Kuchh Raaj Hai Ki Hasti Mitati Nahi…

16Jan2010,part 4 ; Ujjain Satsang

****************************************************************

PARAM PUJYA SANT SHRI ASARAM BAPUJI KI AMRUTWAANI

*****************************************************************

Paramaatmaa kaa madhury chhalakaane me abhi bhi bhaaratiy sanskruti saksham hai, balwaan hai!

khel kud me bachcho ko sikhaa do dev maanav haasy.4 prakaar kaa haasya hotaa hai

ek hai  HAAH HAAH HAAH HAAH-HUH HUH HUH HUH Raavan kaa dekhaa hogaa ramaayan me..is ko kahete daity-daanav haasya! J

humhaare desh me daitya daanav aise hasate the, saamanewaale kaa manobal harate aur apanaa ahankaar dikhaate the..humhaare desh kaa ye daity-daanav haasy ghumate ghaamate videshi cholaa pahen ke  laughing clubo me aayaa…aur bade bade log, sudhare huye log, class one ke log laughing clubo me jaate aur ye daity-daanav haasya sikhate! haah haah haah haah!

huh huh huh huh huh!

mai to kahetaa hun jin kaa kudarati haasy chhin gayaa hai,jo sunn-mun rahete , ve log aisa sikhkar hase to thik hai.. ahankaar se,dusare kaa shoshan karane se aur videshi piththu banane se jin kaa kudarati khushi,kudarati haasya  chhin jaataa hai ,ve log daity-daanav haasya karate hai to mai un  ko shaabaas detaa hun. rukhe hone ki apekshaa hasanaa to sikhate jaate isliye dhanywaad hai..

lekin un ko saawadhaan bhi karataa hun..ye laughing clubo me sikhaayaa jaane waalaa haasya humhaare desh ke daity-daanavo kaa haasya hai.haah haah haah huh huh huh se agar aap kaa heart kamjor hai to huh huh haah haah ho sakataa hai….aur garbhavati mahila hai to garbh bhi huh huh haah haah ho sakataa hai isliye saawadhaan rahenaa..kisi kaa operation huaa hai,khush rahene ke liye haah huh huh sikhane gayaa to taanke khul ke haah haah huh huh ho sakataa hai…

kitani kumnasibi ki baat hai ki hasane ke liye bhi sikhane jaanaa pade,clubo me jaanaa pade..kitanaa durbhaagy hai!

is se to mere paas aayaa karo..

tu tera urr aangan de de

mai amrut ki varshaa kar du!

tu teraa aham de de

mai prabhu kaa ras bhar du !

2) dev maanav haasya :- bhagavan ke naam ki punaraavrutti kare, bhagavaan ke naam me agar 7 baar OM hai to 7 baar ke baad tumhaare mulaadhaar kendr me pruthvi tatv, jal tatv, tej tatv hai , us me  adhyaatamik aora aati hai..

japate japate punaraavrutti karate karate dono haath upar le jaaye to 72 hajaar nas-naadiyaa jo naabhi kendr se mastak ki taraf jaanewaali mukhya naadiyaa hai sharir me us me adhyaatmik aoraa sanchaar hotaa hai..

is se aap ki  prasannataa badhati hai, rog pratrikaarak shakti badhati hai,aur sharir ko swasth banaane waale kendr bhi saatvik hote hai..

satvaat sanjaayate gyaanam!

satv gun badhataa hai to gyaan me vrudhdi hoti hai aisaa dev maanav haasy hai!

to dev maanav haasy kyaa hai?

hari om om om om om (dono haatho se taali bajaakar mukh se hari om bolate jaaye)

mai Dr. Diamond ko 2 baar shaabaas dungaa..Dr.Diamond ne 13 varsh ke research ke baad duniyaa ke saamane sachchaayi ujaagar ki !

Rok uar Pok music se sexual kendr uttejit hote hai aur purush sree ke prati , sree purush ke prati besharam hokar vikaari banataa hai.rok pok ne satyaanaash kar diyaa hai yuwak yuwatiyo kaa..

lekin Dr. Diamond ne sachhaayi ujaagar ki, ki rok aur pok se jo jhumate hai un ke pindiliyo me umar ke 40 saal baad badaa dard hogaa, kyo ki khade khade khate-pite hai.

rok pok se sexual kendr uttejit hote aur vikaaro me satyaanasah hotaa hai hai, lekin bhaaratiy padhdati se kirtan karane se bhaav kendra anhad kendr vikasit hotaa hai!aagyaa kendra vikasit hotaa hai! vishudhaakhyaa kendr vikasit hotaa hai!!

kaami bhi raami ban jaataa hai…

haraamkhor bhi Harinaam kaa pyaaraa ban jaataa hai!

to aise bhaaratiy padhdati se kirtan karane se jeevan shakti kaa vikaas hotaa hai,

aur rok pok music se jhumanewaale bandrchhapo ke jeevan shakti kaa rhaas hotaa hai..

om om om om om hari om om om …

hari hari hari mere pyaare shrihari

raam raam raam mere pyaare siyaaram

om om sukhrupaa om om maangaly rupaa om om om om haa haa haa haa prabhu teri jay ho!!

is me kyaa kharch lagtaa hai?

ghar ke jhagade bhakti me badal jaayenge.

bimaariyaa swasthataa me badalegi.

chintaa shubh chintan me badalengi..

paap punya me badalegaa.

agar akal hai to…

– kaanto ko phulo me badal ne ki kalaa sikh lo!

– haar ko jeet me badalne ki kalaa sikh lo !

– vair ko prit me badalane ki kalaa sikh lo!

– agar hai akal badhiya  to maut ko mukti me badalane ki kalaa sikh lo!

dev maanav haasy aur paramaatm dev kaa satsang kaa laabh lo…

meclin padhdati se bhaarat ka bahut bahut nuksaan huaa hai.ab apani sanskrut paathshaalaaye, vishwa vidyaalay aur hindi maadhyam ki vidyalaye  kholo…

Dr.shivaanand sarswati ka hrushikesh me aashram hai..un ke paas ek aadami gayaa.

bolaa, baabaa , mere ko sir dard kaa itanaa problem hai..saari davaayiyaa viphal ho gayi..kuchh upaay bataao.

baabaa ne kahaa, ‘murkh hai! gale me phansi(tai) baandh ke jeetaa hai to sir dard nahi hogaa to kyaa hogaa?

videsh me thandi havaaye lagati thi, log subah jaldi jaate nokari par to thandi havaa se naak baheti..isliye kapadaa rakhate..kapadaa  ud naa jaaye isliye gale me baandhate..badalate badalate tai banaa..to tai ki fashion chali..ab is  garam desh me tai bandhane ki kyaa jarurat?chhote chhote chhoro ko bhi tai baandhakar gulaam banaane ke sanskaar daal diye jaate hai..jis school me tai bandhakar gulaami sikhaate us school me  bachcho ko mat bhejo!aur tum ye  phandaa khol do…kasi huyi tai se blood carculation thik nahi hotaa..aur thodaasaa gyan mudra me jibh baahar nikaal ke baitho,shavaasan karo’

to us aadami ka sirdard thik ho gayaa!!

To 4 prakar ke haasya hote.

1)daitya daanav haasya

2)dev maanav haasya

3)maryaadaa purushottam kaa bhagavatiy hasy

shri ramchandraji kahete ki bandaro ko bithaakar bhojan karaaye..

hanumaan ji kahete, ‘prabhuji unko  ped pe naachane kudane do!’

‘nahi, unho ne badi sewaa kiyaa, badaa shram kiyaa.. to mai chaahataa hun tumhaare sabhi phaujiyo ko maanaviy dhang se phal,mithaayi aadi se trupt karanaa chahataa hun!’

pattale bichhi..bandar sirpar pattal rakhate..hanumaan ji ne  pair se lakir khinchi..ek line idhar baithegi,dusari saamane..aise  aamane saamane bandar baithe aur bich me pattale bichhayi.hanumaanji gadaa lekar anushaasan banaa rahe is kaa dhyaan rakh rahe the…pattale sir pe nahi rakhe, sab parosaa jaaye phir khaaye’

sab parosane me 2-2 aam ek pattal pe rakhe gaye,ab bandar chup kaise baithe?

hanumaan ji dhyaan jaraa idhar udhar huaa ki bandar ne pair se aam uthaa ke munh me daalanaa chaahaa..to pakaa aam thaa! pairo se kas ke pakad ke munh me daalane me pakaa huaa aam phutaa aur guthali saamanewaale bandar ke munh me jaa lagi!!uf uf uf karate sab bandar aam uthaakar ped pe jaake baith gaye!!

saari sabhaa majaak me badal gayi!..shri ramchandr ji mand mand gaalo me muskuraa rahe!

hanumaan ji sir nicha kar ke khade hai.. ‘prabhuji ye to aise hi huaa hai, kshamaa kare’…

to shri ramchandr ji kahete hai ki, ‘hanuman is me tumhaaraa kasur kya hai?’

shri ram ji mand mand gaalo me muskuraahat hai!ye bhagavatiy haasy hai!

4)yogi- yogeshwar haasya

sidhd purush, mahaapurush ki krupaamay drushti aur shrikrushn ki khushimay drushti se aisaa saatvik haasya failataa hai ki log dekhate hi rahe jaate..

jaise shrikrushn nikalate to gopiyaa dekhate hi rahe jaati..gaaye chaaraa chhod  ke dekhate rahe jaati, bachhade stanpaan karate ruk jaate.. ye  yogi-yogeshwar haasya hai.

ab yogi-yogeshwar haasya to koyi sidhd purush yaa bhagavaan yogeshwar ki lilaa se vo haasya barasataa hai..aur us haasya ke prabhaav se laakho laakho log  chup baith sakate hai !

tear gas ke prabhaav se,laathi charge ke prabhaav se,100 rupiya yaa bhojan packet se itane log baith nahi sakate…!!

[AAJ KE KALIYUG ME BHI HUM PARAM PUJYA BAPUJI KE SHRIMUKH PAR YOGI-YOGESHWAR KA VO PARAM HITESHI HAASYA KHILATAA DEKHATE HAI !!..AUR  UN KI MITHI NIGAAHO SE HONEWAALE PARAM KALYAAN KAA ANUBHAV HUM SABHI KARATE HAI!! JAY HO!!!!!]

najaro se vo neehaal ho jaate hai,

jo santo me ki najaro me aa jaate hai

mere gurudev ke nigaaho me bhi ye taakad thi.

shrikrushn ki nigaaho me ye taakad thi.

raman maharshi ke nigahao me ye  taakad thi.

naanak ji ne kahaa hai,

bramhgyaani ki drushti amrut varshi!

aap aise bramh gyaani  mahaapurush  ke satsang me jo kuchh sunate yaad rahe to ganimat hai, kuchh bhi yaad nahi rahaa,tabhi bhi un ki nigaahe padati hai..un ke saatvik aoraa se tum paavan hote ho..un ki waani tumhaare kaan ke dwaaraa andar aakar bhul gaye..phir bhi un kaa shubh sankap der saber aap kaa mangal karata hai !! isliye bolate hai ,

santo ka satsang aur darshan bade bhaagy se milataa hai !

100 kaam chhodkar bhojan kar lo time se

1000 kaam chhodkar snaan kar lo

100000 kaam chhodkar daan puny kar lo

1000000000 kaam chhodkar hari kaa bhajan kar lo, hari kaa gyaan pa alo aur hari kaa dhyaan dhar lo!

shatam vihaay bhoktavyam

sahasram snaanam aacharet

laksham vihaay daatyavam

koti tatvaat hari bhajet

jinho ne mantr dikshaa liya un ko 33 prakaar ke adhyaatmik phaayade hote hi hai.

pahele jo dukh me ghabaraa jaate aur upaay nahi sujhataa, pahele nirnay lene me jald baaji karate vo ab thik nirnay lete hai.

dukh me itanaa dabate nahi aur sukh me itane itaraate  nahi..

vyarthya ka kharch bach gayaa, vyarthya ka bukbuk bach gayaa..vyarthya kaa heelchaal bach gayaa..

4 prakaar ki vyarthya ki murkhataa bhi sabhi logo ko hataa deni chahiye:-

1) waani chanchyalya : jo vyarthya kaa bolate ye waani ki chanchalataa aur murkhataa ki nishanai hai.jahaa 10 shabd bolane hai wahaa 20 bolate,10 ke badale 6 bolo, lekin saar garbhit bolo.aur aadat ke maare phaalatu shabd bolate (jaise agar magar shaayad aadi)..

binjaruri gupshup,vyarthya ki bolchaal ye murkh aadami ki pahechaan hai.vaani ka kharch naa kare.

2)netr chaanchalya :idhar dekhanaa,udhar dekhanaa is se durbal man banegaa.  budhdi durbal ho jaayegi..vyarthy kaa jhaakanaa taakanaa nahi karo.

3)hast chaanchyalya : vyarthy ka haath heelaanaa.tinake todenge..kaan me ungali ghumaayenge.naak me khurpaa karenge..ye vyarthy ki cheshtaa hai.is se bache.

4)paad chaanchyalya : pairo ki vyarthy cheshtaa karate..be-vajah pair heelaate rahenaa ye nich man ki pahechaan hai..

to ye satsang ki baat ko pakad lenaa..vyarthya ka bolanaa nahi.kisi ki chugali ,kisi ki nindaa karanaa nahi.

nindaa kisi ki hum kisi se bhul kar bhi naa kare

irshaa kisi hum kisi se bhulkar bhi na akare..

saty bole jhuth tyaage mel aapas me kare

divy jeevan ho humhaaraa yash tera gaayaa kare

hey prabhu anand daataa gyaan hum ko dijiye

lijiye hum ko sharan me hum sadaachaari bane

bramhchaari dharm rakshak veer vratdhaari bane

hey prabhu aanand daataa gyaan hum ko dijiye

divya jeevan ho humhaaraa yash tera gaayaa kare

to divya jeevan kaise hogaa?

humhaaraa manushy jeevan vaastav me bade bhagy se milaa hai.

..vo bhi  bhaarat me milaa ye ishwar ki vishesh krupa hai..

Ishwar ki 4 prakaar ki krupaa sabhi sweekar karenge…

1) 84 lakh janamo ke baad manushya sharir milaa.aur humhaare janamate hi humhaari maa ki khaayi huyi roti sabji me se humhaare liye dudh ban gayaa ye kisi scintist ki taakad nahi!ye ishwar krupaa kaa pratyaksh darshan hai  ki maa ki god me aaye aur humhaare liye  kaisa dudh ban gayaa! jyaadaa mithaa nahi,nahi to diabitis ho jaaye…

phikaa nahi , nahi to achha nahi,

jyaadaa garam nahi, nahi to jibh jale,

jyaadaa  thandaa ho to vaayu kare..

to maa kaa dudh ishwar ki krupaa kaa prasaad hai.

jo maataaye bachcho ko pashuo kaa yaa powder kaa dudh pilaati hai vo bachcho ke saath julum karati hai..videshi mahilaao ki nakal nahi karanaa, manushya ke bachcho ko maa ke hi dudh par nirbhar rahenaa chaahiye.

ye chetan paramaatama ki krupa hai

2) dusari paramaatmaa ki krupaa ye hai ki humhe budhdi diyaa, shradhdaa diyaa..shaashra kaa gyaan aur bhagavan ki upasana padhdati di.

3)tisari bhagavaan ki krupaa ye hai ki bhagavaan ke upasanaa ki padhdati ke saath saath bhagavaan kya hai,hum kya hai?bhagavaan ko kaise praapt kare aisi ye jigyaasaa di.

4) aur sabhi krupaao me aakhari krupaa ye hai ki humhe kisi jaagrut hayaat aatmaaraami mahaapurush tuk humhe pahuchaane me bhagavaan ki  krupaa kaa darshan hotaa hai..

agar mujhe sadguru lilaashaah ji nahi milate  to hum 10 hajaar janmo me bhi itani unchaayi ko nahi chhu sakate,hayaat sadguru ke saannidhya se mujhe jo krupaa mili  ye ishwar ki pratyaksh krupa kaa darshan hai.

mokal pur ke baabaa bade  uchch koyi ke sant the . gangaaji ne apane bhitar un ko aashray diyaa thaa.gangaaji ki 2 dhara ban gayi aur bich me ashram aur gaanv basaa dhire dhire…

jaise vyaas ji ko narmadaa ji ne jagah di ,apanaa bhi aashram hai vyaas ji ke paas  narmadaa kinaare mulethaa me…

abhi bhi paani upar se chalaa jaata hai,bade bade gaanv aur bade bade aashram narmadaa ke pur me bahe gaye lekin vyaas bet narmada ji ke andar hai phir bhi abhi tuk maujud hai..

shukdev ji kaa aashram abhi tuk maujud hai!

dusare kayi aashram  bane aur chale gaye narmadaa ji ke baadh me..

to mokalpur ke baabaa ko gangaa ji ne jagah diyaa ..un ke paas ek sajjan aaye.baabaa mujhe ishwar kaa darshan karaao!

ishwar humhaaraa aatmaa hai, ishwar ke liye tadap imaandaari se ho to ishwar kaa jarur darshan dete hai baabaa..aap ki krupaa honi chaahiye baabaa..aap mujhe ishwar ka darshan karaao….

baabaa ne  sunaa unsunaa kar diyaa…

baabaa jub tuk mujhe ishwar ke darshan nahi honge,yaha ase jaaungaa nahi.. anna nahi khaungaa.. jal nahi piungaa…

baabaa ne sunaa ansunaa kiyaa…

..12 ghante – 15- 18- 24 ghante beete..48 ghante bite … do din bite..tisare din baabaa dandaa lekar saamane khade ho gaye!

‘kyo re! ishwar ka darshan karanaa chaahataa hai?kaisaa bewkuf hai!ye jo dikh rahaa kyaa hai?

suraj aur chandaa me mai hi prabhaa ke rup me hun…

vruksho me pipal mai hun!

jab sarvatr dekh nahi sakataa to ishwar vishesh rup se jahaa pragat huye hai wahaa to dekh nahi sakataa..

vedo me omkaar mai hun…baalak jub janam letaa tub ishwar ki dhwani omkar hi to bolataa hai…aur nayaa kaunsaa ishwar bulaayegaa?

maar diyaa dandaa!

baahar se to dandaa lagaa aur andar  ishwar ki aisi krupaa barasi ki ishwar ki aur apane bich ki jo khaayi thi vo bhar gayi…aur vo aadami wahaa hi  samaadist ho gayaa!

aap aisi ichha nahi karanaa ki baapuji kabhi dandaa mare 🙂 vo meri prakriyaa nahi hai, meri dusari prakriyaa hai! 🙂

to ye ishwar ki krupaa hai ki hayaat mahaapurush kaa saannidhy milanaa aur ye ishwar kaa darshan karaa sakate hai aisaa sadbhaav aanaa!ye ishwar krupaa ki paraakaasthaa hai!!

mere me guruji ke liye drudh shradhdaa aur  ye guruji mujhe ishwar se milaa denge aisaa drudh vishwaas nahi hotaa to  jiase dusare log bhaag gaye 5-25 % phaayadaa lekar aise mai bhi to bhaag jaataa..

meri bhi kayi kasotiyaa huyi,lekin  mai bhaagaa nahi.

tumhaare ujjain ke raajaa bharotari gorkhnaath ke charano me gaye..kayi parikshaaye huyi,kasotiyaa huyi..marubhumi me nang pair kadak dhup me chale,guruji ne vruskh khadaa kar diyaa to jaise angaaro pe pair pad gayaa aisaa lagaa ..guru ki aagyaa kaa ullanghan nahi kiye… lalanaao ke  aawaahan par phisale bhi nahi..jub kasoti me pure saphal utare to guruji gorakhnaath saamane aaye, bole, jo manganaa hai so du …asht sidhdi, nav nidhi..kuchh bhi maang le…!

raajaa bharotari bole,  kuchh nahi chaahiye aap prasann hai, baas!

guruki prasannataa mili to sab ho gayaa! karodo janmo ke sab punya karm us din saphal hai, jis din guru hruday purvak shishya ko sweekar kar le!

aajanm karm koti naam

yagya.jap, tap , kriyaa

taa sakalaa saphalaa devi

guru santosh matr kaa

guruji aap mere se santusht huye mere karodo janmo ke punyo kaa phal milaa,jap tap sab saphal ho gaye..

‘bharotari anaadar mat karo kuch naa kuchhlenaa padegaa, maanganaa padegaa!’guruji ne kahaa.

.. to reti me chamchamaati suyi dekhi,bole, ‘kuchh denaa hi hi guruji to is suyi me ye babul ki chhal ka dhaagaa piro do to mai phataa huaa kanthaa sii lungaa..’

gorakhnaath ne kahaa ‘hud ho gayi!’

udaasin! koyi apekshaa nahi!bharotari tum dhanya ho gaye ho!

bharotari ki gufaa aur gopichand ki gufaa aaj bhi prasidhda hai!maamaa aur  bhaanjaa the!

kahene kaa taatapary hai ki manushya jeevan me bahot saari unchaayiyo ko chhu sakate hai..

laakh vaa hissaa mushkil se vikasit huaa ,vo aadami apane ko budhdijivi maanataa hai..mantrdiksha se 33 prakaar ke adhyaatmik phaayade hote hai.aur operation tul gayaa,accident tul gayaa,heart aatack nahi hogaa, piliyaa ho gayaa to 50 maalaa jap karane se jaundice gaayab!aise  adbhut anginat to kayi laabh hote hai… 33 prakaar ke adhyaatmik phaayade hote hai aur aadhi sadhanaa to diksha ke din sampann ho jati hai.

ek ashirwaad mantr detaa hun,jis se low BP , high BP naa ho..jaundice naa ho.. liver ki talklif ho, khataayi khate to bhi liver kharab hotaa..to ye mantr se akaal maut se bach jaate.. ek aushadhi hai kidney fail ho jaaye to aashram ke vaidya ke paas jaye.. heart attack nahi hogaa, bahot saari bimaariyaa bhaag jaayengi.

ek aarogya kaa mantr abhi de rahaa hun…

lambaa shwaas lo..jibh taalu me lagaao..

naase rog hare sab piraa

japat nirantar hanumat biraa

shwaas andar lekar ye mantr bole.savva minute tuk shwaas andar rahe .phir shwaas chhod do.

phir shwaas baahar chhod do.subah ke sury ke mithe kiran sharir ko lagate rahe ..7 minute pet pe aur 10 minute pith pe..shwaas baahr chhod diyaa aur man me bole aaraam se dhire dhire japo,

naase rog hare sab piraa

japat nirantar hanumat biraa

2 baar bole.

aise 7 praanaayam roj kare..phir 8..phir 9, phir 10 aur baas!

satsang vyaktitv kaa shingaar nahi hai,yahaa aham ko mitaane ke liye aanaa chaahiye kyo ki satsang vyaktitv kaa visarjan hai..

nindaa kisi ki naa kare,parnindaa sam paap nahi.jaraa jaraa baat me deraani jethaani ki nindaa..padosi paodsi ki nindaa naa kare..is se humhaare sharir kaa swaasthya bigadataa hai.

paraayi nindaa ke samaan koyi paap nahi.jub aap kisi ki nindaa karate ho to  aap ke sharir me vo halake ras banane shuru ho jaate hai ..jis se LdL naam kaa jaher banane lag jaataa hai,jis se aap ko kayi bimaariyo se jhujhanaa padataa hai….nurotoptoid banane lag jaataa hai..aur bhi kayi prakaar ke halake ras banane shuru ho jaate to nindaa, irshaa,chugali ke gulaam naa rahe aur apanaa swaasthya, apanaa man aur apani budhdi  naa bigaade…

bhaarat ki sanskruti mitaanewaale kayi aaye,lekin ve khud mit gaye, humhaari sanskruti nahi miti..

ayodhya ko faizabaad naam rakh diye..prayaag raaj ko aallahbaad..naam badal ke gumraah kar diyaa..

lekin..

mit gaye jahaa se hum ko mitaanewaale..

par kuchh raaj hai ki humhaari hasti nahi mit sakati hai…

aur humhaari sanskruti chamcham chamak rahi hai , ye bhi kuchh raaj hai!:)

OM SHANTI.

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: