Bhagavat praapti me aanewaale vighn

14/01/2010;Uttaraayan Vishesh satsang;Ujjain

*******************************************************

PUJYA SANTSHREE ASARAM BAPUJI KI AMRUTWANI

********************************************************

 

bhagavaan ke sivaay kahi bhi man lagaayaa to ant me ronaa hi padegaa..

jo apanaa hai us ko apanaa maan lo , aur jo apanaa nahi hai us ko swapanaa maanakar us kaa sadupayog karo baas!aap ke dono haath me laddu!!yahaa me mauj aur paramaatmaa ke dhaam me bhi mauj!!

 

.. desh videsh me bhi bhaaratiya sanskruti kaa prasaad prasaarit ho rahaa hai aur is se maanavataa ki badi madhuarataa ki suwaas aa rahi hai ..

 

agar aaram chahe tu de aaraam khalkat ko l

 

 

bhavagat prapti me 8 prakaar ke vighn aate hai, un se bache to bhagavat sahej ho jaaye..

bhagavat prapti me 8 vighn:-

 

1) aalasy

achha kaam karane me aalasya aur vilaasitaa me chale gaye to jaise raavan  ko bhaari ghaate huye .. aise paramaarth me dheel karanaa, jap tap me dheel karanaa, ishwar prapti ke saadhan me chalo baad me karenge.. anushthaan baad me karenge ..ye baadaa bhaari vighn hai…

 

2)dusaraa vighn hai vilaasitaa, kaam vikar bhoganaa..badaa ghaataa hotaa hai.

 

3) prasidhdi ki waasanaa..

lok maangaly kaa kaary to karo , lekin prasidhdi ki waasanaa se karoge to pahele to punya hogaa lekin baad me prasidhdi ki waasanaa se puny naash hotaa hai …bade bade neta kahi ke nahi rahete …jagdish basu jaise…budhdi aur punya aisaa huaa ki ‘raam ji the ke nahi kyaa pataa’ bolate to ab aspataal me laachaar hoke pade hai…

jay Raam ji bolana padega!(Jay Raamji!)

jaylalitha prasidhdi ke chakkar me aakar jayendra sarswatiji  ko sataayaa to phenki gayi..

prasidhdi ki waasanaa me aakar vyakti naa karane jaisi galatiyaa bhi  kar leta hai…

 

 ek collector ne bhaavnagar samiti ko sataayaa, 2/4 din pahele vo hi collector  saspend bhi ho gayaa aur jail me hai.. pradip sharma us ka naam hai…haalaaki samitiwalo ne kuchh  kaarvaahi nahi ki, lekin  kaarwaahi karanewaale prabhu ne un ke puraane chopade khulawaa diye…

 

 karm kaa phal milataa hai..jo  prasiddhi ke chakkar me aakar naa karane yogya karm kar letaa hai ,us ki prasidhdi to us ke liye musibat ban jaati hai..bhagavaan ke raaste wala prasiddhi ki ichcha naa kare…satkarm jarur kare..

 

prasiddhi ki ichcha adachan hai, bhajan jyaadaa nahi karane deti..

 

kabiraa kutta raam kaa jit khinche teet jaau l

tu tu kare to baawaraa,hud-dut kare to hat jaau l

jo dewe so khaau , jeet raakhe teet rahe jaau..ll

 

maine yahaa satsang diyaa kyo ki ishwar ki jaisi ichchaa hoti jahaa ann-jal hotaa hai to bhagavaan santo se aisaa karavaa lete hai…

 

bhagavaan sab ka mangal kare…

 

jisi  ne diyaa dard us kaa khudaa bhalaa kare l

aashiko ko waajib hai ki yehi phir se duwaa kare ll

 

..to sab ka mangal ho, sab kaa kalyaan ho!!

 

to tisari bhaari baadhaa hai bhagavat prapti me prasidhdi ki waasanaa..

ye waasanaa bahirmukh kar deti hai aur bhajan jyaadaa nahi karane deti hai..prasidhd hone me samay gayaa, aur prasidhd hone me aap ka bhajan aur punya kharch ho gayaa to aap phenke jaayenge..ye bilkul pakki baat hai…agar aap bhajan karate, ekantwaas karate to aap ka punya jamaa hotaa hai..agar aap bhajan nahi karate, paropakaar nahi karate aur prasidhdi ke liye karam karate to 

aap khatare se khaali nahi hai ..

 

 

bhajan jyaadaa  karanaa chaahiye..satkarm jyaadaa karanaa chaahiye .. prasidhdi ki ichchaa ko ukhaad phenkanaa chaahiye..maranewale sharir ki ichhaaye aakhir hum ko gumraah karati hai..agar yash hai, to ye chaityanya paramaatmaa ki krupaa hai..maranewaale sharir ki kab tuk waahwaahi..

 

ye tan kaanchaa kumbh hai

phutat naahi lage der ll

phatakaa laage phuti  pade 

garv kare ve ganvaar ll

pani tera bulbulaa

ye maanav ki jaat ll

dekhat hi chuk jaat hai 

jyu taaraa prabhaat ll

 

to prasidhdi ki ichchaa se saadhak ko bachanaa chaahiye..

 

4) maan badaayi irsha

apane se jyaadaa sukhi hai, apane se jyaadaa koyi samajhdar hai to us ko dekhakar jo irsha hoti hai vo bhi saadhak ko nahi aane deni chaahiye..

 mere gururdev ke jeevan me maine kabhi nahi dekha ki kisi ki waahwaahi dekh ke guruji ko achha nahi lagaa..lekin guruji ki waahwaahi dekh ke kayiyo ko jalate dekhaa.. dusaro ki waahwaahi dekh ke maine guru ji ke rup me hi dekhaa..isliye aaj ke din guruji ko  vishesh vishesh pranaam karataa hun..

 

mera sewak subah kuchh padh rahaa thaa to maine kahaa mere ko jo gurudev ne diyaa us ke badale me maine kuchh bhi sewa nahi di …maine guruji se badi gaddaari ki hai, maine guruji ka koyi badalaa hi nahi chukaayaa…to itanaa kahete hi dil me badaa aanand aane lagaa..mera itane kahene se raaji ho gaye mere guru mahaaraaj..gudgudiya karane  lage mere gurudev…aisaa aanand aayaa ki idhar aaye to bhi vo hi aanand chhalak rahaa thaa!!

..tatv rup me abhi bhi mere guruji mere saath hai…vo mere se alag kaise ho sakate hai.. mai un se alag kahaa ho sakataa hun..aur mai guruji ke liye bolu to meri aankhe gangaa jamanaa bahaane lagati hai.. abhi bhi aankhe pochh rahaa hun…isliye mai guruji ka yashgaan nahi kar sakataa hun…. hum maaphi chaahate hai guruji mahaaraaj aap ka chintan nahi karenge..

 

narayan hari ..

 

sadguru mera suramaa kare shabd ki chot l

maare golaa prem kaa hare bharam ki kot ll

 

hum ek sharir se nahi, hajaar sharir lekar bhi saadhanaa karate to humhe ye anubhav nahi hotaa jo mujhe  mere lilaashaah prabhuji ne karaa diyaa mere ko !! mai sach bolataa hun…

agar meri 10 hajaar jibh ho jaaye to bhi mere guruji  ki bakhaan kar ke run nahi chukaa sakataa….

 

naanak ji bolate,

sakal samagari tumhari sutardhaari

tum se hoi so aagyaakaari

tumhari  gat mat tum hi jani

naanak daas sadaa kurbaani

 

ye hai bhagavaan ! khaali waahwaahi ke liye koyi bhagavaan banate to khataraa hai..

bhagavaan me apanaa mai milaa de to sab bhagavaan hi hai..phir to kutta bhi bhagavaan hai..

 

naamdev ne kutte me bhi, eknaath ji ne  gadhe me bhi bhagavaan pragat kar diyaa.. kisi mahaapurush me bhagavat budhdi ho jaaye to kahenaa hi kya? mere leelashaah prabhu me meri bhagavat budhdi huyi to mere ko kya ghaataa padaa..

 

narayan hari ..

ek pratimaa ke prati shradhda rakhate to bhi apanaa bhalaa hota hai to ek saakaar , sant rushi muniyo ke prati shradhdaa honaa to achha hai..lekin jo prasidhdi ke pichhe  bhondu hoke padataa hai vo ghaate me bhi aa jaataa hai…isliye saadhako ko saawdhaan rahenaa chaahiye..

prasidhdi ki ichha se karam naa kare…achhe karm karo.. neki karo daal kuve me…

 

to chauthaa vighn hai maan badaayi irsha..

aur

 

5) paachavaa vighn hai apane me gurubhav ki sthapanaa karanaa..

 

mai badaa netaa hun,mai badaa shreshth hun, badaa sundar hun, gyaanwaan hun..

guru matlub badaa bhaav dhaaran karanaa.. laghu nahi.. ye bhaav punyo ko nigal jaataa hai, jaise ajagar chuhe mendhak ko nigal jaataa hai…

 apane me badappan naa aaye is ke liye saawadhaan rahe ..

 

girnar ke sant aaye the mere paas,hum manch par baithe the, vo bhajanaanandi the, un ko kursi diyaa to bole  kursi pe nahi baithungaa..vo niche baith gaye.. …aasan bichhaa diyaa,vo niche baithe to niche baithane se vo niche nahi ho gaye aur mere dil me unche ho gaye..!!ye santo kaa saralataa ka swabhaav hai….hum upar baithane se unche nahi ho jaate,kauaa to humhare se bhi jyaadaa unchaa baithaa hai, bandar hum se bhi unchaa baithaa hai..

niche baithane se koyi nichaa nahi hotaa, unchaa baithane se koyi unchaa nahi hotaa..lekin niche me niche vikaaro me girane se nichaa ho jaataa hai aur unche me unche hai bhagavat sanskaar us me aane se unchaa ho jaataa hai…!!

waah prabhu waah!!jay ho!!!!

 

 

to paanchavaa vighn hai apane me gurubhaav…badappan ka bhaav..

 

 maan pudi hai jaher ki khaaye so mar jaaye

 chaah us ki raakhataa vo bhi ati dukh paaye

 

jo maan ki chaah raakhataa us ko maan milataa aur kahi apamaan  huaa to vair ki gaanth baandh legaa…aur phir naa jaane kitane janm tuk vair vair bhogate jaayenge..maan ki ichha bada khatara paidaa karati..

 

6) chhataa vighn hai baahari dikhaavaa.

dhan kaa ,budhdimatta kaa dikhaavaa ..makaan me dikhaavaa, shaadiyo me kaisaa dikhaavaa karate..karja chadh jaataa… hanimun karane jaate aur  puri diwaar me gande photo lagaate….phir dekhaa to  pati patni ke taraf nahi dekhataa aur patni pati ke taraf nahi dekhati aise padhe likhe gadhe hai…deewar pe chitr dekho to maano janam janam se lailaa majanu hai..

 

 maan aadami ko be-imaan kar detaa hai..baahari dikhaavaa ki ichha karanaa dukh ko bulaanaa hai.

 

7) saatvaa dosh hai  pardosh chintan

phir bhagavaan ka chintan chhut jaataa aur phariyaadaatmak chintan hotaa to apanaa dil hi buraa ho jaataa hai….Arre!us ki gaherayi me paramaatma ko dekh ! antaraatmaa ka paramaatmaa kaa ras le naa!kisi ke dosh dekhakar apane dil ko doshi kyo banaanaa?

 

8)aathvaa vighn hai  sansaari karyo ki adhikataa

 

 leneden ki kalkal adhik hone se vishranti bhi chhut jaati hai, dhyaanbhajan bhi chhut jaataa hai.. aur chitt ko bhagavaan me aaraam paake bhagavat ras bhi chhut jaataa hai…sansaari kaamo ki adhikataa maane kaamdhandhaa badhaa diye, business badhaa diye , tution badhaa diye…. sansaari karyo ki adhikataa se bache.

 

aashram ke sewak sewa karate to ye sansaari kary nahi….hanumaan ji kaise sewaa khoj lete the, laksham ji kaise sewaa khoj lete aise  sabhi ko sewaa kaary khojakar phir vishraanti paani chaahiye.

 

9)navamaa vighn hai paropakaar kare lekin dikhaavaa nahi kare.

sansaari chij ki bhaavanaa naa kare..paramaatm praapti ke liye lagaa de, paramaatmaa priti ke liye lagaa de….

 

mathura me ek saadhu  rahete the, un ko paropakaar ki badi ruchi thi..to koyi dakshinaa lekar aate to ikaththe kar ke sone ki asharfi kharidate… praachin kathaa hai….mai bachcha thaa naa tabhi meri maa ne mujhe sunaayi thi, puraano me suni aaj vo hi baat..saadhu sewaa ki ruchi thi to  kumbh tha to mathuraa ke sadhu ne karib 150 sone ki asharfiyaa jamaa ki thi..paidal kaa jamaanaa thaa.. to saadhu ne ek lathth li aur us ko poli karaa ke us me asharfiyaa bhar di…aur upar dhakkan maar diyaa.. yaatraa karate karate kisi baniyaa ke ghar atithi huye..baniyaa bhi kisi yash kamaane ki ichcha se saadhu ki sewaa karataa thaa..tha to kanjus…aur lobhi thaa…baba thake the,to champi karate karate baba so gayaa to baniyaa ne lathth uthaa ke idhar rakhanaa chaahaa..to bhaari bhaari lathth! idhar udhar dekhaa to dhakkan mil gayaa…kholaa to ashrfiyaa!… baniya ne patni ke sath paraamarsh kar ke saari asharfiyaa rakh li..aur mitti ki kumhaar ke yahaa se thikariyaa aur mitti bhar ke lathth rakh di.. dusare din sadhu uthe aur gaye kumbh me…wahaa sadhuo ko aamantran de diyaa..sadhu aamantrit kiye to wahaa halavaayi ko bulaayaa ke shidhaasaamaan mangvaaye.. halavaayi ne bola ki shidhaasaamaan ke liye paisaa de to bole kal subah detaa hun…sab ke saamane lathth kholanaa to thik nahi thaa…. raat ko lathth kholaa to pakke mitti ke tukade aur mitti.. saadhu samajh gayaa ki baniyaa ke bachche ne dhokhaa kiyaa…ab samaaj ko kyaa munh dikhaungaa , santo ko kyaa khilaaungaa?..

gangaaji me kud pade..kuchh samay ke baad baniyaa ke ghar usi sadhu ka bete ke rup me janm huaa …aisa prabhavshaali …sadhu ki punyaayi se lobhi seth ke yahaa aur bhi dhan aane lagaa..vo baalak  jo bole vo  seth bhi maane , sethaani bhi maane…us ke deedaar padosi log bhi kare..kyo ki  sadhuo ki  sewaa ki thi..aise karate karate apane hatho se khub daan kiyaa.. kanjus seth kuchh nahi bol sakate.. kyo ki saadhu thaa to kewal sewaa nahi , bhrumadhy me surynaraayan kaa dhyaan bhi kiyaa hogaa.. us ki baat koyi taal nahi sakataa..

Jay Raam ji bolanaa padegaa!(JAY RAAM JI)

 

jaise eklavy ki baat kutte ne bhi maan li..munh me 6 -6 baan rakh liye.. dhyanmulam guru murti..gurudev ka dhyaan mahaan banaa detaa hai..

baniyaa kaa betaa 16 saal ka ho gayaa..jo purv kaal me mathuraa saadhu tha.. ilaahaabaad me gaye..ilahaabaad to  badamaashi se rakhaa naam hai, asali naam to prayaagraaj hai…. humhari sankruti kaa naam mitaanewale mit gaye, lekin humhaari sanskruti abhi bhi maujud hai…bhaarat ke gaanvo me , galiyaaro me gunj rahi hai..

..to seth ke bete ki shaadi ho gayi,  gauna ho gayaa… sadhu bete ne patni ko haath nahi lagaayaa..bola, chalo ilaahaabad ka kumbh hai…pitaa , maataa aur jo gaunaa kar ke aayi thi vo stree aur nokar chaakar gaye ilaahaabaad…badaa lambaa chaudaa bhandaaraa kiyaa… seth ki jo sampatti jamaa ki thi vo ab 150 asharfiyaa nahi, kayi hajaar asharfiyaa jitani thi… sadhuo ke bhojan ko ek asharfi aur ek ek sadhu ko ek ek asharfi di… bhojan kar ke sadhu chale gaye..baad me seth ke bete ne thodaa khaayaa to us ke pet me bhayankar dard uthaa..sir chakaraaye… hakim aaye, doctor aaye …maa bolati mere aankho ki palako me bithaaun…tu thik ho jaa..tere binaa hum nahi jee sakenge…ladake ko jaraasaa idhar udhar huaa ki  maa baap kaa shwaas muththi me aa jaataa…sab kuch dene ko taiyaar hai ..lekin bete ne pidaa kaa ehsaas karate karaate nokaro ko bolaa chale jaao… 3 log rahe kutumb ke ..gauna kar ke aayi hai vo, aur maa baap…

bolaa,”lena dena vasul ho gayaa ! mai vo hi saadhu hun…jis ki asharfiyaa tum ne chhadi me se nikaali thi..sethani ki bachchi abhi tu maa bani hai ab ro…tum ne sahemati di thi, isliye tere ghar me aayaa hun… aur ye jo baithi hai gauna kar ke aayi hai, ye mai to saadhu thaa, mere gale lagane kaa mere sath kaam vikaar bhogane kaa waasanaa kar rakhi thi , is paapin ko pataa nahi ki sant ko vikaari bhaav karane se punya nash hotaa hai, dusare janam me vidhavaa hoti hai mahilaa.. tu bhi roti rahe…

 

sadhu uth ke dhyaanasth ho gaye.. oooommmmmmmmmmm

ooooooooooommmmmmmmmmmmm

 

 

oooooooooommmmmmmmmmmmmmm

 

 

betaa kyaa ho rahaa hai?…

sadhu bola, “tum sab chale jaao tapasya se giraanewali….bhag jaao..

ye munim in ko baahar nikaalo..”

 

sanyam me dum hota hai.. sab ko baahar kar diya..

 oooooooooooommmmmmmmm

 

 

maranaa kaise chaahiye mathura ke sadhu ne dikhaa diyaa!! jeevan bhar kiya tabhi mrutyu ke samay yaad aata hai..

 

 kuchh log santo ko badnaam karane ki saajish karate ki bapu jamin dabaate , lekin hum to ek hi chij dabaate wo hai bewkufi !bewkufi ko dabaao aur gyaan ka prakaash laao!

bewkufi ko dabaao aur sneh ko bulaao!

dukh daridrataa ko kuchalo aur bhagavat prem aur bhaarat ki shaan badhaao !!

humhaaraa jo hai wo hum baatate hai, tumhaaraa hum ko chaahiye nahi!

tumhaaraa mitanewaalaa hai aur humhaaraa amit hai!tumhaaraa hai makaan dukaan dhan paisaa…aur humhaaraa hai sat-chit-aanand..bhagavaan alaah god!

(10) nindaa se dare nahi)

meri ninda hoti to mujhe dukh nahi hotaa ..send new problem !! graahaki to badh rahi hai! 🙂

aur graahaki khatam bhi ho jaaye to  ekaant to waise  bhi hum chaahate hai..mere to dono haath me laddu hai!!

kuprachaar se graahaki badh rahi hai to bhagavat kary ho rahaa hai , us kaa bhi majaa lo…kuprachaar se sab viparit ho gayaa, sab chale gaye aur hum akele nipat niranjan akele pade hai kahi bhi  , maan lo  jail me bhi pade rahe to bhi humhaari alakh masti to badhegi aur wahaa nigaah daalkar ke mangal ho jayegaa!! kya ghaataa padataa hai?

 pure hai vo mard jo har haal me khush hai !

milaa agar maal to us maal khush hai

ho gaye behaal to usi haal me khush hai..

pure hai vo mard jo har haal me khush hai !!

 

mere paas kewal bhaashaa nahi, mere paas apane jeevan ka anubhav hai, practical bhi hai..

mere paas shabdik gyaan hi nahi, guru ki prasaadi kaa anubhav bhi hai…

isliye mai to badaa chain se sotaa hun..chain se khaataa hun..chain se khilaataa hun..chain se bolataa hun aur chain se bulwaataa hun :

 prabhu teri jay  ho!!!!!

 

 

11) jis kisi ke haath kaa khaanaa. jis kisi ke bistar me sonaa vighn hai.

 

 

bhay naashan durmati haran kali me hari ko naam

nishdin nanak jo jape saphal hoayi sab kaam

 

hari ooooommmmmmmmmmmmmmm

 

jo log dekh sun rahe pakka iraadaa karanaa manushy janam piththu banane ke liye nahi hai , paramaatmaa ki praapti ke liye hai.

Hari Ooooooooommmmmmmmmmm

Hari Ooooooooommmmmmmmmmm

 

bhaarat ki hasti mitaa sake ye jamaane me dum nahi

hum se jamaanaa hai , jamaane se hum nahi !!

hari om om om om …jis desh me omkaar kaa jap hotaa hai , vo desh samrudhd hotaa hai..shaktiwaan hotaa hai..jis desh kaa raajaa sadhusanto kaa satkaar karataa hai , vo raajaa yashaswi hotaa hai..hari om om om om …jo omkaar ka uchcharan karataa hai us ke paap taap rog shok nasht ho jaate hai…aur jo bhrumadhya me sury narayan ka dhyaan karataa hai us ki budhdi me sujhbujh badhati hai…jo naabhi me sury naaraayan kaa dhyaan karataa us kaa aarogy badhataa hai…hari om om om om om …

 

 

Om shanti.

 

 

Sadgurudev Ji Bhagavaan ki Jay ho!!!!!! 

 

 

 

 

 

 

4

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: