SADGURUDEV KAA PRASAAD

 24Jan2010; Gunaa(MP) Satsang

********************************************************

PUJYA SANTSHREE ASARAM BAPUJI KI AMRUTWANI

********************************************************

 

hari om hari om om om om.. prabhuji om pyare ji om..

bin phere prabhu hum tere!

 phariyaad naa karo.

 muskuraake gum kaa jaher jin ko pinaa aa gayaa

ye hakikat hai un ko jahaan me jinaa aa gayaa!

 

jahaajo ko dubaa de us ko tuphaan kahete hai

tuphaano se takkar le aur khush haal rahe us ko insaan kehete hai!!

 

bimaari hai to sharir ko, dukh-chintaa hai to man ko..

hum to hai apane aap!har paristhiti ke  baap !!

 

bole ‘mai khud dukhi hun,mai khud bimaar hun’ ye  ‘khudi’ kaa bhi aham hai, mai to is ko jaaanane waalaa hun..

ahankaar ke daas naa bano!

kisi ki nindaa naa karo..maayiyaa  ‘ye aisi, ye waisi’  paraayi  nindaa naa karo…kisi ki nindaa karane se sharir me nurohyptoid aur LDL naam kaa vishaari dravya  banataa hai aisaa vigyaani bolate..

vigyaani to abhi bolate lekin humhaare shaasro me hajaaro saalo se likhaa hai ki paraayi nindaa ke jaisaa paap nahi ..

 

ek baalak tha, jis ke maa baap nahi,aankhe nahi.. anaath surdaas baalak, koyi us ko satsang me le gayaa aur guru se dikshaa mil gayi..bhagavaan ki aisi shakti jagaayi surdaas pritam ne….guru ki aagyaa maan ke lag gayaa to  aisi vidwaan ki waani bolane lage ki sunane waale chakraaye…4 pandit un kaa satsang likhane lage …52 aashram ban gaye… abhi aanand me sandesar ilaaka hai wahaa un ki samaadhi hai…surdaas pritam mahaaraaj jo bolate vo granth bane..un grantho kaa angreji me anuwaad ho ke videsho me gayaa …ab wahaa dharm prachaar ho rahaa hai!

to baahar ke maa-baap nahi, baahar kaa dekhanewaali aankhe nahi,lekin andar jo vishw niyantaa hai us ko apanaa maan lene se insaan kitanaa mahaan ban sakataa hai!

 

ye kaun saa ukadaa hai jo ho nahi sakataa

chhotisi kidi paththar me ghar kare

to insaan kyaa dile dilbar me ghar naa kare

 

‘khudi’ ko chhod , khudaa kaa ho jaa..dilbar daataa ke dil me ghar karo

ahakar ko chhod!  ‘mai sukhi hun, mai dukhi hun’ ye  ‘mai’ kaa ahankaar hai.

ahankaar se hi bole, ‘mai dukhi hun’ to  aur dukhi honge..

 

sadaiv prasann rahenaa ishwar ki sarvopari bhakti hai..

dukhi hum nahi hote,dukhaakaar vrutti hoti hai..

sukhi hum nahi hote, sukhaakaar vrutti hoti hai..

 

jibh taalu me lagaao.bhagavaan me  shant ho jaao.

.. pakka iraadaa karo ki bhagavaan prani mantr ke suhurd hai. ve humhaare antaraatmaa hai.. sukhrup, gyaan rup, chetan rup hai.

jaise maataa ki maasum bachche se sujhbujh jyaadaa hai, maasum bachchaa apanaa itanaa bhalaa nahi jaanataa, jitanaa maa us kaa bhalaa jaanati hai..aise bhagavaan rup maa ke samaan hai, aur hum us ke maasum bachche hai..

hey prabhu, itani shakti hum me nahi ki tum ko jaan sake..aap jaanane me aaoge to anant kaise rahoge?jo jaanane me aati vo to antwaali chij hoti..hum me itani shakti nahi prabhu ki tum ko jaan sake, tum ko paa sake…

hey prabhu,aap ke sivaay kuchh bhi milaa us se praani kaa dukh nahi mitataa..

ravan ke paas sone ki lankaa thi, phir bhi us kaa dukh nahi mitaa.

prabhu tumhaari maayaa se tum hi bachaao

hey vasudev! hey prabhu!

 …aisa koyi karm nahi jis karm me galati naa ho..aisi koyi lakadi nahi jis me thodaa bahot dhuwaa naa ho..

 aise sarv karm sadosh hote hai.. bure karm to bure hai lekin achhe karmo me bhi dimak lagi raheti hai..jiv bechaaraa bure karmo kaa phal paakar phir aage ki yaatra karataa hai .. achhe karmo kaa phal paakar phir garbh me aataa hai..jeev ke  janmo kaa ant nahi…

hey anant!

 jivaatmaa tumhe apanaa maan letaa hai to tumhaaraa  ho jaataa hai.. mai paramaatmaa kaa hun maan letaa.. apane karm tumhaare charano me jod detaa hai…to karmo me kushal ho jaataa hai..aap kaa vachan hai..jo jeev bure karm ke liye kshamaa yaachanaa kar ke aap ko achhe karm arpan karataa hai to aap us ki budhdi me yog dete ho ..vo jeev karm ke bandhan me nahi phasataa.. naa paap ke dal-dal me girataa..

 dukh aata hai sansaar ki aasakti mitaane..apani naadaani galatiyaa mitaane.. khaan paan me  galati hoti to  bimaari aati, vyavahaar me galati hoti to dukh aataa hai..galatiyaa mitaakar majabut honaa hai..

 

sukh aayaa to sewaa me jodane ke liye. dharm, bhakti aur  gyaan badhaane ke liye sukh diyaa…

dukh diyaa to dusare kaa dukh harane me lage..

 

  ishwar ki krupa ka ehasaas karataa nahi,ishwar ko maanate nahi , un par bhi bhagavaan krupaa karate..bhagavaan jaisaa udaar koyi nahi…un ko bhi sury kaa prakaash milataa, havaaye milati hai..

ishwar ki krupaa kaa ehsaas kar ke us ko paa lenewaalaa manushya jaisaa koyi prani nahi aur ishwar se vimukh hone waalaa be-wafaa bhi dharati pe koyi aur praani nahi!!

 hum tumhaare se be-wafaayi naa kare.. tum waastav me humhaare ho.. mitr ho,bandhu ho, sakhaa ho,maa ho!

hum achhaa karate to humhaari budhdi me apanaa yog dete ho.. gudbud karate to budhdi ghumaa ke chot khilaate ho hum ko sudhaarane ke liye!

hari om om om om om hey prabhu hum se satkarm karaaye, jay ho tumhari !

hum se  galati ho to kshama karo prabhu…hari om om om om …

 

sote samay shwaas andar jaaye to ‘shaanti’ baahar aaye to 1.. aise shwaaso shwaas ki ginati kare..6 ghante ki nind bhi bhakti  me gine jaayenge..

 prabhu aap prani maatr ke suhurd ho..sukh dukh swapnaa aur aap mere apane ho..aap saty hai..aap ke  saty swarup ke preranaa me rahu, aap ki  priti  me rahu..

 

aisi bhagavaan ki prarthanaa kar ke so jaaye..

 

 

swaasthy ki baate jaan lo. nindaa, bimari se dur raho.

 

apane ko 4 chaanchyaly se dur rakho..aur dur nahi hotaa to  kirtan karo.. bhagvaan ke saamane baith kar

oooooooooooommmmmmmm naaaaaamoooooooooo bhaaagaaaaaaavaaaaaaaaateeeeee vaaasuuuuuudeeeevaay

oooooooooooommmmmmm naaaaaaaaamaaaaaaaaaaaaaah shiiiiiiiiiiiivaaaaaaaaaaaayaaaaa

aise lambaa uchaaran karo..to aap kaa chanchyalya bhi bhakti me aa jayegaa! kalyaan karane waalaa ho jaayegaa!!

4 chanchalataa mitate jayege aur aatmaa ki shakti khulati jaayegi..

yaad nahi rahetaa to jibh taalu me lagaaye, yaad rahegaa..sanyami jeevan rahegaa..

 

aap sabhi ko sastang sunane kaa puny prapt huaa, badhayi detaa hun.satsang daan jo karataa hai, bhagavan kaa priy ho jaataa hai… 7 pidhiyaa taaranewaalaa ho jaataa hai..

 

 bhagavat ras ko paao..bhagavaan se apane karm aur mai ko jodaa nahi to karm badhataa jaayegaa..

 karmo ki gati kaisi hai ye jaananaa kathin hai…vidhaata bramhaaji mushkil se jaanate hai ..

shubh-ashubh karm kaa phal dono hi bhogane padate..

maan lo kisi ne 100 aam ke ped lagaaye aur  50 babul ke ped lagaaye to sukh dukh dono  bhoganaa padataa ..100 aam ke ped lagaaye to sukh milaa aur vo bhi bhoganaa padega aur 50 babul ke ped lagaaye us kaa bhi phal bhoganaa padegaa..aisa nahi hotaa ki 100 aam ke lagaaye to us me se 50 babul ke kainsal(cancle)kar ke baaki 50 ped kaa sukh  mile, aisaa nahi hotaa..

karm bhogane padate..

 

is kaa  sundar upaay hai karm me yog le aao !

jo bhi karate us me bhagavaan ka mel le aao…jo bhi karo ishwar ki prasannataa ke liye..

naye karm bandhan se chhut jaaye isliye manushy jeevan kaa mahatv hai..

 

 

 bhakti sabhi sukho kaa mul hai..ishwar se bhakti karate aur sant mil jaate to sab anukul ho jaataa hai..

 

hanumaan ji sitaa maataa rupi bhakti ko khojane gaye.. saari lankaa khoji..ashok waatikaa lankaa me hi thi,lekin hanumaan ji ko nahi mili.. karm to kar rahe the, lekin karm me anukulataa denewaalaa, yukti denewaalaa bibhishan kaa sang nahi thaa..

 ..jub bibhishan mile to bole, wo rahi ashok waatikaa..!

akele karm se bhakti nahi milati.. bhakti sab sukho ki khaan hai.. sant milate to bhakti milati aur sab anukul ho jaataa hai..

 

 

 purushaarth se jo bhi praapt hogaa, mehanat se jo bhi milegaa sa-seem hogaa,

 sant krupa se jo bhi milegaa vo aseem hogaa.

 

sa-seem paidaa honewaalaa hai,anitya hai..khatm honewaalaa hai.

bhakti se santkrupa se jo milataa wo paida nahi hotaa..khatm nahi hotaa, vo nity hotaa hai.

jo pahele thaa, abhi hai aur baad me bhi rahegaa us ko bolate nitya.

 

karm se paidaa hotaa, vo khatm hotaa, naash hotaa hai. paisa dekar suvidha paa lo, us ka nash hogaa..

sant ki krupa se jo milegaa vo aseem aur avinaashi hotaa hai..us ko paane ki tarkib jaan liyaa to kalyan kar liyaa.

aisaa param pad paa lo jahaa se phisalaahat nahi..

 

 apani kushalataa nahi khonaa.apane ‘mai’ ko ishwar se jodo to kushalataa hoti hai.. ‘mai’ ko apane(aham) se jodoge to kushalataa khoyi!

koyi jeet gayaa to bolenge, ‘maine bolaa thaa naa, jeet gaye!’

aur nahi jite to bolenge ishwar ki marji!

to kushalataa khoyaa hai, har kaam me apane aham ko laata hai..

 

 

“mai bhagavaan kaa, bhagavaan mere!’ ..baas!

jis se kabhi nahi bichhadate us se mil jaao….

 

kisi ke paas kuchh nahi hotaa to hasati hai duniyaa

kisi ke paas sabkuchh ho to jalati hai duniyaa

aur jogi ke paas prabhu kaa gyaan, maangalya ki kalaa aur jeevan sundar banaane ki yukti hoti hai jise dekhakar desh videsh ki duniyaa tarasati hai!:)

jogi re kyaa jaadu hai tere pyaar me!!!!!

 

guruji tum tasalli naa do , sirf baithe hi raho!

mahephil kaa rang badal jayegaa, girataa huaa dil bhi sambhal jaayegaa…!!

 

OM SHANTI.

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Uncategorized

One Comment on “SADGURUDEV KAA PRASAAD”

  1. shrikant pandey Says:

    thank you for the satsang amrit

    Hariom,


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: