PRUTHVI KYO TIKI HAI?

30Jan2010 –Part 2 ;Delhi Poonam Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

(Param Pujya Baapuji se Patrakaar sandesh maang rahe the..)

sandesh ye hai ki,

jeevan tumhaara khaa pi ke piththu ki naayi ulajh ke marane ke liye nahi hai.. jaise shrikrushn kaliyaa naag ke sir pe nrutya karate aise aap bhi kuwaasanaao ke sir pe nrutya karate huye sadbhaav ki madhumay baansuri bajaate jiyo.

muskuraakar gam kaa jaher jis ko pinaa aa gayaa

ye hakikat hai jahaa me un ko jinaa aa gayaa !

tum ho nitya, pareshaaniya hai anitya.sharir bimaar hotaa to maanate ki mai bimaar.chitt me chintaa aati to maanate ki ‘mai’chintit. man me dukh aataa to maanate ‘mai’ dukhi.tum naa bimaar ho,naa dukhi ho,aur naahi tum chintit ho..in sab ko jaananewaale ho tum…tum to bhagvaan ke amrutputra ho!

14 Feb ko MAATRU-PITRU DIVAS MANAAYE,GANESH DIVAS MANAAYE,SARSWATI DIVAS MANAAYE…is se humhaare desh ki yuwaan yuwatiyo kaa Oj-tej badhegaa,ve maa-baap ke honhaar bachche honge,desh kaa bhavishya ujjwal hogaa.valentine day manaane se yuwaa pidhi kaa satyaanash hotaa hai..

naaraayan naaraayan naaraayan naaraayan.

vishnupuraan me shlok hai… us kaa arth hai ki, jo veetraag mahaapurush kabhi kaam krodh aadi vikaaro me vashibhut nahi hote,sadaa sarvadaa sadaachaar me sthit hote un ke prabhaav ke kaaran pruthvi tiki huyi hai.

batwaalaa gaanv me swaami nityaanand baabaa vicharan karate.mahaaraasthra me bambayi ke paas ganeshpuri hai,wahaa un kaa ashram hai.Ganeshpuri me mere gurudev bhi ekaant me kisi jagah me rahete the. muktaanand swaami ke guru  nityaanand mahaaraaj the.

swaami nityaanand ko kisi collector ne kahaa ki aap ke dwaaraa ann, bhojan,dudh aadi vitaran ho jaaye..bhandaaraa huaa garibo ko ann mile dudh wale ko dudh milaa .ek table..us ke upar kursi rakh ke us par baabaa khade rahe.. kitane log khaaye chale gaye,kitane log saath me ann, dudh le jaaye lekin ann, dudh khute nahi..

aise baabaa batwaalaa gaanv me kisi samay the..to dusht swabhaav waale dukaandaar ke saath kuchh log un baabaa ko kuchh naa kuchh sunaate, makhol udaate, dhul phekate, paani daalate, majaak kaa saadhan banaa diyaa..us gaanv ke taamasi sharaabi kabaabi vrutti ke log rahe honge..

majaak  heen budhdi se karanaa ye sahi nahi hai…vinod sabhaav se ho. hum bhi vinod karate guruji se.. majaak karate the..gurudev bujurg the,mahaapurush the.. hum kuchh bhi nahi un ke saamane..lekin vinod karate the to sadbhaav se sampann hokar kare,to gurudev ko bhi aanand aataa..

batwaalaa gaav ke ve log kubhaav se aakraant the, nityaanand swaami kaa khilone ke naayi makhol udaate..Swaamiji ne dekhaa ki,apani shaanti, sahishnutaa kaa durupayog ho rahaa hai to unho ne  khaali itanaa kahaa ki,’ab gangaaji  hi tumhaare paapo kshaalan karegi.’

dekhate dekhate ghanghor baadal chhaye..dhamaadham barsaat hone lagi..netraavati nadi me baadh aayi…maharashtra me lagbhag sabhi nadiyo ko gangaa hi bolate hai.. baadh ki lapet me dukaane, ghar,saamaan bahetaa gayaa..maano pralay kaal ka taandav nruty ho rahaa hai..baabaa ped pe jaa baithe..

jo samajhdaar log the, vo samajh gaye ki sant ko sataane kaa paap huaa hai gaav-waalo se isliye gangaa ji prakshaalan kar rahi…un logo ne us dukandaar aadi logo ko samjhaayaa ki, ‘baabaaji ke charano me jaakar maafi maange, apane paapo kaa prakshaalan kare..abhi samajh jaao… baabaa se jaa ke maafi maango, paapo kaa prakshaalan karo nahi to hum sab bhi paapo me bahe jaayenge..’

har jagah kuchh bure to  kuchh achhe log bhi hote.. unho ne samjhaaya ki, ‘tum log saamuhik paap kiye ho to sab milkar jaao aur baabaa ko apani mati gati se prarthanaa karo, haath jodkar.’

to sabhi lok baabaaji ke paas gaye.baabaaji bole, ‘gangaa maayi ki kunku aadi se pujaa karo aur aisi galati nahi karenge bol ke maafi maang lo.’

to gaanvwaale log netraavati nadi ki pujaa aadi kiye.saamuhik paap huaa thaa, to saamuhik prarthanaa ki.baarish ruk gayi.netraavati ki baadh ruk gayi aur apane shant swarup me bahene lagi. jo taamasi the un ke dukaan bahe gaye..baki thik ho gaye..

is satya ghatanaa me vishnu puraan ke shlok kaa taadaatmy dekhaa jaataa hai.

krodh kaa upyog karanaa ek baat hai, aur krodh ke vashibhut honaa dusari baat hai.

bhagvaan kaa darshan in netr se hotaa hai..netr se dekhakar maayaa vishisht me pravesh karenge..darshan ke baad bhagavaan phir antardhaan hote.to ye darshan bhi anitya hai.lekin jo vaastavik bramh hai vo nitya hai…. “NITYA” kaa varnan kaise kare…yahaa waani chup ho jaati!… wahaa waani nahi jaati..jaha wani nahi jaati, wahaa man ki daud bhi ruk jaati… jo aanand swabhaav,satchidaanand swabhaav ko jaan ke bhaybhit nahi hotaa, dukh us ke liye dukh nahi hogaa,sukh us ke aage sukh nahi..

vo to paar tatv me biraajataa hai.. vaastvik me sabhi jivo kaa vo hi satchidaanand hai, jo  naaraayan kaa athavaa naaraayan tatv paa liye vyakti kaa hai..to bhagvaan naaraayan aur naaraayan tatv me sthit braamhi sthiti me jo praapt hai aise mahaapurusho ke kaaran hi pruthvi tiki hai.

ek vyakti ke ghar ki khudaayi chal rahi thi to nug nikalaa..vo bahot khush huaa..aur nug mile…itane mile ki mahel ban jaayegaa ..chamchamaate hire ikaththe karataa gayaa.. itani khushi ki itane nug bechungaa to arabo rupaye ho jaayenge.. kalpanaa ke ghode daudaate rahetaa.. vishwaas ke javeri ke paas gaye darate darate ki sarkaar ke aadami ko pataa naa chale..eksaath sab nahi dikhaaye..thode aur hai.. thode aur hai ..kar ke dikhaaye…javeri bolaa,’ye hire jaise lagate hai,lekin 2 kaudi ke bhi nahi.’

hire maankar us aadami ko sukh huaa, pathhar jaankar dukh huaa.

lekin tatvavettaa ko dukhaakaar sukhaakaar vruttiyaa apane se pruthak dikhati hai.

makaan bech diyaa paise mile sukh hotaa, makaan gir gayaa dukh hotaa to ye maanyataao me hotaa hai. maanyataao me bewkufi milaate to ‘hum dukhi hai’ bolate.vaastvik me sukh dukh ki vruttiyaa aati jaati hai. tumhaaraa apanaa aapaa paramaatmaa kaa amar tatv hai. wo tatv ko paane ki ichhaa satsang se hoti hai.aur aisaa satsang bade bhaagya se milataa hai.

naarad puraan me aataa hai ki is anitya nashwar sansaar me saar baat 3 hai:

1)(Bramhgyaani sant kaa) satsang

2)bhagvat naam

3)bhagvat gyaan

..baaki sab mil mil ke chhut jaayegaa..koyi karm sadaa nahi rahegaa.

sone ki lankaa banaanewaale raavan ki khushi nahi tiki to teri 2 flat ki khushi kabtuk tikegi?2 flaat banaa ke khush ho rahaa hai to chhoti mati gati kaa hai.

dariyaa me lahere mite, bane aisaa sab sansaar hai…. samay bitaa jaa rahaa hai…magadh ke raajaa ne apane budhaape se laachaar rishabh ko dekhaa, us shwet varni aakarshak rishabh ki aisi dayaniy sthiti dekhakar raajaa kaa vivek jag gayaa..rishabh budhdaa huaa, mai bhi budhdaa ho rahaa hun..ye sharir shaashwat nahi,dhan shaashwat nahi, satta shaashwat nahi..sab  ke saath mai bhi maut ke najdik ghasitaa jaa rahaa hun…maut mujhe daboch le us ke pahele shaashwat paramaatm pad kaa sakshaatkaar karanaa chaahiye thaa..raajaa raatbhar sochataa rahaa..

vastuo ki apekshaa man kaa mahatv jyaadaa, man se vichaar kaa mahatv jyadaa hai..vichaar se saatvik vivek kaa jyaadaa mahatv hai.. saatvik vivek se raajaa ne jaanaa ki apane aap ki kimat atulniy hai.. raajaa man se vichaarataa gayaa to vichaar se divy vivek ki taraf pahunchaa ..vairaagy huaa raajpaat yathayogya ko saup kar magadh naresh sadguru ke charano me gayaa,to guru ne shresht adhikari jaankar ekdam sidhaa aatmaa paramaatmaa kaa prasaad praapt ho aisaa gyaan de diyaa!

us paramaatmaa ke gyaan me budhdi ritambharaa ho gayi. paramaatmaa gyaan me budhdi me budhdi daataa kaa aisaa prakaash ho jaataa jaise lohaa agni me daalane se agnimay ho jaataa! aisi budhdi rutambharaa ho gayi. raajaa ko ye jagat swapne ki naayi dikhane lagaa.

raajaa ko anubhav huaa ki sansaar ki ye kaisi maayaajaal hai..tutanewaale rishto ko ‘meraa’ aur maranewaale sharir ko ‘mai’ maanate.. aanejaanewaalaa dukhsukh ko sachchaa maanate.. nokari dhande kaa vistaar, raajya kaa vistaar karate.. ek raashtra bhi ek vyakti ko nahi mil sakataa,sab ki madad liye binaa rashtra ko akelaa chalaa nahi sakataa..koyi bhi pad milaa to sadaa rahetaa nahi..phir bhi sabhi me aisi bewkufi bhari hai..mahaan me mahaan apane’mai’ ko jaanaa nahi,asali ‘mai’ ko jaankar purn mahaanataa me aanaa hai.. saare bramhaand ke aage ye pruthvi chhoti, aise aatm bramh ke aage sabhi baunaa hai…vo hi apanaa aapaa hai…

is ko paaye binaa aur kyaa paakar baddapan rahegaa?..indra kaa badppan nahi rahaa..!

indra ne vichaar kiyaa ki maine aisaa kaun saa punya kiyaa ki jis se mai 33 karod devataa kaa swaami hun…12 megh meri aagyaa maanate !maine kyaa kyaa kiyaa hogaa?apane guru bruhaspati se puchhu..

guru brahaspati ko pataa chalaa ki indra aa raha hai..aur is bhaav se aa rahaa hai…indra apane guru dev bruhaspati ke paas aaye to dekhaa ki gurudev to kuchh bahot dhyaan se dekh rahe aur bol rahe..indra ne udhar dekhaa to gurudev kide makodo ko dhyaan se dekh rahe the ,un se hans rahe the aur baate kar rahe the…ke ‘achhaa tu 2 baar banaa thaa!’  ‘achhaa, tu 4 baar!’  ‘tu 9 baar!wah!’ ‘tu 11 baar banaa thaa!!’

indra pichhe khadaa thaa..soch raha atha aki gurudev kyaa bole jaa rahe..gurudev to kido ke bhutkaal ko dekh ke bole jaa rahe hai..

indra kaa kutuhal badhaa to puchhaa ki,’gurudev, ye aap kyaa bol rahe?’

Bruhaspati bole,’anant kaal me anant baar jeev karmo ki lilaa me bhatakataa rahetaa …ye koyi 2 baar indr banaa.. koyi abhaagaa to 11 baar indra banaa hai..aur ab un ki ye dashaa hai…

indra samajh gayaa ki,’mai indra banaa ye meraa badappan nahi,achhe karm kaa phal hai..punya naash hote hi mai indr-pad se chyut ho jaaungaa…mujhe to is chhutanewaale indra-pad kaa vyarthya hi garv ho rahaa thaa..’

‘mai samraat!’ ..bete jis asali ‘mai’ ki sattaa se tu samraat banaa hai vo nitya hai,samraat pad ki satta anitya hai..aise kayi samraat ban ban ke chale gaye…jis se banaa jaataa hai vo nitya hai, baaki bananewaali koyi chij nitya nahi…

indra kaa sharir ho chaahe kisi kaa sharir ho! nitya sharir nahi,nitya hai shariri!

shariri hi shaashwat hai..shariri maane aap kaa aatm-bramh hi nity hai… man, tan jahaa se sattaa laataa vo nity hai!! us ko paane me kanjusi kyo karanaa?

vashishth maharaaj bolate, hey raam ji , jiv bade parishram karataa sansaar ki chije , pad, satta,pratishthaa paane me aur kaam, krodh, ahankaar me girate..lekin phul todane me kyaa parishram hai? paramaatm pad paanaa is se bhi aasaan hai..vikaaro se upar uthkar saatvik vivek se jo sampann hotaa,us ke liye paramaatm pad paanaa gopad laanghane ke naayi ho jaataa… gaay kaa khur laanghane me kyaa parishram?…us ke liye phul todane se bhi sansaar saagar se paar hona aasaan hai..

jin ko sansaar paanaa sachchaa lagataa un ke liye gambhir hai ..jis ko tairanaa nahi aataa vo baadh ki nadi me subah tuk mar jaayenge..aise vikaaro ki nadi me jeev mar jaataa hai…aur marane ke baad jis ko rup ki aaasakti hoti, dekhakar majaa lene ki aadat hoti to aise praani banate..jaise patange… sundar light dekhate to jhapatate.. kuchh girate, phir ud ke wahaa hi jhapatate…aap ne dayaa kar ke diyaa bujhaa diyaa to ho sakataa hai ki vo kidaa bach jaye…aap ko lagegaa ki us ke praan bachaau,lekin patange ki drushti se aap kathor hruday ho ke aap ne us kaa sab kuchh chhin liyaa..

aise sansaar sachchaa lagataa to sochate ki bhagavaan ko milaa kyaa jo achhi chije chhin lete,tan chhin lete, sukhdaayi paristhiti chhin lete..pati patni me jhagade hote to socho ki bhagavaan ki badi dayaa hai,:) .. sansaar me vighn baadhaa aayaa..bhagavaan mujhe yahaa samay barbaad karane nahi denaa chaahate..

kisi bhi mili huyi chij kaa upyog karo, upbhog mat karo..

mai bhojan kar ke apanaa swaasthya achhaa  karu to ye upyog ho gayaa.lekin swaad ke liye, dikhaave ke liye variety banaa ke khaau to ye upbhog ho gayaa..phir kamaane me gudbud, un ke swaasthy me bhi gudbud hoti… ye naasamajhi hai… party me 50 lakh kharchaa kar dete, vo vaastav me jeevan jinaa jaanate hi nahi… 35 variety khaayenge! paachan tantr bigadegaa… samaaj ki vyavasthaa bigadati… shaadiyo me aisaa kharchaa karate, swaad kaa- dikhaave kaa lolup hote aiso ke liye sansaar taranaa badaa gambhir hai.

bhagavaan budhhd apane shishyo ko bole,tum ne kitane janam liye ye jaanoge to tumhaari saare janamo ki haddiyaa ektrit karate to ye pahaad dikh rahaa us ko bhi baunaa kar degi itani haddiyo kaa dher hogaa…itane saare janamo me kitane aansu roye dekhoge to badaa sarovar bhi nanhaa ho jayegaa !

apane par krupa karo…aap ko jo gyaan diyaa is kaa upyog karo… nity aatmaa ki smruti karo…bhagavaan kaa dhyaan,bhagavaan ke prem me rahekar nitya swabhaav ko jaan lo.. to aap kaa anity vyavhaar bhi sundar ho jaayegaa..!

kaise kaise auliyaa ho gaye..

ek muslim baai thi Disaa me…disaa me bhi mai kahi bhidbhaad me nahi jaataa , kyo ki lilaashaah baapuji kaa chelaa jaankar logo ki bhid ikaththaa ho jaati…to shivlaal kaakaa ke hotel ke saamane vo muslim baai paagalo jaisi baithi raheti thi…ek saadhak ko dhyaan me bithaayaa, us ko divya anubhav huye…shaam huyi to hum ne kahaa, “utho, jaao!”

to raaste me vo muslim baai paagal ke naayi us saadhak ko boli, “maal maar ke jaa rahaa hai!.. ek ded ser ki jaraa pilaa de..kuchh nahi to bidi pilaa de..”

us ne kahaa, “maataaji saai ke paas rahetaa hun..hum bidi nahi pite..”

“arre itanaa maal maar ke jaa rahe, itanaa khajaanaa de diyaa tere ko..kuchh to de..”

us saadhak ne mujhe dusare din subah aa ke bolaa ki aisaa aisaa huaa..bolaa ,vo muslim maayi abhi bhi shivlaal kaakaa ke hotel ke baahar baithi hai..

hum ne kahaa,”mujhe us ko dekhanaa hai,lekin wahaa to jaa nahi sakate..tu bhi soch ,hum bhi sochate.”

aadhaa ghantaa bhi nahi huaa hogaa…saadhak daudataa huaa aayaa , bolaa, “vo maayi ashram ke ped ke niche baithi hai!”

to hum gaye wahaa…mujhe dekh kar khub hansi… code word me kuchh baat kahi …mai sikud gayaa…. codeword kaa arth ye thaa ki ‘aurat chhod ke aayaa hai , yahaa sahib banaa hai’ aur mai isliye sikud gayaa ki ye baat khol degi to disaa waalo se gharwaalo tuk baat pahunch gayi to rukaavat aa jaati….

to vo maayi ne bolaa thaa ki jinnaad ko chhod ke aayaa hai, saaheb ban ke baithaa hai.. meraa bhaav jaankar bhakto ko alag patti padhaa di ki , saaheeb ke jinnad hum hun…!

aise hi nityaanand baabaa ke shishya Muktaanand maharaaj ko hum se bahot sneh thaa..meraa photo dekhate to bolate laao mai sign karataa hun!..

naanaa saahib auliyaa bich raaste me pade rahete samaadhist… phakkad baabaa… jo jaanate wo pranaam kar ke nikal jaate..ek deputy collector wahaa se gujare..baabaa ko dekh kar driver ko bole, ‘bich raaste me chale jaate is kaa baap kaa raastaa hai kyaa.. horn maaro’… driver haath jod kar bolaa, “nahi maar sakataa hu saab…”

collector gaadi se utaaraa aur naanaasaab auliyaa ke paas jaa kar bolaa,”aie! aise bich sadak pe baithanaa achhaa nahi lagataa hai..utho!” baabaa to dikhane me patale dubale the, lekin us mahaapurush ne collector ko aise joro ko tamaachaa rakh diyaa ki collector ki aankho ke saamane se drushymaan jagat kaa pardaa hat gayaa aur ek hi kshan me collector ko tan se, man se, anubhav se, vivek se aisaa vairaagy kaa prakaash karaayaa ki collector resign dekar saadhu ban gayaa! baabaa jahaa pahunche the, wahaa pahunch gaye ..ek thappad ne kaam kar diyaa…!!

amiri ki to aisi ki sab jar lutaa baithe

phakiri ki to aisi ki guru ke anubhav me aake baithe !!

thik isi prakar raajaa bharotari  jaa baithe …satsang samajh me aa gayaa hai, “jis se dikhataa vo nitya hai sharir, man, budhdi nitya nahi hai.. dukh aataa-jaataa hai, sukh aataa-jaataa hai…in sab ko jaananewaalaa “mai” hun…jo in aankho se dikhataa vo prakruti kaa drush hai, jis se dikhataa vo drashtaa “mai” hun…gurudev aap hi pahunchaa dijiye wahaa..” gorakh naath ne krupaa ki… kuchh hi dino me raajaa bharotari me paramaatmaa me shaant hone ki shakti aa gayi.

gurudev gorakhnaath shishya bharotari ki is sthiti ko paaye huye dekh kar bahot prasann the… puraane shishyo ko utsaahit karane ke liye bole, “dekho thode hi dino me raajaa ne kaisi unchi aatm sthiti paayi hai!”

parishram se, vastu se man shresth hai..man se vichaar shreshth hai…vichaar se anubhav shreshth hai…aur anubhav se vivek shreshth hai..raajaa ne tivra vivek se hi kaam, krodh,lobh, moh aadi vikaaro ko vivek ke dwaaraa hi paar kar diyaa hai…

shishyo bole, ‘parikshaa li jaay to pataa chalegaa..’

shishya guru ke ati sannidhya me hai to kabhi avagyaa kar lete…guruvachano ki mahatta nahi jaanate…

gurudev ne kahaa,’jaao bharotari ko bulaa laao”

raajaa ko kahaa gayaa ki jungle se lakadi kaa bojaa laanaa hai…raajaa ne kabhi kulhaadi haath me nahi pakadi thi, vo hi raajaa jungle se lakadi laa rahe…gurumahaaraaj bole, “aata hogaa bharotari, raaste me ek taraf dal-dal ,ek taraf khaayi hai.. aisaa dhakka maaro ki vo gir jaaye..”

bharotari junier the, 🙂 seniors ne aisaa dhakkaa maaraa ki bojaa ek taraf ludakaa..lekin raajaa kshatriya khun thaa to girate girate sambhal gaye..bojaa sir par rakhaa.. aankh laal nahi, hoth dabaaye nahi..cheharaa aisaa ki jaise kuchh ghatanaa ghati hi nahi… aise aatm sthit me jyo ki tyo! gurudev shishyo ko bole,”dekho,kaisi sthiti paayi hai!” shishya bole,”ye to vo samajh gaye honge isliye..aur kasaa jaaye…”

aakhari me gurudev ne shishyo ko upar uthaane ke liye bharotari ki aur parikshaa li…bole, bharotari,shishyatv me purnataa tabhi maani jaati, jub ek maas baisaakh me marubhumi me yaatraa kare..bhikshaa mang ke khanaa hai.. kal ke liye naa rakhe, sham ke liye naa rakhe…”  jis ne kaalin se pair niche nahi rakhaa,aisaa raajaa bharotari guruji ke ek ishaare se chal pade..pairo me phole huye.. phutate jaaye..

bharotari  koyi aisaa waisaa  samraat nahi,jis ke paas 360 baavarchi rahete jo saalbhar me ek din raajaa ko manbhaavan bhojan khilaa ke shaabaasi, inaam paane ki intjaar karate…vo hi raajaa ab sukhi roti chabaaye…kaisi vichaar ki unchaayi par pahunchaa hogaa… gurudev gorakhnaath ne shishyo ko dikhaayaa..bole, “yogbal se raaaste me vruksh pragat karataa hun,dekhe kyaa karataa hai… aaraam kaa mahatv hai ki gurumaani hai…ki apani man-maani hai…”

sati agar ‘sati’ hai to pati ke bal se nahi hai, apani man-maani chhodane ke bal se ‘sati’ hai..

aise guru me shishya shradhdaa badhaataa  to man ki waasanaa mitaane ki tarkib aa jaati hai.. sankalp cum hote to man unchaa hotaa hai.. man  me sankalp uthe naa uthe,us kaa mahatv nahi rahetaa..ye sab praakrutik niyam ke anusaar hotaa… kasht sahekar bhi shishya saadhan karataa, 4 mahine huye sab se aage nikal gayaa to us me  vichaar hai, samataa hai, vivek hai….

koyi bike pe ghumataa hai,koyi gaadi me ghumataa hai to koyi jahaaj me ghum rahaa hai…jis ki jaisi yaatraa hogi.. saadhan kaa bhi pharak padegaa naa!

bharotari ke aage ped khadaa kar diyaa, bharotari aise kude ki maano angaare pe pair pad gayaa… guruji aage mile bole, ‘marubhumi me aage kantile raaste hai taklif padegi..kyaa chaahiye de du.. asht sidhdiyaa,nav nidhiyaa…’

bharotari ne guruji se prarthanaa ki,ki un ki krupaa se shishyatv me purnataa denewaali ye yaatraa purn kar le,naa asht nidhi chaahiye ..naa nav nidhi chaahaiye..guru ki prasannataa chaahiye…jub bharotari kantile raasto ko bhi paar kar gaye to guruji saamane darshan de rahe the..bole, ‘bharotari mai prasann hun..jo chaahiye maang lo.’

bharotari guruji kaa darshan paakar gadgad ho gaye..bole, gurudev mere karodo janmo ke sabhi karm saphal ho gaye..aatmsakshaatkaari gurudev humhaare liye santusht ho gaye!ye mere aajanm karmo ke punyo ki paraakaasthaa ho gayi!’

gurudev prasann ho jaaye,bahot badi bahaaduri ho gayi…lilaashaahji prabhu santusht huye to hum ne 40 din me itani unchaayi paayi …

aajanm karm kotinaam taa sakalaa saphala devi guru santosh matrataa

guruji bole,bharotari , ishtdev gurudev kuchh denaa chaahate to,lenaa chaahiye.’

bharotari ek kanthaa pahen ke nikale the,jo kantile raasto me phut gayaa thaa..niche reti me padi suyi uthaakar aur haath me jo babul ki chhal kaa doraa thaa guruji ko dete huye bole, ‘gurudev…kuchh manganaa hi padataa hai to…aap  prasann hai naa to meraa ye kanthaa phat gayaa hai..mujhe suyi me dhaagaa daal dijiye to mai ye kanthaa see lu..’

napeksha suchirdakash anarambhaa!!

koyi apekshaa nahi..kyo ki jaan gaye ki paayenge to chhutegaa naa.. baahar ki suvidha me paraadhintaa ka sukh hai…duniyaa ke saare pado se badaa pad hai asht sidhi navnidhi milanaa… hanumaanji ke paas thi…phir bhi raam ji ke charano me gaye..

najaaro se ve nihaal ho jaate, jo bramhvetta ke najaro me aa jaate..

guruji tum tasalli naa do,sirf baithe hi raho..

mahephil kaa rang badal jaayegaa,

girataa huaa dil bhi sambhal jaayegaa!!

.. kaam, krodh,lobh vikaaro me girataa huaa dil sambhal gayaa hai pichhale 4ghante se! 🙂

man shaant hai..chittvrutti prasann hai… aatmaaraami sant ke aage baithe hai, achhaa lag rahaa hai naa?

to kuchh hai naa? 🙂

mere me jo hai,vo hi aap me bhi hai! bas  bich kaa pardaa hut gayaa to jaise saari maanavataa suraj ko dekh sakati hai aise ek vyakkti aatmaaparamaatmaa ko paa sakate to aap nahi paa sakate hai kyaa? lag jaao!

naa jaane kab shaam ho jaaye..swaad me aasakti, lalanaa dekhane me aasakti,kaamvikaar kaa aakarshan ye vikaaro ki loluptaa se marane ke baad waise hi shariro me jaayenge..

mili huyi chij kaa upyog karo, upbhog naa karo! koyi bhogi santusht nahi rahe sakataa…puraa din subah se shaam tuk ras ke liye dauddhup karate…lekin  asali mul to paramaatmaa kaa ras hai..us me tik jaao to baahar to upyog aur bhagavaan ke yahaa bhi mauj!!dono haath me laddu.. 🙂

shiv ji ke shrimukh se nikale vachan bolanaa:

dhany maataa pitaa dhany, gotram dhanyom kulodbhav

dhanyaach vasudhaa devi, yatr syaat guru bahkataa ll

aap ko chhoti si kathaa sunaataa hun :

ek haathi markar yampuri gayaa..yamdut us ko daante, ‘abe itanaa badaa praani,manushyo ki chaal se chalataa hai..’

haathi bolaa, ‘mere se badaa manushy hai..!’

yamduto ne kahaa, ‘tere ek pair ke baraabar bhi nahi manushya..’

haathi ne kahaa,’aap ko pata anahi, aap yahaa jo bhi manushy laate ,mare huye lekar aate… aap kaa  kabhi jindaa manushy se paalaa nahi padaa!! manushy to manushy hotaa hai..!!’

haathi ki baate sunkar yamraaj bhi chakit ho gaye..yamdut ko bole,’ek jindaa manushy ko le aanaa kabhi… 🙂  dekhe kaisaa hotaa hai!’ yamduto me khetkhali me soyaa ek jindaa manushya dekhaa to us ko khatiyaa ke saath upar le jaane lage…manushyaa jaag gayaa…upar ki havaaye tej thi…us ne aankhe kholi,dekhaa ki yamdut khatiyaa uthaakar le jaa rahe…sochaa ki chillaungaa to kahi yamdut khatiyaa tedaa karenge to itani unchaayi se girkar mar jaaungaa…us ne jeb se kaagaj nikaalaa aur us me sign kiyaa… yampuri me pahunche to dwaarpaal daudate huye aaye, roke..bole, ‘kahaa se aaye ho, jindaa manushya ko nahi le jaa sakate..’

is manushya ne vo chiththi dikhaa di,bolaa,’bhagavaan naaraayan ne diyaa hai sign kar ke!’ 🙂

dwaarpaal bade aadar se us ko yampuri me yamraaj ke paas le gaye…bole is ke paas narayan bhagavaan ki chiththi hai…yamraaj ne us ko chairman banaa diyaa!….

naaraayan bhagavaan ne bhejaa hai to us ko kaam bhi badaa diyaa..koyi bhi markar yampuri jaaye us kaa kyaa kiyaa jaaye is kaa koyi bhi nirany lenaa hai to chairman legaa aisaa yamraaj ne kaam de diyaa..

ye chairman kyaa kare ki koyi bhi manushya marane ke baad yampuri aataa to us ko ‘swarg me bhejo, ‘satsang sune ke aayaa vaikunth me bhejo’ aisaa aadesh dene lagaa..swarg me aur vaikunth me to bhid badh gayi bahot…jagah nahi bachi…nark to khaali padaa..

to yamraaj ko puchha gayaa ki kyaa huaa,itane log achaanak vaikunth aur swarg me kyo aa rahe?’

yamraaj bole, ‘aap ne jo bandaa bhejaa hai,us ne hi bheje hai…’

Narayan bhagavaan bole, ‘hum ne to nahi bhejaa koyi aadami aap ke yahaa!’

yamraaj bole,’vo aap ki chiththi lekar aayaa hai..abhi bhi yahaa hai!aap aakar dekh sakate hai!’

to saakshaat naaraayan pragat huye…bole, ‘kaun hai tu?’

aadami ne bhagavaan narayan ko pranaam kiyaa,bolaa, ‘…vo prabhu mere ko yamdut unoffocially laaye..to unchaayi se girakar mar jaane se yahaa jindaa rahekar kuchh kaam kar rahaa hun..!:)

Bhagavaan naaraayan bole, ‘to 4 din me itane aadami ko kyo bhejaa vaikunth me?swarg me?kaam bhi thik se nahi kiyaa..’

aadami bolaa, ‘prabhu.. ‘kar bhalaa, ho bhalaa’ soch kar bhejaa..dekhiye us kaa hi phal hai ki 4 din me hi sakshaat naaraayan aa gaye darshan dene!’

bhagavaan bole, ‘tum ne mere naam ki sign ki ye gunaah kiyaa hai’

aadami bolaa, ‘prabhu, aap hi sab kartaa-karavitaa hai!sign kiyaa to haatho ko chalane ki sattaa to aap hi ki hai…budhdi ke prerak aap hi hai!…aap chaahate to mere haatho ki shakti chhin lete…aur ye sach nahi to shaashra jhuthe ho jaayenge prabhu..’

bhagavaan naaraayan ne aadesh diyaa,’achhaa, ab tu apani jagah pe chalaa jaayegaa…paapiyo ko narak me bhejo, vaikuth me punyaatmaa rahenge..’

aadami bolaa,’bhagavaan aap kaa darshan huaa!aap ke darshan kaa phal to ye hi hai ki , ‘jiv paayi nij swarupaa!mujhe aap waapas pruthvi par kais ebhej sakate hai prabhu?’

jinda manushya ki to had ho gayi! bhagavaan ko bejwaab kar diyaa..

bhagavaan bole, ‘thik hai tu bhi chal vaikunth me …’

aadami bolaa,’prabhu,meraa to kaam ho gayaa, lekin jin ki krupaa se mai yahaa aayaa, mere dwaaraa ye sab huaa, is kaa mul hai ye haathi!to is kaa haq pahele banataa hai,ye haathi vaikunth jaayegaa to meraa vaikunth me aanaa shobhaa detaa hai!..’

sab ko chakit dekh kar Haathi bolaa,”saathi sung jaay vaikunth! jay raam ji ki mahaaraaj!! ye jindaa manushy hai !!!”

jinde manushya aisi yogyataa rakhataa ke bhagavaan ke guru ban sakataa hai..bhagavaan kaa maa-baap ban sakataa hai!

OM SHAANTI.

SADGURUDEV JI BHAGAVAAN K I JAY HO!!!!!

Galatiyo ke liye Prabhuji kshamaa kare…..

Advertisements
Explore posts in the same categories: Pujya Bapuji

2 Comments on “PRUTHVI KYO TIKI HAI?”

  1. Shyam Vaidya Says:

    Hari om !!!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: