Kinnar Shabanam Mausi ki Bhaarat varsh ko Prarthanaa

 23Jan2010;Khilachipur Satsang

********************************************************

PUJYA SANTSHREE ASARAM BAPUJI KI AMRUTWANI

*********************************************************

Naaraayan Naaraayan Naaraayan Naaraayan.

Bhagavaan ko kyo maane?

..palang to tum sajaate lekin nind to bhagavaan ki satta se milati, khaanaa to aap khaate hai lekin us me se khun to bhagavaan

hi baanaataa hai..to aap bhagavaan ko  maane to bhagavaan ki budhdi banegi aur nahi maane to shaitaan ki budhdi banegi..

 sukh aaye to udaartaa se dusaro ko sukh baatane ke liye aur dukh aayaa to dusare dukhiyo ki sewaa karane ke liye..dusaro kaa dukh harane se dukh haari bhagavaan ko prasann honge…sukh aaye yaa dukh aaye us ko saadhan banaaye…

bhagavaan ko maane hi nahi to ‘mai raavan’ ‘mai sikandar’ aisaa aham hogaa..’mai mai’ karegaa to ‘maiaiii maaii’ karanewaala bakari yaa dhor banegaa..

 meraa mujh me kuchh nahi,jo kuchh hai so teraa

teraa tujh ko det hai kyaa laage hai meraa

 itanaa bol ke din ki shuruaat karo aur sone se pahele haath pair dho lenaa,thoda hari hari om kar ke kamare kaa waataavaran pavitr kar ke bhagavaan ko bole,

“jo achhe kaam huye tumhaari di huyi budhdi se, aur jo bure kaam huye vo meri budhdi waasanaa se huye,hey prabhu meri waasanaa mitaa  de..jo tumhe achhaa lage wo hi mujh se karaayiye bhagavaan!” itanaa kahe do,baas…!

 

bhagavaan ko apanaa maanane se bahot phaayadaa hotaa hai..

mujhe to bahut badaa phaayadaa huaa.. sab duniyaa ki universitiyo se padh ke itane saare certificate lekar ghumataa to bhi itana phaayadaa nahi hotaa jitanaa gurudikshaa se gyaan milaa hai, mangal huaa hai…to aap sabhi ko bhi wohi gyaan de rahaa hun..aap kaa bhi phaayadaa hi phaayadaa hai!

socho ki ,bramhaaji kaa waahan hans hai..bramhaaji  hans se naaraaj huve aur hans ko nikaal deve ,hans ko bole ki, ab hum garud rakhenge mere bramhpuri me nahi aayegaa,chale jaao!’ to Bramhaaji naaraaj ho gaye hans se to bhi hans ki nir kshir karane ki  vidyaa chhin nahi sakate..hans ki dudh aur paani me se dudh alag karane kaa gyaan chhin nahi sakate…

 aisaa gyaan aap paa lo..aap mujh se ye gyaan le lo to kal ko mai aap se naaraaj ho jaau phir bhi aap kaa gyaan aap ke paas hi rahegaa…aisaa gyaan uthaa lo ki vo gyaan hum chhin naa sake..aisaa gyaan aaj paa lo..!bhagavat gyaan paa lo..!!

duniyaa kaa gyan maut chhin leti,

rupiyaa hai to incom tax chhin letaa,

dhan hai to chor chhin letaa hai,

lekin bhagavaan kaa gyaan to apanaach rahetaa hai!

bhagavan ki priti kaa gyaan maut kaa baap bhi nahi chhin sakataa…

 ashtaavakra muni ho gaye….ve kuhul braamhan aur sujaata ke putr the..to jub ve muni maa ke garbh me the 8 mahine ke the…kuhul braamhan ved paath kar rahe the…to maataa sujaataa ke aathave mahine kaa garbhast baalak bolaa, ‘paramaatmaa ko apanaa maano naa! vidvataa se kyaa hogaa pitaaji’

Kuhul bramhan ko aaschary huaa ki garbhast baalak ved paath kaise samajh rahaa hai..kuchh der baad ve phir se padhane lage ved paath..

to garbhast baalak phir se bolaa,’kaahe paath kar ke thuk rahe pitaaji,bhagavaan ko apanaa maano to bhagavaan prasann honge!’

kuhul braamhan ne sochaa ye bachcha abhi garbhast hai, maataa ke pet se baahar nahi aayaa aur  meraa waak kar rahaa hai..bolataa hai ki, ‘vedo ka aisaa uchchaaran karate ho is se achchaa jis se uchchaaran hotaa us me shanti karo’… aathdiyaa, mai tere ko shraap detaa hun.. meri galati nikaalataa to tujhe aath khor khaapad hogaa…

garbhast baalak bolaa,’aap kaa shraap shirodhaari pitaaji, lekin meraa aatmaa to aap badal nahi sakate’… suraahi kaa aakaar badal jaaye,makaan alag alag dikhe , to bhi suraahi kaa aakaash yaa suraahi kaa  aakaash vo hi kaa vo hi hai!aise aap se koyi naaraaj bhi ho jaaye to bhi aap kaa gyaan aur bhakti koyi chhin nahi sakate..

 

apane se chhoto ko yash denaa chaahiye,prem denaa chaahiye,un kaa majaak nahiudaanaa chaahiye.. raamchandra ji apane chhote bhaiyo ko yash dete…aise aap bhi aap se chhoto ko  saphalaataa de…

aaj kal to dusare ko dabaa ke mai kaisaa badaa banu aisaa hisochate… to raavan kaa jamaanaa aa gayaa; raam kaa jamaanaa hai ki udaarataa se dusare ko yash dete..

 

pratispardhaa maanav-manaav kaa dushman banaa deti..apane jeevan me sankraanti laao,sankraanti maane samyak prakaar ki kranti…phalaanaa phalaane ko nichaa dikhaaye,ye paarty uspar haavi ho jaaye,vo raajya uspar haavi huaa,vo desh us ko nichaa dikhaaye.. is se shaanti nahi hoti, pareshaaniyaa badhati..

 aatankwaadi ki nindaa yaa waah waahi karane se vo aatankwaad nahi chhodegaa; bhagavaan ki aisi priti us me jagaao ki us kaa aisaa hruday  parivartan karo ki us ke aatankwaadi vichaar hut jaaye!

meri itani ninda karate ku-prachaarwaale , to un ki nindaa karane se  phaayadaa nahi hogaa,hum satsang karanaa thode hi  bhul jaayenge.. kaay kaa ku-prachaar,kaay ki  nindaa, kaay kaa khinchaav,kaay kaa  tanaav?

kadam se kadam milaa ke chalo!

apane se chhoto ko pyaar do,

apane se bado ko aadar do,

sajaatiy hai to sneh se vyavahaar karo…

apani shakti ko kyo vyarthya gavaate? ..ek pani ke bund se sharir banaa! ‘mai badaa-mai badaa’ karate rahete to marane ke baad bhaisa banate….

 

saarswatya mantr se bachcho ki shakti jagaao.

ek dusare ki nindaa kar ke shakti kaa rhaas kyo karo?

 

shiv ji kahete hai,

un ki maata  dhanya hai, un ke pitaa ko dhanywaad hai,un ke kulgotr me aanewaale bachcho ko dhanywaad hai..vo jahaa rahete vo dharati bhi dhanya ho jaati..jin ke hruday me gurubhakti hai, budhdi me guru ke gyaan ka prakaash hai.

aap ke andar adbhut shaktiya chhupi hai,abhi 1% yogyataa bhi vikasit nahi huyi, 9999999 yogyataaye to aise hi padi hai..

satsang aur mantrdiksha se ye shaktiyaa vikasit hoti hai.

2time khaa pikar sansaari piththu hokar marane ke liye tum paidaa nahi  huye,  amar aatmaa kaa gyaan paakar amar hone ke liye aaye hai..

 (madhur kirtan ho rahaa hai.)

bhagavaan ka naam lene se 72hajaar naadiyaa pavitr hogi..

hruday anandit hogaa..rakt ke kan shudhd honge..man me ulhaas aayegaa..

(prathanaa ho rahi hai)

hey prabhu aanand daataa gyaan hum ko dijiye

shighr saare durguno ko door hum se kijiye

 lijiye hum ko sharan me hum sadaachaari bane

bramhchaari dharm rakshak veer vrat dhaari bane

 bramhchaari bane…amavasyaa ko, poonam ko, holi, diwaali, janmaashtami, shivraatri ko  patipatni kaa vyavahaar sambhog naa kare; vikalaang santaan paidaa  hogi…videsho me jaise wheelchairs ki sankhya badh rahi aise  humhare desh me wheelchair ki sankhyaa naa badhe…in vishesh raatriyo ko sree-purush ka ekdusare ko kaamvikar se dekhanaa un ke liye ghaatak saabit hogaa; jaan lewaa bimaari pakadati hai.saawdhaan raho.

 

valentine day manaate to bachche tejoheen ho jaate….videsho me valentine day se tabaahi hai, bush aur obaamaa bolate ki bhaarat ke bachche aage badh rahe hai..to valentaain manaa ke rajoviry kharch hone se wahaa ke bachche aage kahaa badhenge?

 28 vikasit desho me research kiyaa gayaa to pataa chalaa ki 13 laakh 50 hajaar kanyaye jo 13se 19varshiy kishoriyaa binaa shaadi ki garbhast ho jaati, kuwaari maa ban jaati hai… un me se 7 lakh 50 hajaar kanyaaye maa bankar sarkaari anaathaalayo me yaa pariwar me musibat banati hai..

apane desh me aisi gandagi nahi aani chaahiye…. valentine ke badale matrupitru pujan divas manaaye..

Shiv paarvati kaa pujan kar ke  ganapti ne aisa ashirvaad paya ki sab se pahele unhi ka pujan hotaa hai. bachhe maa baap ki pujaa kare, maalaa paheraaye, aarati kare…phir  pitaa apane gale ki maalaa bete ko pahenaye, maa beti ko maalaa paheraaye…bachcho ke lalaat  pe tilak kare..un se kahe ki:

sapane jaisa sansaar hai, tum shiv netr se dekho!

 …ungali se bachcho ke brumadh me ragad de, chumban kar de.

ashirvaad de ki,

tu durdarshi  bananaa!

ashmi bhav: tum chattaano jaisaa adig ban!

parshu bhav : tum vighn baadhaao ko kaatanewaalaa shur bano!

hiranyamstu bhav : tum suwarn ki naayi bananaa!sone ko kabhi jung nahi lagataa,aise har paristhiti me tum chamakaanaa!

 valentine day manaa ke komal bachche vikaaro me ghirate aur rajviry kaa nash kar ke tejoheen banate..

bhaarat ke nayi pidhi ko sanyam se jine do ..kisi ke bahubeti ko buri najar se nahi dekhe itanaa to truk waale bhi jaanate!

‘buri najarwale teraa munh kaala!!’

kuwarepan me kaalaa munh nahi kare.. ganapati divas manaaye..Ganapti ne  shiv ji ke charan dhoye, maalaa paherayi sarv

tirthmayi maataa ! sarv dev may pitaa!!maataa- pitaa ki pujaa me prasannataa hai!!shiv ji ne ganapati ko gale se lagaa liyaa…bole, ‘mai mahaadev lekin tu pratham dev ho ke pujaa jayegaa laal..!

ganesh jaise sanyam me aur koyi nahi ..isliye ridhdi sidhhi bhi un ke charano me raheti hai..

 

aapas me prem to honaa chaahiye lekin bachche apane maa baap ko, gurujano ko prem kare..sant samaaj ko kare,samaaj santo ko kare..aise bhaaichaare se rahe to desh ko mitaanewaalo ki saajish saphal nahi hogi; akhand bhaarat akhand hi rahe!!

 jaawano kadam apane aage badhaataa chalaa  jaa!

 yuwaaveer hai tu, aage badhataa chalaa jaa

 kay ko maranaa?kaay ko  sikudanaa?

 

diabitis hai to pairo tale karele kuchalo khaali pet 7 se 10 din, kaay ko capsul khaanaa?kaay ko bimar rahenaa?

bhaarat me 4 karod heart ke marij hai…mai ashirvaad mantr detaa hun us se heart aattack kabhi nahi hotaa,high bp low bp nahi hogaa, liver kharaab hai to thik ho jaayegaa,jaundice hai to thik ho jaayegaa….kisi ko operation naa karanaa pade,aspataal me naa maranaa pade..

jo marij kaa dhyaan rakhate uun sabhi doctoro ko mai dhanyawaad detaa hun..

lekin jo doctor marij ki hatyaa ho jaaye to ho jaaye mere ko paisaa mile aisaa kaam karataa hai to aise  doctor ko doctor bole ki kasaayi bole?

 

be-imaan aadami bhi apanaa sewak, apani patni imaandarchaahataa hai, be-imaani ke bina bhukhe mar jaaye ye ho nahi sakataa…isliye imandaari  barato.. dukandar graahak se,sasu bahu se, pati patni ekdusare se,doctor marij se,vakil client se imaandari se chalo..aise pradesh me dhan dhaanya badhegaa, swaasthya thik rahegaa, sukh shanti rahegi..

divy preranaa pustak sab padhe.

jo bachhce 6 minute  jibh talu me lagaa ke swastik ko, OM ko, guru ko, yaa aakash ko ektuk dekhate huye saarswatya mantr bole us ki yaadshaakti badhati hai.

bachho ko gulaam banane ki jarurat nahi, shaktiwaan aatmwaan banaao.

naaTe thingane ko 3 bili patte chabaa kar khilaao to hight achhi hogi.

khane ke baad mishri ke saath makhkhan de to budhdi vikasit hogi.

bimaar aadami nabhi me surydev ka dhyaan kare,mithi surykirano me baithe 7/8 minute pet par aur 10 minute pith par le.savva minute andar shwaas rok ke ‘naasai rog harai sab piraa, japat niratar hanumat beera’….( ye aarogy mantr) aaraam se jap kare , phir baahar shwaas ro k ke40 second ye mantr jape..bimaari bhaag jayegi.

kayi log tandurust hoke ghum rahe!

cancer ki bimaari ho to subah uthate hi baasi munh 12 ml gojharan chhan ke ya 10ml gojharan ark piye, dopaher me 20gm tulasi kaa ras aur 50 gram taja dahi khilaao to cancer thik ho jaayegaa.

 

‘hariiiiiiiii ommmmmmmmmm’ aise 6/8 minute karo aur ektuk bhagavan ko dekho ..patipatni ke jhagade mit jaayenge..

talaak ki naubat ho to parvati ji ko tilak karo aur ektuk dekh kar 6/8 minute hari om kaa lambaa uchchaaran karo.

 man hi man pakka vishwas rakho ki , bhagavaan humhare hai aur hum bhagavaan ke…hum nahi jaanate bhagavaan ko , lekin bhagavaan tum hum ko jaanate ho… bhagavaan tum hamhaaraa dukh dekar bhi buraa nahi karate, jaise maa chapat rakhati, mithaayi khilaati to bachche ke bhale ke liye ..aise aap dukh sukh dete to humhaare  vikas ke liye….bhagavaan  mai jaisaa taisaa hun, tumhaaraa hun!’

aisaa karo to aap ki bhakti prabhaavshali ho jaayegi, bhagavaan ki bhakti priti purvak karate to bhagavaan us ki budhdi me yog dete hai, aisaa bhagavaan kaa vachan hai.

bhagavaan ko dekho aur bolo,bhagavaan tum humhaare ho naa?ek din aawaaj aayegi andar se, ‘haa mai tumhaara hun!’

jaise  maa ko puchhe bachcha to maa itani khush hotiki prasuti ki pidaa bhul jaayegi…bhagavaan to maataao ke maataa hai.

 ek maa ke 10 bachche hai, hai to maa kyaa 10-10takaa hoti hai sab bachcho ki?nahi!har bete ki maa puri ki puri jitane bhi ho…aise jitane baapu ke bhagavaan hai, utane hi tumhaare bhi hai!

 ‘hum to sansaar me rahete, humhari nahi sunenge..bapuji ki to bhagavaan jaldi sunenge’..aisaa nahi hai.. chhote ki jaldi sunate!

aap logo ne paath kiyaa, prarthanaa kiyaa isliye bhagavaan ne mujhe yahaa bhejaa… sau karod arpan karenge bole amrikaa waale lekin nahi gayaa, kyo ki bhagavaan aur sant paiso se nahi kharide jaate… khilachipur me 12 saal se asaaraamaayan kar rahe to bhagavaan ne mujhe yahaa bhej diyaa!

khilachiur aur aasapas ki gaanvo ki punyaayi, tapasyaa kaa mai swaagat karataa hun, dhanywaad karataa hun.

abhi aisaa kirtan karataa hun ki aap kaa kalyaan hogaa aur aap ki 7 pidhiyo kaa kalyaan ho..

(madhur kirtan ho rahaa hai)

bhagavaan ko apanaa maanane se, priti purvak bhakti karane se bhagavaan budhdi me gyaan denge.

bhagavaan kaa naam lene se ulhaas, aanand aur utsaah bhare jeevan kaa khajaanaa dete hai..

nindaa karane se sharir me LDL aur nyurihipotis naam ka jaher paida hotaa hai..

 rokpok se satyaanaash naa karo harinaam kirtan se sab ka bedaa paar karo..

bhakto ke bhagavaan,

shabari ke raam,

miraa ke kanhaiyaa,

lilaashaah prabhu ke bramh,

kabirji  ke adwaiit,

mohamad saab ke allah,

jisus ke father…. aap ki jay ho!!!!!

 

hai akal to vair ko prit me badalan eki kalaa sikh le,

kaanto  ko phulo me badalane ki kalaa sikh le,

haar ko jeet me badalane ki kalaa sikh le,

aur maut ko moksh me badalane ki kalaa sikh le!!!!!

 

pahele jamaane me raajaa samraat apanaa raajpaat chhodkar junglo me ashramo me jaate satsang ke liye..

aaj guru log tumhaare khilachipur me aa gaye kitane bhaagy hai !!!!!

 

shiv ji kahate, jin ke jeevan me gurudikshaa nahi vo baalish hai..

guru laabhaat sarv labho guru hinasy baalishaa

ye jo sharir dikhataa is ke andar 4 sharir aur hai..7 junction hai, 72 hajaarmukhya naadiyaa hai ..sub ek dusare se jude hai..gurumantr kaa jap in sab ko pavitr kar detaa..un me  bhagavaan ki urjaa jaati hai..paap bhaag jaate hai..

totaapuri guru ne gadaadhar ji ko param hans banaa diyaa..

narendra me se vivekaanand bane..

aasumal se asaaraam bane ye gurudiksha kaa prasad nahi to aur kyaa?

 

hindu hindu ko ladaane wali taakade bahot kaam kar rahi hai,lekin aapas me jhagado nahi, sneh rakho..

 

bramhnisthaa praapt kar ke sarv heetkaari bane

to bramhnishta matlub kyaa ?

sharir janamataa marataa hai,lekin aatmaa bramh kaa amrutputr hai..

hum hai apane aap, har paristhiti ke baap!

kahe ko sikudanaa?galati hai to  galati mitaa de; stuti hoti to bhagavaan ki krupaa hai..

 

ghar me lakshmi tikati nahi,barkat naa ho to bakari ki dhul ghar me naa aane do,gaay ki charano ki dhul ghar me daalo..gaay ke dudh se bane huye dahi ko sharir ko ragad ragad ke, lakshmi naaraayan kaa jap kar ke snaan karo.

 

ve log bade murkh hai jo dhan ko paake apane ko badaa maanate, jo sattaa paake apane ko badaa maanate..dhan  chalaa jaayegaa,

sattaa chali jaayegi to royegaa…

 shabari bhailan ke paas kahaa thaa dhan?

 bade me badaa bhagavaan hai, dhan to haath ka mail hai… mail paake badaa maanate…

 jo bolate, ‘mere paas 10 karod hai..mere paas jamin hai’ bhaiyaa!paisaa badaa nahi,jaaydaad badi nahi… bade me bade hai bhagavaan!bhagavaan me priti hai, abhimaan chhod ke bhagavaan ke naate kaam karataa to bahot kalyaan hotaa hai..

 badaa chhotaa sab swapnaa aur bhagavaan apanaa!

 

4 prakaar ki bewkufi hogi to nikaal do:

kisi ke upar aarop ninda karate waani chanchyalya hai, waani ki nichataa hai.

waani aisi bole ki apane liye bhi bhalaa aur dusaro kaa kalyan ho is sadbhaav se bolo..

 

HARIIIIIIIIII OOOOOOOOOOOOOOOOOMMMMMMMMMMMMMMMMMM

asia 7 baar bolane ke baad mulaadhaar me saatvik kan utpann hote hai ..is se wani chanchyaly, waani daurbalya, waani vyarthyataa dur hogi.. sadgun jaagrut honge.

bachcho ko 10 minute karvaao bahot mahaan honge

waani chanchyaly durgun mit jaayenge.

apane bolane se dusare ko phaayadaa hotaa ki nahi,binjaruri bolanaa jis se kisi ko phaayadaa nahi ye waani chanchyalya hai.

 

netr chanchyalya :- chor, be-imaan, halkat ki aankhe ek jagah nahi hoti ..

netr chanchyaly waalaa  idhar dekhegaa, udhar dekhegaa..is se bhi manushy ke jeevan shakti kaa rhaas hotaa hai..

apanaa durgun aap nikaalo, dusara kaun nikaalegaa?

hast chanchyaly :- naak me khurapaa ghumaave..ye haatho ke dwaaraa apani bewkufi me lage hai

pad chanchyalya :-  pair heelate rahenge..aisi bandar chhap harakate niche le jaayegaa

 

Gyaan mudraa me baithe aur “hari om ” kaa lambaa uchchaaran roj 8 minute kare to ye 4 durgun chale jayenge.

 budhdi aur rakt ke kan pavitra karegaa.

 certificate leke ‘mai badaa vidwaan’ ..haath ke mail paake ‘mai badaa dhanwaan’  kursi paake ‘mai badaa sattawaan’…arre ! ‘mai bhagavaan kaa bhagavaan mere’ ye to jaane nahi..

tu bhagavaan waalaa hai, bhagavaan terewaala hai..aur koyi waalaa hai hi nahi… 🙂

 

vyarthy ke chintan se samay aur shakti kharch hoti.samay aur shakti ko bachaaye.vyarthya  chintan se bachane ke liye saarthak chintan kare.

shwaas andar gayaa to om ,baahar aaye to 1..shwaas andar gayaa to hari, baahar aaye to 2, shwaas andar gayaa to ram, baahar aaye to 3 ….aise shwaasoshwaas me bhagavaan ke naam lene se budhdi saarthak chintan me aayegi.. aatma ki jagruti ki dhaaraaye sudhrudh hogi…

 

vyarthya bhaashan se bachane ke liye jahaa 6 shabd hai to 6 me hi baat puri kare..

bhagavan ka naam aur sanyam se vaani bole.koyi baai bhai ko buri najar se dekhana ye vyarthy darshan hai.

vyarthy shravan : phalaane ki baat suni aise vyarthya shravan se bachane ke liye saarthak shravan kare..mahaapurusho ke

jeevan charitro ko kaaj kaise sawaare aisie suno

binjaruri bhaage bhagavaan ki sahkti aati us paramatma me aa jaao.

 

ye 4 vyarthyataa  se : dekhana bolanaa sochanaa bhatakanaa is se apane ko bachaa lo.

 

4 murkhataaye hai waani chaanchyalya,netr chaanchyalya,netr chaanchyalya,hast chaanchyalya,paad-chaanchyalya us se apane ko bachaao

2 durgun hai :dhan meraa, sattaa meri mai badaa aisaa maananaa

aur meraa koyi nahi aisaa niraashaa kaa durgun  is ko chhodo .

 

shabari me saarthak chintan, saarthak darshan aur saarthak  karm the isliye mahaan ban gayi.

 

raavan ko lakshman ne puchha ki jeevan me saar baat kyaa hai?

to raawanne kahaa mere jeevan ki saar baat ye hai ki achhaa kaam karane me der nahi karani chhahiye aur bure kaam me jaldi  nahi karani chhahiye, to samay me bure karm bhi lay ho jaate..

raavan ne vyarthya ke kaam ko mahatv diyaa apane jeevan me to sansaar se haarkar jaanaa padaa.

 

jeevan kaa kimati samay vyarthya ki baato me kharch nahi karo.apane se logo kaa vyarthya me samay to nahi kharch ho rahaa is kaa bhi dhyaan rakhanaa chaahiye.

paisa kamaane me kitanaa paap hotaa..jamin me bote to kitane nirdosh kido ko maranaa padataa hogaa..gaay ke bachhade ke munh se bachaakar dohate tub dudh milataa to dusare kaa huk chhin ke kamaao..phir maavaa banaa ke khaao paneer ki sabji banaa ke khaao ye vyarthya kaa khaanaa hai..shaadi me vyarthya kaa kharchaa dikhaavaa nahi karo.

 

saadaa jeevan ho, vyarthya ka kharchaa karanaa nahi chaahiye to  har haal me khush rahegaa..

jo vyarthya kaa bolate vo manushya hote huye bhi pashu kaa kaam kara rahaa hai,ek kuttaa bhonke to dusaraa bhonke aise..

 aap ke andar bhagavan ki shakti hai, us ko jaagrut karo. jeevan barbaad karane ke liye janame nahi, muktaamaa hone ke liye janame hai…

jis ne ye jaan liyaa ,us ke paapo kaa ant ho gayaa.

ishwar pe drudh shradhdaa vishwaas rakhe, jaldi kalyaan hogaa.

 

5 aadami bhi agar saarthak chintan karate to gaanv kaa bhalaa kar sakate hai.. rajy ka bhalaa sakate hai…mathuraa ke paas kuch gaanvo me akaal padaa thaa,5 mahaatmaa ikaththe huye, 4/5 gaanvo se kirtan kiyaa.. gaanv ke logo ko bolaa gaanv me kirtan karo.. vyarthya chintan nindaakhori chhodo.. samuhik bhojan karenge meghraajaa barsegaa jarur..to barse !

 

niraasha kaa chintan nahi karo.

 om namo bhagavate vasudevaay

om namo bhagavate vasudevaay

vashudevaay pritidevaay, bhakti devaay, mere devaay, om namo bhagavate vashudevaay..

 

jab hi naam hruday dharyo bhayo paap ko naash

jaise chinagi aag ki padi puraane ghaans

 

ek chingaari hajaaro kilo ghaans ko jalaa de aise ek gurumantr ki chingaari  karodo janm ke paap jalaave..

 

sury ki upaasanaa se pranbal, manobal, budhdibal badhegaa, rog mitegaa aarogya kaa mantra japo.

 

ravivaar ko laal kapade naa paheno,laal mirchi, laal tamaatar nahi khaao,gussebaaj hogaa.ghar me laal balb nahi jalaao.jhagade badhenge.

 (rashtriy kinnar samaaj ki adhyaksh Shabanam mausi aayi hai, ve kuchh kahenaa chaahati hai)

“aadaraNiy sabhi sammaanit, param aadaraNiy Baapuji ko vandan hai..jo aaj desh videsh me apanaa gyaan logo me de rahe hai. achhi preranaa de rahe hai. bure raashto se bachaa rahe.sab ki sad-bhaavanaao ko jagaa rahe hai. hum hindu hai ye achhi bhaavanaaye mil rahi. achhe sanskaar mil rahe hai.aisaa  gyaan paise se nahi miataa, daulat se nahi milataa..ye gyaan to  gyaani aur guru binaa kahi nahi milataa.

 sarv pratham mai ye hi kahungi ki Baapuji gyaan ka saagar hai, gyaan kaa bhandaar  hai.kuchh log to  gyaan kaa bhi  vyavasaay karate hai, dhandaa banaaye huye hai.

 aap log maa, bahen,bhaai, bujurg sabhi ko mai ye kahenaa chaahungi ki bapuji ek mahaan aatmaa hai.jinho ne bade prayaas se, apani waani se gyaan dekar logo ko bhatakane se bachaayaa hai.

 netr shiir lagaate,logo ko mophat me ilaaj milataa,jin ko ghar nahi un ke liye ghar banaaye jaate garibo ko ghar dete hai. janataa ki suvidhaa ke liye kaam karate. dharm ko aage badhaate.

 lekin hum ko kuchh logo ne paise kaa laalach diyaa.. aisaa  karo bolaa…un tamaam logo ko mai ye bataanaa chaahati hun.

mai kisi kaa naam nahi lungi… chandaalo kaa naam lena bhi paap hai..

 mai shabnam , lekin meraa asali naam ye nahi hai.mere kinnar samaaj ne ye naam diyaa hai.mai ek braamhan tiwari pariwar se hun.. kinnar samaaj ki gaddi musalmaano ki hai isliye mujhe ye naam diyaa gayaa..mujhe kahaa gayaa ki jaat kaa parivartan  karo,lekin maine manaa kiyaa.mai hindu hun.bramhan hun. ghar ka dulaar kaa naam chandraprakaash thaa.mere pitaaji IG the.mere durbhaag hai yaa ishwar ki marji hai..meraa naam ginijbook me bhi aayaa hai.

kinnar samaaj se mai paheli vidhaayak hun .madhyapradesh ki jan pratinidhi hun.bhrashtaachaari dalaal log samaaj ko bahekaa dete hai.

baapuji jaise punyaatmaa samaaj ke liye kaam kar rahe, lut nahi rahe.. achhaa gyaan baat rahe,

ye gunaah nahi hai..

 in raajnetaao ko bahut badaa khataraa lagataa hai ..bapuji apanaa gyaan baat ke samaaj kaa kalyaan kar rahe..un ko thodi rashtrapati bananaa hai, yaa  un ko thodi hi pantpradhaan bananaa hai!

 

apanaa kaam prajaa ko bure raaste se bachaanaa..to baapuji logo ko bure raasto se bachaa rahe hai..

meri aap ko binati hai ki aap log bhatake nahi,in kaa ku-prachaar shadyantra kartaa kaa hai.

baapuji ne bhaarat varsh me, desh videsh me prachand bahumat kaayam kiyaa hai.aise  samaaj ki sewaa karanewaale sant galat kaam ke najdik bhi kaise jaa sakate hai?

 aap log se haath jod ke binati hai ki jo dusth log ku-prachaar karate ,aise chandaal ko sunanaa bhi pasand mat kariye!

 patrakaro ko bhi binati hai ki bapu ke siwa kuchh nahi sunanaa nahi chaahiye..

 

jyaadaa samay  naa lete huye itanaa hi kahungi ki mai sharir se kinnar hun…dimaag se kinnar nahi hun.

ishwar se ye hi prarthanaa mere jaisa adami kisi ke ghar me janam naa le…..

 

baabaa ko hum log samarpit hai. humhe koyi paisa de , hiraa de phir bhi hum baabaa ke liye galat shabd nahi bol sakate.baabaa ke charano me hum yahi se namaskaar karate!”

(Shabanam mausi urf chandraprakaash tiwaari ji kaa kanth bhar aayaa hai..aur un ke sidesaade lekin hruday ko bhidanewaale kathan se sabhi upasthit bhaktgan aur desh videsh me base  darshako kaa dil bhi bhar aayaa hai…..Dayaa ke saagar Sadgurudev ji bhagavaan ka hruday bhi dravit ho gayaa hai… )

 

 

 

OM SHANTI.

 

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Pujya Bapuji

One Comment on “Kinnar Shabanam Mausi ki Bhaarat varsh ko Prarthanaa”

  1. Pravin Patel Says:

    Hari Om …

    Dhanyawad !!!

    Shabanam mausi urf chandraprakaash tiwaari ji kaa sidesaade lekin hruday ko bhidanewaale kathan Padhane se mera dil bhi bhar aayaa hai…..Dayaa ke saagar Sadgurudev ji bhagavaan ke charno me mera koti koti naman !!!

    Jay Gurudev ….


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: