Sadgurudevji Bhagavan ki Jay ho!!!!!

 

18Dec2009, evening Satsang

********************************************************

PUJYA SANTSHREE ASARAM BAPUJI KI AMRUTWANI

********************************************************

 

..apane apane karm me imandari se kare aur phal ishwar ko arpan kare ..to bole bure karm kare aur phal ishwar ko arpan kare

kya?..to bure karm hote hai wasana ke veg se, dwesh ke veg se….achhe karm hote hai bhagavan ki priti se , shudhd soch

vichar se ..to bure karmo se bache aur achhe karm kare aur ishwar ko arpan kare to prani karm bandhan se chhut jayega..

bhagavat gita ke tisare adhyay ka navamaa shlok hai..

 

 dwesh se,  raag-lobh se prerit karm ka bandhan karta ko milata hi hai..lekin ishwar priti se karm karata hai to prani karm

bandhan se chhutata hai..Tulasidas ji kahete hai :

 

karm pradhan vishw kari rakha,

jo jas kari taisa phal chakha..

 

 

achary jayendr sarswati ke liye kitana kuprachar kiya..kuchh din huye phir ab vo kuprachar wale kaha hai? …jayendr saraswati ji ki to jayjay kar ho rahi hai !..

 

budhd ke liye kupracharwalo ne kitani sajishe kiye… bhikshuk ko dekh ke paththar maarate the log,  itana mahol ganda kar diya..kuprachar chalaya tha..lekin budhd to aaj bhi  humhare tumhare hruday me  hai !

..nanak ji ke liye bhi bahot ku-prachar chalaya gaya..aaj bhi nanak ji ke liye karm huye jail tuk bhej diya.. hum sab ke hruday me mangal bhaav aata hai..

 

karm bandhan sabhi ko milata hai.. karm karane me manushy sawdhan hai..swatantr hai.. lekin manushya ke karmo ka phal dena  ishwar ke hath hai..aaj mile das janam ke baad mile..

 

bhishm pitamah ko 73 ve janam ka bhog bhogana pada tha..

yagy ke nimmitt kiye huye karm to ishwar ko prapt hote hai…lekin  jo dwesh raag lobh se karm kiye to un  karm karane ka bandhan karta ko hota hi hai…

 lekin ishwar se prerit hoke karenge to vo karm bandhan nahi badhayenge..

 

koyi sajish kare,  log maan le , lekin bure karm ka phal karta ko milata hi hai …

 

sadanaa ki katha sunayi thi..sadana ne us janam me to koyi burayi nahi ki thi lekin agale janam ka karm ka bandhan tha to

 

sadana ke hath kat gaye the..aur janam ke achhayi se jagannath ji ki krupa se sadana ke kate huye hath wapas uge bhi the..

 

 

 

ek bramhan devata the…achhe dhang se logo ko satsang sunaate ..nirvikar jeevan jite the ..bahot log un ki katha sunkar labhanvit hote the..

 

ek din kaliyug aaya kisi vyakti ke rup me… bole ki , “humhare raaj me rahana hai to humhara bhi khayal karo..tumhare paas aanewale log tumhari katha sunkar vikaro se chhut jate ..kaliyug me aisa kaise chalega…jara hamara khayaal karo…”

bramhan devata bole, “tumhara khayal kya kare?”

kaliyug bola, khullam khulla omkar ka jap karana.. kaliyug ke prabhav me aisa nahi hona chahiye.

….hum tumhare baat mane ki shashtr ki?

..aisa karoge to dekh lena?..

 maharaj kya karata hun dekkh lena..kya kuprachar chala… satsangi aana cum ho gaye…

jaise  kabir ji ke satsangi ke cum ho gaye aise cum ho gaye..

 

 

kaliyug aaya bole dekho ..bramhan bole , ab to ekant mil gaya..

kaliyug bole, “koyi asar nahi hoti?”

” asar nahi raag nahi dwesh nahi un ke liye har haal me mast!”

kaliyug bola, “suprachar bhi  kar sakate..aap logo ke 4 guna public laa sakata hun..asar nahi hota aatma ko nahi janata un ko asar hota… sharir ko mai nahi manate, abadal aatma ko janate wo trupt swa trupto bhavati…swa tariti lokan tariti…!

 

….satvikta ke kan aaye… ab mai is ka kuchh suprachar karata hun…kaliyug budhe kodi ka rup lekar pahuncha…kaherata hua

kodi bola phalana maharaj kaha hai?…jaan bujh ke bazaar se bhatakate huye bole ki , bhagavan ne swapna diya ..maharaj ke karkamalo se pani chhitak denge to mai thik ho jaunga!… bhagavan ne swapana diya hai.. chalo bhagavan ne sakshat kaha hai..kaliyug ne kodi ka rup lekar maharaj ko hathajodi ki ..maharaj bole , hum to pani chhat dete.. hey ishwar! sab ka mangal karo!..phir to ye baat gol gol chala gaya…. pahele se 4 guna satsangi aaye..jayjaykar bhi huyi..lekin us maharaj ke liye  kuprachar jayjaykar sab swapna hai ! ek paramatma chaityany apana hai..!

 

nich karm ke phal bhogana hi padega..aarop lagaao aadi ka phal to bhugatana hi padega..

 

maharaj ko kya phark padega…unche karm ke phal vo chahata nahi…

tasy tulana kin  jaayate..

 

..25 , 26,  27 (DEC.2009)surat ka program to hai hi..

 

..mayus hone ki jaruruat nahi, sab thik ho jayega..dudh  ka dudh aur pani ka pani ho jaye …

 

 

Ishwar ki priti ke liye , moksh prati ke liye , aatm santosh ke liye aatma ke swabhav ko jano..aatma ka swabhav hai sat, chit ,aanand …to apane sat swabhav ko,chetan swabhav ko , aanand swabahv ko jagane ke liye karm kare..lekin kisi par dosharopan kar ke .. kuchh na kuchh kar ke ..halla gulla karate to karm bandhan ban jata hai….

 

nich karmo ka sang chhod de aur sukh dukh  me sam rahete huye aacharan kar ke shubh karm karo aur ashubh se bacho..

 

sanchit karm, kriman karm aur prarabdh karm hote hai…

sanchit karm ke dher me se le aaye to ban gaya prarabdh karm…aur prarabdh karm se abhi jo  jee rahe vo kriman karm honge….. prarabdh karm se pahele se jaise hai wo chal raha hai lekin  phir bhatakana pade..aise karm naa karo ki phir 84 lakh nich yoniyo me bhatakana   pade…

 

Shriram ji ko vanwaas mil gaya..lakshman ji aur Nishad raj chauki kar rahe the..shriram ji kusha ki shaiyya par so rahe the.. shriramji  ka janak nandini se vivah huaa hai.. nishaad raj ko huaa ki haay!….raja janak aatmvetta…raja dashrath bhakti ras ke rasik aur  kaushalya ji gyan marg ki unchayiwali…aise nar ratn shriram ji ko vanwaas…are Kaikeyi tune kya kaher kar diya!…Nishadraj kaikeyi ko kosane lage… Lakshman ji ko kaha prabhuji ke sukh ke dino me aisa kushaasan pe so rahe..jhopadi me rah rahe..bade bhav-vibhor ho gaye..to lakshman ne Nishaadraj ko kaha ki, ‘aap  kaikeyi mata ko nahi koso…ye to sab karmo ki leela hai sansar ki..utaar – chadhav sab hote rahete hai.. is me bhi niyati hai..kisi ki bhalayi chhupi hai’

… tulasidas ji kahete hai :

karmpradhan vishw kari rakha l

jo jas karahi taisa phal chakha ll

..koyi aisa nahi soche ki is ne mujhe dukh diya..ye to niyati ka khel hota hai..

to Nishad raj ka man heela..bole , ‘to kya prabhuji ka karm ka phal prabhuji bhog rahe ? Ram ji ka aisa koyi aada karm hai ki

 

ye vanwaas milana..kusha pe shayan kar rahe..to Ram ji ke koyi aise karm hai kya ki jo ram ji dukh paa rahe..’

 

budhdiman Lakshman ne kaha ki , ‘ram ji dukh nahi paa rahe.. Ram ji apane “swa” swabhav me hai aur samaaj ko ye sandesh de

rahe ki kaisi bhi unchayi nichaayi aaye ve baahar raheti hai..sthul sharir tuk..sukshm sharir tuk..karan sharir tuk..aap ka atma nirlep hai..swa swabhav me yog nidra me shant rahe ..Ram ji ka darshan kar ke Nishad raj tum ko aanand aata hai ki nahi aata hai?..to ram ji nahi sochate ki mai pareshan hun..ye to aap soch rahe aur dukhi ho rahe..’

 

koyi bole, bapu ki laali badh gayi hai..

 

lali mere laal ki jit dekhu ut laal

lali dekhan mai gayi mai bhi ho gayi khush haal !

vaastav me ye bhagavat laali hai !! bhagavat gyan me prasann rahena chahiye..

..aawesh me aakar,  bhav me aakar koyi utavala kadam nahi uthaye..vichar kare..

 

dhiraj,  dharam , mitr arunari

aapatkali par khincha hari

 

aapatti ke samay dhiraj aur dharam ye mitr hai..ramayan me kaha hai ki , ‘ hey taat nark ka waas de dena lekin dusht sang naa de vidhata!’

..aise logo ka sang naa de jo vishayi hai..jo aarop prati-aarop karate rahete..

aise logo ke sang se saty , sajjanata , sachchayi , pavitrata aadi dab jati hai ..jhuth kapat kar ke manushya apana bhavishya narak-may bana deta hai..is se bachane ke liye ramayan kar ne kaha,

baru bhal narak sang kar tata l

dusht sang dehi naa vidhata..ll

 

 

narak ka waas mile to karm ka phal katega..lekin dusht ka sang milane se nich karm banenge …isliye bhagavan humhe narak ka

waas de dena lekin durjan ka sang naa dena..

 

Kabir ji ne kaha,

‘durjan ki karuna buri

bhalo saai ko tras !’

..mata , pita , santjan, gurujan humhare heeteshi hai to ve humhe  daante maare tab bhi us me humhara mangal chhupa hai …durjan

humhe aish aaram karane ki chij de ,sharab kabab ki taraf le jata hai aur koyi sajish ka hissedar banaakar paise deta hai, lekin vo sub aage chal ke humhare liye bahot bahot dukhdaayi hoga..(isliye durjan ke sang se bacho)

 

to nitya utsav tesham

niya nityam ch mangalam..

un ke jeevan me nitya utsav hai nitya mangal hai jin ke hruday me nitya navin ras hai..sarv mangalaay tanno hari!

un ke jeevan me nitya navin ras hai..nitya aanand hai jin ke hruday me mangalaay tano hari hai..!

 

om namo bhagavate vasudevay..

vashudevay priti devay…

bhakti devaay..madhury devaay..

om namo bhagavate vashudevaay..

 

jab hi naam hruday dharyo

bhayo paap ko naash

 

narad ji ne bramhdev ko prarthana ki …

 manda sumand matayaa

mand bhagya  upadrataa

 mand matiyo aur mand bhagy ke log padhate to becharo ko kaam dhanda nahi milata…nokari nahi  milati hai …nokari milati to

shadi nahi hoti kyo ki chhokari nahi milati.. chhokari milati shadi hoti to chhokare nahi hote , bachhe nahi honge..chhokare hote to kharcha pura nahi hota..kaliyug ke logo ke sath ye mano janm jaat aa gayi hai.. sabhi dukhi hai bechare..

koyi bramhgyani hai us ki baat chhodkar baki sab dukhi…

bramhgyani ki baat alag hai …

 pura prabhu aaradhiye pura prabhu ka gyan

…nanak pura payiye pure ke gun gaan!

 jis ne pure gyan ko paa liya us ki baat chhodkar baaki to dukhi hi dukhi hai…aphasar dukhi ..neta dukhi…

 

 

ashram ke bachhe ko dekhoge to sir jhuk jayega..kuprachar kar ke jitana hauva phailaya jata hai aisa kuchh nahi hai …

 

narad ji ne un ko mand mati kaha hai.. manda sumand matayaa..ek to mand mati hai..upar se  mand bhagy hai paramatm tatv ko pana aisi budhdi nahi un ke paas..mand bhagy hai to bhi koyi baat nahi kisi ki daya ho jaaye lekin updravi hai..samaj ke liye updrav phailaate ..(aise kaliyug ke prabhavo se bachane ke liye Narad ji ne prarthana ki bramhaji se)..bramhaji sawadhan hokar bole ,

 

‘Vats!kaliyug ke dosho ko haranewala upaay mila hai !’….kaliyug ke dosho se tarane ki kunji di bramhaji  ne..ye kalitarano upnishad ke aadhar se mai tum ko bataa raha hun..kirtan kare bhagvaan naam ka..

“hare rama hare rama ram ram hare hare..

hare krushn hare krishn krushn krishn hare hare “

…is ke jap ki koyi vidhi nahi… chalate phirate jaha taha hari ka naam le..

 

44 saal se hum satsang karate lakho logo ko phayade huye hai..karodo logo ko divy anubhav huye hai..to

 kaliyug kewal hari gun gaha l

gaavat nar paavahi bhav thaha ll

 

bhagavan ko ek tuk dekhate jaao,  hari om ka uchcharan karo adha ghanta bas.. ..(6 minute) uchcharan karo ” hari om ” ..phir (6minute) kanth se..phir  (6 minute) hruday se..phir shant ho jaao…jap ke samay arthing naa mile, kyoki jap ke samay saatvik urja banegi..nich karmo ka tyag kare ..baasi khana nahi khaye….sansari bhog, maithun , ninda chugali ye sub chhod de..jaldi phayada hoga..35-30 din me hi is ka result dekhane ko milega..

 

Narayan narayan narayan narayan..

 

 

Advertisements
Explore posts in the same categories: Uncategorized

One Comment on “Sadgurudevji Bhagavan ki Jay ho!!!!!”

  1. Amol Gupta Says:

    hari om, pujya bapu ji ke charno me mera koti koti pranam…..mujhe yeha website bahut acchi lagi…….he satguru hum sabhi ka kalyan karo…..hum aapki saran me hain……


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: