Pujya Motaa Mahaaraaj

15Jan2010; Ujjain satsang part- 1

********************************************************

PUJYA SANTSHREE ASARAM BAPUJI KI AMRUTWANI

********************************************************

Naraayan Naaraayan Naaraayan Naaraayan

…pujya Motaa mahaaraaj the , jo ‘Hari Om, Hari om’karate  …to vo nathuraam sharmaa naam ke  ek sant the , un ki sharan me gaye..aamadaabaad ke paas ek  haaji bangalaa thaa, ekaant me, wahaa ve rahete the..unho ne bola, mujhe magarmachh dekhanaa hai..to magarmachh dikhaate dikhaate kahaa pahunche aur baad me narmadaaji kaise chaandi ki thaali me bhojan le aayi …bole ye khaa le…vo ladaki kaun hai?…tujhe pataa nahi …khaa le!

phir shaam ko aheer ki kanyaa ka rup lekar narmadaaji bhojan le aayi..bhojan de ke chali gayi…dono time bhojan khaayaa…thaaliyaa lekar chalane lage..to bole,tere baap ki hai chunilaal thaaliyaa?kyo thaaliyaa uthaa ke chalataa hai?…chal narmadaaji kinaare..de de maataaji ko waapas…!!”

narmadaaji me thaali daali , adrushy!

 kaise kaise sidhd purush ho gaye!!

 

ye kaun si hasti hai bhaarat ki, jo mitaanewaale mit gaye lekin bhaarat abhi jindaabaad  hai, apani kalaa aur sanskruti me, apane gyaan aur dhyaan me!!

 

jo sahaanubhuti se bharaa hai,us ke paas kuchh bhi nahi hai, to sab kuchh us ke paas aa jaataa hai, aur jo swaarth se bharaa hai vo sabkuchh hote huye bhi viphal ho jata hai , sab kuchh lut jaataa hai..

raavan ke paas sabkuchh thaa, lekin swaarth ke kaaran sabkuchh lut gayaa aur shabari ke paas kuchh nahi thaa, kewal sewaa,shradhdaa aur sahaanubhuti ke kaaran sabkuchh ke swaami un kaa jhuthe ber khaataa hai, un kaa prashansak ban gayaa!

 

 

chunilaal gandhiji ke swatantr sewasangraami karykartaao me se ek the..un ko histeriyaa ki taklif ho gayi thi..saare ilaaj karane ke baawjud bhi ve thik nahi ho paa rahe the to dukhi niraash hokar narmadaaji me apane aap ko phenk diyaa aatmhatyaa karane…

lekin achhhe logo ke liye bhagavaan ki vyavasthaa kaam karati hai.. narmadaa ji ne unhe 3 din tuk dubane nahi diyaa..tarango se bharuch ke kinaare rakh diyaa..sadhu santo ne dekhaa..aashram me laaye..3 din tuk un ki sewaa chaakari ki..

chunilaal swasth huye.

 sadhu ne kahaa aatmahatyaa mahaapaap hai, nahi karanaa chahiye, badi galati ki….

bole, mahaaraaj sidhi par se koyi chij laane gayaa tha gandhiji ke liye , dhadaak se giraa…naak kut gayaa..hoth kut gayaa bhadda cheharaa jawaani me..isliye mai jeene se pareshaan ho gayaa hun…

 

bole, ‘jaao hari om hari om karanaa thik ho jaaoge’..

 

bole, baabaa hari om ka aur is abhaagi bimaari kaa kya lenaadenaa ..bimaari ko kya pataa ki hari om kyaa hai..

bole bimaari ko to pataa nahi, lekin hari antaraatmaa hai us ko to pataa hai ki kisliye japataa hai..

achha baba mai koshish karungaa lekin vachan nahi detaa hun..

 

baba ne kahaa , hari om japanaa

 

gaandhiji ko patr likhaa.. maine  aatmahtyaa ki, sadhu ne bachaayaa.. hari om baolne ko kahaa..lekin meri shradhda nahi hai’

 gandhiji ne kahaa bhagavaan ke naam me badi shakti hoti hai, shradhda ho naa ho ..bhagavaan ke naam me bhagavaan ki shakti hoti hai..

 

bhaav, abhaav,kubhaa anghalas

naam japat mangal dishaa das

 

chunilaal ki shradhda nahi bani..

kaarykartaa maataaji thi..gaandhiji ki khaas vyavasthaa sambhaalane wali..us ko patr likhaa ki maine aatmahatyaa ki, sadhu ne bachaayaa, hari om bolane ko kahaa..meri shradhda nahi to gandhiji ko puchhaa..gandhiji ne kahaa shradhda naa bhi ho to bhi bhagavan ke naam shakti hai jap karate jaao..meri ruchi nahi hoti, shradhda nahi hoti….maataaji aap ka kyaa abhipraay hai?

 

maataaji ne kahaa mera abhipraay puchhate ho to gandhiji ke abhipraay ke sath mera abhipraay bhi jod do aur prabhu ka jap karo….

 

ab to chunnilaal jap karane lage..2/4/6 mahine me dekhaa ki histeriyaa ke daure bhi band ho gaye..hari om hari om karate vo to bhagat ban gaye..phir to sadhuo ke prati un ka sadbhaav ho gayaa..

 

aamadabaad saabarmati ke kinaare haaji manzil bangalaa thaa..shaahi baag ilaake me…haaji manzeel bangalaa ..us samay sannaataa thaa…ek chunnilaal aur dusare un ke gurumahaaraaj dono hi rahete the..

 

gurumahaaraaj kaa naam thaa baalyogi mahaaraaj..waise un kaa naam nathuraam sharmaa thaa, lekin log unhe baalyogi mahaaraaj bolate the..

 

ek din baalyogi maharaaj ne kahaa mujhe magarmachh dekhanaa hai..baalak ke naayi bolate rahe….chunnilaal hairaan ki magarmachh kahaa dikhe? kaise dikhaaye?…baba magarmachh dekhane ke liye samudrtat me jana padegaa kiraayaa nahi hai..aap paise lete nahi, mere paas paisaa nahi..

achha paise chaahiye?aa jaayenge..wahaa koyi aataa hi nahi thaa..haaji manzil bangale me..8/10 log aaye  darshan karane aur bole baabaa ye bhet sweekaar karo..chunnilaal dang rahe gaye ki naye ajanabi log aur paisaa de gaye!

baabaa ab to gaadi me baith sakate ..

haa bole magarmachh dikhaa..chal magarmachh ke paas

baba ki baat rahasymayi..samajhane me kathinaayi ho rahi thi..

sochaa ki chalo in ko aanand to le jaaye..aanand station utar ke phir puchhenge ki samudr ki taraf puchhenge..

 

aanand utare..puchhe ki aage kahaa jaaye ?kidhar milenge magarmachh?

 

samudr tat ke taraf ishaaraa kiya aki us me magarmachh rahete..lekin baabaa ne udhar se munh mod liyaa..phir daakor ki taraf ishaaraa kiyaa ki baba udhar bhi magarmachh hai..

kiraaye me paise to kharch ho gaye the..thode se paise bache the..bole daakor me jo nadi hai gomati nadi ke kinaare wahaa kuwe ke paas jayenge..

 

soche ki 2 paise ke mamre le lungaa, pani me phenkungaa to kachhuye aayenge to baabaa se puchhunga aki yehi hai kyaa magarmachh?

mamare liye 2 pais eke aaye nadi taT par..daale to bahot saare kachhuye aaye..baabaa ne sunaayi ek se ek badhiyaa gaali!

lekin baabaao ki gaali phalaahaari hoti hai..baabaao ki gaali me buraa nahi maananaa chaahiye! 🙂

 

ye magarmachh hai? baabaa ne ishaaraa kiyaa kuwe paas chal udhar hai magar..gaye to wahaa phate kapado me ek paagal jaisaa aadami baithaa thaa…

 

bole, dekh ye hai magarmachh!

 

kyo re magarmachh kahaa sote ho?

bole kabhi vaayu me sotaa hun..kabhi dharati pe..kabhi jal pe sotaa hun..

 

bole aakaash me nahi sonaa sikhaa?

bole abhi tuk meri gati nahi huyi aakaash me sone ki..

 

logo ki najaro me dikhate the paagal.

 

baalyogi ne bolaa ki hum to aakaash me sote hai!

chunnilaal hairaan ho gayaa ki ye dikhate hai paagal vyakti lekin jal pe sote, agni pe sote..aur ye baalyogi aakaash pe sote hai!

is kaa rahasy chunnilaal nahi samajh paaye the..

 

kundalini tatv me pruthvi tatv, jal tatv, tej tatv , vayu tatv phir aakaash tatv hotaa hai..sote samay vrutti bramhaand me aa jaaye to aakaash me sote hai…jis kendr me vrutti raheti hai vahaa hi sota hai jogi..

paraso hum aakaash tatv me soye the, kal hum aakash tatv, jal tatv aur vayu tatv tino me soye the..ye yogi log jaanate hai..gudh rahasy ki baat hai…

 

 

paagal baabaa ko baalyogi mahaaraaj bole, dekho ye chunnilaal hai mai is ko yahaa laayaa hun..mere paas in ko dur padataa hai..mere se sawaal puchhane me bhi in ko sankoch hogaa..aanaa jaanaa bhi dur padataa to mai in ko yahaa chhod jaataa hun..ye aap ke paas aayaa karegaa is ko jaraa sidhaa sidhaa jabaab diyaa karanaa…ye samajh sake aisaa jabaab denaa…utsaahi ladakaa hai..ek dusare ne ek dusare ke aankho me jhaankaa…sammati ki..

bole chalo..

vo to aa gaye haazi manjeel bangalewaale apane sthaan par.aur chunnilaal jaate the kabhi kabhi paagalbaabaa ke paas…dikhane me paagal the, lekin badi kamaayi ke dhani the…vo paagal baabaa se sawaal puchhate un ko uttar milataa..

 

ek din mahaaraaj bole, chal uthaao jholi jhandaa…chalate chalate ek aisi jagah par aaye ..paagal baaba ka naam thaa nathuraam..un ko mastraam bhi bolate..chunnilaal un se saadhanaa kaa margdarshan puchhate..to maharaaj bole, saadhanaa ka margdarshan puchhataa kyaa hai?chalo anubhav karaa detaa hun..

baalyogi mahaaraaj paagal mahaaraaj ko magarmachh bolate kyo ki jal me sote the..magarmachh pruthvi pe aataa aur jal me sotaa …paagalbaabaa buraa bhi nahi maanate the..

aise kayi mahaapurusho se meri bhi bhent huyi hai..

koyi gyaan sidhd koyi bhakti sidhd koyi yog sidhd aise sidhdo se meri ghanishth ki mitrataa rahi..isliye mere paas sab prakaar ke prashn kaa uttar aur saadhanaa ka margdarshan sabhi ko mil jaataa hai! 🙂 (sadgurudev ji bhagavaan ki jay ho!!!!)

chunnilaal baad me pujy motaa maharaj naam se prasidhd huye…abhi un kaa ashram hai surat me apane aashram ke paas aur nadiyaad me….

 

 

baalyogi ke sampark me aaye chunnilaal phir paagalbaabaa ke sampark me aaye..baabaa ne kahaa jaao , narmadaa me se pani bhar ke laao..

chunnilaal laaye to bole, ki lotaa maanj ke laaye ho ki aise hi laaye ho?

bole aise hi laayaa.

 

jaao maanj ke bhar ke laao..

lotaa maanj ke bhar ke laaye..

 

bole, narmadaa bich me se laaye ke kinaare se bhar ke laaye lota?..

chunnilaal sajjan to the hi..bole baabaa mai to kinaare se bhar ke laayaa..

bole, jaao bich dhaaraa me le aao..

chunnilaal bich dhaaraa me lotaa bhar ke laaye.

baabaa bole, nange pair gayaa thaa ki jutaa pahen ke gayaa thaa?

bole, jutaa pahen ke..

baabaa bole, nange pair jaanaa chahiye..

chunnilaal samajh gaye ki ye meri parikshaa le rahe..mai in ki sewaa karungaa…chaahe kuchh bhi ho jaaye..dhairy to chunnilaal mahaaraaj se koyi sikhe!

itani baar gaali barsaayi..itani baar lotaa khali kar kar phir jaate..aakhari  me lotaa jaisaa vo bharavaanaa chaahate the waise bhar ke laaye…

 

chunilaal nange pair baalu me jaate.. bhaakari sekaaye aise sekaai jaaye… garmiyo ke din dhadhakati aag jaise baalu tape dopaher me…

 

chunnilaal lotaa bhar ke laaye…rakhaa lotaa..

baabaa bole, baith.dekho udhar kaun aa rahaa hai..

 

dekhaa to udhar se ek sukomal kanyaa  aa rahi thi..us ki chaal badi ridhamwaali…dekhate hi darshan karate hi hruday me kya kya romaanch hone lagaa..vo kanyaa chaandi ke thaali me bhojan paros ke le aa rahi thi..chaandi ki thaali me bhojan paros ke vo kanyaa usi ridham se jaate jaate vo kanyaa adrushy ho gayi..

 

 

baabaa ne kahaa, jaa khaa le bhojan…

khaa liyaa bhojan…thaali saaph kar ke rakhi..shaam huyi..phir aheer kanyaa aayi aur baajari ka roti dhokalaa aadi jo kuchh le aayi ..lekin badaa swaadisth…thaal dekar chali gayi..

dusare din subah huyi..bole chalo abhi yahaa se..to apanaa jholi jhandaa samet ke 2 chandi ki thaaliyaa bhi jholi me daal rahe..to baabaa daante..

 ..chal jis ki thaaliyaa hai, waapas kare..

 

narmadaa kinaare aaye, bole, “daal de thaaliyaa, jin ki hai un  ko de de thaaliyaa!”

tub chunnilaal ko pataa chalaa ki ye to saakshaat narmadaaji kanyaa kaa rup lekar bhojan karaane ko aayi guru ke sankalp se..

 

laalji maharaj ke paas bhi aaye the..laalalji maharaaj mere mitr sant the..kayiyo ko bhojan karaane ke liye narmadaaji pragat bhi ho jaati..lekin saamanewaale ki punyaayi sidhdaayi shakti bhi ho..

to tapasyaa narmadaa kinare phalati aur gyaan gangaa kinaare phalataa hai..aur sadguru ke paas to sabkuchh phalataa hai..

naaraayan naaraayan.. 

 

 ..tapasyaa narmadaa kinaare phalati hai… gyaan gangaa kinaare phalataa hai aur sadguru ke paas sabkuchh phalataa hai!!

sati aur sant hai tabhi duniyaa chal rahi hai..nahi to waah waahi ke liye kya kyaa kar ke log punya nasht kar ke kinaare bhi chale jaate..jo bhog aur waahwaahi , satta ke pichhe padate un ka puny nasht hote hi thukaraaye jaate..

 

lekin jo tapasyaa kaa phayadaa uthaate un ka puny badhate badhate paramaatma tuk pahunch jaate..

 

ek shishya guru ke dwaar pahunchaa… ‘sewaa karu ki jap anushthaan karu?’ chanchal chelaa!..kuchh din guru ki aagyaa maanane ki koshish kiyaa , lekin man bandar ki naayi bhaagataa rahe..

bole, ‘guruji aagyaa do to mai tirth yaatraa karane jaaun..’

guruji ne kahaa, arre murkh!

tirath nahaaye ek phal

sant mile phal chaar

sadguru mile anant phal !!…jub sadguru ki haajiri hai to anant phal mil rahaa hai to kyo bhatakataa hai?guru ka sannidhy lo..”

chup ho gayaa..lekin uchhalataa kudataa bandar jaisaa thode din ke baad phir saamaan baandh liyaa…guruji mujhe aagyaa do..idhar man nahi lagataa..

‘arre man lage nahi lage..office me jaise pagaar chaalu aise yahaa bhi hotaa…’

 ‘nahi guruji, kub tuk baithaa rahungaa?itane din to baithaa rahaa naa’

‘guru ki aagyaa maan..bandar ki naayi bhatakane jaataa hai..’

vo to chal diyaa..

kuchh samay ke baad guru mahaaraaj tahelate tahelate aashram ke baahar ke praangan me gaye…to ped par se bandar kaa bachcha utaraa..aur mahaaraaj ji ke charano me chipak gayaa…mahaaraaj ne kahaa, achhaaa!aakhir bandar ban ke bhi aayaa to sahi bechaaraa!gale me patta baandh diyaa..aashramwaalo ko bol diyaa ki ye vo hi saadhak hai bechaaraa..jo chalaa to gayaa thaa..akaal mrutyu ho gayi..maaphi maang rahaa hai..nahi to itanaa komal bachcha aake sir rakh de..sambhav nahi..isliye maine dhyaan kar ke dekhaa..bhatakan rokane ke liye maaphi maang rahaa hai..bhojan ho to is ko daal diyaa karo..khaa liyaa karegaa..’

jub us ko jarurat lagati to aataa aur khaataa..shaam ki aarati me bhi aataa..aur jub mahaaraaj ji satsang kare to haath jod ke baith jaataa thaa..chanchal bandaro se vo alag bandaro kaa bachcha thaa..

din bite, saptaah bite…varsh bite…ek din huaa ki vo aayaa nahi…dusaraa din huaa bole, vo aayaa nahi vo!us kaa naam “vaishnav” rakh diyaa thaa..jaraa khojo..paas ke ped pe hi rahetaa thaa..to khojaa to maraa huaa padaa thaa..to bole chalo us ki gati ho gayi…vaishnav thaa..doli sajaayi..jaise kisi vaishnav sadhu ki nikalati aise baaje gaaje ke saath shankh naad ghant naad karate huye narmadaaji me arpan kar diyaa..sadhuo ko bhi arpan kar dete hai sa-sharir…phir bhandaaraa kiyaa..

aise jeev naa jaane kis kis yoniyo me chale jaate aur kitani yoniyo se paar hokar paramaatmaa ko paanewaale bhi ban sakate hai..to girane se bachaanewaalaa hai satsang..aur koyi upaay nahi..satpurush ki aagyaa aur satsang kaa ashray..!

 

aagyaa sam nahi saaheb sewaa.

 

sulajhe huye mahaapurusho ki aagyaa se humhaaraa jitanaa heet hotaa hai utanaa hum apane se nahi kar sakate…jaanate nahi, karane kaa saamarthy nahi…

agar jaanate hote to bimaar kyo hote, dukhi kyo hote..kuchh naa kuchh kami hai naa apane me tabhi to jeev manushysharir me aayaa hai aur saakshaatkaar nahi huaa to kami hai naa..

to kami mitati hai purn purush paramaatmaa ke jap se, purn purush paramaatmaa ke gyaan se aur purn purush paramaatmaa ke anubhav samapann satpurusho ki krupaa se…

 

 

dhiraj sab ka mitr hai kari kamaayi mat kho l

 

sahaanubhuti jis ke jeevan me nahi vo bhogi hogaa shoshak hogaa..bhog aur shoshan kayi guna badalaa letaa hai..aap bhog bhogate to kisi naa kisi kaa shoshan hotaa hai..jo kasht sahe ke bhi dusaro ke liye mangal karataa hai us ke hruday me mangalmay paramaatmaa ka gyaan , paramaatmaa ka pyaar aur paramaatmaa ka saamarthy aa jaataa  hai..

 

OM SHANTI.

 

SADGURUDEV JI BHAGAVAAN KI JAY HO!!!!!

 

Advertisements
Explore posts in the same categories: Uncategorized

One Comment on “Pujya Motaa Mahaaraaj”

  1. Arvind Says:

    jai Ho !
    satsang sewa ke liye dhanyawad, sadhuvad


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: