liye raajaa bharotari gorkhanaath ke charano me chale gaye..yahaa haridwaar me nilkanth ke taraf jo raastaa jaataa us me bhaarat kaa samraat bhabhut ramaaye saadhu bankar baithaa thaa….. ek braamhan ne dekha aaur pahechaan liyaa.. to bolaa, “jayjaykaar ho raajaa bharotari kaa!’

bharotari bole, ‘hum ab raajaa nahi, hum to phakkad ho gaye’

bole ,  ‘mahaaraaj aap apne ko gorakhanaath ji kaa shishya maanate, lekin hum to aap ko raajaa bharotari hi maanate….’

..bharotari ne braamhan kaa aagrah dekh kar ek bhurj-patr me chiththi likh diye mantriyo ko ki is braamhan ko vo jo chaahe dakshinaa de..

braamhan mantriyo ke paas gayaa aur chiththi dikhaayi… jin ko raajaa bharotari ne raajpaat saupaa thaa, ve soche ki raajaa swayam raajpat aur 7 khajaane humhaare havaale kiye …aur is bramhan ko bhejaa hai to is ko prasann karanaa chaahiye..ve bole, ‘ab sandhyaa ho gayi, aap kal subah aayiye braamhandev..hum  7 khajaane khol ke rakhenge aap ke liye…aap us me se jitani sampatti uthaa sakate le jaanaa…bramhaan badaa khush hokar dusare din subah aayaa..us ke saamane raajaa bharotari ke 7 khajaane khol diye… sone ki asharfiyaa kaa khajaanaa, laal javaahar ke khajaane, hire moti ke khajaane khole ..ek se ek kimati khajaane…bramhan ke samajh me nahi aa rahaa ki kaun saa khajaanaa kitanaa uthaau?…mantri to bole hai jitanaa uthaa sako le jaanaa…bahot sochkar thak gayaa braamhan ..sadhu kaa darshan aur tirth kaa snaan ye 2 laabh to huye hi the braamhan ko…us kaa vivek jagaa thaa…sochaa ki ek bandaa uthaayegaa to bhi kitanaa uthaa sakataa hai itane khajaane me se ? ….aur jo raajaa bharotari ke paas ye 7 khajaane  sadaa the, sambhaalane waale toph bandukdhaari 3 star, 5staar sipaahi jahaa tahaa the… us sab ko chhod ke raajaa bharotari chale gaye…bharotari koyi sadhaaran aadami to nahi , ved jaanate hai..vo ye khajaane chhod ke chale gaye..aur mai murkh us ko mangataa phir rahaa…mai kaisaa bewkuf hun! jay ram ji bolanaa padegaa..

raajaa bharotari ke paas gaye…bole, ‘ye chiththi waapas lo, mujhe nahi chaahiye dakshninaa jo aap chhodkar aaye hai.. ye hire jawaaraat mujhe nahi chaahiye… in ko chhodkar aap jo chij paane ko aaye, us me se kuchh mile to mai vo dakshinaa sweekaar karungaa…’

bharotari bole, ‘braamhan dekho…aap ko 2 baate chaahiye..paheli ki mai itanaa saaraa raajy aur 7 khajaane kyo chhod ke aayaa? aur dusari jo chij mujhe mili us me se aap ko chaahiye… binaa sewaa ki unchi chij milati to phaalati nahi..’

bramhan bolaa, ‘aagyaa karo mahaaraaj’

bharotari bole, ‘vo  pahaadi par gaanv hai, wahaa ke maaldhaari dikhate hai naa wahaa se thodaa dahi le aao.’

maaldhaari maane jo gaay bakari aadi saath lekar jagah jagh ghumate hai..

..pahaadi dikhate to idhar , lekin jaate jaate bahot mehanat thi…kaisi pagdandi..pahele jamaane me sadake to thi nahi…braamhan wahaa pahunchaa…maaldhaari bole, ‘abhi dahi jamaayaa hai,subah tuk ho jaayegaa..abhi  waapas jaaoge to raat ho jaayegi…thodaa khaalo , aur saamane guphaa hai wahaa aaraam karo…subah dahi le ke jaanaa .. braamhan baithe guphaa me… baabaa ki guphaa me vibration the… dhyaan lag gayaa …bharotari kaa sankalp thaa to braamhan ko bhakti ras aaye to aisaa aayaa ki shaam kahaa huyi, subah kaaha huyi, 2raa din.. 3raa din kahaa bit gayaa…aankh khuli to dekhaa kuchh nahi…naa dahi, naa maaladhaari.. yahaa basaa thaa gaanv..maaldhaari kahaa chale gaye? ab wahaa kaun bataaye ki 3 din beet gaye….nind me aur samaadhi me samay kaa  pataa nahi chalataa…. nind me karan tamas me dube rahete aur samaadhi me vishudhd tatv me dube rahete isliye samay kaa pataa nahi chalataa…

to braamhan soche ki yahaa to kuchh bhi nahi…gaay bail the..maaladhaari kahaa chale gaye..

badaa sukh milaa badaa aanand milaa maahaaraaj ..lekin dekhaa ki sansaar swapne jaisaa hai..pahele din wahaa gaanv basaa thaa, aur aankh khuli to kuchh bhi nahi thaa..

to bharotari bole, “ye aap ke pahele prashn kaa uttar hai ki sansaar swapne jaisaa hai..is liye maine raajpaat aur khajaane chhode..aur aap ke dusare prashn kaa uttar maine jo paayaa us me se aap ko thodaasaa chakhaayaa!to aap ko aanand aa rahaa..boliye bramhan ab kya achaahate?’

braamhan bola, ‘ab to puraa hi chaahiye mahaaraaj!aap ki krupa se dhyan kaa sukh milaa ab us me purnataa aa jaaye.’

puraa guru aaraadhiye puraa jaa ka naam!

purn guru kripaa mili purn guru kaa gyan

aasumal se ho gaye saai aasaaraam

gyan mudra me baitho…mai bolata hun tum bhi bolo…

“mai bhagavaan kaa, bhagavaan mere!.. jo bharotari ne sachchaa gyaan paayaa vo humhe bhi mil jaaye!”

kanth me omkaar ka uchcharan se bahot phayade hote.. galat nirnay nahi hoge …maththa tek karykram me 2 se adhayi minute pade rahe to  bahot unchayi ko chhu lete…..

3 saadhu kisi dwaar pe pahunche…prabhaavshaali alakh niranjan waale aur om namo naaraayan waale..ek shaiv thaa, ek vaishanav thaa..ek kaa naam thaa – prem ji mahaaraaj, dusare kaa saphalaanand mahaaraj aur tisare kaa samrudhdidaas mahaaraaj.

tino me badi mitrataa thi…jahaa bhi jaate saath me jaate..bhikshaa maangane bhi saath me jaate.. ek gruhini ke dwaar par bhikshaa maangane aaye…. gruhini baahar aayi, boli ,   ‘aayiye mahaaraaj.. aaj baaras hai..kal ekaadasi kaa vrat thaa, abhi kholaa nahi hai.. aap  tino padhaare dhanyataa kaa ehsaas karungi..jyaadaa hi bana jaataa hai, aap sankoch naa karo, jarur  padhaaro…’

bole,  ‘hum baith ke nahi khaate..alakh niranjan waale hai.. hum me se kisi ek  hi bhojan karegaa, baaki ke 2 bhikshaa maangane jaaye aisaa humhaaraa niyam hai.. hum 3 me se kisi 1  ko aap bithaa ke bhojan karaane kaa aamantran de sakati hai..’

gruhini boli, ‘hey mahaatmaa…tanik thaheriye..mai mere pati-paramaatmaa se mashwaraa lekar aati hun..’

pati ko bhagavat drushti se dekhanewaali patni me satitv kaa bal aa jaataa hai.. drusthi kaa phal milataa.. gruhini ne pati se mashawaraa kiyaa…boli, ‘mahaaraaj aap tino chalate to achhaa thaa….’

bole, ‘tino me se ek hi aa sakate, jaldi karo maayi, kis ko aamantran denaa hai?’

gruhini boli, ‘aisaa hai to prem ji mahaaraaj aap chaliye..’

premaji mahaaraaj aaye… mahaaraaj 2 kadam aage aaye to dekhaa ki un ke pichhe saphalaanand aur  samrudhdi daas mahaaraaj dono aane lage…

gruhini boli, ‘mahaaraaj aap me se ek ko hi aanaa thaa, aap to tino aa rahe!’

bole, ‘aap ne prem ji mahaaraaj ko aamantrit kiyaa…jahaa prem ji hai, wahaa samrudhdidaas aur saphalaanand jaate..aap ke ghar me prem hai to samrudhddi aur saphalataa  swaabhaavik aayegi…….jahaa prem wahaa chhaya ki tarah samrudhi saphalataa jaati..

jahaa bhagavat prem hai to bhakti kaa ras aayegaa…jahaa bhagavat prem nahi , wahaa bhakti nahi aati..aisi jagah saphalataa dikhati to bhi vo dikhaavati hoti… andar se haay billi tu sukh de, haay kuttaa tu sukh de! aisaa dikhavati hotaa hai..

aiso ke ghar se saadhu ko bhiksha nahi milati, paheredaar bolegaa, aage jaao…aur kutta billi un ke palang par siti maar dete to bhi bolenege  ‘koyi baat nahi’

bhagavat prem nahi to aisi samrudhdi kaagajo  pe athava dikhaavati makaano me rahegi….

samrudhdi to wahaa hai jahaa gaay ki sewaa hoti, tyohaar manaayaa jayegaa.. aane jaanewala santushth honaa ye sachchi samrudhdi hai…

dhan ke ambar to dalaalo ke paas bhi hote….dhan se sukh nahi milegaa… bhagavat prem se hi sachchaa sukh paate…

Hari Oooooooommmmmmmmmmmmmmmm

naaraayan hari..naaraayan hari .

OM SHAANTI.

SADGURUDEV JI BHAGAVAAN KI JAY HO!!!!!

(Galatiyo ke liye Prabhuji kshamaa kare…)

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: