Bhagavaan ko nahi maanate?

16Jan2010-part 1 ;Ujjain Satsang

********************************************************

PUJYA SANTSHREE ASARAM BAPUJI KI AMRUTWANI

******************************************************** 

kaam krodh moh ahankaar bekaar nahi hai..agar bekaar hote to bhagavaan banaate hi kyo?

 

kaam nahi hotaa to bachche kaise hote?kaamanaa kaise hoti?sansar kaise chalataa?

krodh nahi hogaa to anushaasan kaise hogaa?

lobh nahi hogaa to spardhaa kaise hogi?

moh nahi hogaa to paalan kaise hogaa?

lekin iski dishaa achhi ho baas!

sab achhaa hai, kuchh buraa nahi hai.

 

bole man chanchal hai, indriyaa bahirmukh hai..

man chanchal nahi hai,indriyaa bahirmukh nahi hai..tum jab sanaar ko chaahate ho tabhi indriyaa sansaar me jaati hai..man sansaar ka chintan karataa to ladaayi chaalu ho jaati..

 

tum jub bhagavaan ko chaahate to man shant hotaa hai, indriyaa shant hoti hai..

 

man ko gaali mat do, indriyaa ko gaali mat do..kuchh kathaakaar bhi bolate ki bramhaaji ne indriyo ko sansaari banaayaa..

arre tum sansaar me rahete to indriyaa sansaar me aayegi..tum paramaatmaa me rahete to vo bhi paramaatmaa me hai, ye to tumhaare nokar nokaraani hai..jaha swaami jayegaa wahaa nokar nokaraani jayenge!

 

aap sansaar me rahete aur bhagavaan ko chaahate to bhagavaan milanewaale nahi..

aap bhagavaan ke ho aur chaaho bhagavaan ko..!

bole bhagavaan ko nahi chaaho to bhi milenge to”haa!”

 

lekin bhagavaan ko nahi chaahoge to sansaar ko bhi nahi chaahoge..! 🙂

jo bhagavaan ko nahi maanegaa , vo sansaar ko kyo maane?

 

sansaar dikhataa hai to tikataa nahi hai, kyo ki  jo dikhataa hai vo tikataa nahi hai!

 

maananaa kis ko hai?jo dikhataa us ko kyaa maananaa hai?jo nahi dikhataa usi ko maananaa hai!! 🙂

 

tum ne apane aap ko dekhaa hai kyaa?phir bhi apane aaap ko mai to maanate ho!

kahaa hai mai bataao?

bole ye hai!

ye to haath hai..ye to pair hai..ye pet hai…to ‘mai’ kahaa hai?

 

apani ‘mai’ ko dekhaa hai kyaa tum ne kabhi?to’mai’ ko dekhaa nahi phir bhi maanate ho…to apani mai ko jaan lo!bhagavaan ko mat maano, bhagavaan ko jaan lo to wo hi bhagavaan mil jaayenge!

 

‘mai’ hun ki nahi aisaa kabhi huaa hai kyaa?

paapi hun, punyaatmaa hun, saadhu hun, juaari hun,lobhi hun, kaami hun…jo bhi hun..”MAI HUN!’

‘mai nahi hun’ aisaa bol sakate kyaa?..to ‘nahi hun’ bolanewaalaa to hai naa!

bhagavaan ko mat maano,lekin apane mai ko to maano..aur ‘mai’ ko dekh ke maanoge kyaa?’mai’ kabhi dikhegi kyaa?

aankho se dikhegi apani ‘mai’?

haatho se chhune me aayegi apani ‘mai’?

jibh se  ‘chakhane me aayegi apani ‘mai’?

naak se sungh sakate ho apani ‘mai’?

phir bhi ‘mai’ to hai naa?

“haa”

to usi ‘mai’ ko jaan lo! vo ‘mai’ hi bhagavaan hai!!

ekdum saar baat hai.

 

4 prakaar ki bewkufiyaa samaaj me vyaapt hai.

1)waani chaanchyaly

2)Netr Chaachyaly

3)hast chaachyaly

4)paad chaanchyaly

 

1)waani ki chanchalataa:binjaruri bolenge.aadat ke shabd daal denge..’lekin’ ‘agar’ ‘magar”but’ ‘sorry’

to ye vaani chaanchalya laaparwaahi  hai,halake man ki pahechaan hai..uspar niyantran daalo.

2)netr chaanchyaly :aankhe yahaa wahaa bhumaanaa baar baar..aisi vyakti be-imaan hoti hai.jitanaa kapati aur be-imaan utani us ki aankhe jyadaa hilegi.ye kapati, be-imaan aur chor vyakti ki pahechaan hai ki us ki aankhe jyaadaa hilegi.

to ek tuk dekho bhagavaan ko 6 – 8 minute ..is durgun ko bhagaao.

3)hast chaanchyaly:kayiyo ke haath chanchal hote to baithe rahenge tinkaa todenge,naak me ungali ghumaayenge, kaan kuredate rahenge..tinake todate rahenge aur tinake nahi mile to bapu kaa karpet todate rahenge…

4) paad chaanchyaly : baithe rahenge to bhi pair heelaate rahete aur khade honge to bhi pair heelaate!halake man ki pahechaan hai.tik nahi sakate aise log.waahwaahi me bhale hi tik jaaye,lekin waahwaahi me jaraa break maari to bhaag jaaye.paiso ke liye tik jaaye ,lekin jahaa paiso ko break lagi nikal jaayega.

 

jin ke paas ye 4 durgun hai wo jyadaa samay guru ke sath wafaadaar nahi rahe sakataa.kyo ki wo apane aap ke sath bhi wafaadaar nahi hai.apane se be-wafaai naa karo. jhuth bolane se tap,tej aur puny nash hogaa.

 

baapuji ki dukaan to baapuji ke dil me hai aur graahak saadhak kaa dil hai.bapuji ke sidhdant pe chalate to bapuji ke bachche hai nahi to thagi ke dost hai..

 

 

naa kisi ko thago naa thage jaao.

naa kisi ko bewkuf banaao , naa bewkuf bano.

naa kisi ke liye dukh paidaa karo  naa swayam dukhi ho.

naa phuto, naa phut daalo.

 

apanaa gyaan badhaao.

gyaan kaun saa?duniyaadaari kaa ?nahi!’apanaa’ gyaan badhaao..! ‘mai’kaun hun ye khojo..apani chetanaa badhaao, apanaa aanand badhaao aur dusaro kaa bhi aanand badhaao, dusaro kaa bhi gyaan badhaao.

jo dusaro ko ullu banaa ke sukhi honaa chaahataa hai , vo mahaa ullu hai.

jo dusaro ko kasth dekar sukhi honaa chaahataa , vo bade dokhe me hai, badaa dukhi hogaa.

 

aap apane sukh ke liye kisi ko dukh de rahe to aap ko dukh aanewaalaa hai ye pakkaa.

aap dukh sahe ke bhi dusare ko sukh dete to aap ko paramdukh haari paramaatmaa kaa aanand milegaa.paramaatmaa paragat ho jayenge!

 

sansaar ko maangkar aap sukhi honaa chaahate to aap kabhi nahi ho sakate,ye pakka kar lo.

sansaari kis ko bolate?jo sarakane waali chijo ko sachchaa maane.tan bhi sarakataa hai, man bhi sarakataa hai,vastuye bhi sarakati hai..un ko sachchaa maankar koyi sukhi honaa chaahe to sambhav hi nahi hai!chaahe bramhaaji ho!!un ko bhi dukh dekhanaa padegaa.

chaahe krushn aap ke salaahkaar aur aap ke rath chaalak ho jaaye,aap ko sansaar sachchaa lagataa hai to chaahe krushn paas me khade hai phir bhi aap ke dukh nahi mit sakate..agar dukh mitaa hotaa to shrikrushn ke haajeeri me arjun dukhi kyo hote?kyo roye?vishaadyog me kyo gaye?kyo ki un ko yudhd bhi sachchaa lag rahaa thaa, sharir bhi sachcha lag rahaa thaa..

shrikrushn ne krupaa kar ke arjun ko arjun-tatv kaa gyaan diyaa.jahaa se arjun kaa ‘mai’ uthataa thaa, wahi se shrikrushn kaa  ‘mai’ uthataa thaa..ye shrikrushn jaanate,arjun nahi jaanate the, isliye arjun dukhi the.

 

aap bhagavaan ko maane chaahe nahi maane,lekin apane ko to maanate ho?jo dikh rahaa us ko maanane ki jarurat nahi,kyo ki wo to dikh rahaa hai.jo dikh rahaa hai vo to hai hi nahi! wo to badalegaa.ye phool dikh rahe to badal badal ke nasht ho jaayenge..aise jo bhi dikh rahaa hai vo badal ke nasht hogaa…

 

jo dikhe so chaalanhaar

lapat raho so andh andhaar

 

kitanaa bhi sukh kaa saadhan dikhataa hai naa tikegaa nahi..patni sundari dikhati hai naa , saundary tikegaaa nahi..jo dikhegaa vo tikegaa nahi,ye pakki pakki pakki baat maan lo!

 

lekin jis se dikhataa hai vo apanaa thaa, hai aur rahegaa! waah prabhu waah!

 

Bhagavaan ko maanane se priti , aanand aur maadhury aayegaa.

nahi maanoge to bhi milanaa hi hai us ko!kyo ki bichhad nahi sakataa!!

aap bhagavaan ko nahi maano to bhi bhagavaan to mile-milaaye hai.maanane se ras aataa hai,maadhury aataa hai, sat-preranaa aati hai..nahi maanane se thodaa sangharsh kaa majaa lenaa ho to le lo…lekin nahi maanane par bhi vo jaayegaa nahi.

 

bhale hi bolo ‘bhagvaan hum aap ko nahi maanate’…

tarang kahe de ki hum paani ko maanate hi nahi..

jhaag kahe de ki hum paani ki jaanate hi nahi, maanate hi nahi!to kyaa paani hut jaayegaa wahaa se?

ghade kaa aakaash kahe de ki hum mahaakaash ko nahi maanate, nahi maanate.. humhe maahaakaash nahi chaahiye..tabhi bhi mahaakaash ghade se alag nahi ho sakataa!

aise hi hum bhagavaan ko chaahe yaa naa chaahe, maane chaahe nahi maane,phir bhi vo hum se alag nahi ho sakate!waah prabhu waah!waah daataa waah!!

 

bhagavaan ko maanane se ras-mayataa, priti,vishraanti nischintataa ye aayegaa…to is kaa phaaydaa uthaao.

bole hum kisi ko nahi maanate, humhaaraa vishwaas nahi to is kaa phaayadaa uthaao!devi devataa ko nahi maano, hindu dharam ko mat maano, yahudi dharam  ko mat maano..kisi ko mat maano..to nahi maananewaalaa to rahegaa naa?neti neti neti neti..aise sub ‘nahi’ ho gayaa to bhi nahi karanewaalaa to rahe gayaa!to aa jaaoge ishwar me!

 

agar bhagavaan hai aisaa maanate to devi me bhi tum, devataa me bhi tum,ye bhi hai, vo bhi hai,sab hai to  “HAI” jis ki satta se dikhataa hai vo hi sab me vyaap rahaa hai!waah prabhu waah!

 

chalo to aakaash dekhe

aakaash me taaro kaa chaand bhi tum

teraa makaan aalaa jahaa tahaa basaa hai tu!

 

chalo to dariyaa dekhe

dariyaa mile lahiri,lahero kaa laal bhi tu,hilchaal bhi tu teraa makaan aalaa!jahaa tahaa basaa hai tu!

 

chalo to jaraa baajaar dekhe

baajaar me sab raaheeb kaa rub bhi tu..raaheb ke pair jo chalate us me satta teri aur jis se raheb ke pair dikhate us me bhi satta teri!teraa makaan aalaa jahaa tahaa basaa hai tu!

 

jahaa bhi kuchh dekhoge..kidi dekhoge to kidi me bhi akal gyaan swarup hai ki nahi,  kidi me chetanaa hai ki nahi? hai!tabhi to apane ande lekar bhaagati hai surakshit jagah par..aur ye namak hai ye shakkar hai ye jaanati to gyaan swarup paramaatmaa ki satta hai naa?kidi ki chhotisi khopadi me pol hai ki nahi?aakaash hai…aakaash se bhi sukshm sattaa hai vo param sattaa hai!

 

ye jo dikhataa hai vo bhutaakaash hai.

chitt me jo mehsoos hotaa hai ye bhutaakaash ko dekhanewaalaa vo chittaakaash hai.

aur bhutaakaash aur chittaakaash jis se sidhd hotaa hai wo hai paramaatmaa chidaakaash!

 

chidaanand mayi deh tumhaari

vigat vikaar koyi jaane adhikaari

 

ramaayan me aataa hai..jis ke vikaar chale gaye..mai khaa rahaa hun, mai dekh rahaa hun, mai sungh rahaa hun..indriyo ke dwaaraa tumhaare “MAI” ki satta hai..in ko sachcha maanane ki bewkufi chali jaaye to turant tumhaare me hi aa jaayegaa!Ishwar me hi aa jaayegaa!!

abhi mai jo bol rahaa hun to ishwar ki satta se..aap sun rahe to ishwar ki satta se..sunane ke kaan hai, bolane ki jibh hai..lekin jibh aur kaan ko satta kahaa se aati hai?man se?man ko satta kahaa se milati hai?”mai” se..mai kaa mul kaun hai?jad hai ki chetan hai?jad bolataa hai kyaa ‘mai’ hun?to chetan hi to bolataa hai naa?

aai haii !ye hi to haajaraa hujur hai naa!

haajaraa hujur

jaagandi jyot! sadaa jagmagaa rahaa hai!

 

ek hai sury ki roshani, dusari hai chandr ki roshani tisari hai netr indriyo ki roshani chauthi hai man ki roshani..in ki roshani hoti ki nahi ye bhi teri roshani se hi dikhati hai!roshani hi roshani hai!sadaa tere chaityany aatmaa kaa deedaar hai..

Hari Om om om om om om….

 

OM SHANTI.

SADGURUDEV JI BHAGAVAAN KI JAY HO!!!!!

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: