Vigyaan ke saath Tatvagyaan Jaruri

31Jan2010 –Part 1 ;Delhi  Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

…darshan shaashtra ke binaa vigyaan se maanav maanavataa ke liye musibat ho rahaa..bhautik uplabdhi se adhi-bhautik uplabdhi kaa adhik mahatv hai..sharir ki aawashyakataa se hajaar gunaa ‘swa’ ki aavashyakataa hai.. shradhdaa, darshan kaa anaadar karate to prakruti un ko pashu se bhi giraa  ke rakh deti hai… pashutaa se bhi gir jaate aise log..

isliye jeevan me vigyaan ke saath darshan shaashr chaahiye.. sharir kab tuk rahegaa?vaastvik tatv me kab jaayenge?

jeevan me tatv gyaan ke binaa,shradhdaa ke binaa vigyaan musibat ban rahaa hai… vigyaan musibat nahi, lekin darshan shaashr ke abhaav me aisaa hotaa hai …

isliye ishwar ke liye chintan chhod ke valentine pe bolanaa padataa ….laakho yuwano ki jindagi gandi naali me naa bahe,isliye naali me bhi haath daalanaa pade to hum daalate hai…haath dho lenge, koyi baat nahi…lekin humhaare bhaarat ke yuwaan-yuwatiyo kaa bhavishya ujjwal ho..sundar ho..divya ho…aap bhi aisaa chaahate kyaa? to 14 Feb ko ganesh divas manaao..maa beti aur baap bete lalaat par tilak karo… phulhaar paheraave..maa baap aashirvaad de ki tumhaaraa shivnetra chamake.. durdrushti mile.. ashmaa bhav – tu chattaan ki naayi vighn baadhaao ko paar kar de..hiranyamastu bhav – tu suwarn ki naayi sadaa chamake…bachcho ke lalaat ko chumban kar do… bhaagy par haath ghumaa do…!

bachche man-mukh ho gaye to maa baap kaa aashirvaad dabbu ho jaataa…maataa pitaa ki prasannataa ke kaaran hi aasumal aasaaram hoke dikhaayi de rahe ..bhagavat sattaa ki swaabhaavik krupaa maataa pitaa ke ashirvaad me hai… valentine ki gandgi se desh bache… ganesh ji kaa anukaran kar ke bachche bachhiyaa desh kaa naam ho aisaa saamarthy jutaaye…

pure hai vo mard jo har haal me khush hai !

waah re mauj phakiraandi !

hari om om omom om hey muktaamaa!hey truptaatmaa!hey purnaatmaa..!Jay ho!!!!!

sadguru ki krupa nahi hoti tab tuk jeev badi unchaayi se gir jaataa hai.lankaa me raavan ki aisi jayjaykaar sunaayi padati, us ke baraabari kaa koyi nahi..ab kahaa hai vo jayjaykaar?hiranypur ke baraabari kaa koyi nagar nahi thaa,ab kahaa hai vo nagar….60hajaar varsh tapasyaa kar ke raavan ne aur hiranykashyapu ne vardaan maang liye the bhagavaan se…raavan ne vardaan maangaa thaa ki manushya aur bandar se to mai nipat lungaa,un ko chhodkar aur kisi se naa maru..to bhagavaan swayam Ramji ke rup me manushya bankar aaye aur bandaro ne sahaayataa ki, raavan ko maranaa padaa…hiranyakashyapu ne jitani smruti huyi utane saare vardaan me jod diye..andar naa maru,upar naa maru,niche naa maru.. subah nahi maru, shaam ko nahi maru,astr ne maru,shastr se naa maru…dev se naa maru,kinnar se maru,manushya se naa maru.. to bhagavaan kaa narsinh awataar special taiyyar hai…andar -baahar nahi to chaukhat pe mar,astr-shastr nahi to naakhune se mar.. mrutyu awashya aati hai…

jis ne janm liyaa, us ki mrutyu avashya aati hi hai. jahaa mrutyu ki daal nahi galati,us aatmaa paramaatmaa ki shradhda , paramaatmaa ke gyaan ko , aur paramaatmaa ki priti ko paakar dhanya ho jaataa wo dharati kaa saakshaat  naaraayan hai..!!

aihik vastuo kaa gyaan kitanaa bhi paaoge,us me laabh haani hoti raheti..lekin paramaatmaa kaa gyaan paaoge ki, mai achal tatv kaa sanaatan saput hun to is me laabh hi laabh hai..koyi haani nahi!

ye vigyaan hai… jaise sonaar ke kut par kayi sone chaandi ki vastuye ban ban ke pasaar ho jaati, aise apane jeevan me kayi paristhitiyaa aakar pasaar ho jaaye; apane jeevandaataa kaa swabhaav jyu ku tyu hai…sharir ko bimaari, dukh, chintaa aayi to apanaa maanate!itanaa  mahatv de diyaa to bimaari,dukh,chintaa jayegi nahi…dukh ko gaheraa mat utarane de… sukh-suvidhaa ki to  aadat pad jaati aur manushya paraadhin ho jaataa..dukh ki koyi chij nahi mile aur sukh-suvidhaa ki koyi chij chhute nahi is agyaan se aatmaa kaa gyaan aavrutt ho jaataa isliye manushya sansaar ki aor mohit ho jaataa hai..

vaastav me hum hai aatmaa, aur apane ko maanate jeev!

hum hai  drashtaa, aur apane ko maanate drushya!

hum hai trigunaatit aur apane ko maanate, sajjan/durjan,udaar/lobhi,kaami, krodhi… jo anubhav hotaa aisaa maan lete..kabhi apane ko satsangi maan lete, to kabhi luchhe,kabhi achhe….to aakhir hum kya hai?

baapu ne pyaar se 2 baate ki to aanand mahesus karate…kabhi khinchaayi karate to dukhi hote…to ye durdashaa hai…

jis se manyataa aati,tikati us param pad kaa gyaan jo sadguru dete,us ko pachaate nahi tab tuk pipal ke patte ke tarah anukulataa-pratikulata me hilate rahenge…

kaaliyaa me itani akal hai ki jalebi dekh kar punchh hilaayegaa,khush hotaa;aur dandaa lagata to puchh dabaake karaahataa huaa bhaag jaataa…to kutte me aur manushya me kyaa antar hai?

jaraa si baat manushya ko dukh me dhakel de, ye manushy jeevan kaa phal nahi…. dhan kaa ahankaar badhaane ke liye yaa bimaar/ swasth hone ke liye bhi manushya jeevan nahi hai…man se sat-chit-aanand se samandh jod le , aur muktaamaa ban jaaye vo manushy hai!

kisi se bhi dwesh hotaa to budhdi bandhan karati hai…kisi ki khushaamat karate to budhdi bandhan karati hai..lekin aacharan samataa, ishwar priti se hotaa to bandhan se mukt hote… sewaa se pareshaaniyaa cum kar rahe ki pareshaaniya badhaa rahe,ye sukshm samajh chaahiye… anulkulataa se daas ban rahe yaa pratikulataa se bhaybhit ho rahe, is ki samajh satsang ke siwaa nahi mil sakati… binaa vichaare gyaan ye nahi hogaa…

sukhad paristhiti ko sadaa pakade rakhanaa asambhav hai..samay beet rahaa us ka satupyog karo… dhanbhagi hai ve log, jin ke jeevan me shradhdaa hai, paramaatmaa kaa gyaan hai,vo badbhaagi hai…jo apanaa samay mithyaa chijo me,vyarthya paristhiti me nahi ganvaate vo saarthak chintan, saarthak karm karate…

jo paani kut rahe,koyi kaamanaa nahi, koyi uddeshya nahi to ye nishkaam karm nahi, nirarthak karm hai, phaalatu samay ganvaataa hai..

prasann rahenaa meraa swabhaav hai,muskuraanaa meri aadat hai,aur samaaj me sachchi jaagrutti laanaa meraa uddeshy hai !!

mujhe koyi mat-panth nahi chalaanaa… mujhe jo khajaanaa milaa hai, us ko denaa hai…

ye yahaa jo har samay kumbh kaa melaa lagaa rahetaa, to meraa  saamarthy nahi, paramaatmaa ki lilaa hai, aisi waani mukh se bulwaataa hai ki sab kaa mangal kartaa hai…mai kuchh raTkar nahi aayaa..kuchh padhakar nahi aayaa… sab kaa mangal ho is bhaav se bolataa hun to sab ke mangal ke liye bhagavaan mere mukh se bulawaa letaa hai…

karanaa aur honaa..do chij hai…karane me shram hotaa,saphalataa-viphalataa hoti,viphalataa me vishaad hotaa hai.. saphalataa me ahankaar hogaa..ye nahi hogaa agar ishwar ke liye a-kartaa aur a-bhoktaa ke tatv me apane ko milaa lo..

parmaatm prem udaar banaa detaa hai.. shardhdaa rasmay banaa deti hai… jis ke paas shradhdaa nahi,aiso kaa vigyaan musibat ban jaataa hai… vigyaan ke saath darshan shaashtr nahi to maanav maanav ko dabochegaa, shoshegaa..pruthvi saat baar maar sakate itane bam-gole bane hai aur kitane banenge?… agar shradhdaa bhakti se jiye to mangal hi mangal hogaa..abhi bhi jo kuchh sukh shaanti hai satsang, shradhdaa, bhakti kaa hi prasaad hai; anyathaa manushy manushy ko tobaa kar detaa hai…

..humhaare desh ki bahu betiyaa achhaa kaam karati.. kuchh heen vrutti ke sigaarate baaj log bahu betiyo se 8-8 ghante kaam lekar un ko ku-drushti karate…karanaa ye anusuyaaa , sitaa ka desh hai… ku-drushtiwaale teraa muh kaalaa.. hari om hari om ..

ek hai pratit honewaalaa jeevan, aur dusaraa hai vaastavik jeevan.

pratit me jeevan budhdi karate, aur vaastavik ko jeevan nahi maanate!isliye sabkuchh hote huye bhi dukh badhaate.. bhavishy andhakaar may hotaa jaataa… jimmedaariyaa badhati jaati…

durgun-duraachaar swaarthi me swaabhaavik aa jaate..ye durgun andar ko khokalaa banaate… durgun sukshm rog hai.jaise swaad ki loluptaa,waani kaa asayyam,abhimaan,irshaa,krodh, hinsaa dambh ye durgun manushy kaa swaasthy,Oj har lete hai.

isliye in durguno se  bachiye..

1)jibh ke asayyam ko roko,swaad ke lolup naa ho.

waani ko vyarthya gavaate..bin jaruri jyaadaa shabd bolanaa, anaap shanaap shabd jodanaa ye waani kaa durupayog hai…flight me agar meri chalati to aadesh detaa ki hindusthaan me 99 takaa hindusthaani bhaashaa samajhate to pilot suchnaaye angrji me kyo de rahaa hai?  ye gulaami ki maansikataa hai…2 vyakti bhi aapas me baat karate to hindi kaa galaa ghotate..

shudhd bhaashaa hi jaise bhul gaye!..kisi ladake ko puchho to bolegaa ‘8th padhataa hun’ mai bolataa hun, mat padh 8th, aathavi padh!..

meckanly ne parlment me kahaa thaa ki , hindusthaaniyo ki maansikataa badalo…. yahaa kaa koyi vyakti bhik nahi mangataa, nindaa kar ke tandurusti nahi bigaadate, irshaa karane se bhi bahot saari bimaariyaa bhar jaati sharir aur dimaag me..

hindusthaani 20 varsh tuk bramhchary kaa paalan karate the aur shaadi ke baad bhi log utaavale nahi hote the…pataa hi nahi hotaa ki shaadi kaa matlab sex hotaa hai…

paschim me har saal 13 se 19saal ki 50 laakh kanyaaye garbhavati ho jaati aisaa innocent report ke aadhaar par sunaa rahaa hun..

aise humhaare desh me bhi valentine day kaa bhut ghusaa hai…abalaao ko aur abalaa banaanaa hai kyaa?…yuwaak yuwatiyo kaa raj viry naash hotaa,aanewali santati kharaab hogi..islye maatru-pitru prem divas manaao..gajaanan ki tarah..

aap chahenge kyaa ki aap ke bachche gande rahe? chidchide rahe? ..apane desh ki ye gandagi chali jaaye isliye aap media wale bhi is daivi kaary me lag jaaye…

swaad kaa chatoraapan jibh ki jahaatahaa lalak budhdi badhaayegaa..is se pet ke rog honge, waani aur mastak ko haani hogi ,Oj ko har legaa..

shaadiyo me , janam divas ki paartiyo me 300rupiye se 500 rupiye plate ki daawate dete,kayi prakaar ki variety banaate , jis me paisaa to denewaale kaa jaataa lekin khaanewaale ke Oj ki kitani satyaanaash karate…(ye paap hai.)

gyaan vigyaan padh ke kyaa laabh huaa?jis gyaan se ,vigyaan se apani aur dusare ki truptataa ho,bhalaayi ho,Oj badhe is kaa gyaan honaa chaahiye.. aisaa gyaan paa kar samataa- vishraanti me aao….

gyaan vigyaan kaa upyog,mili huyi chij aur paiso kaa upyog ek dusare ki jibh ke chatorepan badhaane me naa karo.. aisi paartiyo me jo khaate un dosto kaa to dushman se bhi buraa haal ho jaataa hai… imaandaari se socho ki aisi shaadiyo me jaane ke baad jyaadaa prasann halakaa-phulakaa mahesoos karate ki jyaadaa thakaa huaa mahesoos karate? thakaa ,mandaa mahesoos karate to, ye to baaraatiyo ki barbaadi hai …kya khayaal hai?

paise to shaadi karanewaale ke kharch hote,lekin swaasthy, Oj aur jibh baaraatiyo ki bigadati…. baat kathin lage, lekin sachchi baat sunaaye bagair mai rahetaa nahi… 🙂 (waah prabhu waah!)

jhuth kapat kar sukh dukh ki khaayi nahi khodo.. aasakti se waani ka prabhaav cum hotaa hai…satyanishth-taa kaa saamarthy jhuth bolane se chalaa jaataa..rutu ki parivartan un ko pakad legi… kayi log bimaar honge..swasth rahenaa chaahate to daivi vidhaan ko tod nahi sakate.. asaty kaa sahaaraa lenewaale abhimaani, ahankaari banate..chaatukaaro ke gheraav me gir sakate …aise log sukhi, santusht, nirbhik nahi rahe sakate.. jeevan me aanand chaahate,dukh nahi chaahate;jeevan ki mauj chaahate, maranaa pasand nahi to jo kabhi nahi marataa us tuk pahunchane kaa ye tantu pakad lo!

2)asaty bolane ki gandi aadat chhodo.

asaty bolane se gyaan tantu, hruday aur mastishk ko haani hoti hai…jaraa se waataavaran parivartan se bimaar hone lagate .. ‘mai badaa dhanpati’ dikhaanaa abhimaan posanaa hai.. badhiyaa gahene, saadi kaa dikhaavaa karanaa abhimaan posanaa hai.. ye ghar dekhe,vo ghar dekhe..ye achhaa bole, vo achhaa bole..aisaa sochanaa imaandaari se beimaani karavaataa hai…ghar banaate,sab dikhaate to aap to majdur banate… 4 aadami bolate badhiyaa isliye aisaa karate to dusare ke waahwaahi pe jeete…waahwaahi se khush hote vo bhogi hai…aur dusaro ko prasann kar ke swayam santusht rahetaa vo yogi hai.

drudh nischayi ho jaao ki aaj se hum waahwaahi ke gulaam nahi bandenge…apane aap se santusht rahenge.

sukraat(socretis) ko jaher diyaa gayaa thaa,chele rone lage to lete lete bole ki jeevanbhar jis baat ko mai pratyaksh nahi dikhaa sakaa us baat ko ab pratyaksh dikhaa rahaa hun…rote kyo hhai?pakad lo is baat ko ki maut meri nahi ho rahi..sharir ki ho rahi..dekho abhi jaher ghutano tuk chadhaa,ghutane tuk kaa sharir maraa..ab kamar tuk sharir maraa…ab pet tuk asar huaa..paagalo ronaa nahi,maut to sharir ki ho rahi hai…maut aur bimaari to sharir ki hoti hai, hum to bimaari ko dekhane waale hote hai.. bimaari ko, maut ko apane upar haavi mat hone do…. vo mahaapurush dukhi nahi huye… maut kaa bhi upyog kar rahe the…aise mahaapurush kabhi khinn, rusht dikhate hai lekin phir bhi ek tatv hai jahaa khinnataa nahi hoti,rushtataa nahi hoti…khinnataa-rushtataa to man ko hoti hai.. saphalataa-viphalataa kalpanaa me hai.. hum hai apane aap! sab paristhiti ke baap !!

jaraajaraa baat me ‘mai mar gayaa re’ bolate..jaraa boss ruthaa to mar gayaa, jaraa badali ho gayi to bhi ‘mar gayaa’ to kyaa sikhaa tu? kyaa padhaa tu?

asaty se jeevan shakti kaa rhaas hotaa hai…asatya bolane se jeevan shakti kaa aadhaar nasht ho jaataa.. is se saamaany rog saamaany paristhiti bhi ‘mar gayaa karaati’….yahaa to  karodoo logo ko meri nindaa sunaayi jaati,mai to  kabhi nahi maraa!mai to us nindaa karanewaale ko dhanywaad du,us kaa panchaamrut se snaan karaau! 🙂  phir bhi us kaa badlaa nahi chukaa sakataa,kyo ki us ne mujhe mere vachan ka practical dikhaane kaa maukaa diyaa hai!! 🙂 mai hameshaa bolataa hun :

aadar tathaa anaadar, vachan bure tyu bhale l

nindaa stuti jagat ki dhar jute ke tale ll

ab aap ko  practical dekhane ko milaa naa!! ek dusare ke pichhe andhi dushman-taa se dusare jeevan me pisaach banaayegaa..sarp yoni me le jaayegaa..

mere pitaa sher jaise aur maa gungi gaay jaisi ,jeevanbhar saath nibhaayaa aur vo sher marate samay gungi gaay ko haath jod kar bole, “jethe maa.. tum mujhe maaph kar denaa…anjaane me yaa jaankar maine daantaa hogaa..”   maa ghabaraa gayi.. “kyaa karate?aisaa naa karo..mujhe paap  lagegaa! ..maine maaph kar diyaa,aap bhi mujhe maaph kar do..”   maa ne mere baap se maaphi maangi..

raagdwesh naa rahe… gaanth baandh kar kab tuk janamate marate rahenge? ek dusare se maaphi maang ke bandhan se chhut jaao..

‘apani loby, paraayi loby..apani party,paraayi party’ kyaa ek dusare ke dushman huye chale jaa rahe…

3)abhimaan chhodo.dhan, sattaa, saundary kaa abhimaan roko.

abhiman karate to tridosh prakopit hote hai.. durguno kaa raajaa paap aap kaa partner ban jaataa hai …phir yahaa wahaa daudoge..ribon kaatoge..apanaa petrol jalaa ke bhaagate phiroge..lekin kahi chain nahi aayegaa…kayi log shoshit honge is kaa ganit lagaanaa kathin hai..

abhimaan se pitt badhaa hai to apane ko badaa nahi maano, bade me bade bhagavaan hai ..un ke saamane dudh me mishri daalkar bhog lagaa do …ek bund se paidaa huye hai, ek muththi bhar raakh ho jaayenge…parbhuji dayaa karo..humhaaraa abhimaan le lo mahaaraaj…aisi praarthanaa karo.. abhimaan gayaa to bahot prakar ki bimaariyaa chali jaayegi!!  waah prabhu waah!! 🙂

abhiman se tridosh kopit hote.

paap ka mul abhiman hai….bhitar abhiman hai aap ke charano me pranaam bole to achhaa lagataa hai.. abhiman ko dabaao mat, puchakaaro aur ravaanaa kar do.

maan pudi hai jaher ki..

bahot dukh sahenaa padataa abhimaan waale ko…

abhiman hi jhagadaa karataa..saas bahu me jhagadaa hotaa to bechaare purusho ki haalat kharab kar degaa..saawadhaan hoke apani beti ko samjhaaye ki abhimaan ko phenk to dono pariwaar sukhi rahenge..

is umar me bhi humhaare kaan ,aankhe,naak tej hai..ye abhimaan nahi, utsaah badhaane ke shabd hai… abhimaan bhitar se nahi aane de..

shrikrushn kaa kaisaa abhimaan.. “tum sab bhaav se meri sharan aao!” ye  abhimaan nahi, bhagavaan shrikrushn ki satya baat hai..ve taaranhaar hai, mahaapurush aatmaa ko ‘mai’ jaan kar ke baat karate to wo kalyaan hai..

abhimaan kaa matlab ye nahi jaha taha sukadate raho..shivaaji mahaaraaj sadguru ke saamane sir jhukaaye binaa rahete nahi, lekin vijaapur ke sultaan ke aage sir jhukaane se inkaar karate ki shivaaji jahatahaa sir jhukaate nahi..

4)nindaa -irshaa naa karo…irshaa se pitt badhata tejswitaa nasht hoti dushman badhate. liver ki kharaabiyaa hoti.pitt prakop se grast chitt apano ko bhi dushman banaa detaa hai. irshaa chhodo.. irshaa se maayiyo me maasik dharam ki taklif badhegi, pitt ki taklif badhegi, chidchidaa swabhaav hogaa.. ratri ko sade 12 tuk nind nahi aayegi.. 11 se 2 baje tuk pitt ke kaaran taklif hogi..

5)dambh ko chhode…dambh maane dikhaate kuchh aur karate kuchh.. kayi logo ko angreji me bad-badaane kaa dambh hotaa..shekhi baghaarate… lachaar angreji bolate aur hindi kaa galaa ghotate ye dambh hai..

aap andar se jaise hai aise baahar raho to nirdosh baalak ki tarah honge….

dambh se kuff badhataa ..kuff prakopit hone indriya shithil hoti.. dambhi ke kaan ki sunane ki shakti, nasikaa me sunghane ki shakti nahi raheti…dambh se kuff prakopit hotaa,bhaaripan mahesus hotaa hai,gas ki taklif hoti.

dambhi ki aankhe bhi yu chalegi yahaa se wahaa.. bin jaruri hee hee karataa rahegaa…

naastik mehmaan aaye to aarati chhoti kar denge,aur bhakt mehmaan aayaa to lambi kar dete ,aise dambhi hote..

6) krodh se bacho..krodh rakt pravaah tej karataa,aankh munh laal karataa , budhdi ko kshin karataa hai..hinsaa se sharir  me garam khun kaa sanchaar hotaa, jis se tridosh ko prakopit hote….

‘is ko thik karate,us ko thik karate’, pahele khud thik hote to achhaa hai..

driver ne horn bajaaaye binaa gaadi mod di to seth ne waani ki hinsaa ki…driver ko kadak shabd bol rahe..bole is ke haatho kisi ki hinsaa naa ho isliye bolaa…lekin seth ji,aap kadak waani dwaaraa kisi ki khushi ki hinsaa kar rahe. mastak, sharir, waani me tridosh bulaa kar ke aap kisi kaa bhalaa kar hi nahi sakate… apanaa bhalaa kiyaa nahi, dusare kaa bhalaa karanaa to sikhiye…

hinsaa se garam rakt mastak aur hruday prabhavait hota hai . chhal kapat bhi sukshm hinsaa hai…chhal rahit ho, hinsaa rahit ho, dambh rahit ho, abhimaan rahit ho…asatyaa se bache to jeevan daataa ki kshan kshan lilaa,  udaarataa kaa swabhaav chhalakane lagegaa.. prabhu swabhaav pragat ho jayegaa … in dosho ke baadal hut jaayenge to andar kaa chandaa chamakane lagegaa..

prabhaat kaalin amrut may waataaran me suryoday ke samay humhaari sabhi peshiyaa sakriy hoti hai..praat:kaal ki havaa sewan kare, taaki mukh kaa tej badhataa  hai..swaasthy daayak hai.. dikshaa ke samay jaise  jump karaaye jaate aise roj subah  kare..us me bahot sare phayade hai.swasth sharir, utsaahit budhdi se man kaa mangal hotaa… 25 baar haath pichhe ghumaate aur 25 baar haath aage ghumaate jump kare…subah ki havaa sewan karane ko amrutpaan kahaa gayaa hai… subah kaa vaayu swaasthy ke liye  sab se jyaadaa mahatvpurn, hitkari hai..

koyi 10 laakh de de aur aap ki 2 aankhe de dijiye bole to aap nahi manenge , kyo ki paiso se, padaartho se  jyaadaa  kimati hai indriyaa…indriyo  se man kimati hai …man se praan kimati hai..aur praan se anrang kimati hai….man sotaa tab bhi praan chalataa rahegaa….man ka swaami praan hai..prat:kaal shudhd havaa lete to vaayu kaa amrutpaan karate hai…

budhaape ko rokane ke liye kab, kyaa, kaise khaaye ye  kisamajh le 24 ghante me 500 graam khaaye,us  se jyaadaa khaataa to budhaape ko bulaataa hai..

ekadashi se rogo ke kan shaman honge budhaapaa nahi aayegaa jaldi..

shishy ko bhaaye aisaa kahe to shishy kab nikale changul se man ke?..jis ko apanaa maanate usi ke ho gaye to sab thik hai… prabhu mere aur mai prabhu kaa to bhakti ke liye baas ho gayaa! kuchh dekh ke karoge to shradhdaa baajaaru hogi… eknath ji ke liye murchhit gadhe me se bhi pragat ho gaye…

ghat me hai sujhi nahi …tulasi aise jiv ko bhaye motiya bind…

maranewaale sharir ko sajaate dhajaate hai, lampat vrutti kaa hotaa.. prakrutik saundary me raho to kavi hrduay se ban jaate..

badhaayi se khush hote aap murkh hone ke raaste khinche jaate… vyaktigat kharch,phaalatu ki sajaavat naa karo…

nischint, nir-ahankaar jeevan ho jayegaa… jaraa kuchh huaa aur tapan irshaa hoti to sharam ki baat hai.. kaay ko pakshpaat kare? kyaa pataa kis gali me shaam ho jaaye…hruday se pukaare,

“ujaale humhare paas rahene do gurudev jeevan daata se milaayiyo… mujhe mhaari naawadi dariyaa maa dole guruji bhavsaagar thi taar jo re…

…kab dub jaaye us ke pahele mhaaraa rakshak,mhaaraa  hiteshi mujhe kinaare lagaa denaa guruji…”

OM SHAANTI.

SADGURUDEV JI BHAGAVAAN KI JAY HO!!!!!

(Galatiyo ke liye Prabhuji kshamaa kare…)

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: