College ke Yuwaan Yuwatiyo ke Liye Khaas!

16Jan2010,part 2,Ujjain Satsang

********************************************************

PUJYA SANTSHREE ASARAM BAPUJI KI AMRUTWANI

********************************************************

neelaam kar de susti

hari naam ki piyaa kar masti!

masti kaa naam hai tandurusti!!

Om Om om om om om….

 

(madhur kirtan ho rahaa hai)

om om om mere pyaare hari om

ram ram ram mere pyaare siyaaram

shiv shiv shiv mere pyaare sadaashiv

guru guru guru mere pyaare sadguru

hari hari hari mere pyaare shri hari

prabhu teri jay ho!!

 

phikar phenk kuwe me jo hogaa dekhaa jaayegaa .. hogaa vo anity me hogaa aur nity naaraayan to meraa aatmdev hai!prabhu teri jay ho!!

 

bachcho tum aage badho..

kashto se tum naa daro..

tum me himmat hai , tum me saahas hai!

tum me sadaa saty hai,tum me sadaa jyot hai!

tum me sadaa gyaan hai, tum me sadaa maan hai!!

badhate chalo…

 

desh nahi chalataa kabhi gaddaaro se

kaam nahi banataa kabhi gaddaro se

sher nahi kabhi darate siyaaro se

maheemaa me apani jago

shivoham swabhaav me jago..

aage badho..

nindaa se tum naa sukado..

 

veer shivaaji ne dekho gurusewaa me naam kiyaa

phir bhi vidharmiyo ne dekho un ko hi badanaam kiyaa

veer shivaaji bano..

aage badho..

kashto se tum naa daro

vighno se tum naa daro

 

kitani lambi raat ho phir bhi din to aayegaa

kaale baadalo se kyaa suraj ghabaraayegaa

koharaa aur baadal se kyaa suraj chhup jaayegaa?

 

aage badho..

vighno se tum naa daro..

 

kadam apane aage badhaataa chalaa jaa!

 

sadaa prabhu priti ke geet gaate jaao..samaaj priti ke , maanav priti ke ..pranimaatr ke priti ke geet gaate chale jaao..kyo ki prani ki priti praan naath se hi to hoti hai!prabhu teri jay ho!

 

aage badho..

 

aage kis me badhanaa hai?

ladanejhagadane me?nahi

dustataa me?nahi

 

samataa me aage badho!

satsang me aage badho!

tatvgyaan me aage badho!

bhagavat bhakti me aage badho!

paropkaar karane me aage badho!

apanaa ‘mai’ prabhu se milaane me aage badho!

cum se cum aawashyakataa me aanandtit rahene me aage badho!

 

shradhdaa, vishwaas aur sharirik shanti  man ko sanshay raheet banaataa hai.. swabhaav me madhurataa laataa hai aur budhdi ko vikasit karataa hai..sanmaan badhaataa hai aur ahankaar shithil banaataa hai.agyaan ki parate dur karataa hai..

SHRADHDAA! ..deenataa , aadhintaa aur malintaa ko dur karati hai shradhda..

sharir me raasaayanik parivartan karati hai shradhdaa..

ishwar par vishwaas, shashro par vishwaas aur sachche santo par vishwaas karane se vyaakulataa mitati hai, chintaa mitati hai, vikshep mitataa hai..

chintaao se grast vyakti shradhdaa aur vishwaas se dukhraheet aasaani se hotaa hai.

vishwaas asahaay ko sahaayataa pradaan karataa hai.raag me, van me, yudhd karane bhi vishwaas sahaayataa detaa hai.

vishwaas manusya kaa param mitr hai, param sahaayak hai.vidyaarthi bhi vishwaas ke bal se hi paas hotaa hai.vishwaas se hi srushti chal rahi hai.

shradhdaa aur vishwaas manushy jeevan se hut jaaye to manushy ekdum tuchh ho jaayegaa..jeetanaa shradhdaa vishwaas drudh utanaa paristhiti tumhaare niyantran me ho jaayegi..

 

jahaa chaah wahaa raah!

 

prabhaatkaal uth raghunaathaa

maat pitaa guru naavyi maathaa

 

subah uth ke bachche maataa pitaa ko pranaam karane se:

 

aayu, vidyaa, yasho , balam chatvaari vardhante..

 

4 chij badhegi..aayu,vidyaa, yash aur bal badhegaa.ye bhaaratiy sanskruti hai.

tulasi maa kaa paudhaa lagaanaa ye bhaaratiy sanskruti hai.

laalat pe tilak lagaanaa ye bhaaratiy sanskruti hai.

pairo me chandi ki paayal yaa chaandi ka kadaa pahen se sree sambandhi bimaariyo se rakshaa hoti hai.

garbhini sree sauf chabaati hai to us kaa garbhast baalak sundar hotaa hai.aur 8 mahine ho jaaye, navamaa mahinaa shuru ho jaaye to badaam kaa tel 8-10ml dudh me daal ke roj raat ko piye to prasuti ki pidaa nahi hoti jyaadaa, bachcha aur maa dimaagi rahenge..

kidney fail hai vo dailisis karane ki jarurat nahi,aashram se ek buti milegi us ko phaank le aur 250ml dudh piye..kidney thik ho jaayegi.

 

santo kaa gyaan , prem aur maangaly bhaav bhi sab ke liye hai..aap kaa bhalaa ho jaaye, meraa kaam ho gayaa!

 

meraa uddeshy hai tumhaaraa sharir swasth rahe,tumhaaraa man prasann rahe,tumhaari budhdi me budhdidaataa ka prakaash badh jaaye.

tum mujhe maano naa maano lekin tum swasth rahenaa sikh lo, sukhi rahenaa sikh lo, sanmaanit rahenaa sikh lo..

 

muskuraanaa meri aadat hai.

prasann rahenaa meraa swabhaav hai.

aur samaaj ko jagaanaa meraa uddeshy hai baas!

 

shradhdaa , vishwaas aur drudh sankalp.

drudh sankalp ye tisaraa sadgun hai.

 

nepoliyan bonaapart europ ke akloni gaanv me kisi hajaam ke ghar lodging boarding kaa paisaa dekar college kar rahaa thaa.hajaam thoda budhdaa thaa,aur hajaam ki patni jawaan thi.europiyan logo me apanaa pati paramaatmaa aisaa gyaan nahi hai,apanaa vikaar hi bhagavaan hai un ke aage.kaamvikaar ke liye kisi ko phasanaa wahaa ka fashion hai..ghar me rahenewaalaa college ka jawaan ladakaa nepoliyan ko dekh ke hajaam ki patni ne phasaanaa chaahaa.’i love u’vo bakate bakate thuk gayi..lekin drudh sankalpwaalaa bonaapart us ke chakkar me nahi aayaa.college ke yuwaan yuwatiyaa saawadhaani se suno bete tumhaaraa mangal hogaa.

 

aise karate karate college life puri kar ke vo phauj me bharti huaa.us ke karnal ne kahaa ki phalaani jagah se baatami laanaa hai..andheri raat hai, shatru ke yahaa pahunchanaa hai aur un ki kyaa yojanaa hai wahaa pahunchanaa hai.bole kyaa tum jaa sakate ho?

Nepolian bonaapaart bola, i will do it..mai kar lungaa!

bole raastaa pagdandi hogi, baarish me vo bhi tut gayi hogi..

bola, i will manage..mai raastaa banaa lungaa.

dekhate hi dekhate senaa me awal darje ke ho gaye nepolian..

senaa me awal darje ke hone ki baawjud bhi drudh sankalpi nepoliyan akloni gaanv me aayaa.lekin rangin chashmaa pahen ke.koyi pahechaane nahi..aur usi hajaam ke salun pe gayaa jahaa mrs hajaam bhi hajaamat kaa kaam karati thi.us ko puchchaa ki tumhaare ghar me nepoliyan bonapart rahetaa thaa aisa maine sunaa..boli haa haa..realy haa sachmuch rahetaa thaa..

bolaa, vo kaisaa ladakaa thaa?

boli, boy was good ,but he was not hot..ladakaa to achha thaa,lekin us ko dil nahi thaa..

nepoliyan ne rangin chashmaa hataayaa, bolaa, jaisaa tu us kaa dil chaahati sexy , waisaa  dil  rakhataa to  abhi senaapati nepoliyan nahi ban sakataa thaa..mere drudh sankalp ne teri buri chaal se meri rakshaa ki..isliye aaj mai awal darje kaa senaapati banaa..aaj mai surakshit hun..what u think about me?tu kyaa sochati hai?mere paas dil nahi thaa?waastav me mere paas hi dil thaa…aur dil me drudh sankalp thaa..isliye mai teri sexual chaal me nahi phansaa, nahi to mujhe bhi hajaamat karani padati…aaj mai senapati hun aur aage chal ke mujhe kyaa bananaa hai, mujhe pataa hai..jahaa chaah wahaa raah..everything is possible for me..

 

jin ke paas dil hotaa vo hi to sanyam se aage badhate aur dil ke daataa dilbar ko chaahate..isi kaa naam hai dil!

 

drudh sankalp honaa chaahiye..ek baar thaan lo ..drudh sankalp ke liye aur saphalataa ke liye shaaririk bal ki itani jarurat nahi, jitani drudh manobal ki jarurat hai.. 

 

haathi me shaaririk bal bahot hotaa hai,lekin ek sher darjano haathiyo ko bhagaa detaa hai..haathi ke sir pe chadh kar us kaa shikaar kar letaa hai..

isliye manobal badhaao..

bramhchary aur sanyam bahot jaruri hai.man ki chanchalataa chhodo to manobal badhegaa.

nich purusho ka sang, nich saahity ka sang  aur nich filmo kaa sang aap kaa manobal kamjor kar degaa..

 

drudh sankalp hai , lekin uddeshy nich hai to vo vinaash ki taraf le jaayegaa..drudh sankalp ho ,lekin uddeshy unchaa ho!

raavan ke paas drudh sankalp to thaa lekin uddeshy sitaji ka apaharan karane kaa thaa, ram ji ko nichaa dikhaane kaa thaa..to nichaa dekhate huye duniyaa se chale gaye raavanji..

 

drudh sankalp ho lekin shriraam jaisaa ho…shrikrushn jaisaa ho..

kans jaisaa nahi.kans kaa bhi drudh sankalp thaa ki devaki ke kokh se janame bachcho ko maar daalungaa..drudh sankalp me nichataa hai to tabaah kar degaa.lekin drudh sankalp me unchaa uddeshy hai to awataari purush ghoshit karaa degaa..

 

par-dukh kaatarataa ho.vishay vilaas se bachane ka drudh sankalp ho.ki huyi galati phir nahi dioharaayenge aisaa drudh sankalp ho.maataa ki mamataa, pitaa ke swaarth me aakar saadhanaa nahi chhodenge aisaa drudh sankalp ho.tuchh uddeshy nahi.drudh sankalp ho lekin unche uddeshy ke liye, sab ki shanti ke liye, sachche maadhury ke liye.

 

jis me shradhdaa hai, vishwaas hai, drudh sankalp hai, lekin dhairy nahi hai to phisal jaataa hai.dhairy nahi khonaa..jis ne dhairy khoyaa us ne budhdi khoyi.us ne vishwaas khoyaa. us ne shradhdaa khoyi.atut dhairy ye budhdimataa ka parichay hai.

 

agar itanaa kuprachaar hotaa aur hum dhairy kho dete to kuprachaarwaale saphal ho jaate, mere saadhak aur hum viphal ho jaate..mere saadhako kaa dhairy aur mere gurukrupaa kaa dhairy hai..kuprachaarwaalo kaa bhi mangal chaahate hai aur aap kaa bhi mangal ho rahaa hai ye dhairy kaa parichay hai.jis ke paas dhairy nahi hai,us ki shakti surakshit nahi rahe sakati.shakti kaa satupyog nahi ho sakataa.dhairy nahi to shakti shaapaa shaapi me khatam ho jaayegi..dhairy nahi hai to apani shakti shatru ke sath jhunjhane me lag jaayegi.dhairy nahi hai to kuchh naa kuchh ku-chakr chalaakar a-dhaarmik cheshtaaye hoti.humhe humhari gurukrupaa kaa santosh hai ki hum ne dhairy nahi chhodaa hai..ishwar ki niyati par bharosaa hai.

 

 

is kaa matlab ye nahi ki dhairy rakho aur maar khaate raho.dhairy rakho aur thage jaao.kuprachaar hotaa hai to sahete jaao.. aisa nahi..

 

akal ka bhi prayog karo kuprachaar ko suprachar ke kaichi se kaat ke kinaare kar do…

anyaay ko nyaay ki nigaaho se nishprabh kar do..dusaahas ko susaahas se baunaa banaa do.

 

dhairy kaa matlab ye nahi ki nishkriy ho jaao,bhondu ban jaao,thage jaao.

 

udyam, saahas,dhairy, budhdi, shakti, paraakram ye 6 sadgun hai to kadam kadam pe paramaatmaa sath dete hai..

paramaatmaa ke ashray se dhairy me aap saphal hote hai.paramaatmaa se  guftagu karane se aap kaa dhairy sahi dishaa me rahetaa hai..paramaatmaa kaa ashray aur paramaatmaa prapt satpurusho kaa ashray dhairy ke liye sahaayak, sachcha mitr saabit hotaa hai.

 dhairywaan hi santoshi rahegaa.dhairywaan hi gambhir rahegaa.dhairywaan hi durdarshi raheta hai. ..agar utaavalaa ho jaaye to baad me parinaam gandaa aataa hai.

dukho se paar hone ke liye balwaan sharir nahi chaahiye,badi sattaa nahi chaahiye,badaa saamrajy nahi chaahiye.

 

dukho se paar hone ke liye chaahiye dhairy, bhagavat aashray,durdarshitaa.

 

gaandhiji akele bande the.

dekhaa ki hindusthaaniyo kaa manushy jeevan nochaa jaa rahaa hai..gaay kaa maans khaanewaale, daaru pinewaale aur lalanaao ke lampatu log bharat par rajy kar rahe …ye to bhaarat me janm lene ki mahatta hi humhaari maari jaa rahi hai hai..humhaari adhyaatmik swatantrataa chhhini jaa rahi ..kumbh ke mele aur sihanth me bhi sarkaar kutnitiyokaa kaam leti thi..vighn daalati thi..

gandhiji ne kahaa dhairy to rakhe, lekin kaayarataa ka naam dhairy nahi hai.bewkufi kaa naam dhairy nahi hai..dhairy to rakho,lekin apni sujhbujh se adhikaar ki rakshaa ho.dusare ke adhikaar chhino nahi aur apane adhikaar ko chhinane mat do..harischandr ki picture dekhi thi.saty nishth gandhiji lag gaye..pahelaa bhaaratwaasi thaa jo bola,

“angrej bharat chhodo”

 

us samay kaisi bijali kadaki hogi…kaisa virodh huaa hogaa..sarkaari akhabaare, sarkaari mediya aur gair sarkaari mediya ne  gandhiji par kitane laanchhan lagaaye honge.. mere pe laanchhan lagate to gaandhiji yaad aate …

gandhiji pe gande laanchhan lagaanewaale murkh abhi bhi jinde hai…to kyaa ho gayaa..gandhiji jiddi the, aise hai waise hai ..gandhiji ki critisize kiyaa to kya pharak padataa hai…Gaandhiji to sab ke liye aadarniy hi hai.

 

aap ke paas ishwariy sattaa ke sath ekaakaarataa, lokmaanagalya ka drudh sankalp sidhdnat, sanaatani sidhdant hai to koyi kuchh bhi bole, kaise bhi kahe, chhaape, chhapavaaye,soche koyi pharak nahi padataa..

jo logo ki  tutu maimai se ghabadaataa nahi vo duniyaa ko jagaane me aur  duniyaa ko sukhi karane me saksham rahetaa hai..aap log sukhi hai ki nahi hai?

“HAI!” Sadgurudev ji  Bhagavaan ki jay ho!

 

..to heel gaye naa apani maanyataa se..jo  gandi manyataa thi, dur ki maanyataa thi vo dur ho gayi naa?

 kaay ko daranaa?

 is ke sath sahaanubhuti bhi honaa chaahiye agar jeevan me sahaanubhuti nahi to dhani dhan ka upyog apane liye karegaa, is se rogi banegaa, bhogi  banegaa…shoshak banegaa..sahaanubhuti nahi aayi to us kaa dhan usi kaa nash karegaa..

dhani sahaanubhuti sampann hogaa tub daani hogaa. paropkaari hogaa.. pariwaar bhi use chaahegaa aur dusare log bhi use chaahenge..

 

dhani agar vyaktigat swaarthi hogaa to samaaj to us ko nahi chaahegaa, kutumb waale bhi nahi chaahenge.

 

isi ujjain nagari kaa ek dhani thaa.. bahot dhan thaa us ke paas..lekin naa apane liye kharch karataa,naa apane pariwaar ke liye.. samaaj ke liye kyaa kharch karegaa?…us kaa dhan hi us kaa dushman ban gayaa.. logo ke ku-sankalpo ne jor maaraa aur raajaa ke najar me aa gayaa.. shaashako ne tax daal ke saaraa dhan chhin liyaa.. saari sampadaa chali gayi..itanaa badnaam hua aki sabkuchh chhodkar  saadhu ban gayaa..

saadhu banaa to  aisa banaa..

 

 amiri ki to aisi ki sab jur lutaa baithe

 phakiri ki to aisi ki ki shrikrushn ke dar pe aa baithe ! shrikrushn ne us ki bhaagavat me prashansaa ki..shrikrushn rahete the yahaa.. shrikrushn ne audhav ko ye ghatanaa bataayi, bhaagavat me aati hai..

ujjain kaa ek dhani vyakti thaa,lekin dhan kaa sat-upyog nahi karataa thaa..dhan badhaao badhaao me lagaa aadi..

aay ke 5 ve hisse me paropkaar kaa jagah hai..matlab 20 takaa daan pun karo..paropaaar me lagaao… kamaate samay naa jaane kis kis galati kaa ,kis kis paap kaa dhan aataa hai..kuchh hissa satkarm me jaaye to dhan tikataa hai..nahi to dhan dhani ko le dubataa hai..

aise sattaadhish ke andar sahaanubhuti nahi hogi to dabaav rishwat me aakar galat nirnay karegaa..

 

jo sarkaari karmchaari hai, kuchh bhi satta mili aur sahanubhuti nahi hai to table pe file padi rahegi aur logo ko dhakke khilaate rahegaa…adhikaariyo me sahaanubhuti nahi hogi to public kaa khun chus lenge..sahaanubhuti to adhikaariyo me chaahiye, pulice me bhi chaahiye nahi to kaher karenge..nirdosho pe laathi chaarge karenge,atyaachaar karenge..jaise gandhinagar me nirdosh kirtanyaatri ko phasaayaa gayaa aise galat kaam karenge…..

 

sahaanubhuti nahi hai to nirdosho ko phansaa sakate ho..

jhute case kar ke kisi ko phasaate to der saber kudarat aap ko aise phasaayegi jaise pradip sharmaa ko huaa…jo nirdosho ko phasaane me apane adhikaaro kaa upyog karate aise logo ko prakruti ki chot ke liye taaiyyar rahenaa padegaa..

 

nirdosh ko phasaayenge to humhaare paas dusare saadhan nahi hai, lekin ishwar satta kaa saadhanto  hai hi hai!

 

 

naaraayan hari naaraayan hari

 

ishwariy sidhdaant ko koyi kaat nahi sakataa

 

mit gayi kyaa kyaa hastiyaa jo bhaarat ko mitaane me lagi thi…

 

 

aap ke jeevan me sahaanubhuti ka sadgun laayiye.

 agar sant gaddi pe baithe hai,aur aap ke dil me sahaanubhuti nahi to aap apane prashansako ke liye khaayi khod denge..agar mere dil me sahaanubhuti nahi to hum apanaa ghaataa kar lenge aur apane sewako kaa bhi ghaataa ho jaayegaa..mere dil me sahaanubhuti hai to hum apanaa to bhalaa karenge apane shishyo kaa aur sewako kaa bhi bhalaa karenge..yahaa jaisi ghadaayi unchaayi hoti aisi 10janam me bhi ho nahi sakati, ye sahaanubhuti hai….

 

durjan ki karunaa buri bhalo saai ko traas

suraj jub garami kare tub barasan ki aans!

 

udiyaabaabaa ko puchhaa kisi ne ki, hum kab maane ki saakshatkaari mahaapurush ne humhe apanaa maan liyaa hai khaas?

bole, ve tum ko toke yaa thoke  nishank ho ke to samajh lenaa guruji ne tujhe apanaa maan liyaa!

aur agar aap ko tokane me thokane  guru ji  sankoch karate hai to abhi tum guru ke apane  nahi huye ho ..

 naaraayan naaraayan

 sahaanubhuti honi chaahiye …dhani agar abhaavagrasto me dhan kaa satupyog nahi karataa,garibo ke aur abhaavgrasto ke aansu nahi pochhataa us dhan ke dwaaraa to aise dhani ko dhikkar hai..

agar sattadhish apani satta chalaane me sahaanubhuti kaa sadgun nahi laataa to us ki satta us ko le dubegi..jaise raavan,kans, hitler ki satta un ko le dubi..

lekin janak ki satta, shriraam ki sattaa,shrikrushn ki satta un ko param pad paane me sahaayak hi sahaayak rahi!

nyaayaadhish me bhi sahaanubhuti ho,vair yaa duraagrah ki bhaavanaa se sajaa naa de..

 sahaanubhuti se saaphaly badhegaa.shakti hai sahaanubhuti nahi hai to aap bado ki sewaa nahi karoge, chhoto ki sahaayataa nahi karoge..aur supaatr ko daan nahi doge..agar aap ke paas dhan ki shakti hai, satta ki shakti hai yaa koyi bhi shakti hai aur sahaanubhuti kaa sadgun nahi hai to aap daan nahi kar sakate..vo dhan aap ko vilaasitaa me giraayegaa..badobujurgo ki sewaa nahi karoge , chhoto ko sahaayataa nahi karoge.. kans raavan hitler ke raste jaaoge..

 

ooooooooooooooooommmmmmmmmmmmmmm

 

tam namaami gurum param

tam namaami harim param

tam namaami harim param

hari oooooooommmmmmmmmmmmm

OM SHANTI.

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: