VIVEK JAGAAO

30Jan2010;Delhi Poonam Satsang

***************************************************************

PARAM PUJYA SANT SHRI ASARAM BAPUJI KI AMRUTWANI

****************************************************************

(Delhi dwarakaa ke maidaan me satsangiyo ki apaar bhid umadi hai..maano bhakto kaa samundar hai…)

Us ko hum par naaj hai to logo ki mohabbat kaa humhe bhi naaj hai..

tum par naaj hai isliye ek khaas baat bataanaa chaahataa hun… koyi hajaar din tapasyaa kare aisaa kaam tum ek din me kar sakate aisi baat hai.vishwa ke kone kone me vo baat phailaaungaa..

narayan narayan ye kaisa hai jaadu..

aaj maaghi punam,rahidaas sant ki jayanti aur gaandhi nirvaan din hai.aaj ke din snaan, daan, pujan, shraadhd aadi kaa vishesh mahatv hai.shiv pujan kaa mahatv hai isliye param shiv kaa aatmshiv kaa pujan  karanaa mahaapunydaayi hai.

(mahaa aarati huyi.dip dhup ke saatvik nirmal waataavaran me sadgurudev ji bhagavan ne pranayaam karaayaa:shwaas andar bhar ke hoth band kare aur kanth me omkaar kaa uchchaaran karate huye gardan ko aage pichhe hilaanaa hai,aisaa 2 baar karanaa hai.)

ye kriyaa saadhaaran hai lekin bahot saari unchaayi ko chhune waali hai. naadiya sakriy hoti hai.bramhagyaan paane me sahyog degi.

ek param mangalkaari din hai 2 Feb2010 ko angaarak chaturthi hai.

chandragrahan me koyi japdhyaan karate to laakh gunaa phal hotaa, surygrahan me karate to 10 laakh gunaa phal hotaa.angaarak chaturthi ko jo jap dhyaan hogaa us kaa phal surygrahan ke tulya arthaat chandragrahan se 10gunaa jyaadaa hogaa.is kaa laabh le.

rutu parivartan ke din hai,in dino me swaasthy ko sudrudh rakhane ke liye, rutuparivartan ke prakop se bachane ke liye 3 gram harad kaa churn shahed ke saath le.khaansi, kuff jany bimaari dur hogi.

nim ke patte ek kali mirch ke saath chabaaye to swaasthy me sahaayataa hogi.agali poonam holipoonam hai, sury ke phul yaa kesure ke phulo kaa rang sharir ke sapt rang santulit rakhate hai aur high BP, low BP  kaa shaman karane kaa saamarthy aataa hai.

bhautik vastu ki apekshaa man unchaa hai.man se samajh unchi hai.samajh se anubhav unchaa hai.anubhav 2 prakaar ke hote: bhautik aur adhidaivik.bhautik aur adhidaivik anubhavo ko jo jaanataa us paramaatmaa kaa anubhav sarvopari hai.

magadh naresh raajya kaa vistaar karane ke liye , dekhabhaal kar ke kuchh varsh ke baad samay paakar apane suhaavane shwet varn aise bail ko dekhane bail shaala me gayaa.bail ludhak gayaa thaa.. budhaape ne kamjor kar diyaa thaa…pyaare bail ki aisi kamjor dayniy avasthaa dekh kar raajaa ko dhakka lagaa…aisi haalat kis ne ki?kyaa kaaran hai ki ye aisaa laachaar mohtaaj ho rahaa hai?

karmchaari bole, ‘mahaaraj ,aap ke khajaane me kami nahi..lekin umar badhati to paachan shakti cum hoti..budhaapaa aataa to jawaani ka aakarshan ludhak jaataa..bail ko sab kuchh dete ,lekin khaataa nahi..khaaye to is kaa gobar patalaa hotaa.. budhdaa bail ko dast lag jaate. budhaape ki laachaari is ko is dashaa me le aayi.

bhautik chijo se man badaa, man se vichaar, vichaar se samajh badi hai , samajh se anubhav badaa hai. anubhav se aatm vivek badaa hai.isliye aatmvivek me le jaanewaalaa satsang badaa hai satsangi magadh naresh kaa bail ki dayniy avasthaa dekhakar aatmvivek jagaa..

mujh murakh ko dhikkar hai!jo sharir saath nahi degaa us ka aahankaar badhayaa,jo raajya yahaa hi padaa rahegaa us kaa vistaar karane ke liye kitane nirdosh manushyo ki kattale karate gayaa…budhe bail ne aankh khol di… raajaa nrug ne raajya kaa vistaar kiyaa,marane ke baad kirkit ho gayaa. raajaa Ajj ne raajya kaa vistaar kiyaa, marane ke baad saap ho gayaa.mai unhi kaa anukaran kar ke dushtataa ko praapt ho rahaa hun…’

bhagavaan ki bhakti purushaarth se nahi milati..purushaarth se milataa vo chhut jaayegaa.karm se jo bhi milegaa vo chhut jaayegaa. bhakti  karm kaa phal nahi.

hanumaanji sitaaji ko  khojane lankaa pahunche. lankaa chhan maari, sitaaji nahi mili. sitaa hai bramhvidyaa bhakti.. shiv ji hai bramh… jab bibhishan mile ,bole sitaaji lanka me hai.. ashok watikaa me hai.. kaise dikhegi? purushaarth se nahi yukti se milegi..aise bhakti purushaarth se nahi paa sakate,yuktidaataa sadguru kaa ishaaraa mile to bramhvidyaa paanaa ,bhakti paanaa sugam hogaa..

magadh ke raajaa ne raajya kaa vistaar kiyaa.raajya kaa daura kar daalaa..lekin jis se karane kaa saamarthya aataa hai us adhisthaan ko jaane bina abhaagaa rahe gayaa… mere bhi to baal saphed ho rahe..’ raajaa ke kaan ke paas ke baal saphed ho rahe the..

jub aise kaano ke paas ke baal saphed ho jaaye to samajho kaan ke paas telephone aataa hai ki ab mamataa se, aasakti se bacho..yaha se nikalo…

magadh naresh raatbhar nind nahi kiye… karm shaashwat nahi.. humhaaraa ‘aatmaa’ humhaaraa ‘mai’ ko to jaanaa nahi..sharir ko mai maan ke  paagalo ki daud lagaa rahe…magadh naresh unche vivek par pahunchaa hai.. jitanaa antarmukh utanaa jeev mahaan hogaa.

shabari ki unchaayi abhi bhi aadarniy hai.lekin raavan ne bhautik anubhavo ko mahatv diyaa to us ki bhautik jagat ki unchaayi us ke liye musibat ban gayi.

raavan shiv bhakt thaa..kailash me ke shiv ji kaa darshan karanaa pade ,to raavan ne kailash ko hi uthaanaa chaahaa, ki lankaa le jaau to shiv ji ke roj darshan honge.paravti ji boli ki kaisaa aap kaa bhakt apanaa ghar ukhaad ke le jaa rahaa hai…shiv ji ne pair kaa anguthaa dabaayaa to raavan aise chichi karane lagaa..aisi kathaa hai.

to taatpary ki jo kailash uthaane ki taakad rakhataa hai vo raavan sitaaswayamvar me shiv ji kaa dhanushy uthaane me viphal ho rahaa hai.. kya rahasy hai ye?

sitaaji ke liye angad aur hanumaanji raavan ke darbaar me gaye ..to angad ne daanv khelaa.bolaa,’mai pair rakhataa hun,agar tu heelaa ke dikhaayaa to raam ji ne sitaa haari!’

apani swaamini kaa haarjeet kaa challenge kare, bahut badi baat ho gayi..us ko haarjeet kyaa kahe, ye to ativishwaas hogaa..vyavhaar me dekhaa jaay to over confidence hai.

‘meraa pair uthaa ke dikhaao to raam ji ne sitaa haari.’

raavan ne sitaaji kaa apharan kiyaa lekin sitaaji apani nahi maanataa hai.sitaaji humhaare adhikaar me hai aisi soch ki taakad raavan ke paas nahi thi.satsang se samajh unchi hoti,lekin raavan ko to satsang kaa gyaan nahi thaa…nahi to bolataa ki raam ji ne sitaa kyaa haari?sitaaji to mere paas hai..jay ramji bolana padegaa 🙂

vastuo ki apekshaa man unchaa hai,man ki apekshaa vichaar unchaa hai aur vichaar se vivek unchaa hai..

angad kaa vivek chamchamaa rahaa hai.. swaami ke sath itani aatmiyataa hai ki ‘maa ko haaraa’ ye kasam khaa li us ne pitaa se puchhe binaa.. chhoraa daanv lagaa ke aa rahaa hai..

to raavan angad kaa pair uthaane me viphal huaa.sitaaswayamvar me shivji kaa dhanushy uthaane me viphal huaa.ye kaise aayi viphalataa?jab ki kailaash uthaane ki taakad rakhataa thaa..

jab kartaa vishwa kartaa se satta lekar aham ko visheshataa detaa to viphal hotaa hai.

jaha se satta aati waha se mukh modata jataa to viphal hotaa hai.

lekin jahaa se kartaa ko karm karane ki sattaa aati us ke priti ke liye mangal vidhaan ke nimitt kartaa karm kare to srushti kartaa kaa saamarthya us me chamcham chamakataa hai.

agar mai sirf satsang karu, paramaatm dhyaan chhod  du, bhagavat prasaad ka mahatv chhod du to aisi bhid nahi hoti, kyaa khayaal hai?

kayi log puchhate ki baapu ki lokpriyataa badh rahi hai, is ke pichhe kyaa raaj hai?..lokpriyataa badh rahi is ke pichhe baapu ke sharir mahatv nahi, baapu ka jo ‘BAAPU-TATV’ hai us me paramaatm vishranti hai..ye baapu ki jay nahi,us paramaatm vishranti ki jay hai…

jyu jyu ishwar tatv ke paas jaate sahaj mangal hotaa..aur jyu jyu karm se bane sharir ko ‘mai’ maanate, us param satta se alag banakar pareshaaniyo me ulajhate..jindagi aise hi vyarthy chali jaati.

magadh naresh ke bail ke naayi budhaape me jindagi vyarthy chali jaati,magadh naresh ne raatbhar jaag kar vivek tivr kiyaa.subah uth ke raaj paat saup kar sadguruke charano me gaye aur apane aatmpad ko paa liye.

aap apane anubhav kaa aadar kijiye.gussaa karane ke baad, jhuth bolane ke baad,kisi ki nindaa karane ke baad kaa anubhav yaad karo.. manobal kamjor hotaa  hai.saty bolane se, madhur bolane se hruday kamal khilataa hai ye sabhi kaa anubhav hai…to aap apane anubhav kaa aadar kijiye. jaise raja bhagirath ne paayaa.

mere shishyo ko motiya bindu kaa operation nahi karanaa padegaa, aisa netr bindu khojaa hai.

aisaa bhi netr bindu ban rahaa hai ki adhaai mahine aankho me daalane se chashme utar jaayenge sadaa ke liye.netr bindu daalkar chashme utarenge to bhi baahar ki aankho ke..satsang kaa gyaan andar daal lo  aap to andar ke sat chit aanand swarup me, jo praani maatr ke suhurd hai us me nischint honge laalaa!

ashaant ko sukh kahaa aur shant ko dukh kahaa..

OM SHAANTI.

SADGURUDEV JI BHAGAVAAN KI JAY HO!!!!!

(GALATIYO KE LIYE PRABHUJI KSHAMAA KARE…..)

Advertisements
Explore posts in the same categories: Pujya Bapuji

3 Comments on “VIVEK JAGAAO”

  1. Ramanuj Says:

    Great.

  2. shrikant pandey Says:

    Satsang ka amrit pahuchane ke liye dhanyavad

    Hari Om.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: