Murjhaaye Phulo ko Khilate Dekhaa!:)

 25Jan2010; Gunaa(MP) Satsang

*******************************************************

PUJYA SANTSHREE ASARAM BAPUJI KI AMRUTWANI

********************************************************

(Bhakto ki apaar bhakti se prasann hokar kal-26th Jan2010-ko Sadgurudev ji Bhagavaan Gunaa me GanTantra din ke shubh awasar par GunTantr din manaayenge!)

naaraayan naaraayan naaraayan naaraayan

biraajo laalaa laaliyaa!

gyaan badh rahaa hai? HAA!

aanand badh rahaa hai? HAA!

pareshaani badh rahi hai? Nahi..

shaabaas! samajh ke bol rahe hai…:)

 

ghar me ashaanti ho to “hey prabhu aanand daataa kaa” paath karanaa.ados pados waalo ko bhi bolanaa.

 

Irshaa karane se, nindaa karane se nimohypotiod aur LDL naam ke vishaari dravy humhaare sharir me banate aur humhaare shaasra kahete

“par nindaa adham samaanaa”

Nindaa,Irshaa karanaa bahot badaa paap hai..

 

isliye mai to haath jod ke bolu , sasu bahu ki ninda naa suno, naa karo.

 deraani jethaani ki nindaa naa suno , naa karo.

 padosi padosi se naa nindaa karo, naa jhagado.

 

aap to apane me se 4 chaanchyalya kaa paap nikaal do.

nindaa karanaa,jhuth bolanaa, chugali karanaa,lambi baat karanaa ye waani ke paap hai…vo chhod do..

is se apane sharir ki  1)majjaa 2)viry 3)dhaatu ye 3 jaruri chije  kharch hoti hai.

isliye bolane me paap naa kare,saar garbhit bole.

 

waani kaa chanchyalya kaise mitaaye?bolane ke paap se bachane ke liye aisaa karo :-

pahili ungali anguthe ke niche, 3 ungali sidhi aur bhagavan ke samaane baith  kar

hariiiiiiiiiiiiiiiii ooooooooooooooommmmmmmmm

aisaa lambaa uchchaaran kare.bhagavaan ko athavaa guru ko yaa swastik ko ek tuk dekhe aur bole:-

Hariiiiiiiiiiiiiiiii Oooooooooooooooommmmmmmmmm

aisaa cum se cum 8 minute kare.is se rakt, man aur budhdi pavitra hogi.waani chanchyalya se paap lagate hai vo bhi cut jaayenge.

 

kitanaa bhi gandaa bhaagy ho,thik hone lagegaa..kitani bhi buri aadate hongi, thik hogi.

 

bhay naashan durmati haran  kali me hari ko naam

nish din saadhak jo jape saphal hovayi sab kaam

bhay kaa naash hogaa, durmati dur hoti hai, kaary saphal hotaa hai..

HAriiiiiiiiiiiiiiiii OOOOOOOOOOOOOMMMMMMMMMMMM

rog prarikaarak shakti badhati..bhagya ki rekhaa badalati hai..

ghar me bhi aisaa karo.. aaasan bichhaakar…

Hariiiiiiiiiiiii Oooooooooooommmmmmmmmmmmmmmmm

roj 8 se 10 minute…

raat ko sote samay 2/4 minute aisaa kare…

hariiiiiiiiiiiiii ooooooooooooooommmmmmmmmmmmm

paap, taap, gandi aadate  bhagavaan har lenge..aur tumhaare hruday me apani krupaa bhar denge.

 

waani ki chanchalataa, man ki chanchalataa shaant  hoti jaayegi.

tumhaaraa man pavitr hotaa jayegaa, rakt ke kan pavitra hote jaayenge..

 

bhagavaan aanand swarup hai,bhagavaan sukhrup hai,hum un ko priti purvak bhajate to ve tumhaaraa paap taap har ke apani bhakti bharenge.

 

bhagavan ki madhur smruti se bhaagy ki kathin rekhaa bhi badal jaati hai.

 

“metat kathin ku ank bhaal ke”

Hariiiiiiiiiiiiiiiiiii Ooooooooooooooooommmmmmmmmmmmmm

 hum prabhu ke prabhu hamhaare!

 bhagavaan dayaalu hai…bhagavaan sukhrup hai…bhagavaan praani matra ke heeteshi hai…bhagavaan samarth hai..!

suhurd kaa arth hai jo hum se binaa badale ke,hum se kuchh liye binaa humhaaraa mangal hi mangal chaahahe wo suhurd!

samarth kaa arth hai jo humhaaraa karm bandhan kaat ke apani priti dene me samarth hai vo!

aisaa samarth  bhagavaan hi hai!

 

ommmmmmmmmmmmmmm naamooooooooooo bhagavateeeeeeeeee vasudevaaaaaaaaaaaaaaaaaaaaaayaaaaaaa

 

is prakaar OOOOOOOOOOOOOMMMMMMMMMMMMMMMMM kaa jap kare to saat janam ki daridrataa is prakaar ke jap se mit sakati hai.kabhi kabhi gaay ke dudh se snaan kare. roj omkaar ki 50 maalaa kare.gaay ke  dudh ki khir banaa ke saphed gaay ko khilaaye.is janam ki aur 7 janam ki daridrataa humeshaa ke liye mit jaayegi ye aisi vidhi hai!

jis kisi ko haathaajodi karane ki koyi jarurat nahi.

 

bhaagavat ke 4 naam hai.

pahelaa shrimad bhaagavat mahaapuraan

dusaraa naam hai kalpadrum : maane  aap jis manokaamanaa se is ka shravan pathan karenge vo  manokaamanaa puri hoti hai.

tisaraa naam hai param hans sanhitaa : shukdevji, sanakaadi rushi is kaa pathan karate. shiv ji paarvati ji ko agastya ji ke ashram me le jaate. ramchandra ji sita ji ko van me the to bhaardwaaj rushi ke aashram me le jaate, sati anusuyaa ji ke charano me satsang sunavaate..

jis ke jeevan me satsang nahi vo abhaagaa hai.

dhan se koyi nirvaasnik nahi huaa, nirdukh nahi huaa…lekin shabari ke jeevan me satsang hai to bhagavaan raam bhi jhuthe ber khaaye..shabari ne antraatmaa me bhi raam hi raam hai aisaa tatvagyaan  paayaa!

 

 miraa baai ke guru chamaar the.. to jeth vikram raanaa raaj chalaate the…vikram raanaa bole,bhaabhi  tu jawaan hai..abhi abhi teri shaadi huyi hai..tu chamaar ke paas jaati to badanaami ho rahi hai.. bhabhi sakadi gali me naa jaao.. 2- 4 bacche ho jaaye tab jaao..

 

miraa baai boli,

raanaaji mane aa badanaami laage mithi

koyi nindo koyi vando mai to chaal chalungi anuthi

sakadi galiya me sadguruji miliya

kyu kar phiru aputi?

sadguruji sang baataa karataa durjan logo ne dithi

durjan jaay angithi…

mai to chaal chalungi anuthi!

miraa baai ne gurukrupaa se ishwar ko paa liyaa.

pratyaksh bhagavaan dharati pe aaye to un ke bhi guru the..

 

bhagavan raam ke guru vashistha mahaaraaj the.

bhagavaan krushna ke guru saandipani the.

Aasumal ke guru Lilaashaah ji mahaaraj the to aasumal Asaaraam ban gaye.

dikshaa se karm bandhan raheet ho jaate hai.

 

nigura aadami jaraa jaraa baat me pareshaan hotaa raheta hai.

jub tuk karm phal bhgavaan ko arpan nahi karate, sadguru ji ki dikshaa nahi lete, tab tuk jeev sansaar me jhatapataate rahete..

 

gathiyaa rog hai to pahili ungali anguthe ke niche , tin ungaliyaa sidhi lamba shwaas lekar savvaa minute

naasai rog hare sab piraa

japat nirantar hanumat beeraa

aisaa jap karo.

sharir ko suraj kiran 17 minute lage. 3 bili patr aur 2 kaali mirach  chatani banaa ke khaao yaa pis ke khaao. shiv raatri ko jaagaran karo. aur bam bam kaa jap karo. 

kuff ki taklif hai to 1 liter paani ko 250 gram kare, wo paani piye. daahe naak se shwaas le. saunth,kaali mirch,aadi ka khaane me prayog kare.patta gobhi, aalu, phul gobhi nahi khaaye.

 

jin ko dudh nahi pachataa ve 500 gram dudh me 200 graam paani daal de aur 2/4 kaali mirach daal ke ubaalo.aisaa dudh piyenge to  vaayu dosh cum ho jaayegaa.

 

jin ke rog nahi mitate ,ve gaay ke pith pe haath ghumaao.gaay maataa ke aanand ke kan aayenge to tumhaare rog ke kan mitate jaayenge..2/4 mahinaa aisaa karo.

gaay ke dudh se snaan karo,lakshmi naaraayan kaa chintan karo to barkat aayegi.

gomutr se baal bhigaa de,10 minute baad dhoye to baal resham jaise mulaayam honge aur juwe bhi chali jaayengi.

 

bakari ki dhuli se laskhmi ruthati hai. aur jis ghar me gaay ki pairo ki dhul aati , hari om  ki dhun sunaayi deti wahaa laskhmi aati.sukhshanti aati hai.

 

dhaatu durbal hai to 20 graam aawale ke churn  me 2 graam ashwagandhaa milaakar piyaa kare.

daibitis hai to 10 din karele kuchale aur un dino methi ke daane bhigaaye us ki sabji banaa ke khaaye.

 aawale kaa churn rakho. us me  mishri daal ke chusaki le ke piyo. garami hai to thandaa pani dal ke piyo. sharir me bal aayegaa, dhaatu majbut ho jaayegaa. gunguna pani se aawale kaa churn piyaa to chaay aur thande pani se piyaa to sharbat !daadhi ki daadhi,baabaa ka baabaa! 🙂

 hafte me ek baar karele binaa kadawaahat nikaale sabji banaa ke  khaayaa karo.

saatodi ki sabji jis ko punarnavaa bolate , is se kidney majbut hoti.

 

chaay pine se sharir me 10 jaher banate.kidney kharaab hoti,paachan tantr kharab hotaa, gas ki bimaari badhati.. chaay se bhaaripan badhataa aur  khushki hoti. voltile, corbolik , aromolik , synijan,abjolic acid,stonile  aadi jaher banate to acidity,aanto ki bimaari, anidraa,  lakawaa,rakt vikaar, napunsakataa aisi bimaariyaa hoti hai.

 

ilaayachi, sunth, arjun chhal, daalchini, tejpattaa, shankhpushpi aisi sharir upyogi chije daalkar aayurvedik chaay piyo.

is se sharir thik rahetaa hai.

 aaj kal milati vo paattiwaali chhay, tali huyi chije sharir ko kamjor karegi, budhaapaa laayegi.

 tali huyi chijo ko dur rakhanaa aur bhagavaan ko jaraa najdik rakhanaa!

 bhagavaan se aaj waadaa karo ki hum 4 chaanchyalya abhi se chhod rahe.lambaa shwaas lekar

HARIIIIIIIIIIIIIIIII OOOOOOOOOOOOOOMMMMMMMMMMMMMMMM bol ke waani chanchyalya chhodataa hun aisaa waadaa karo.

aankho ki chanchalataa se  shakti naash  hoti.

haath ki chanchalataa se baithe baithe tinkaa todenge, carpet todate, naak me ungali kaa khurpaa ghumaate to aisi bewkufi apane me naa aaye.

pair ki chanchalataa hai to pair hilaate, pair pe pair rakh ke baithate to daridra ban jaayegaa, kangalaa ban jaayegaa,gyaan heen ho jayegaa.

to aaj se in 4 chanchyalya ko chhodanaa ho to bhagavaan ke naam kaa jap kare.kitanaa bhi garib ho daridrataa dur ho jaayegi.

 

ek baalak surdas thaa.baap mar gayaa, akaal padaa thaa..maa us ko paal nahi saki to jungle me jaakar us baalak ko ek jagah rakhaa aur bhagavaan se boli, ‘hey vandevi maa mai is kaa paalan nahi kar sakati, ab tum hi is ko sambhaalo.’

to bhagavaan kaise dayaalu ..usi raaste se agradaas mahaaraaj kahi se waapas aa rahe the to pagdandi bhulaa di.. jahaa laawaris andha bachchaa padaa thaa,wahaa bhej diyaa..mahaaraaj ne puchhaa ,tu kis kaa bachchaa hai? Yahaa kyo padaa hai..5 saal ka vo surdaas baalak bolaa, ‘baap mar gayaa,maataa paal nahi saki..isliye mujhe jungle devi ke havaale kar gayi’ …to vo jis bhagavaan ke aashray padaa thaa us ne agrasen mahaaraj ke dwaaraa krupaa barasaayi..mahaaraj ne kamandalu se paani lekar bachche ki aankho pe chitakaa..sant ki krupaa drushti padi to baalak ki aankhe thik ho gayi, vo baalak dekhane lagaa.. sant bole, ‘jaao betaa, apani maa ke paas jaao..’

baalak bolaa, ‘maa to chhod ke gayi hai,ab mai aap kaa hi chelaa hun..’

bachchaa agrdaas mahaaraaj ke ashram me rahene lagaa..aaye gaye saadhu santo kaa darshan karataa, guru ki sewaa karataa..us ke paap mitane lage.. us kaa naam naaraayan rakhaa..naaraayan 10 saal kaa huaa..gurudev satsang kar rahe the..naaraayan guru mahaaraaj ko  pankhaa haank rahaa thaa..itane me  guru ji ne munh  mod liyaa aur gahere chintan me dub gaye..kaafi samy ho gayaa..to naaraayan bolaa,  ‘guruji, ab aap chintan naa karo! us samasyaa kaa samaadhaan ho gayaa hai..’

guruji ne puchhaa, tum kaise jaanaa?

naaraayan bolaa, ‘guruji aap mere saamane satsang karate karate gahere chintan me dub gaye to maine dhyaan kiyaa ki guruji ko kisane pukaaraa? to maine dekhaa ki  dariyaa me kyaa tuphaan aayaa hai… bhagat kaa bedaa gark hai…vo lahero pe jhum rahaa hai aur aap ko pukaar rahaa hai….agradaas mahaaraaj rakshaa karo’ us ki pukaar aap ke naabhi tuk pahunchi.. to aap ne munh mod liyaa..maine vaayudev se prarthanaa ki , hey vaayudev agar meri guru bhakti sachchi hai to us bhagat ki naav kinaare laane ki krupaa karo.. us kaa bedaa kinaare laao..!’to ab us bhagat kaa bedaa kinaare lag gayaa hai..aap chintaa naa kare guru mahaaraaj..’

 

itanaasaa baalak sankalp se vaayudev ko prasann kar letaa hai!

agradaas mahaaraaj bole, ‘aaj se teraa naam naaraayan nahi naabhaaji mahaaraaj rakhataa hun!’

bhagavaan ko,guru ko sachche dil se chaaho to laawaaris surdas bhi kitanaa badaa bhakt ho gayaa!naabhaaji mahaaraj suprasidhd the..unho ne granth likhaa, us kaa naam ‘bhakt maal’ hai.

 

naabhaaji mahaaraaj kaa shishya payihaari mahaaraaj the.payihaari mahaaraj jhuth nahi bolate aur dudh pe rahete.un ke paas  pruthviraaj chauhan aate.Pruthviraaj chauhaan bole,mahaaraaj dwaarika ke darshan karane jaayenge,rath sajaa ke kab laau?’

mahaaraaj bole, ‘rath se mahino lag jaayenge..mai tere ko ek ghante me dwaarikaa ke darshan karaa ke laaungaa..

dussare din subah naabhaaji mahaaraaj ke shishy pahihaari baabaa pruthviraaj chauhaan ke kamare me pragat huye.bole, ‘aankhe band karo! sukshm sharir se mere pichhe chalo.’ gurumahaaraaj aur pruthviraaj raajaa sankalp se dwaarikaa aaye..ye aankho se dikhataa vo sthul sharir hai..is ke  andar sukshm sharir hai. us ke andar adhidaivik sharir hai , us ke gaherayi me paramaatm sattaa hai. us kaa anubhav kar sakate aisi manushy jeevan ki uplabdhiyo kaa satsang tum ko milaa hai..

 

kisi ko paisa denaa, dhan denaa, suvidhaa denaa  ye badi baat nahi  hai..ye to hath ke mail hai..dhan se, paiso se sewaa kiyaa to kyaa sewaa kiyaa? jo bhagavat gyaan me, bhagavat shanti me le jaaye aisaa satsang dilaana aur dilwaana ye badi sewaa hai.satsang se logo ke jeevan me bhakti, gyaan aur madhury badhaanaa..swasth,sukhi aur sanmaanit jeevan paakar jeevan daataa se taal mel kar ke jine ki reet sikhanaa ye bahot badi baat hai.

 

(madhur kirtan ho rahaa hai)

paise ki garibi asali garibi nahi hai, jin ke jeevan me bhagavaan ki priti nahi wo garib hai, phir chaahe vo arabopati ho..

dhanbhaagi hai ve jin ko guru dwaar ki sewa milati.

 

jogi re kyaa jaadu hai tere pyaar me…

 

murjhaaye dilo ko jogi maine khilate dekhaa

dukhiyaare logo ko maine gale lagaate dekhaa

ujade bagiyo ko mahekaate mahekate dekhaa

bigadaa bhagy ban jaataa hai palate kismat rekhaa!

 

jogi re kyaa jaadu hai tumhare pyaar me…

 

 

jay kaaraa jay kaaraa jay kaaraa mere guru kaa dwaaraa badaa pyaaraa

bapu ke dar aayegaa jo tar jaayegaa…

jay kaaraa jay kaaraa mere guru ka dwaaraa badaa pyaaraa

 

kisamat waale dar pe aate

sukho se jholi bhar jaate

punyo se jholi bhar jaate

bhakti se jholi bhar jaate

paap mite teraa saaraa!

paap mite teraa saaraa

jay kaaraa jay kaaraa

jay kaaraa!

mere guru kaa dwaaraa bada pyaaraa!

 

 

OM SHANTI.

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: