Surydev ka Bij Mantr

14/01/2010;Uttaraayan Vishesh satsang;Ujjain.

********************************************************

PUJYA SANTSHREE ASARAM BAPUJI KI AMRUTWANI

********************************************************

narayan narayan narayan narayan

 

Mahaashivraatri kaa parv Nashik ko diyaa hai , tirtho ka mahatv , laabh saadhako ko mile isliye maine Uttaraayan ka ye parv ujjain ko diyaa hai…Uttaraayan ka kya mahatv hai, tirtho ka kyaa prabhaav hai ..is se kyaa kyaa laabh hote hai, ye dhyaan se sunanaa..

 

om namo bhagavate vasudevay

 

om namo bhagavate vasudevaay..

vashudevaay .. pritidevaay ..bhakti devaay.. shakti devaay ..mam devaay.. madhury devaay..

 

Panchyagavya paan se durdhar rog mitate hai.. sury ke kiran aur prani shoshit nahi karate lekin gaay karati hai , isliye gaay ke gavy me suwarnkshaar paaye jaate hai..go-jharan me, gaay ke ghee me, gaay ke dahi me .. panchyagavya me aisi shakti hai jo kisi davaayi se thik nahi hote ho aise haddi ke, man  ke, budhdi ke rog dosh panchyagavya se mit jaate hai

 

aap ko sab dukho se chhutana hai?

2baate bataaunga..

 

madhur kirtan ho rahaa hai..

om om om mere hari hari om

raam raam raam mere pyare siyaaraam

shiv shiv shiv mere bhole sadaashiv

gurur guru guru mere pyare sadguru..

mere sadguru lilaashaah ji ne jo diyaa us ke liye meri rug rug un ki runi hai..

raam raam rama mere pyare siyaram

hey aanandswarupaa ..hey gyaanswarupaa.. hey chidghanswarupaa.. hey mere ishtdeva gurudev..jay ho!

 

..jogeshwar ki shikshaasthali,mahaadev ki samataa sthali, sihansthwalo ki sihansth sthali kumbh sthali , saadhako ki bhajanaa sthali, bhakto ki kirtan sthali hai ye sthali……

 

.. 2 baate jaan  le, maan lee baas ho gayaa kaam!!

 

jibh taalu me lagaa do..

tam namaami harim param

tam namaami harim param

tam namaami harim param.

 

 

aaj Uttaraayan hai..sury ka rath 6 mahine dakshinaayan ko chalataa hai aur 6 mahine uttaraayan ko..aaj se sury ka rath uttar ki oar chalataa hai.. aaj ke din bhishm pitaamah  ne deh tyaaganaa pasand kiya tha ..vishw ka aisaa koyi vyakti nahi, koyi yodhdaa nahi , jis ne  58 din apane sankalp ke bal se jee ke dikhaayaa ho..! aisa kaam bhishm pitaamah ne kar ke dikhaayaa..

vishwa me 4 sankrutiyaa praachin hai…rom ki sanskruti, unaan ki sanskruti, istraa ki sanskruti aur bhaarat ki sanskruti!

 

3 praachin sanskrutiyaa kaagajo me aur itihaasik bhaashaa  me rahe gayi hai..rom, unaan aur  istr ki sanskruti ab ajaayab gharo me rahe gayi hai..

 

 lekin bhaarat ki sanskruti tirtho me,  itihaas me, ghar aur gaanvo me,  desh aur deshantaro me aaj bhi chamchamaati hai!!

haalaaki vidharmiyo  ne is ko mitaane ki koyi kasar nahi rakhi…ayodhyaa ka naam badal kar Faizaabaad rakh diyaa.. prayaag ka naam badalkar allahabaad rakh diya… itihaas me chhedchaad ki gayi, viparit itihaas padhaayaa gayaa.. dharm grantho ko jalaayaa gayaa…dusari kuchh  anargal baate bhar di gayi.. tab bhi bhaartiy sanskruti ke tirtho ne, mahapurusho ne, maataao ne, santo ne  is sankruti ko sanjoye rakhaa hai, jo abhi bhi dwaar-dwaaar pe dikhaayi deti hai..

mitaane wale to kayi  mit gaye ..

sab mit gaye jahaan  se hum ko mitaanewale..

kuchh raaj hai ki hasti mitati nahi bhaarat ki ….

 

aur ye bhaarat ki sanskruti abhi bhi apane aap me satyataa ko sanjoye huye hai …

 

.. itihaas ulataa padhaayaa jaataa hai… raamaayan gitaa humhare granth hai..ayodhyaa  jaate hai to yahaa shriram ji  pragat huye hai ..sitaamaiyya ka rasoyi ghar hai.. raamaavataar ka deedar karate hai..brindaavan jaate to yaha shrikrushn livaaye gaye the..aise bhaav aate hai..

 

 Mathuraa,  maayaa , kaashi , kaanchi  avantikaa puri dwarikaa vashishchaiv saptaitaa mokshdaayikaa..

ye 7 puriyaa mokshdaayi maani jaati hai..

 

.. is me bhumi ka prabhaav hai..aur bhumi ki apeksha in  sapt bhumiyo me vishesh prabhaav hai..

aayurvedik drushti se vaat-pitt aur  kuf in me  vishamataa hoti to sharir me dosh hote ..jaise surat bambayi me kuf vayu ki pradhaanataa hai..lekin in bhumiyo me in  2 ki pradhaanataa nahi..ek ki pradhanataa aur baki sab thik..

 pruthvi tatv ka ek vishesh ansh in sapt bhumi me hota hai…yahaa ka jaliy ansh bhi vishesh prabhaavshali hai..

koyi bhi vyakti kahi se bhi aataa hai , lekin yahaa khuli saatvik jagah me rahegaa to us ke shaaririk rog,  shairirik taap me aaraam hone lagataa hai.. maansik ashaanti me tabdili hone lagati hai…buadhdik tatv , mahapurusho ki aabhaa mandal yahaa hai..rushi muni awataar aadi ke  padaarpan ke prabhaav se, sadhu santo ke prabhaav se yahaa  gyaan, dhyaan, bhagvat priti ki vishesh vishesh oara un ko an-jaane me hi mil jaati hai.. pruthvi ka tejomay, jal ka tejomay ye humhaaraa manosharir prabhaavit karataa hai. ..tirtho me jaliy tatv hota hai.. jaliy tatv se man aur praan nirmit hota hai..

tirth bhumi ka ann, tirth bhumi ka  jal aur tirthbhumi humhaare tridosh mitaane me sahaayak hota hai..aur is ke saath surynaaraayan ka sahyog le to kahena hi kya?

 

 

rom me 600 varsh tuk koyi vaidya doctor nahi the…log sury ke kirano se hi thik ho jaate the, is ko “hiliyo therapy” kaha jaataa thaa….hiliyaa maane sury  aur therapy maane upchaar!

…sury ke taap se sarv rog vinaashak urja paida hoti hai.. bhed chhedak gyaanurja praapt karane ke liye sury narayan ka dhyaan bhru-madhy me kiyaa jaataa hai…rog mitaane ke liye  naabhi kendr me sury ka dhyaan kiyaa jaataa hai..

 

 

 

sury ka taap shwet ko badhaanewaalaa , sarv rog nasht karanewaalaa , med arthaat charabi calestrol kaa chhedan karanewaalaa hai, bal tathaa utsaah ko badhaanewaalaa hai..kusht  aadi rogo ko mitaane waalaa sury ka taap hai..atisaar, kuf, pitt,  vaat aadi  tridosh ko mitaanewaalaa hai.. 15 se 17 minute surykirano ka sewan karane se manushy rogo par vijay prapt kara ke dirgh aayu paate hai…is prasaad ka hindusthan ne sakshaat phaayadaa lekar dikhaayaa thaa… kahi kahi hiliyo therapy ke center milate the jo marijo ko ni:shulk sewa milati thi. jitanaa  swaarth raheet sewa karanewaalaa ka antkaran saaph aur sujh bujh waalaa hota hai utanaa swarth se karanewaale ka nahi hotaa..jo rogi se dhan lutane ke liye kyaa kyaa capsul injection likh dete un ki to budhdi vichitr ho jaati hai..

jitanaa malin man ka doctor hoga utanaa marij pareshaan hogaa…jitanaa upchaar karanewaalaa niswaarthi hoga sajjan hoga utanaa marij jaldi se thik ho jaataa hai…

 

prachin rom me bhi bina doctoro ke marij thik hote the..

 

 

sab dukho se chhutanaa hai to 2 baate pakki kar lo :-

 

jo apana tha , apana hai aur apanaa rahega us ko apanaa maan lo !

jo apana tha nahi , jo apanaa hai nahi, aur jo apanaa rahega nahi us ko apanaa naa maano..

 

 

jo apanaa hai , maut bhi jis ko chhin nahi sakati us apane “MAI” ko apanaa maan lo…

aur jo apanaa nahi thaa, apanaa nahi rahegaa aur  abhi bhi nahi ki taraf jaa raha hai..us ko apanaa nahi maananaa…jo apanaa nahi hai to vo nahi ‘nahi’ ho jayega to dukh nahi rahega..

aur jo apanaa hai us ko apanaa maan liyaa to apane ko sukh ki kami nahi rahegi..

 

mai aap ko haath jod ke praarthanaa kar rahaa hun khali ye 2 baate maan lo…jo apanaa hai us ko apanaa maan lo …..maananaa tumhare hath ki baat hai…

kuwaari kanya maa baap ka ghar apanaa maanati hai, shaadi ke baad phere phirane ke baad bolati ke vo ghar to bhaayiyo ka ghar hai ! shaadi ho gayi to  maanyataa badal gayi…!!

 

maanyataa badalane me aap swatantra hai..aap manyataa badal sakate hai…..

 

naa jaane kis sharir me kyaa maanyataa thi..abhi maan liyaa mai baalmukund hun…mai govind hun…mai  vasudev hun..mai ramesh hun…aise maan lo ki ramesh to sharir ka naam hai , is ko jo jaanataa wo mai hun..

 

naarad ji ne bahot lok maangaly ka kaam kiyaa… Naarad ji ke lok maanagaly ke puny ka uday huaa to soche ki  jo paane ke baad kuchh paanaa baki nahi rahetaa, jis ko jaanane ke baad kuchh jaananaa baki  nahi raheta aur jis ko jaanane se aadami shokmukt ho jata hai vo to maine nahi paayaa….

 

 devrushi paidal yaatraa karate karate vishaalaa nagari me jaha sankaadi rushi rahete waha pahunche..sanakaadi rushi aur naarad ji bhi bramha ke hi putr hai..sanakaadi rushi to purakho ke bhi purakhe hai lekin yogbal se 5 saal ke bachche hi dikhate hai…devrushi ne dandavat pranaam kiyaa, stuti ki…

sanakaadi rushi me se satsang sunanewaale 3 shrotaa banate ek vakta banate… un ke paas narad ji gaye..bole  prabhu mai aap ki sharan aayaa hun..

aatmaa ko jaananewaalaa shok rahit ho jaataa hai..manushya jeevan me  param pad nahi paayaa to jeevan pashu ki naayi vyarthya gayaa…pashu to apane karam kaatkar manushyataa ki taraf aa rahaa hai…aur manushy agar aatmaa ka gyaan nahi paayegaa to pretyonime jaayega.. manushya jeevan ka phal hai ye ki shok se paar ho jaaye, bhay se paar ho jaaye…

 shok bite huye kaa hotaa hai aur bhay aanewala kaa hotaa hai… aabru chali  naaa jaaye …dhan  sattaa swaasthy chalaa naa jaaye is kaa bhay  hotaa hai..

naanak ji ne kahaa,

 

nirbhav jape sakal bhav mite

sant krupa se praani chhute..

 

 

to jo pahele aap ka tha , hai aur rahega us ko maan lo..

 

 

5 saal ke liye chun ke aaye, ek ek din nahi ki taraf jaa rahaa hai…sharir nahi ki taraf jaa rahaa hai, sattaa nahi ki taraf jaa rahi..to  pahele nahi thaa , abhi mila ho aur nahi ki taraf jaa rahaa hai to jo apanaa  nahi thaa us ko  apanaa nahi maano …us ki tatparata se vyavastha karo, lekin us ko satya mat maano..

 

aur jo saty hai usko saty maan lo, jaan lo  baas..

 

Naarad ji pahunche sankaadi rushiyo ke paas…bole, “tum kya jaanate ho?”

Naarad ji bole, “mai sab jaanataa hun…4 ved , shath darshano ka gyaan hai..Sab vidyaa jaanataa hun.. kranti laakar shaanti laayi jati.. jaise jahaa jaruri hotaa wahaa  shaly kriyaa se rog mitaate aise…

kans jaiso ko kuchh kahenaa,  vasudev jaise ko kyaa kahenaa sab jaanataa hun..kalah kar ke bhi mangal karanaa jaanataa hun…lekin maharaj jis ko jaanane se sab jaanaa jaataa, jis ko paane se sub paayaa jaataa us ko nhai paayaa..”

sankaadi rushiyo ne updesh diyaa ki ye sara vishw naaraayan rup hai aur  pruthvi bramh hai..

 

naarad ji ne kahaa ki pruthvi bramh to hai , lekin  uthal paathal hoti..

 

bole, “thik hai naarad tumhari budhdi vikasit hai..pruthvi se jal   sukhm hai, rasmay hai.. vyaapak bhi hai to jal bramh hai…

naarad ji bole,  jal  me bhi parivartan hai prabhuji!”

 

bole, “thik hai to  tej bramh hai”

naarad ji bole, “Tej to bramh hai lekin 5 bhuti ka ek ansh hai ..tej tatv purn bramh to nahi hai!”

 

bole, “thik baat hai, vaayu bramh hai “

.. Naarda ji aur antnarmukh ho gaye..soche ki vaayu agni se jyaadaa vyaapak hai..ped paudhe ko bhi vaayu chaahiye..vaayu  praan hi to hai… vaayu bramh hai..  naarad ji us me santusht hone lage…dayaalu sanakaadi rushiyo ne kahaa, “naarad nahi nahi !! is se bhi aage chalo ….aakaash bramh hai…lekin ye  aakaash to bhutaakaash hai aur aage chalo…bhutaakaash jis se dikhataa hai vo chittaakaash bramh hai… lekin chittaakaash bhi parivartit hotaa hai,  us ko jo jaanataa hai vo chidaakaash bramh hai…aise sukshm se sukshmtam aur sukshmtam  se sukshmtar me  naarad ji ko pratisthit kar diyaa!

 

 bramhi sthiti prapt kar

kary rahe naa shesh

purn guru krupa mili

purn guru ka ka gyan ..!!

 

bhagavan sury ne bhagvaan naaraayan  se updesh liya tha…vo hi naaraayan krushn  hokar aaye aur kahete hai arjun ko ki, ‘maine purvkaal me ye gyaan sury dev ko diyaa thaa..’

sury dev ne ye gyaan apane putr yamraaj ko diya…yamraaj  dand dete lekin raag dwesh se nahi…samataa se sambhaalate kamaan ..

 

aaj hum surydev ka mantr uchchaaran karenge ..aur sury dev ka bhru madhya me dhyaan karenge…jis se humhari budhdi me is bramhsukh kaa, bramh gyaan kaa saamarthy aaye…budhdi  vilakshan lakshano se sampann hoti hai..

surydev ka nabhi me dhyan karane se sharir kaa aarogy , swasthy  achhaa rahegaa..

 

 desh videsho me sun rahe, yaa jahaa kahi se sun rahe ve aur jo bachcho ke hiteshi sun rahe ve suryupasanaa ki padhdati jaan le aur bachcho ko is ka mahatv samajhaa kar , mahimaa bataakar phir mantr bataaye..daahe kaan me ungali daalkar baahe kaan se mantra sunaaye..

 

aaj ke din ye mantr bahot dheetkari hai..

 

ye mantra mul mantr hai,sury dev ka  bij mantr hai..

 

 

jhuthe munh kisi ko mantra nahi denaa ..is mantr ko bajaaru naa banaaye….ashradhaalu ko, naastik ko , nidharmi ko ye mantra nahi phale..

 

ye bhaarat ke saputo ke liye hai surydev ka bij mantr :

om rham rhim sah: suryaay namahaa

is se bhagavaan sury  ki krupa hogi.. budhdi me vishesh vishesh kshamataa aayegi.. nabhi kendr me dhyan karane se aarogy kendr saksham  honge..

 sankraanti ka snan 7 janamo ke paap aur  nirdhanataa ko haar leta hai..lekin jo sankranti ka snan nahi karataa vo 7 janamo tuk daridri aur rogi rahetaa hai  aisaa  puraano me kaha gayaa hai ..

 

 

sankraanti ke din  devo ko havy aur pitaro ko diyaa gayaa gavy sury dev ki krupaa se bhavishy ke janamo me kayi gunaa lautaayaa jaataa hai ..

sankraanti ke din kiye shubh karm karodo gunaa phal daayi hote hai…dhan, dhaany, dharm , aayu, yash raajya, sattaa, putr, sukh aadi me vrudhdi hoti hai..

 

 beimani ka phal sukh samrudhdi nahi hai,koyi  chaalaakh hai, heraapheri kar ke dhanwaan hai to is se bhi jyaadaa chaalaakh hai, heraapheri karate to vo dukhi kyo hai..to is galat bhram me nahi rahenaa ki koyi chaalaaki kar ke dhanwaan hai yaa sukhi hai..un ki purv punyaayi hogi is se sukh hai aur abhi galat kar rahaa hai to apane liye galati waalaa ras banaa rahaa.. aap ke daivi karm me jo hogaa wo hi milegaa …galat saadhan se us ka ras phir galat may ho jaataa hai..

 

bhagavaan shrikrushn ne gitaa me thodaasaa is parv ke baare me kahaa hai..

jis marg me prakaash rup agni ka adhipati devataa hai, shukl paksh ka adhipati devataa hai us marg se gaye huye bramhvetta bramh lok ko prapt hone ke baad bramhaaji ke saath bramh paramaatma ko prapt hote hai..jin ko bramh saakshaatkaar nahi huaa aur upaasanaa ki visheshataa hai ve uttaraayan ke in 6 mahino me sharir chhodate hai to chandrlok ke devataa chandralok tuk le jataa hai , sury lok ka devataa sury lok tuk le jaataa hai..aise karate karate  us jivaatmaa ko  bramhlok tuk pahunchaa diyaa jaataa hai..aur  bramhaji jubtuk rahete tub tuk vo bramhlok ke divy sukh bhogataa hai.. baad me jub bramhlok ka aatyantik pralay hotaa hai tub bramhaaji ka thodaasaa updesh paakar jaise diye me tel hai,  baati hai , sirf diyaasalaayi lagaane ki jarurat hai yaa light fitting hai, fuse bhi hai sirf button dabaane ka hai , aise sadhanaa kiyaa hai lekin bramhsakshaatkaar nahi kiyaa aise logo ko maranaant me bramhlok tuk pahunchaayaa jaataa hai ..

 

 

 

kisi ko unnat karanaa ho to divy prerana pustak de do…

 

 

aaj gyaan kaa daan kar lenaa sankraanti ka din hai..

 

 

sanyam badhaane ke liye “om aryamaay namahaa” ye mantr kaatar bhaav se jape..bramhchary paalane me madad milati hai.. chane ki daal subah bhigaa do , sone se pahele  ek ghantaa misri milaa ke chabaa chabaa ke khaao to man budhdi balwaan hogi.

bhagavan sury ka mantr jap karoge to bahot laabh hoga..

 

(continue….)

 

OM SHANTI.

 

Sadgurudev Ji Bhagavan ki Jay ho!!!!!

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: