Vishw kaa mangal ho!

16Jan2010,part 3,Ujjain Satsang

**************************************************************

PARAM PUJYA SANT SHRI ASARAM BAPUJI KI AMRUTWANI

***************************************************************

bhakti purushaarthi ke liye hai, aur purushaarth   heen ke liye bhi hai..

jis me koyi akal nahi hai,koyi yogyataa nahi us ko bhi bhakti  uthaati hai aur jo badaa purushaarthi hai aur jo badaa balwaalaa hai us ke liye bhi bhakti hai..

jo balwaalaa purushaarthi samajhadaar hai to

raghupati bhagati karat kathinaayi

us ke liye kathin hai..bole saadhaa kaam kyaa kare?

hum to kathinataa waalaa kaam karenge..un ke liye bhakti hai…jo ekdum kathin kaam pasand karate un ke liye bhakti hai..

aur jin ke liye ekdum saadaa kaam pasand hai…saadaa saral kaam chaahiye..to un ke liye bhi bhakti hai..

raghupati bhagati kavan prayaasaa?

naa jog, naa jap, naa tap, naa upvaasaa!

bhakti me  kyaa prayaas hai?

mai bhagavaan kaa hun , bhagavaan mere hai!

ronaa hai to prabhu ko milaa do!

hasanaa hai to prabhu ko milaa do!

khaanaa hai to thakurji ko milaa do!!

ho gayi bhakti!!

raghupati bhagati kavan prayaasaa?

naa jog, naa jap, naa tap,upvaasaa!

saral swabhaav naa man katu laayi..

yathaa labh santosh sadaayi!

saral swabhaav ho gayaa aur man me katutaa nahi..apanaa prayatn karo, jo huaa thakur ji  ki marji bol ke sweekar lo to ho gayi bhakti!

beti kaa vivaah nahi hotaa?apanaa prayatn karo,nahi ho to daal do thaakurji ke charano me , apane aap hotaa hai!

aisaa nahi hotaa,waisaa nahi hotaa..phariyaad mat karo thakurji ko dhar do saamane!

mordaas karahi kar aasaa

kar heet kar vishwaasaa

bhagavaan ke daas ban gaye phir dusare ki aashaa kare nahi..jis me bhagavaan rakhate waah prabhu  waah!

beti ki shaadi huyi , waah waah!

nahi huyi to is me bhalaayi hai..

beti ki shaadi hote hote tut gayi to bhalaayi hai..samajh lo  vidhavaa hone se bachi,aisaa hi honewaalaa hogaa…..

bhagavaan pe bharosaa hai to shaadi hote hote tut jaayegi phir pataa chalegaa ki 4saal ke baad us kaa accident ho gayaa..meri ladaki vidhavaa hoti athavaa to vo lofar nikalaa, meri ladaki bach gayi..

bhakt hai to har paristhiti me samajhegaa ki bhagavaan ki dayaa hai to shaadi saphal ho gayi..aur shaadi viphal ho  gayi to is me bhi  bhagavan ki dayaa hai..

jo huaa achha huaa..

ek mantri kaa swabhaav tha, ‘jo huaa achha huaa bhalaa huaa’ kahene ki aadat pad gayi thi ..

raajaa ko kisi chini mantri ne talwaar bhent ki..raajaa ne myaan se talwaar nikaali aur us ki dhaar dekhi , itane me kahi se kabutar udaa to ungali jaraa heel gayi aur talwaar aisi tej thi ki ungali  ka ek chip cut gayaa…mantri bolaa, ‘aachha huaa bhalaa huaa’..

raajaa bolaa, ‘ae  kyaa bolataa hai?ungali cut gayi aur achha huaa ,bhalaa huaa?is ko pahele jail me daalo mantri ko..baad me malam patti karo’

mantri ko jail me le jaa rahe..to bolaa, ‘achha huaa bhalaa huaa’

thodi der ke baad raajaa ko puchhe ki mantri ko kaun si claas ke jail me rakhe?class a,b,c?

bole, kahi bhi patak do!achha huaa bhalaa huaa bolataa hai..

….kuchh din ke baad raajaa shikaar karane gayaa..ungali ka hissa kuchh kataa huaa hi thaa.. kaalaa heearan dekhaa to kaalaa heeran shakuni maanaa jaataa hai..raajaa ne  ghodaa daudaayaa… hiran bhi samajh rahaa ki pichhe  maut padi hai ..apane bal se itanaa tej nahi daudegaa lekin pichhe maut hai to puri taakad se daudenge..aise ghodaa bechaaraa kitanaa bhi daude us ke aage heeran daude..heeran chakamaa de ke nikal gayaa aur heeran ke bahaane raajaa bhatak gayaa junglo me..apani raajy ka seema laangh gayaa vo bhi us ko pataa nahi chalaa..dusare raajy ki seema me chalaa gayaa to jungli logo ne us ko pakad liyaa ..bole yagy kar rahe ,us me kisi ki bali deni hai..hogaa us samay paagalo kaa jamaanaa ..

..raajaa 2 din bhatakaa huaa thaa.to raajaa ki libaas kya rahe?bhukhaa, pyaasaa thaa..bali dene ke liye le aaye.. jungli ke mukhiyaa ne bali dene ke liye raajaa ko jungli phulo ki maalaa paheraayaa.. jalebi khilaayi..myaan se talwaar nikaali.. galaa katane hi waalaa thaa..itane me us ke puroheet  ne kahaa ki, ‘jaraa  ang bhang to nahi dekho’ …

bole, haa ye kambakht ki ungali kati hai..

bole, ang to khandit hai is kaa…

thappad maar ke jungly logo ne to us ko chhod diyaa..

raajaa ko light lagaa ki aaj agar ye ungali nahi kati hoti to seer cut jaataa..mantri ke bol me kya sachchaayi hai..jo huaa achchaa huaa!..jaate hi aaadesh diyaa ki  baa-ijjat mantri ko laayaa jaay!

raajaa bole, ‘mantri mahoday achhaa huaa bhalaa huaa aap ne sahi kahaa thaa,ungali kati thi isliye seer  katane se bach gayaa..lekin tujhe jub  jail me bhejaa to is me achhaa huaa bhalaa huaa bole to kaise?

mantri bole,raajaa ji mai to aap kaa chhaayaa purush thaa, aap mujhe bahot pyaar karate the..aap kaale heeran ke pichhe ghodaa daudaate to mai bhi to aap ke saath hi hotaa..hiran ke pichhe aap ulajh gaye to mai bhi ulajh jaataa…aap ke saath mai bhi to pakadaa jaataa..aap ki to ungali cut gayi thi isliye bach gaye, lekin mera to sir cut jaataa!isliye achhaa hi huaa ki mujhe aap jail me daal kar chale gaye the!achha huaa bhalaa huaa! ishwar ki lilaa me karuna hi hoti hai !!

to jo huaa achhaa huaa , jo ho rahaa hai achha ho rahaa hai, jo hogaa achhaa hi hogaa ye niyam pakka hai prabhu kaa!aisa bhakt maan le to ho gayi bhakti!ho gayi nischintataa! ho gayaa dhairywaan, ho gayaa vishwaasi!! saral hai bhakti ..

ab lambi shwaas lo gyaan mudra me baitho..jo sunaa hai us ko save karate jaao..

14 Farawari ko maatru-pitru pujan divas manaaye..

betaa pitaa ko phul maalaa paheraaye aur tilak kare, aur maa beti ko..phir maa beti ko phul maalaa paheraayegi aur baap bete ko paheraayegaa..maa baap waise hi meherbaan hote hai..lekin un kaa pujan karoge to un ki gaheraayi kaa ashirvaad bete beti ko yashashwi,dirgh jivi, budhdimaan banaayegaa aur bure sangat ,bure karmo se bachche bachchiyaa bachenge …..maa baap ke sneh se putr putri ko achha sneh, achhi sangat, achhe sanskaar milenge..ganapti ji ne paarvati ji kaa aur shiv ji kaapujan kiyaa thaa, dekho ganapati ji kitane sanmaanit hote hai..

maine mere maataa pitaa kaa aadar kiyaa to mere ko kyaa ghaataa hai? to bachche bachchiyaa apane maa baap kaa aadar karenge, aur maa baap bhi bachcho ko ye galatiyaa hai, tu aisaa hai , tu waisaa hai  ye nahi bolenge, sadguno me utsaaheet karenge….

geet govind ke rachyetaa jaydev mahaaraj the. raajaa ki un par bahot shradhdaa thi.ek baar raajaa ne un ki  aadhyakkshataaa me badaa bandhaaraa kiyaa. 4 daku sadhuvesh me aaye.koyi bhi saadhuvesh dhaaran kare lete.. raavan ne bhi sitaamaiyyaa ka apaharan karane ke liye  sadhu vesh dhaaran kiyaa thaa..

raajaa saab daan me bahot dhan de rahe the. jaydev mahaaraj ko bahot dhan diyaa.mahaaraaj ashram jaane nikale to vo daaku bhi saath saath ho liye..saadhu vesh dhaari 4 daakuo ne jaydev mahaaraj se  mitrataa kaa naatak kiyaa.. jaydev mahaaraaj ko raajaa se jo bhi daan me saamaan milaa thaa vo chhin liyaa..soche ki ye raajaa ke paas shikaayat lekar jayegaa to maharaaj ke hath kaat diye aur kuwe me utaar diyaa..kuwe me  ghutane bhar ka daldal thaa..

jaydev mahaaraaj to bhagavaan ko dhanywaad diye ki hey mahaaraaj jaan chali jaati, hath hi katavaaye, marane se bachaaye!prabhu teri jay ho!! aise bhagavaan ka aashray lekar kuwe me pade rahe..

idhar raajaa ko  preranaa diye to raajaa wahi se sair karane nikalaa..raajaa ko pyaas lagi to mantri ne  us ki baalti usi kuwe me utaaraa jahaa jaydev mahaaraaj pade the..kuwe se aawaaj aayi, ‘baalati andar nahi utaaro,kuwe me paani nahi, baalati nahi aane denaa’ …

raajaa ne mahaaraj ki aawaaj pahechaani..jaydev ji ko nikalavaa liyaa ..raajaa natmastak auraashchary ke samudr me gote  khaate huye puchhaa : Mahaaraaj aap jaise sant par itanaa anyaay, itanaa atyaachaar kis kamnasib ne kiyaa bataa do, mai unhe phaansi de dungaa..maharaaj aagyaa karo!’

jaydev mahaaraaj bole, ‘raajaa tum mujhe kyaa maanate ho?’

bole,  ‘aap mere guru..mere swaami hai.. mere bhagavaan hai!aagyaa kijiye!’

jaydev mahaaraaj bole, ‘to meri aagyaa hai ki ye baat dubaara nahi puchhega, raajaa tum bhi nahi puchhoge aur koyi mantri yaa dusaraa bhi koyi nahi puchhegaa..ye hi meri aagyaa aur meri sewa ye hi hai!’

raajaa kyaa karate..

mahel  me le gaye..jaydev ji kaa upchaar huaa, jaydev ji  swasth huye..kate haath.. ..maharaaj phir se bhandara karne kaa aagyaa dijiye..

saadhu santo ko bhandaare me bulaayaa..us me vo hi puraane 4 daku bhi saadhuvesh me aa gaye the…

jub sone ki asharfiyaa baatani thi to raajaa ko jaydev ji mahaaraaj ne chaaro ke taraf ishaaraa kar ke kaan me kuchh kahaa…

4 daaku samajh gaye ki ab  phaansi pakki ho gayi..janamtip to cum se cum aayegi nahi to hum chaaro ke  haath aur pair to katenge hi.. thartharaane lage…lekin jaydev ne kya kahaa ye jaydev jaanate aur aap bhi baad me jaanoge..

raajaa ne  mantri ke kaan me kuchh kahaa ..aur vishesh bartan suwarn ke, vishesh asharfiyaa, kapade aadi un chaaro daakuo ko diye gaye..vishesh sanmaan huaa, vishesh saamaan milaa..

raajaa ne mantriyo ko kahaa , dekho jaydev mahaaraaj ko badamaasho ne lutaa aise in 4 mahaapurusho ko koyi ko lut  naa le,isliye force(vishesh dal/senaa) lekar in kaa jahaa bhi ashram ho wahaa pahunchaa do…

force matlub pulice bal lekar mantri un 4 daakuo ko saadhu samajh kar un ke aashram tuk pahunchaane chal pade..jaate jaate madhy raaste, madhy jungle me mantri ne puchhaa ki aakhir jaydev mahaaraaj aap ki itani saraahanaa kiye, raajaa saahab ko kahe ki ye khaas mitr hai.. aap jo mujhe denaa chaahate vo sab mere hisse kaa in ko dakshinaa me do..aakhir jaydev mahaaraaj se aap kaa kyaa rishtaa hai?’

un chaaro ne alag se thodaa guftagu kiyaa.. ek kahaani rach daali ..

ek ne kahaa hum jahaa rahete the jaydev mahaaraaj wahaa us raajaa ke khajaanchi the..

dusare ne kahaa ki,jaydev mahaaraaj bade ustaad the.. aise ustaad the ki raajaa kaa vishwaas sampaadan kiyaa, jaise is raajaa ko chelaa banaa diyaa aisaa us raajaa ko bhi is khajaanchi ne chele tulya banaa diyaa thaa….

tisare ne kahaa, kya kahe?phir to is ne apane sage sambandhiyo me ashrfiyaa lutaayi, maal lutaayaa..yuwatiyaa rakhi, naach dekhe gaan dekhe..kyaa kyaa kare..

chauthe ne kahaa, aakhir parda parsh huaa.. aur jaydev ko mrutyu dand ki ghoshanaa huyi.. hum bhi us samay usi raajaa ke yahaa kaam karate the..baad me saadhu bane..’

phir kya huaa?

in ko jungle me tukade tukade kar ke  kuwe me daalanaa thaa.. lekin hum ne in ko tukade kar ke kuwe me nahi daalaa..jo jallaad thaa humhaare saath vo raajaa ko nishaani dene ke liye jaydev ke haath kaat ke le gayaa..

ab is raajaa ke paas hum jaydev ke kaaranaame naa khole isliye jaydev ne humhe mitr ghoshit kiyaa..humhaari saraahanaa kar ke humhe dakshinaa dilaayi..

aisi jhuthi kahaani rach daali..ab us kahaani kaa koyi saakshi to nahi hai, lekin antaraatmaa aur paramaatmaa to hai hi saakshi..srushtikartaa se sahaa naa gayaa!itanaa saphed jhuth!vo bhi bhakt aur sant ke prati?mai apanaa apamaan sahe lungaa, lekin bhakt aur sant kaa apamaan sahenaa mere bas ki nahi hai!’ srushtikartaa ne prakruti ko sanket diyaa aur prakruti me tahelkaa huaa..utanaa hi ilaakaa bhukamp ki khabare de rahaa hai..dhire dhire bhukamp ne kyaa karaa?

vo jo 4 mahaapurush ke rup me dakait the wo dharati me dhasate gaye..dhasate gaye..aur sadaa ke liye samaapt ho gaye..

mantri aur pilice force saaraa saamaan waapas lekar aayaa..jaydev ji ke charano me raajaa ne saari hakikat rakhi..vo jo 4 mahaapurush the, aap ke liye aisaa bol rahe the aur srushtikartaa se sahaa nahi gayaa..hum aap ko jaanate hai ki aap humhaare raajy me hi panape hai, bade huye hai..kisi bhi raajaa ke aap mantri nahi the, khajaanchi nahi the..phir bhi vo log aisaa jhuthaa aarop lagaaye to srushtikartaa se sajaa paaye..ab mahaaraaj hum haath jodate hai..

jaydev maharaaj ne apanaa maun kholaa..

raajaasaab , mai to aap ke hi raajya me palaa,posaa badaa huaa..kisi kaa mantri khanjaachi mai kyo banugaa?bachapan se hi mere bhakti ke sanskaar the..mai bhakti karataa…aur aap jaise log mujhe maanate hai..

raajaa bola, ‘mahaaraaj krupayaa aap koyi saphayi naa de, hum aap ko jaanate hai..lekin vo mahaapurush kaun the?’

jaydev maharaaj ko ab rahasy kholanaa padataa hai …

bole, agale bhandaare me ye hi mahaapurush aaye the,unho ne mere ko lutane ke liye mere saath dosti ki..inho ne hi mujhe lut ke mere haath inho ne hi kaat ke mere ko kuwe me utaar diyaa….mai to geet govind ke kartaa geet govind ko gaakar dhanywaad maan rahaa thaa… aap aaye.. mujhe kuwe se  nikalwaayaa aur swasth kar diyaa…

maine sochaa ki paiso ke kaaran ye  atyaachaar kar rahe, naa jaane kitane janmo me ye is kaa phal bhogenge..bechaaro ko  bhoganaa naa pade isliye maine aap ko kaan me kahaa ki ye mere dost hai, mitr hai….taa ki in ko dhan mil jaaye aur ye kisi saadhu ki lut naa kare, santo ke saath atyaachaar naa kare..

saadhaaran aadami ke saath kiye atyaachaar ke badale sant aur bhakt ke sath kiyaa huaa atyaachaar 100 gunaa jyaadaa paap detaa hai.

saadhaaran aadami ki sewaa se sant aur  bhakt ki sewaa karane se 100 gunaa jyaadaa labh deti hai ..

to sant aur bhakt ki nindaa ,doshaaropan karane se 100 gunaa jyaadaa paap  lagataa hai, isliye in bechaaro ko paap naa lage, ye bechaare  kudarat ke kaher ke shikaar naa ho isliye maine aap ko prarthanaa ki aur aap ne  un ko dhan de diyaa..

lekin unho ne apani puraani aadat nahi chhodi, to srushti kartaa se sahaa nahi gayaa hogaa..are bhagavaan..are bhagavaan ye kyaa kar diyaa…

aise kar ke dono thuthe  haath uthaakar bhagavaan ko pukaarane lage, to dono thuthe haath takaraaye aur naye haath ubhar aaye!!

jaydev mahaaraaj ki jay ho!!

agar sachmuch jaydev mahaaraaj un daakuo ke kahaani ke paatr hote to kate haath ubhar nahi aate..

jaydev mahaaraaj ka geet govind  itanaa lokpriy nahi hotaa.jo bhaagavat ki kathaa sunate un ko pataa hai ki jaydev mahaaraaj kaa geet bhakto ke dilo ko rasamay kar detaa hai..prabhu prem se pallavit kar detaa hai..gyaan ke prakaash me le aataa hai.

jub geet govind ke kartaa jaydev mahaaraaj ke saath itanaa atyaachaar huaa! kuprachaar waale to mere daadhi kaa ek baal bhi baankaa nahi kiye!

jaydev ji mahaaraaj ki jitani sahanshakti to hum bhi sanjoye huye hai… 🙂

om shanti. om madhury. sab ka mangal sab kaa bhalaa ho.

pure vishw me kahi bhi rahete sab ka mangal sab ka bhalaa ho.

prabhu ko bolo tum kewal mandiro me nahi ho…mere antar me ho..

bin phere prabhu hum tere!

itwaar ke din seb phal phayadaa karataa hai jyadaa…itwaar ka din garmi karataa hai seb phal shanti karataa hai..

om tam namaami harim param.

om tam namaami harim param.

om tam namaami harim param.

OM SHANTI.

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: